تخيل حضرتك مدير قناة فضائية !!

[أشرف السيد]

السلام عليكم

تخيل حضرتك كدا

صحيت الصبح مش صحيت بالليل اصل في بتنام بالنهار وبتصحي بالليل

المهم صحيت لقيت نفسك مدير محظة فضائية خاصة ولك كل الاختيار في البرامج وليس هناك من يعارضك ابدا في اختيار برامج المحظة ولا في سياسة عامة بتحكم القناة ولا حكومة بتقول لك ده عيب وده غلط .

حضرتك هتبث ايه

برامج دينية ولا افلام ولا اغاني ولا مسلسلات ومسابقات وكورة وحفلات واطفال وبرامج توك شو

هتعمل ايه

ولو برامج دينية هتجيب مين وهتنظمها ازاي

ولا هتخليها قناة اغاني وافلام علشان تكسب فلوس اعلانات

ولا برامج تعليمية وتقفلها بعد ساعة

ولا ايه نظامك

بكل صراحة تخيل واحكي لنا سيادة المدير

[شريف]

هجمع كل واحد هنا في بوابة التعليم
و اعمل لكل واحد برنامج يبدع فيه في القناة
في كل المجالات
و هدي كل واحد مرتب لا يقل عن 100 جنيه في السنة
ياللا ان شا الله ما حد حوش

و هتبقا قناة معارضة من أجل المعارضة
و اللي هيخاف هقلل له المرتب
ههههههههههههههههه
قناة هيطلع منها جيل جديد
هيبهدل الدنيا
:006et4:

[دعاء شديد]

[quote=أشرف السيد;76338]السلام عليكم

تخيل حضرتك كدا

صحيت الصبح مش صحيت بالليل اصل في بتنام بالنهار وبتصحي بالليل

وفى ناس لا بتنام بالنهار ولا بالليل...عادى على فكره

المهم صحيت لقيت نفسك مدير محظة فضائية خاصة ولك كل الاختيار في البرامج وليس هناك من يعارضك ابدا في اختيار برامج المحظة ولا في سياسة عامة بتحكم القناة ولا حكومة بتقول لك ده عيب وده غلط .

شوف انا ضد اى حاجة مطلقه ... يعنى ولا الحرية المطلقه مطلوبه ولا القيود غير المبررة مطلوبة "دى جملة اعتراضيه"
انما فى اطار التخيل ... اتخيل وماله هو انا صغيرة

حضرتك هتبث ايه

برامج دينية ولا افلام ولا اغاني ولا مسلسلات ومسابقات وكورة وحفلات واطفال وبرامج توك شو

هتعمل ايه

ولو برامج دينية هتجيب مين وهتنظمها ازاي

ولا هتخليها قناة اغاني وافلام علشان تكسب فلوس اعلانات

ولا برامج تعليمية وتقفلها بعد ساعة

ولا ايه نظامك

اقولك ايه النظام:
هتكون قناه يبث بها مزيج من كل ما سبق لكن بشروط :
* لا تكن قناة اسفاف وكسب مادى فقط.
* لا تكن قناة متشددة تنفر الناس.
* كل حاجة هتعرض هيكون لها هدف.
* العمل 12 ساعة والاعادة 12 ساعة
"مش 6 ساعات والاعادة ثلاث مرات" حاجة ملل والله
* هيعين جهاز رقابى داخلى
"اه ارقابه هتكون داخليه ... اذا مكناش نقدر ننجح ونراقب انفسنا
لن ينجح احد فى مراقبتنا"

نبدأ فى وضع خطة البرامج:
بالنسبة للبرامج الدينية:
بصراحة وبما انى المدير وهكون فى الجزئية دى يكتاتورية جداااااااااااا
هرجع لكل برامج الشيخ الشعرواى وبس اى برامج
والتلاوات القرءانيه بصوت الشيوخ القدامى

بالنسبه للمواد الدرامية من افلام ومسلسلات ستخضع
لما يطلق عليه "العلاج بالدراما" ... مصطلح جديد اصل
فى منهج علاجى اسمه "العلاج بالقراءة" تعاملت معه
بس انا بشوف ان العلاج بالدراما اقوى واسرع
يعنى كل مسلسل او فيلم هيعالج مرض اجتماعى
بمعنى ان اى عمل درامى هيكون مرايا للمجتمع
من حيث عرض الامراض الاجتماعية وحلولها

