عندما نشجع الفيوم ضد الزمالك

[أشرف السيد]

السلام عليكم

موضوع جديد من سلسلة (عندما )

طبعا كأس مرة هيبدأ غدا الجمعة

ويعتبر من اهم البطولات الحالية في مصر

لان الزمالك مختلف هذا العام واعلن التحدي امام الاهلي للفوز بالكأس

وكمان الاهلي بيحاول يثبت انه يكون الافضل ويأكد انه يستحق الدوري ويستحق ابطال افريقيا بأذن الله

وانا من الفيوم

والزمالك هيلعب أول ماتش له في كأس مصر في الفيوم يوم السبت الساعة 4 مساءا

فأنا اهلاوي بالتأكيد

وهشجع الفيوم ضد الزمالك حتى ولو الفيوم كان هيقابل الاهلي

فهل هي عملية انتماء للفريق ام انتهاء للبلد

يعني حضرتك زملكاوي والزمالك هيعلب مع فريق بلدك

هل تشجع بلدك ام تشجع فريقك

هل هو الانتماء للبلد ام الفريق

عندما نشجع فريق البلد ضد فريق المفضل

وهل هذا صحيح ام خطأ ان تشجع فريق بلدك ضد فريقك المفضل

ام ستسمر في تشجيع فريقك المفضل ضد فريق بلدك

ونلتقي قريبا في موضوع جديد من سلسلة عندما

[خالد سعد]

على راى الاستاذ اشرف السيد
الله المستعان
والفيوم يغلب الزمالك
الانتماء للوطن الاول
بلدى ثم فريقى
ادم الله عليك نعمه الهدى
طرح مميز الانتماء لمن اولا

[مستر محمد يوسف]

والله يامستر
حضرتك بتقول انك من الفيوم واهلاوى
يعنى الفيوم لو بتلاعب الاهلى هتشجع مين

اما عن نفسى
هقول حاجه واحده بس
لو الدنيا احمرت
برضه زملكاوى

[ميس صافيا]

بصراحه مش قادره احكم يمكن عشان لا اهلاويه ولا زملكاويه
بس يمكن برضه الحكايه دى تتوقف على مدى التعصب للاهلى او الزمالك

[عزة المصرى78]

الحمد لله لا أهلاوية ولا زملكاوية ولا خلافه

ولكن وطنية أحب جدا الفريق القومى وأسانده قلبا وروحا عند نزوله لأى ملعب


مع تمنياتنا بمستوى راق لفرقنا الكروية

[أشرف السيد]

هدف الموضوع الانتماء في حالات زي كدا بيكون لمين

[أشرف السيد]

وعايز اعرف رأي استاذ عبدالحميد ( ابو حبيبة )

هيشجع الفيوم

ولا الزمالك

[دعاء نجم]

على فكرة أنا مليش في الكورة عشان كدة مش قادرة أفهم الموضوع
بس اللي أقدرأقوله إني عايزة أسأل سؤال :
هو فريق الفيوم ده ينتمي لأي بلد؟
وفريق الزمالك ينتمي لأي بلد؟
اللي عايزة أوصله إن من الأفضل تشجع فريقك مادام البطولة محلية
بس لازم يكون عندك روح رياضية تجاه الفريق الآخر
ومتنساش
الرياضة ممارسة لا مشاهدة
شكرا على الموضوع المتميز

[أشرف السيد]

على فكرة أنا مليش في الكورة عشان كدة مش قادرة أفهم الموضوع
بس اللي أقدرأقوله إني عايزة أسأل سؤال :
هو فريق الفيوم ده ينتمي لأي بلد؟
وفريق الزمالك ينتمي لأي بلد؟
اللي عايزة أوصله إن من الأفضل تشجع فريقك مادام البطولة محلية
بس لازم يكون عندك روح رياضية تجاه الفريق الآخر
ومتنساش
الرياضة ممارسة لا مشاهدة
شكرا على الموضوع المتميز

