جروب أحلى صحبة

[حبيبه المصريه]

السلام عليكم ورحمة الله وبركاته

شوفوا بقى الفكره دى لسه جيالى حالا

خير جماعى يعنى مبقاش لوحدى

وعشان كده

قلت لازم أدخل أعرضها

شوفوا بقى

إحنا عاوزين نستغل الايام المباركه دى

يعنى باقى رجب وشعبان اللى داخل علينا

وكمان رمضان المبارك

يعنى هنعمل ايه

هنعمل فريق وهنتفق كلنا على اننا فى اليوم

هنفذ مبدأيا 3 حاجات

أول حاجه :

الاستغفار يوميا كتير بأى عدد

بس مبدئيا مش أقل من 100

عملا بالآيه الكريمه

( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُمْ مِدْرَارًا (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا)

يعنى الاستغفار سبب مهم جداا للرزق

اى شىء محتاجاه من ربنا اكيد رزق

ثانى حاجه :

ركعتين قيام ليل يوميا

وقتها من بعد صلاة العشاء مباشرة

إلى طلوع الفجر

وأفضل وقت الثلث الاخير

يعنى تقريبا من الساعه واحده او إثنين

نصلى على الاقل ركعتين

وندعى كتيييييير بكل اللى عاوزينه

ونكون ملحيين فى الدعاء بخشوع

ونبكى لربنا كده ونتزلل له .

بس هنا مش هتدعى لنفسك وبس

هتدعى لنفسك وكل البنات اللى هتدخل

تشترك معانا فى الموضوع بالإسم

إن ربنا يحققلها ما دعت به

ولو حابين نبعت لبعض دعوه محدده

تدعيها كل واحده لصاحبتها بالاسم

مفيش مانع خاااالص

من باب دعاء المسلم لاخيه المسلم بظهر الغيب

مستجاب ما لم يدعو بسوء

لعل أحدنا يستجيب الله دعائه

فيعم الخير الجميع

ثالث حاجه :

صلاة الفجر يوميا فى ميعادها

وطبعا ندعى لبعض برضه فى الفجر بالاسم

عندى استعداد تبعتولى ارقامكم

وارن عليكم واحده واحده وقت صلاة الفجر

يعنى مش هيختلف كتيرعندنا توقيته

عن باقى الاقليم ممكن دقايق

لحد ما صاحبة الرقم تكنسل

يبقى أتأكد انها صحيت

ياريت نبتدى مع بعض مادام خير لينا كلنا

ياريت اللى هتشارك تدخل تقول انا معاكم

الموضوع هنسيبه الاحد والاثنين والثلاثاء

وان شاء الله نبدأ التطبيق كلنا من الاربعاء

وان لقيت عدم مرور للموضوع

ربما حد يكون مبيدخلش هنا

بعد اذن الاداره

هبعت رابط الموضوع فى رساله خاصه للبنات

عشان نشترك مع بعض فى الخير

وان شاء الله ما دام نيتنا الخير

هيعم علينا الخير كلنا

وان شاء الله نمر كلنا كل يوم

على الموضوع نذكر بعض

ونأكد إننا عملنا ده

متابعه يعنى

عشان محدش يكسل

منتظره آرائكم

[حبيبه المصريه]

برافوووووووووو عليكى يا أحلى دكتوره
تصدقى كنت هحطهم فعلا
يلا سبقتينى وخدتى الأجر
يارب دايما نتسابق فى الخير

[حبيبه المصريه]

سلام الله عليكم ورحمته وبركاته

انا جيت امسي علي الناس الحلوين
واقلهم دايما الي طاعة الله قريبين
ومن دعواتكم ياريت نبقي موجودين
وانا والله من ناحيتكم مش مقصرين

احلي مساء علي احلي جروب في الدنيا

وازيكم بقي

وعليكم السلام ورحمة الله وبركاته
منوره يا جميل
ويارب دايما منورانا فى أحلى صحبه

[حبيبه المصريه]

تذكير يا جماعه
بكره الخميس
يعنى أول يوم صيام للجروب بتاعنا
يارب محدش يكسل
و معلش استحملو شويه
عاوزين ناخد أجر صيام يوم فى سبيل الله

عَنْ أَبِي سَعِيدٍ الْخُدْرِيِّ رضي الله عنه قَالَ : قَالَ رَسُولُ اللَّهِ صلى الله عليه وسلم :
مَنْ صَامَ يَوْماً فِي سَبِيلِ اللَّهِ بَعَّدَ اللَّهُ وَجْهَهُ عَنْ النَّارِ سَبْعِينَ خَرِيفًا .