حان وقت البرامج الترفيهية
هنعرض مواد ترفيهية متنوعه توك شو بس
مش لنقد الشخصيات انما لنقد الاحداث والسلوكيات
المستجدة "المستورده يعنى"
واغانى بس ملتزمة لا تعتمد على اى عرى او اما شابه ذلك
"اصل كل ممنوع مرغوب" وكمان اعرض كل حاجة اترك الاختيار للناس

البرامج التعليمية هتكون على مستويين
برامج لعرض المواد التعليمية
وبرامج لنقد الاحوال التعليمية

البرامج الثقافية هتكون على مستويين
مش برامج تعرض نفسنا "اقصد تعرض ثقافتنا"
برامج لعرض الثقافات الأخر لكن بعين ناقده
نسلط الضوء على ما بتلك الثقافات من ايجابيات
وننتقد ما بها من سلبيات ...

بكل صراحة تخيل واحكي لنا سيادة المدير

بما ان الخيال ببلاش ... انا تخيلت براحتى
بس

[ميس صافيا]

والله انا باتمنى فعلا يكون عندى امكانية انشاء محطه فضائيه
والى ان يتحقق هذا الامل ما فيش مانع نتخيل شويه مع الاستاذ اشرف

المحطه دى هدفها الاساسى هو تقويم الناس دينيا واخلاقياو معنويا ونفسيا واجتماعيا وحياتيا بصفه عامه
بداية البث هاتكون قراءه جزء كامل من القران مجودا ومرتلا بصوت الشيخ الحصرى عليه رحمة الله
وبعدين هايكون فيها برامج للدعوه وسيشرف عليها الشيخ محمد حسان جزاه الله عنا وعن الامه الاسلاميه خيرا كثيرا
وبرامج اخرى للثقافه الاسلاميه بصفه عامه كالتاريخ الاسلامى والغزوات والفتوحات واعلام المسلمين وعصر الخلافه
والصحابه والتابعين والسلف والتفاصيل الكامله لحياتهم وصحبتهم باشرف المرسلين
وبرامج اخرى لدراسه كامله فى الاحاديث النبويه شرحها وبيان مدى صحتها
وبرامج لتحفيظ وتعليم القران الكريم وبيان احكام التجويد

دا بالنسبه للتقويم الاسلامى والاخلاقى لما للبرامج الدعويه من تاثير شديد على اخلاق الانسان ويدخل ضمنهم التقويم النفسى والمعنوى لانه والله لو التزم المسلمون ستختفى مهنة واقسام الطب النفسى

اما اجتماعيا فسيكون هناك برامج تفيد الاسره بصفه عامه برامج لتسلية الطفل واعداده وبرامج تخص النساء من تعليم فنون الطبخ والديكور وتربية الابناء وغيرها من البرامج التى تفيد المراه بصفه عامه

وممنوع منعا باتا الاغانى والمسلسات والافلام والاعلانات
لانه ما فيش حاجه اسمها مسلسلات هادفه ولا اغانى محترمه

دعواتكم لانشاء هذه المحطه

[أشرف السيد]

اهلا بكم

تخيلات جميلة بجد

بس مش كلها يعني انا مش مع محطة فيها اغاني وافلام ومسلسلات

[دعاء شديد]

اهلا بكم

تخيلات جميلة بجد

بس مش كلها يعني انا مش مع محطة فيها اغاني وافلام ومسلسلات

والله الخيال محددش ايه يكون فى المحطة وايه ميكونش

بالاضافه لان انا من يديرها ... ومن يقرر ما تعرضه

ولا حق للاعتراض على خيالى .... لانه خيالى وملكى ومش موضع نقد او اعتراض

كل واحد له حق التعبير عن خياله كمان يحلو له

كمان الخيال هتعترضوا عليه ... طيب يفرق ايه عن الواقع!!!!!!!!!!!!!!
:bosyht9:

[أشرف السيد]

والله الخيال محددش ايه يكون فى المحطة وايه ميكونش

بالاضافه لان انا من يديرها ... ومن يقرر ما تعرضه

ولا حق للاعتراض على خيالى .... لانه خيالى وملكى ومش موضع نقد او اعتراض

كل واحد له حق التعبير عن خياله كمان يحلو له

كمان الخيال هتعترضوا عليه ... طيب يفرق ايه عن الواقع!!!!!!!!!!!!!!

