بلد بتاعة شهادات صحيح

[حازم دهب]

ياريت البلد كانت بتاعة شهادات زى ماسمعنا فى المسرحيه لكن للاسف حاسس كده ان المتعاقدين دول لو كانو مش مؤهلات عليا كان ممكن معاملاتهم تبقى احسن كتير ماعلينا
ايه رايكم الناظر بيقوللى امسك جدول اولى لما رفضت قاللى انت يابنى متعاقد يعنى ممكن نستغنى عنك م الصبح وتقعد فى بيتكم انت تقول حاضر وطيب وبس طبعا وبعد ماكنت محبط بسبب قصة التثبيت شوفو بقى بعد الكلام ده قدام كل الهيئه ابقى عامل ايه دلوقتى

[miss2006]

يعنى هو مفيش غيرك انت اللى متعاقد فى المدرسة
وبعدان هو مش من حقة يقول الكلام دة ولا يكنش فاكر نفسة وزير دة حتى الوزير مش من حقة برفد موظف من غير سبب
ربنا يرحمنا ونتثبت بقى بس بجد احنا اللى ساكتين على حقوقنا

[moha_4moha]

شوف ياباشا الناظر بتاعكم ده اكيد انت اللى عطيته الفرصة
ثانيا : انت مش شغال عنده
ثالثا : حاول تكون صاحب شخصية وقرار
رابعا : متخفش غير من الله لان الارزاق
خماسا: مش من السهل زي ما الناس مفتكرة انه يستغنوا عنك لا قدر الله وحصل انت ممكن تخرب بيتهم
وفي النهاية مقدرش اقولك غير متخفش من حد ولا تهاب الا الله

[mr.hisham]

ربنا على الظلمة اللى كتروا اليومين دول

[مني احمد علي]

في الواقع المدرس المساعد في اي مكان محدش بيبلعوا هل لانه اتعيين واتوزع من الادارة وطبعا قبل نظام التعاقد كان كل مدير مشغل اقاربه واهله بأي مؤهل وبأي جدول بالحصة ولماعملوا التعاقد استغنوا عن اقارب المدير لانهم من كليات غير تربويه وجت متعاقديين مش من اقاربهم وده الي جعلهم يكرهوا المدرس المساعد وعايزين يكرهوه في العمل

[mhegazi]

شوف ياباشا الناظر بتاعكم ده اكيد انت اللى عطيته الفرصة
ثانيا : انت مش شغال عنده
ثالثا : حاول تكون صاحب شخصية وقرار
رابعا : متخفش غير من الله لان الارزاق
خماسا: مش من السهل زي ما الناس مفتكرة انه يستغنوا عنك لا قدر الله وحصل انت ممكن تخرب بيتهم
وفي النهاية مقدرش اقولك غير متخفش من حد ولا تهاب الا الله

هو ده الكلام الصح
ما حدش من القدام له عندنا حاجة

[asmaamatter]

ياالله ياذا الجلال والاكرام
برحمتك أستغيث .. أصلح لي شأني كله
إنك على كل شئ قدير

[محمد مصطفى محمد سيد]

ربنا يصلح الحال ياجماعة

[عماد عبد الحميد]

رمضان كريييييييييييييييييييييييييييييييييييم

[محمدجيرال]

ربنا معانا انشاء الله نتعين وهنجتهد فى شغلنا لأننا عندنا ضمير مش ذى كتير منهم

[mo1112]

حسبنا الله ونعم الوكيل

[دينا احمد]

على فكرة انت مكن تشتكيه ومحدش هيقدر يقولك حاجة ازاى تاخد فصول اولى طب ومدرسين الفصول اللى عندكم راحوا فين على فكرة فى نشرة وصلت اغلب المدارس بتقول ان مدرسين الفصول اللى كملوا واخدوا كليات هينزلوا مدرسين فصول تانى ازاى يعنى هيخليك وانت بمؤهل عالى تنزل فصول صغيرة

[ايمان ابو الفتوح]

دافع عن حقك ومتخفش لا ناظر ولا مدير لا وزير يقدر يفسخ عقدك طالما انت شغال كويس
متسبش حقك زيك زى اى حد فى المدرسه وليك كمان نفس الحقوق
انا لو منك موافقش وزى ما تيجى تيجى ربنا معاك وحسبى الله ونعم الكيل

[mr.hisham]

حسبى الله ونعم الوكيل

[عادل المداح]

الله معك
لكن أحب أن أقول كلمة فى حق الاخوة القدامى هم من قاموا بمسؤلية التعليم قبل ذلك و مازالوا
كما أنه ليس كل الاصابع مثل بعضها
ملحوظة : ارى انها فرصة لان كل ( غالبية ) السفر لخلرج مدرس فصل
و اثبت جدارتى بانى شغال فى اى مكان ..............

[ايمان ابو الفتوح]

انا عايزة اقولك حاجه استاذ حازم انا النهارده اتخانقت معاهم خناقه كبيرة بسبب الجدول برده فارض عليا سنه معينه ليه؟ عشان بنته مش عايزاها حاولت اكلمه بالذوق لانه فى سن والدى الله يرحمه بس للاسف
اتخانقت معاه وسبته ومشيت بيقولى انا فى استطاعتى اكتب فيكى مذكرة وانقلك من هنا قلتله ياريت على الاقل ميكونش فيه حرقه الدم دى يعنى كلنا حالنا من بعضه

[mr.hisham]

أنا لسه متخانق مع المدير إمبارح بسبب الجدول برضو

[moha_4moha]

والله ياجماعة احنا فعلا تربويين ومدرسين المفروض نكون قدورة لكن الناس بتضطرنا أن الواحد يخرج عن شعورة لدرجة أنى في مرة كنت هضرب المدير لاني فعلا انسان مش سوي وكنت على حق والناس وقفت معايا الا الحاشية بتعته وكتب مذكرة وفي الآخر اخذ 3 أيام خصم
وانا واخد حقى فالمدرسة ومحدش يقدر يعمل معايا حاجة وباخد حقى اكتر من الاساسي لاني من أول مرة وقفت ليهم وكل اللى بيقدورا يعموله يأخروا المرتب وبطريقتى بقدر اضبط الاداري ويعملها بدري
فالواحد منا لا يخاف الا الله ويعرف اللى ليه واللى عليه وميخفش بس يعرف حقوقه وواجباته