وان كان مفسرين فسروه بغير صيام التطوع
لكن نأمل من الله أن يجعلنا منهم

وإن شاء الله بكره بعد العشاء
أدخل أضيفلكم معلومه دينيه
تفيدنا ويبقى تطبيقنا الاول
للخطوتين المتغيرتين من بكره
وكمان مننساش تثبيت خمس خطوات يوميا

1- صلاة الفجر
2- الاستغفار
3-قيام الليل
4- أذكار الصباح والمساء
5- ورد يومى من القرآن حددى حسب قدرتك

ويارب يكتب لنا الأجر كلنا
ولايحرمنا فضله ونعمه وبركاته
دمتم بالخير دوما

[حبيبه المصريه]

يا جماعة الخير
يا أحلى صحبه فى الخير
ده فيديو هديه
ياريت نشوفه
مينفعش أحطه هنا
لأنه مكانه مش فى القسم ده
لكن ده رابط يحولنا ليه



أحلى صحبه من هنا

ويارب دايما أحلى صحبه فى الله
دمتم بحفظ الرحمن

[غادة عبدالسلام]

يارب دايما أحلى صحبه فى الله

[حبيبه المصريه]

يارب دايما أحلى صحبه فى الله

اللهم آآآآآآآآآمين
منوره دايما احلى صحبه

[حبيبه المصريه]

فينك يا أحلى دكتوره
يارب دايما بخير وسلام

ياريت منكونش كسلنا يا جماعة الخير

طمنونى بس عليكم وعلى شغلكم
أميره شكلها أول الكسلانين
ونهاد ياريت تطمنينا عليكى برضه
وكمان nm
منتظره بس مروركم وتأكيدكم
وتشجيعكم لباقى الجروب بإنجاز العمل
وعلى فكره دايما بدعيلكم
إياااااااااااااكم حد ينسانى من دعائه
تعرفوووووو مسمحاكم برضه
لكن مش عشان مسمحاكم
تكسلو برضه فى الدعاء لى
نسأل الله القبول لنا ولكم

وكمان مننساش تثبيت الخمس خطوات يوميا

1- صلاة الفجر
2- الاستغفار
3-قيام الليل
4- أذكار الصباح والمساء

5- ورد يومى من القرآن حددى حسب قدرتك


إن شاء الله أضيف معلومة يوم الخميس غدا
آسفه على تأخير نزولها
بسبب بعض الإنشغالات
إن شاء الله نفيدكم بها غدا
دمتم جميعا بحفظ الله

[Safaa.2011]

جزاكى الله كل خير ياريت انا كمان اكون معاكم

[حبيبه المصريه]

جزاكى الله كل خير ياريت انا كمان اكون معاكم

جزانا وإياكى أختى الغاليه
أكيد تشرفينا وتنورينا بإنضمامك
طيب ممكن تنفذى الـــ 5 خطوات المثبته معنا يوميا

لحين الاجتماع والزياده قريبا

[حبيبه المصريه]

سبق وأن أضفنا عن فضل الدعاء
سنضيف عن فضل قيام الليل

قيام الليل أفضل وأعظم الصلوات بعد الفريضه
هى شرف المؤمن

بل قد جاء فى بعض الأحاديث

أن النبى صلى الله عليه وسلم قال
أن قيام الليل نور للمؤمن يوم القيامه
( والذين يبيتون لربهم سجدا وقياما )
سورة الفرقان - آية 64


هم أهل الايمان ليلهم قيام ليلهم سجود
ما أجمل أن يختلى الانسان بربه
الناس أنواع
منهم من قام وتوضأ قام من فراشه وتركه
ثم قام يصلى فى جوف الليل

