جروب أحلى صحبة

[حبيبه المصريه]

السلام عليكم ورحمة الله وبركاته

شوفوا بقى الفكره دى لسه جيالى حالا

خير جماعى يعنى مبقاش لوحدى

وعشان كده

قلت لازم أدخل أعرضها

شوفوا بقى

إحنا عاوزين نستغل الايام المباركه دى

يعنى باقى رجب وشعبان اللى داخل علينا

وكمان رمضان المبارك

يعنى هنعمل ايه

هنعمل فريق وهنتفق كلنا على اننا فى اليوم

هنفذ مبدأيا 3 حاجات

أول حاجه :

الاستغفار يوميا كتير بأى عدد

بس مبدئيا مش أقل من 100

عملا بالآيه الكريمه

( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُمْ مِدْرَارًا (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا)

يعنى الاستغفار سبب مهم جداا للرزق

اى شىء محتاجاه من ربنا اكيد رزق

ثانى حاجه :

ركعتين قيام ليل يوميا

وقتها من بعد صلاة العشاء مباشرة

إلى طلوع الفجر

وأفضل وقت الثلث الاخير

يعنى تقريبا من الساعه واحده او إثنين

نصلى على الاقل ركعتين

وندعى كتيييييير بكل اللى عاوزينه

ونكون ملحيين فى الدعاء بخشوع

ونبكى لربنا كده ونتزلل له .

بس هنا مش هتدعى لنفسك وبس

هتدعى لنفسك وكل البنات اللى هتدخل

تشترك معانا فى الموضوع بالإسم

إن ربنا يحققلها ما دعت به

ولو حابين نبعت لبعض دعوه محدده

تدعيها كل واحده لصاحبتها بالاسم

مفيش مانع خاااالص

من باب دعاء المسلم لاخيه المسلم بظهر الغيب

مستجاب ما لم يدعو بسوء

لعل أحدنا يستجيب الله دعائه

فيعم الخير الجميع

ثالث حاجه :

صلاة الفجر يوميا فى ميعادها

وطبعا ندعى لبعض برضه فى الفجر بالاسم

عندى استعداد تبعتولى ارقامكم

وارن عليكم واحده واحده وقت صلاة الفجر

يعنى مش هيختلف كتيرعندنا توقيته

عن باقى الاقليم ممكن دقايق

لحد ما صاحبة الرقم تكنسل

يبقى أتأكد انها صحيت

ياريت نبتدى مع بعض مادام خير لينا كلنا

ياريت اللى هتشارك تدخل تقول انا معاكم

الموضوع هنسيبه الاحد والاثنين والثلاثاء

وان شاء الله نبدأ التطبيق كلنا من الاربعاء

وان لقيت عدم مرور للموضوع

ربما حد يكون مبيدخلش هنا

بعد اذن الاداره

هبعت رابط الموضوع فى رساله خاصه للبنات

عشان نشترك مع بعض فى الخير

وان شاء الله ما دام نيتنا الخير

هيعم علينا الخير كلنا

وان شاء الله نمر كلنا كل يوم

على الموضوع نذكر بعض

ونأكد إننا عملنا ده

متابعه يعنى

عشان محدش يكسل

منتظره آرائكم

[حبيبه المصريه]

استغفر الله العظيم لى وللمسلمين والمسلمات والمؤمنين والمؤمنات الاحياء منهم والاموات
اللهم اتمم شفاءك على عمر وحبيبة اولاد اختنا نعمةو
اللهم ارزقنا جميعا اعضاء الجروب الجميل الهمة والنشاط وابعد عنا السهو والكسل ووسوسة الشيطان وشركه
اللهم يسر كل معسر على اولادنا وبنا تنا طلاب الثانوية العامة وجميع الطلاب
اللهم ذكرهم ما نسيوا وعرفهم ما جهلوا
اللهم امين
اللهم بارك لنا فى اوقاتنا واعمارنا وارزاقنا نحن وجميع المسلمين والمسلمات

اللهم آآآآآآآآآآآمين لدعواتك الطيبه
منوووووره أحلى صحبه

[حبيبه المصريه]

