جروب أحلى صحبة

هيبقى حلو لو دمجنا اقتراح اميرة مع استاذة غادة ويبقىاختي المسلمهانضمي معنا فيجروب احلى صحبة في معية اللهبالنسبة لاذكار الصباح والمساء الحمد لله مواظبة عليهاوالصيام بحاول بصراحة مش مستمرة

شوفى يا نهاد
ان كل واحده تذكر بتعمل ايه
هيبقى صعب شويه
مبدأيا احنا كلنا متفقين على 3 خطوات

1- صلاة الفجر
2- الاستغفار
3- ركعتى قيام ليل

عاوزين نختار خطوتين اول تلاته
نزود بيهم الخطوات الثابته
كده استاذه غاده وافقت على الاذكار والصيام
انتى بقى ؟؟؟

اعتقد ان الكلمات الموجودة فى اللوجو جميله ولا تحتاج لتغييرجميل اوى نعرف امكانيات كل واحدة اللى نتعملها كل يوم عشان يكون فيه اضافه حقيقيهاقترحزيادة الورد اليومىقراءة كتاب اسبوعيا وكل واحدة تلخص لينا اهم النقاطاين نحن من معرفه الفقة والسنه؟؟؟

اللوجو زي ماتحبوابس اهم حاجه من وجهة نظري مع 3 خطواتالصيام والا ذكار وممكن ورد قران

موافقه طبعاالاذكار الصيامالورد اليومىاضافه معلومه اسبوعيا ويحدد اليوم وتكون معلومه عن فراءة متأنيه

طيب جميل
يبقى اللوجو يتغير بدمج كلمات اميره واستاذه غاده
ده اقتراح حلو برضه مادام فى ناس شجعت تغييره
بس هيتغير مش هيبقى اللوجو ده
لان اللوجو ده مش هيستحمل الا سطرين بس
يعنى هنشوف غيره
طيب ايه رايكم نزود بقى الاذكار
وصيام اثنين وخميس
وورد يومى من القرآن
ونثبتهم مع ال3 خطوات
اقتراحات نهاد حلوووووووووه اوى خصوصا
ننقل لبعض ما قراناه فى كتب الفقه والسنه
ممكن نحدد واحده كل اسبوع تدخل تقولنا معلومات قريتها
من كتب موثوقه وياريت يبقى معلومات عن موضوع واحد عشان نعرف نستفيد
يبقى نزود
خطوتين متنقلتين اللى هما

صيام اثنين وخميس
ونقطة قرايه كتب فقه سيره وتزويدنا بالمعلومات

ونقطتتين نثبتهم مع ال3 السابقيين

قرايه ورد يومى من القرآن
والالتزام باذكار الصباح والمساء
ايه رايكم فى ده

بجد بشكركم جميعا جدااااااا
وبشكر حماسكم وايجابيتكم للموضوع
متشكره اوى استاذه غاده انك منحتينا وقت من وقتك
وناقشتى معانا الاقتراحات
وشكرا ليكى اكيد نهاد وموناليزا وnm
ولعل المانع خير للى معرفش ينضم معانا من الجروب

جميل جدا على بركة الله اهم حاجه الجديه والصبر على الطاعه والالتزام وجهاد النفس

انا الى متشكرة ليكم بجد اللهم ارزقنا جميعا الصبر والجهاد على الطاعة

يبقى على بركة الله
نحدد تصور كده
عشان نبقى لخصنا اللى توصلنا اليه
وباقى الاقتراحات المعروضه
هنضيفها بعد كده

الخطوات المثبته يوميا

1- صلاة الفجر
2- الاستغفار
3- ركعتين قيام ليل
4- قراءة ورد من القرآن
كل واحده تحدد لنفسها حسب قدرتها
5- الالتزام بأذكار الصباح والمساء

الخطوات المتغييره

1- صيام الاثنين والخميس

يعنى بداية صيامنا الخميس الجاى

2- مدنا بمعلومات عن موضوعات
من كتب سيره وفقه
ودى هنحدد مشتركه فى الاسبوع
تقدم لنا معلومات عن موضوع قريته
من كتب موثوقه عشان الكل يستفاد

ياريت يا استاذه غاده
موفقانا كده فى التصور ده

عشانة لو تمت الموافقه
يبقى هنبدأ تنفيذ الخطوات الثابته
من بكره يبقو 5 خطوات
والمتغيره من يوم الخميس
هيبقى صيام وكمان حد هيدخل يمدنا بمعلومات
وهتبرع انا بأول مشاركه فى الخطوه دى

عايزين نحدد يوم في الاسبوع نجتمع فيه

اقتباس:

---

المشاركة الأصلية كتبت بواسطة Nm100

عايزين نحدد يوم في الاسبوع نجتمع فيه

---

موافقه حددوا خميس ولا جمعه دول انسب الايام
وياريت يبقى بعد العشاء عشان الكل يبقى خلص اللى وراه
ومننساش الدعاء للجروب كله ده اصل الجروب

اقتباس:

---

المشاركة الأصلية كتبت بواسطة نهاد فؤاد

جميل جدا على بركة الله اهم حاجه الجديه والصبر على الطاعه والالتزام وجهاد النفس

---

اكيد يا نهاد عشان تترفع اعمالنا فى شعبان
واحنا عاملين احلى شغل
وتعبنا مع السيرفر
وتصميمنا على التواصل رغم التعب
هنحتسبه عند الله
يكون فى ميزانا لتجمعنا فى الله ولله

ايه رأيكم في يوم الجمعةعلشان يبقى جمع في الخير ان شاء الله

انا اسفة يا حبيبة مقدرتش احضر الاجتماع امس وانا هبدا ان شاء الله الخمس خطوات وربنا يقدرنا على الصيام وترفع اعمالكم بالخير
بلنسبة ليوم الجمعة كويس جدا بس لو سمحتم تحددو ساعة مثلا الساعة 10

معاكى ان شاء الله يا حبيبة..
ربنا يفتح عليكى..

هذه الاذكار تقال بين الفجر حتى طلوع الشمس و من بعد صلاه العصر حتى الغروب ،يقال ثلاث مراتأصبحنا و أصبح الملك لله..لا شريك له..لا إله إلا هو و إليه النشور-
اللهم ما أصبح بى من نعمه أو بأحد من خلقك فمنك وحدك لا شريك لك ، فلك الحمد و لك الشكر


أصبحنا على فطره الإسلام و كلمه الإخلاص و على دين نبيننا محمد صلى الله عليه وسلم.. و على مله إبراهيم حنيفا و ما كان من المشركين


اللهم إنى أصبحت منك فى نعمه و عافيه و ستر..فأتمم نعمتك على و عافيتك و سترك فى الدنيا و الأخره


يارب لك الحمد كما ينبغى لجلال وجهك و عظيم سلطانك


رضيت بالله ربا ، و بالإسلام دينا ، و بمحمد صلى الله عليه و سلم نبيا و رسولا
سبحان الله و بحمده عدد خلقه ، و رضا نفسه ، و زنه عرشه ، و مداد كلمته
بسم الله الذى لا يضر معه إسمه شيئ فى الأرض و لا فى السماء و هو السميع العليم


اللهم إنا نعوذ أن نشرك بك شيئا نعلمه و نستغفرك لما لا نعلمه


أعوذ بكلمات الله التامات من شر ما خلق


اللهم إنى أعوذ بك من الهم و الحزن و أعوذ بك من العجز و الكسل ، و أعوذ بك من الجبن و البخل ، و أعوذ بك من غلبه الدين و قهر الرجال


اللهم عافنى فى بدنى ، اللهم عافنى فى سمعى ، اللهم عافنى فى بصرى لا إله إلا أنت
اللهم إنى أعوذ بك من الكفر و الفقر، و أعوذ بك من عذاب القبر ، لا إله إلا أنت
اللهم أنت ربى لا إله إلا أنت ، خلقتنى و أنا عبدك ، و أنا على عهدك ووعدك ما إستطعت..أعوذ بك من شر ما صنعت ، أبوء لك بنعمتك على ، و أبوء بذنبى ، فإغفر لى فإنه لا يغفر الذنوب إلا أنت


سبحان الله و بحمده مائه مره
لا إله إلا الله وحده لا شريك له ، له الملك و له الحمد ، يحيى و يميت و هو على كل شيئ قدير عشره مرات