رَوَى أحْمَدُ وَأَبُو دَاودَ أَنَّ رَسُولَ اللهِ صلى الله عليه وسلم قالَ: رَحِمَ اللهُ رَجُلاً قَامَ مِنَ الليلِ فَصَلَّى ثُمَّ أَيْقَظَ امْرَأَتَهُ فَصَلَّتْ فَإِنْ أَبَتْ نَضَحَ في وَجْهِهاِ الْمَاءَ، رَحِمَ اللهُ امْرَأَةً قَامَتْ مِنَ الليلِ فَصَلْتَ وَأَيْقَظَتْ زَوْجَهَا فَصَلَّى فَإِنْ أَبى نَضَحَتْ في وَجْهِهِ الْمَاءَ". وَالنَّضْحُ هُوَ الرَّشُّ

لأجل أن تستيقظ لأجل أن تصلى معه

من أروع العبادات لان فيها نوع من الخلوه
أغلب القائمين مخلصيين
والقائم دليل على قوة ايمانه
ترك الفراش والنوم
فليس الامر فرضا لكى يقوم من النوم
يفعلها الصفوه من عباد الله

(كانوا قليلا من الليل ما يهجعون )
سورة الذاريات - آية 17

لقائم الليل فى الجنه غرفا
يرى ظاهرها من باطنها
وباطنها من ظاهرها
وقيام الليل هو دأب الصالحين قبلكم
وقربة إلى الله عزوجل ومنهاة عن الاثم
وتكفير للسيئات ومطردة للداء عن الجسد( صحيح )

قيام الليل
دعاء / تضرع / بكاء / خشوع

رجل نام من الصالحين فرأى فى نومه
كأنه فى أرض مظلمه ورأى فى تلك الارض المظلمه
قباب مثل اللألىء المضيئه
فسأل وهو يمشى فى الظلام ما تلك الخيام
فقيل له تلك خيام المتهجدين
فقام من نومه فصلى
وما ترك قيام الليل أبدا

( ومن الليل فتهجد به نافلة لك
عسى أن يبعثك ربك مقاما محمودا )
سورة الإسراء - آية 79

إنها صلاة ليس كغيرها من النوافل فضل
وأكرم لها من فضل

قيام الليل شرف المؤمن فى الدنيا

لما أراد الله عزوجل أن يهيىء نبيه محمد
صلى الله عليه وسلم
لعبىء الدعوه وثقلها
أمره أن يقوم الليل
ستعينه على الحمل
والعبىء الثقيل فأنزل الله

( يَا أَيُّهَا الْمُزَّمِّلُ (1) قُمِ اللَّيْلَ إِلا قَلِيلا (2) نِصْفَهُ أَوِ انْقُصْ مِنْهُ قَلِيلا (3) أَوْ زِدْ عَلَيْهِ وَرَتِّلِ الْقُرْآنَ تَرْتِيلا (4)

نظر إلى خديجه فقال لها مضى عهد النوم
مضى عهد النوم بدأ عهد الجهد والسهر لله
يدخل عليه بلال وقد غفر الله للنبى ما تقدم وما تأخر
فيراه يقوم الليل حتى تفطرت قدماه
يبكى بالليل حتى تبتل لحيته
ويبتل الارض تحته
يقول يا رسول الله تصنع وقد غفر الله
ما تقدم من ذنبك وما تأخر
قال أفلا أكون عبدا شكورا

يقول النبى فى فضل قيام الليل
عن جابر رضي الله عنه قال: سمعت النبي صلى الله عليه وسلم يقول: ((إن في الليل لساعة لا يوافقها رجل مسلم يسأل الله خيراً من أمر الدنيا والآخرة، إلا أعطاه إياه، وذلك كل ليلة)).
أخرجه مسلم
وفي الصحيحين والسنن وغيرهما عن أبي هريرة رضي الله عنه أن النبي صلى الله عليه وسلم قال :
{ ينزل ربنا تبارك وتعالى إلى السماء الدنيا حين يبقى ثلث الليل الآخر ، فيقول : من يدعوني فأستجيب له ، من يسألني فأعطيه ، من يستغفرني فأغفر له } . زاد ابن ماجه فيه : { حتى يطلع الفجر } فلذلك كانوا يحبون صلاة آخر الليل على أوله ، وفي رواية لمسلم : { أن الله عز وجل يمهل حتى إذا ذهب ثلث الليل الأول نزل إلى السماء الدنيا فيقول : هل من مستغفر ؟ هل من تائب ؟ هل من سائل ؟ هل من داع ؟ حتى ينفجر الفجر } .