صباح الخير على احلى منتدىارجو ان تكونوا فى تمام الصحة والعافية

انا هضيف موضوع صغيور عن فضل القران الكريم

سورة البقرة منزلة من تحت العرش من قراها لم يدخل الشيطان بيته 3 ليال واية الكرسى من قراها بعد كل صلاة دخل باذن الله الجنة 3ايات من سورالانعام بعد صلاة الفجرجماعة وكل الله 70ملك يسبحون ويستغفرون له ليوم القيامة سورة الكهف تعصم من المسيح الدجال ومن قراها يوم الجمعة اضاء له الله بين الجمعتين

من قراء سورة الملك والسجدة بين المغرب والعشاء كتب له قيام ليلة القدر من قرا الصافات ويس يوم الجمعة وسال الله اعطاه الله سواله
الدخان من قراها يوم او ليلة الجمعة بنى الله له بيت فى الجنة

صباح الخيرات

يا أحلى دكتوره يا جميله

فى بعض الاخطاء
فى فضل بعد السور اللى أوردتيها
على فكره أنا مش عالمه يعنى أو فقيهه
فى حاجات أعرفها وبالطبع حاجات معرفهاش
لكن ميمنعش نبحث ونتأكد من صحة المنقول
خصوصا لما يكون فى الدين
شوفى معايا يا جميله

1-

سورة البقرة منزلة من تحت العرش من قراها لم يدخل الشيطان بيته 3 ليال

مش سورة البقره اللى منزله من تحت العرش

دى خواتيم السوره يعنى خواتيم سورة البقره
وفعلا من قراها ليلا فى بيته لم يدخله الشيطان 3 ليال

2-

واية الكرسى من قراها بعد كل صلاة دخل باذن الله الجنة

فعلا الجزئيه دى صحيحه تبعا للحديث

قال رسول الله صلى الله عليه وسلم :

( من قرأ آية الكرسي دبر كل صلاة مكتوبة ، لم يمنعه من دخول الجنة إلا أن يموت)

3-

ثلاث ايات من سورالانعام بعد صلاة الفجرجماعة وكل الله 70ملك يسبحون ويستغفرون له ليوم القيامة

ده بقى غير صحيح

سورة الأنعام : من صلى الفجر في جماعة وقعد في مصلاه وقرأ ثلاث آيات من سورة الأنعام وكل الله سبعين ملكاً يسبحون الله ويستغفرون له إلى يوم القيامة ..
غير صحيح .
انظر الدر المنثور للسيوطي 3
وأما حديث: من صلى الفجر في جماعة وقعد في مصلاه وقرأ ثلاث آيات من أول سورة الأنعام، وكل الله له سبعين ملكا يسبحون الله ويستغفرون له إلى يوم القيامة. فقد نسبه السيوطي في الدر المنثور والألوسي في روح المعاني وصاحب كنز العمال إلى الديلمي، ومن المعلوم أن كتاب الديلمي من مظان الحديث الضعيف كما بيناه في
الفتوى رقم: 52378

4-

سورة الكهف تعصم من المسيح الدجال ومن قراها يوم الجمعة اضاء له الله بين الجمعتين

ده صحيح

سورة الكهف : من قرأ العشر الأواخر من سورة الكهف فإنه عصم من الدجال ..
روى الحديث مسلم في صحيحه برقم 809 .
سورة الكهف : من قرأ سورة الكهف يوم الجمعة أضاء الله له من النور ما بين الجمعتين .. صحيح .
روى الحديث البيهقي في سننه 3 / 249 برقم 5792 والحاكم في مستدركه

5-

من قراء سورة الملك والسجدة بين المغرب والعشاء كتب له قيام ليلة القدر

ده غير صحيح

من قرأ تبارك الذي بيده الملك وآلم تنزيل ( السجدة ) بين المغرب والعشاء فكأنما قام ليلة القدر .. غير صحيح عن عائشة رضي الله عنها قالت قال رسول الله صلى الله عليه وسلم (( من قرأ تبارك وآلم تنزيل بين المغرب والعشاء فكأنما قام ليلة القدر )) أخرجه ابن مردوية وهذا الحديث شاذ منكر حيث لم يروه أهل السنن والمسانيد والصحاح .