:bosyht9:

اتخيلي براحتك خاااااااااالص

صحيح ايه الفرق بين التخيل والواقع

[wala]

فكرة موضوع التخيل ده حلوة قوى وكمان الافكار اللى اتعرضت كلها حلوة

بس انا شايفة ان اهم برامج القناة عندى هتكون برامج تعليمية بشكل كبير جدا لان هو دى الاساس واللى هيبنى اجيال

وهى تعليمية بمعنى انها هتقوم بتعليم كل العلوم و الفنون زى العلوم الانسانية ( الانثروبولوجى ) ومباحث الفلسفة والعلوم بمختلف المجالات والعلوم الطبيعية

وكمان الفنون المختلفة التطبيقية والجميلة زى تعليم فن الزخرفة والزجاج والخزف

ومهم جدا برامج لتعليم التصوير بكافة انواعه ومجالاته الجدارية والفوتوغرافيا والفيديو والسينمائية

ومهم جدا يكون فى برامج بتعلم الحرف المختلفة والاشغال اليدوية ربما تساهم بكده فى حل مشكلة البطالة

كمان مهم قوى يكون فى برامج تنمى المواهب والمهارات للشباب والاطفال

ومن البرامج المهمة جدا يكون عندى برامج مختلفة للتنمية الثقافية بها صالونات ادبية وفنية راقية

وكفاية بقى لان القناة هتبقى زحمة قوى كده

[دعاء شديد]

فكرة موضوع التخيل ده حلوة قوى وكمان الافكار اللى اتعرضت كلها حلوة

بس انا شايفة ان اهم برامج القناة عندى هتكون برامج تعليمية بشكل كبير جدا لان هو دى الاساس واللى هيبنى اجيال

وهى تعليمية بمعنى انها هتقوم بتعليم كل العلوم و الفنون زى العلوم الانسانية ( الانثروبولوجى ) ومباحث الفلسفة والعلوم بمختلف المجالات والعلوم الطبيعية

وكمان الفنون المختلفة التطبيقية والجميلة زى تعليم فن الزخرفة والزجاج والخزف

ومهم جدا برامج لتعليم التصوير بكافة انواعه ومجالاته الجدارية والفوتوغرافيا والفيديو والسينمائية

ومهم جدا يكون فى برامج بتعلم الحرف المختلفة والاشغال اليدوية ربما تساهم بكده فى حل مشكلة البطالة

كمان مهم قوى يكون فى برامج تنمى المواهب والمهارات للشباب والاطفال

ومن البرامج المهمة جدا يكون عندى برامج مختلفة للتنمية الثقافية بها صالونات ادبية وفنية راقية

وكفاية بقى لان القناة هتبقى زحمة قوى كده

:friendsxs3:

بينى وبينك

مش ملاحظة انها قلبت قناة فولكلورية

بس فعلا خيال جديد ... دكتورة دكتورة

[امل لاشين]

هتكون قناه للحياه ومن الحياه برامجها

مختلفه من غير اي رتوش....
او مقص رقابي

برامج دينيه.. بتربط الدين بالحياه وان الاسلام هو الحياه الحقيقيه

فيها برامج تعبر عن الاسره واهميتها

واهميه الاب والام وان في غيابهم استحاله ان حد يقوم بدورهم في الحياه...

واهميه ان احنا نراضيهم والجنه في طاعتهم.....

برامج عن الشباب..... وتوعيتهم بطريقه شبابيه وخاصه بيهم

برامج عن القلب ...وما يعانيه في الحياه

وده خاص بالقلب وبس كل واحد يقول اللي في قلبه حتي لو هيتعارض

مع الواقع اللي هو عايشه..

بس في الغالب القلب دايما بيكيف نفسه مع الواقع ....