و الله حصلي موقف مرة بشع
لدرجة اني خلاص والله تأكدت تمام التأكد اني ميت ميت
طلعت برج مكونة من حوالي عشرين دور كده
في الاسانسير و كنت لوحدي
و في الدور اللي المفروض اقف عنده
افتح في الباب مافيش
اخبط و ارن الجرس
و لا حد هنا
و لا شوفت بواب و انا طالع
و لا سامع صوت بشر
و الباب مستحيل يتم فتحه بشكل يدوي
لان اتضح فيما بعد انه وقف بين دورين فمستحيل يفتح
اتشاهدت علي نفسي
و مر عليا شريط حياتي المنيل بنيلة كله
و نسيت اي حاجة حلوة عملتها في حياتي
و ما فتكرتش غير البلاوي السودا اللي انا عملتها
مر وقت مش قصير
و بصيت لسقف الاسانسير لانه كان يعتبر بالنسبة لي
السما
و توجهت الي ربنا عز و جل بالاستغفار و الشهادة والله
لحد ما سمعت صوت جرس
و لقيت الاسانسير بيطلع و ينزل بشكل عشوائي
كان هيغم عليا من اهتزازه بشكل عنيف
و فجأة لقيت نفسي في الدور الاول
كأن الاسانسير اترزع في الارض
و كان البواب في استقبالي
و بعد ما ربنا كرمني
روحت اكمل البلاوي السودا
ههههههههههه
الانسان ده ما بيتعظش ابدا
و نعم ربنا و الله لا تعد و لا تحصي
و رحمته و لطفه و حلمه لا يمكن وصفه
الحمد لله ان لينا رب كالله عز و جل
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة شريف
المفضلات