6-

من قرا الصافات ويس يوم الجمعة وسال الله اعطاه الله سواله

فده كمان مش صحيح

من قرأ سورة الصافات يوم الجمعة ثم سأل الله
أعطاه الله سؤاله .. غير صحيح .
عن ابن عباس رضي الله عنهما قال : قال رسول الله صلى الله عليه وسلم (( من قرأ يس والصافات يوم الجمعة ثم سأل الله أعطاه سؤاله )) رواه أبو داود في فضائل القرآن وابن النجار في تاريخه .
وهو حديث منقطع حيث أن الحديث يرويه عن ابن عباس الضحاك واتفق علماء الحديث ان الضحاك لم يسمع من ابن عباس رضي الله عنهما فالحديث ضعيف

كما أخرجه أبو داود في سننه، وهو حديث ضعيف

7-

الدخان من قراها يوم او ليلة الجمعة بنى الله له بيت فى الجنة

ده كمان مش صحيح

من قرأ { حم الدخان } في ليله الجمعة أو يوم الجمعة ؛ بنى الله له بها بيتا في الجنة ) [ (( ضعيف جدا )) / ضعيف الترغيب و الترهيب/ 449 ] ..

من قرأ حم الدخان في ليلة الجمعة أو يوم الجمعة بني له عن أبي أمامة رضي الله عنه قال : قال رسول الله صلى الله عليه وسلم (( من قرأ حم الدخان في ليلة الجمعة أو يوم الجمعة بنى الله له بيتاً في الجنة )) . رواه الطبراني برقم 8026 . وضعفه الهيثمي في المجمع 2 / 168

بالله عليكم يا جماعه الخير

بلاش نقل حاجات مش موثوق فيها
ياريت اى مشاركه تحبى تضيفيها
تكونى واثقه منها جداااااا
نقلاها من موقع موثوق فيه او كتاب
او مفرغاها شخصيا
من خطبه لعلماء مشهود لهم بالثقه
وهو ده هدفى من عدم عرض حاجات زى دى هنا
عشان منشتش عن هدف الموضوع الاساسى
ونتجه بقى لحملة تصحيح وبحث وتدقيق
يا جماعة الخير بالله عليكم
كل واحده مسئوله عما تضعه امام الله
بلاش نقل من غير تأكد وبحث

متأكده ضعى المعلومه للاستفاده

مش متأكده بلاااااااااااااش

ربنا يجازيكى خير

يا أحلى دكتوره بنيتك الطيبه
بس بعد كده
لازم تكونى متأكده من اللى تحطيه
استعينى بكتب لعلماء ثقه مواقعهم
لكن نقل دون تثبت بلااااااااش

[دكتورة بعد ذلك]

شكراا يا حبيبة على تصحيح الاخطاء انا كنت ارجوا الافادة فقط واعتذر عن الاخطاء

[Nm100]

السلام عليكم
الحمد لله ربنا وفقني لقيام الليل
ادعولي بالثبات
جزاكم الله خيرا

[نعمه محمود]

السلام عليكم ورحمة الله وبركاته
ازيكم انا دخلت اسلم واشوف آخر أخباركم

[موناليزا]

ازيكم ازيكم

انا جايه اقول مساء الخيرات والمانجا والبلح اللي نفسي يطلع بقي

انا الحمد لله عملت حصار للكسل بس عندي ياحبيبه مشكله
مفيش نوووووووووووووووووووووم

[حبيبه المصريه]

شكراا يا حبيبة على تصحيح الاخطاء انا كنت ارجوا الافادة فقط واعتذر عن الاخطاء

ياغاليه عارفه والله نيتك الطيبه
عشان كده
ربنا يارب يجازيكى خير بنيتك الطيبه
وان شاء الله المره الجايه ناخد بالنا
وبعدين مفيش أسف ولا حاجه وبجد بجد

ويارب أشوفك
أحلى دكتوره فى الدنيا
متحرمناش من مرورك
اللى بستناه هنا فى الموضوع
دمتى بحفظ الرحمن

نسيت أسألك
أخبار الواجب إيه ؟؟؟
ماشيه فيه تمام و لا بتكسلى

[حبيبه المصريه]

السلام عليكم
الحمد لله ربنا وفقني لقيام الليل
ادعولي بالثبات
جزاكم الله خيرا

وعليكم السلام ورحمة الله وبركاته
الحمد لله أسعدتينى جدااااااا
ثبتك الله وسدد خطاكى لما يحب ويرضى
جزانا وإياكى كل خير
ولا حرمنا الله وجودك بيننا
دمتى بحفظ الرحمن

[دكتورة بعد ذلك]

يا جماعة لو سمحتم واحنا بدعى لبعض ندعى لمصر ونقول اللهم اجعل مصر امنة يارب

[غادة عبدالسلام]