قيل للحسن البصري رحمه الله :
ما بال المتهجدين بالليل
من أحسن الناس وجوها ؟
فقال لأنهم خلو بالرحمن
فألبسهم من نوره .

سمعتم بالغرف العجيبه الغريبه بالجنه
هناك غرف يصفها النبى يرى ظاهرها من باطنها
وباطنها من ظاهرها قالو لمن هى يا رسول الله
قال النبى صلى الله عليه وسلم
هى لمن أطعم الطعام وآلان الكلام
وصلى بالليل والناس نيام

ويبدأ قيام الليل بتدرج أقل القيام بــ10 آيات
قال صلى الله عليه وسلم
من قام بـــ10 آيات لم يكتب من الغافليين
ومن قام بـــ 100 آيه كتب من القانتين
ومن قام بــ 1000 آيه كتب من المقنطريين

من أراد الشرف من أراد النور
من أراد الاجر والخير كله
فلا يتركن قيام الليل
فهى أفضل صلاة بعد الفريضه


المعلومات المطروحه مقتبسه من كتيب
سهام الخير د / خالد ابو شادى
وتفريغ من محاضرة للدكتور نبيل العوضى
سنضيف رابطها لمن يود متابعتها

دمتم جميعا بحفظ الله

[حبيبه المصريه]

لا تنسو صيام غدا الأثنين
ضمن خطوة صيامنا الأثنين والخميس
ولا تنسو الجروب من صالح دعائكم

[دكتورة بعد ذلك]

السلام عليكم يا صحبة الخير كان فى مشكلة فى النت اليومين اللفاتوا دول بس الحمد لله الخطوات تمام
التمام وانا عندى كتب حلو قوى ان شاء الله هضيف لكم معلومات كويسة اوى

[نهاد فؤاد]

السلام عليكم ورحمة الله وبركاته

اهلا بيكم
يارب دايما تكونوا بخير

ومتنسوش تدعولى ياجماعه
ربنا يكرمكم ويوفقكم

ويارب على الخير دايما متجمعين

[zizoASPRO]

شكرااااااااااااا يسلموووووووووووووو

[zizoASPRO]

تقبلو مروري

[غادة عبدالسلام]

اللهم اعنا على صيام نهارك وقيام ليلك
اللهم تقبل دعائنا وصدقاتنا

[دكتورة بعد ذلك]

[QUOTE=غادة عبدالسلام;627591]اللهم اعنا على صيام نهارك وقيام ليلك اللهم تقبل دعائنا وصدقاتنا[/Q امين يا رب العالمين

[موناليزا]

كل سنه وانتم طيبين ياجماعه
خلاص العد التنازلي بدا لرمضان
وانهارده ليله النصف من شعبان
ربنا يتقبل ان شاءالله اعمالكم الصالحه
واوعوا حد يكون زعلان من حد
االحقوا صالحوا بعض

[Nm100]

السلام عليكم يا أحلى صحبةفي الله
موناليزا عندها حق عايزين نتفق على خطوات لشهر رمضان
ونفسي نقاطع كل المسلسلات والكلام الفاضي ويبقى رمضان كما يجب ان يكون

[حبيبه المصريه]

السلام عليكم يا صحبة الخير كان فى مشكلة فى النت اليومين اللفاتوا دول بس الحمد لله الخطوات تمام
التمام وانا عندى كتب حلو قوى ان شاء الله هضيف لكم معلومات كويسة اوى

وعليكم السلام ورحمة الله وبركاته
منوره يا أحلى دكتوره
بررررافو عليكى على تنفيذك للخطوات الــــ 5
واستمرارك ربنا يثبتك يارب
جميل ياغاليه كل خميس
نضيف معلومات دينيه موثوقه
ممكن تتفضلى تضيفى الخميس القادم
دمتى بحفظ الرحمن