و عند المساء

أمسينا و أمسى الملك لله.. و إليه المصير اللهم ما أمسى بى من نعمه أو بأحد من خلقك فمنك وحدك لا شريك لك ، فلك الحمد و لك الشكر
أمسينا على فطره الإسلام و كلمه الإخلاص و على دين نبيننا محمد (ص).. و على مله إبراهيم حنيفا و ما كان من المشركين
اللهم إنى أمسيت منك فى نعمه و عافيه و ستر..فأتمم نعمتك على و عافيتك و سترك فى الدنيا و الأخره
يارب لك الحمد كما ينبغى لجلال وجهك و عظيم سلطانك
رضيت بالله ربا ، و بالإسلام دينا ، و بمحمد صلى الله عليه و سلم نبيا و رسولا
سبحان الله و بحمده عدد خلقه ، و رضا نفسه ، و زنه عرشه ، و مداد كلمته
بسم الله الذى لا يضر معه إسمه شيئ فى الأرض و لا فى السماء و هو السميع العليم
اللهم إنا نعوذ أن نشرك بك شيئا نعلمه و نستغفرك لما لا نعلمه
أعوذ بكلمات الله التامات من شر ما خلق
اللهم إنى أعوذ بك من الهم و الحزن و أعوذ بك من العجز و الكسل ، و أعوذ بك من الجبن و البخل ، و أعوذ بك من غلبه الدين و قهر الرجال
اللهم عافنى فى بدنى ، اللهم عافنى فى سمعى ، اللهم عافنى فى بصرى لا إله إلا أنت
اللهم إنى أعوذ بك من الكفر و الفقر، و أعوذ بك من عذاب القبر ، لا إله إلا أنت
اللهم أنت ربى لا إله إلا أنت ، خلقتنى و أنا عبدك ، و أنا على عهدك ووعدك ما إستطعت..أعوذ بك من شر ما صنعت ، أبوء لك بنعمتك على ، و أبوء بذنبى ، فإغفر لى فإنه لا يغفر الذنوب إلا أنت
سبحان الله و بحمده مائه مره
لا إله إلا الله وحده لا شريك له ، له الملك و له الحمد ، و هو على كل شيئ قدير عشره مرات

سيد الإستغفار

اللهم انت ربي لا اله الا انت خلقتني وأنا عبدك وانا على عهدك ووعدك ماستطعت اعوذ بك من شر ماصنعت وابوء لك بنعمتك علي فاغفر لي فانه لا يغفر الذنوب الا انت

ده اولاللاذكار هقولكم على فكره حلوه اوى فى المدارس مكنش بيكون عندى وقت كفاية عشان اقرا قران بس كنت بعمل ايه احنا طبعا بنصل خمس صلوات فى اليوم بعد كل صلاة اقرءى جزء وليكن سورة او اتنين
كدى مضيعتيش وقت وبرضه رضيتى ربنا وخير وقت لقراءة القران دبر الصلاة

سلام الله عليكم ورحمته وبركاته

انا جيت امسي علي الناس الحلوين
واقلهم دايما الي طاعة الله قريبين
ومن دعواتكم ياريت نبقي موجودين
وانا والله من ناحيتكم مش مقصرين

احلي مساء علي احلي جروب في الدنيا

وازيكم بقي

اقتباس:

---

المشاركة الأصلية كتبت بواسطة دكتورة بعد ذلك

السلام عليكم انا حبيت ادخل قبل الاجتماع ان شاء الله هكون موجودة
اناكنت اعتزر بسبب بعدى عن المنتدى لقتره بسبب مرضى
وعشان اشكركم على الموضوع الاكثر من الرائع (دعوة للتغير)

---

ألف سلامه عليكى يا أحلى دكتوره
وسعيده انك قريتى موضوع دعوه للتغيير
يارب تكونى إستفدتى من المطروح فيه
ويارب دايما منورانا فى أحلى صحبه

اقتباس:

---

المشاركة الأصلية كتبت بواسطة دكتورة بعد ذلك

انا اسفة يا حبيبة مقدرتش احضر الاجتماع امس وانا هبدا ان شاء الله الخمس خطوات وربنا يقدرنا على الصيام وترفع اعمالكم بالخير
بلنسبة ليوم الجمعة كويس جدا بس لو سمحتم تحددو ساعة مثلا الساعة 10

---

محصلش حاجه ياجميل
السيرفر العميل بتاعنا ده
منع ناس حلوه تدخل معانا إمبارح
إن شاء الله نتشرف بيكى فى الاجتماع القادم
أنا موافقه على يوم الجمعه وكمان الساعه
منتظريين آراء الباقى
معلش نستحمل الصيام كام يوم كده فى شعبان
ويبقى تعويد برضه قبل رمضان

اقتباس:

---

المشاركة الأصلية كتبت بواسطة أخصائى مكتبات

معاكى ان شاء الله يا حبيبة..
ربنا يفتح عليكى..

---

شكرا أستاذى
بس نعتذر لحضرتك عن انضمامك للجروب
الانضمام للجروب للنساء فقط
الجروب نساء فقط وليس مختلط
ممكن حضرتك تطبق الخطوات مع نفسك
وبكرر إعتذارى لقبول انضمامك للمره الثانيه
فتح الله عليك وأثابك وأعانك على طاعته
خالص التحايا لحضرتك