فريق الفيوم تبع محافظة الفيوم ( حكومة )

فريق الزمالك ( الحكومة الكبيرة ) هههههههههه

انما السؤال هل تستطيع تشجيع فريقك المفضل ضد فريقك بلدك (محافظتك )

يعني لو انت اهلاوية والاهلي بيلعب مع فريق بلدكم (محافظتك) هتشجعي بلدك ولا الاهلي

[عزة المصرى78]

فريق الفيوم تبع محافظة الفيوم ( حكومة )

فريق الزمالك ( الحكومة الكبيرة ) هههههههههه

انما السؤال هل تستطيع تشجيع فريقك المفضل ضد فريقك بلدك (محافظتك )

يعني لو انت اهلاوية والاهلي بيلعب مع فريق بلدكم (محافظتك) هتشجعي بلدك ولا الاهلي

إذن القضية أ / أشرف لمن الانتماء

فكلا منا وضح انتمائه

وبما أن الفريقين أبناء عائلة واحدة ووطن واحد

وأنا من رأيى " أنا وأخوى على بن عمى وأنا وبن عمى على ........................" هههههههههههه

[أشرف السيد]

وأنا من رأيى " أنا وأخوى على بن عمى وأنا وبن عمى على ........................" هههههههههههه

كدا حضلرتك جبتي من الاخر والصح

[دعاء نجم]

فريق الفيوم تبع محافظة الفيوم ( حكومة )

فريق الزمالك ( الحكومة الكبيرة ) هههههههههه

انما السؤال هل تستطيع تشجيع فريقك المفضل ضد فريقك بلدك (محافظتك )

يعني لو انت اهلاوية والاهلي بيلعب مع فريق بلدكم (محافظتك) هتشجعي بلدك ولا الاهلي

لأ ياعم طالما الموضوع فيه حكومة كبيرة يبقى نشجع الحكومة الكبيرة الواحد مش ناقص
ههههههههههههه
لأ بجد الانتماء لفريق بلدي أولى وعلى رأي الأستاذةaz-za أنا واخويا على ابن عمي مع انه هيصعب علية

[mr.osama]

قنابل مسيلة للدموع لفض اشتباكات جمهور الزمالك والفيوم

اشتبكت جماهير فريق الفيوم مستضيف الزمالك في دور الـ32 في كأس مصر مع الجماهير البيضاء التي بدأت في التوافد على ملعب المباراة التي أقيمت في الخامسة عصر اليوم السبت.

وقعت اشتباكات بين جماهير الجانبين فور وصول حافلة رابطة مشجعي الزمالك لملعب المباراة.

وتطور الأمر إلى اشتباكات بين الجهمورين وتراشق بالحجارة وتدخلت قوات الأمن لإنهاء الاشتباكات مستخدمة قنابل الغازات المسيلة للدموع.

حيث أن توافد الجمهور على الاستاد شهد حالة من غياب التنظيم مما منع بعض حاملي بطاقات حضور المباراة من دخول الملعب ودخول آخرين لا يحملون البطاقات.

وامتد الأمر إلى الصحفيين القادمين من خارج الفيوم لتغطية المباراة إذ منعهم مسؤولو الأستاد من دخوله بالبطاقات الصحفية إلى مقصورة الصحفيين.

وأكد مسؤولو الأستاد أن صحفيي الفيوم المسجلين لديهم مساء الجمعة وحدهم سيتم السماح لهم بدخول مقصورة الصحفيين.

واشتبك بعض أفراد الأمن مع الصحفيين مع غياب أفراد إدارة نادي الفيوم ومحاولات أشرف صبحي المشرف على إدارتي التسويق والعلاقات العامة حل الأمر عبر الهاتف.

[mr.osama]

تفاصيل المباراة وكل مباريات الكأس على الرابط التالي:

http://www.egyedu.com/vb/showthread.php?p=296149&posted=1#post296149