يا جماعة لو سمحتم واحنا بدعى لبعض ندعى لمصر ونقول اللهم اجعل مصر امنة يارب

فعلا معكى الف حق يا دكتور لابد ان نتضرع الى الله فى هذه الايام ان يزيح عنا هذه الغمة
اللهم امين
اللهم اسدل علينا وعلى بلدنا سترك وامنك يا رب
اللهم هون علينا ما نحن فيه
اللهم اهلك الظالمين بالظالمين واخرجنا من بينهم سالمين
اللهم لا تدع فينا مريضا الا شفيته ولا ميتنا الا رحمته
اللهم امين

[حبيبه المصريه]

السلام عليكم ورحمة الله وبركاته
ازيكم انا دخلت اسلم واشوف آخر أخباركم

وعليكم السلام ورحمة الله وبركاته
بخير يا غاليه
اخبار الحلويين ايه
يارب بخير وسلام
ايه اخبار الواجب بتاعنا ؟؟؟
دعاء مش عارفه مختفيه عن تقديم واجبها
انا عارفه انها اكيد بتعمله
بس تطمن حتى الجروب وتشجعه
ومش واخده على الشغل فى صمت ده منها
اوعى تكون بتكسل وشغاله نووووووم
ومتوكله علينا فى الدعاء
منتظررررررررره دفاعها عن نفسها

[دكتورة بعد ذلك]

اااالسلام عليكم يا جروب الخير كل سنة وانتم طيبين بحلول شعبان يلا تشجعوا وخلى عندكم عزيمة حتى ترفع اعمالنا بالخير

[حبيبه المصريه]

ازيكم ازيكم

انا جايه اقول مساء الخيرات والمانجا والبلح اللي نفسي يطلع بقي

انا الحمد لله عملت حصار للكسل بس عندي ياحبيبه مشكله
مفيش نوووووووووووووووووووووم

منوره يا أميره
يارب دايما بخير وسلام
مفيش نوم ليه ؟؟؟
يا اما غيرتى طبيعة نومك
او فى حاجه شغلاكى
شوفى
ما دامت النيه لله كل شىء هيهون

[حبيبه المصريه]

يا جماعة لو سمحتم واحنا بدعى لبعض ندعى لمصر ونقول اللهم اجعل مصر امنة يارب

الله عليكى يا أحلى دكتوره
أسأل الله أن يجعلك
زخرا للاسلام والمسلمين
ولمصر كلها
سعيده جدااااااااا
بإضافاتك ونشاطك ومرورك الفعال
منتظرين تفاعلك البناء
فى اجتماع الجروب قريبا جدااااااا
دمتى بحفظ الرحمن

[حبيبه المصريه]

اعتذر عن عدم التعليق
على مشاركة استاذه غاده ودكتوره بعد ذلك
المنتدى صعب جدااااااااا
وددت أن أضيف مشاركه وأعلن

إجتماع للجروب كله إن شاء الله
يوم الثلاثاء القادم بعد العشاء

لنبحث فى الخطوه القادمه
اتمنى من الجميع الحضور والمشاركه
أثابنا وأثابكم الله جميعا
وجعل تجمعنا هذا فى ميزان حسناتنا
يوم نلقاه
دمتم بالخير دوما

[حبيبه المصريه]

بناء على طلب أميره

أن نضع رابط موضوع العام الماضى

دعوه للتغيير بالجروب

لمعاودة الاطلاع

مره أخرى للمشتركات القدامى

وللإستفاده والإطلاع الجديد

للمشتركات الجدد

دعوه للتغيير إضغطى هنا

[Nm100]

انا ندمانة اني معرفتش المنتدى من زمان
علشان اتعرف على احاى صحبة بجد
اللهم اجعلنا صحبة في الجنة ان شاء الله

[دكتورة بعد ذلك]

السلام عليكم انا حبيت ادخل قبل الاجتماع ان شاء الله هكون موجودة
اناكنت اعتزر بسبب بعدى عن المنتدى لقتره بسبب مرضى
وعشان اشكركم على الموضوع الاكثر من الرائع (دعوة للتغير)

[موناليزا]

كل سنه وانتم طيبيبن انا معاكم ان شاءالله بس ربنا يهدي السيرفر

[دكتورة بعد ذلك]

السلام عليكم انا جيت