لست أدري كيف يمكنني البداية...
قد يبدو الموضوع لأول وهلة مثيرا من العنوان ومشوقا لمعرفة ماهي علاقة صديقي العزيز أشرف السيد بوثائق ويكيليكس الشهيرة والتي جعلت انفاس العالم تتلاحق في الأونة الاخيرة من كثرة مابها من مفاجاءات مدوية هزت عروش وانظمة سياسية وجعلتها تتهاوي بعنف ...
دعوني أسرد ماحدث وصف تفصيلي وأقسم بالله أن كل ماحدث في هذه الرواية حقيقي رغم كون جانب كبير من الرواية كان مجرد حلم..
أرجو أن تصبر معي قليلا ولاينفذ صبرك ولا تتعجب من هذا التناقض في الكلام ..
كيف يكون الكلام حقيقي وأنا أدعي ان جانب كبير منه حلم ؟؟ هذا ماحدث ..تابع معي واستنتج مابين السطور واترك العنان لخيالك في قراءة ماوراء الكلمات ...
البداية كانت بالامس القريب...
كنت اتصفح موقع اليوتيوب وجال بخاطري أكتب اسم كل واحد من الموقع علي محرك البحث..
بدأت باشرف السيد...
وكانت مفاجاءة ...رأيت فيديو لذيذ له وهو يقوم بعملية التصويت في احد اللجان وكم فرحت وانا أري ابتسامته البريئة الطفولية وهو يسجل للتاريخ بكل فخر أنه يمارس حقه في التصويت في أول انتخابات نزيه محترمة ..وكان فخورا وهو يقول لا للتعديلات الدستورية ..
المهم نزلت الفيديو عندي ودخلت بعدها بشوية علي صفحتي علي الفيسبوك ووجدت رسالة عتاب رقيقة من اختي الفاضلة دكتورة دعاء شديد تطالبني فيها بدخول المنتدي والرد علي الموضوعات ومتابعتها كالعادة وأخبرتها أني متضايق شوية من بعض الأمور في المنتدي ..
كنت وقتها عائد للتو من شغلي وكنت أشعر بارهاق قلت أدخل انام ساعة ظبطت منه موبايلي ..وحدث التالي ...
اتصال تليفوني من أشرف السيد :-
ازيك ياريس فينك؟
-موجود ياحبيبي
-وحشنا والله ..
-ربنا يخليك ..ماتشوفش وحش...
-أنت قلت لي انك ساكن جنب أمن الدولة في المنصورة ؟
-أيوة مانت جيتلي وعارف ده ..ليه خير ؟
-كويس أوي أنا جايلك في الطريق ومعايا الأستاذ خالد سعد هتغدينا ايه يازعيم ؟
-تشرف ياحبيبي عندي جبنة قديمة تجنن وخيار علي أعلي مستوي..
-مافيش مشكلة احنا عاوزين نشوفك وخلاص
-ياعم انا بهرج معاك هعملك أحلي واجب ولو انك ماتستهلش ومزعلني منك بتجاهلك لأراء كل من يحب الموقع وبصراحة أنا مش مبسوط ..
-حاضر ..كل ده هنشوفه لما نعد سوا ..
-تشرف وتوصل بالسلامة ان شاء الله..
----------------------------------------------------
الجزء الثاني :((عندي في البيت ))
حمدا لله بالسلامة ياعم اشرف أهلا أستاذ خالد
-الله يسلمك
-وريني ياوليد فين أمن الدولة ؟
-أيه ياعم أشرف مالك وايه حكاية أمن الدولة معاك ؟
-معلش اصلي مشغول جداا بالموضوع ده من ساعة مافيه ناس دخلت المقر الرئيسي في لاظوغلي وعرفت ان فيه وثائق منه بتتباع ؟
- وأنت ايه يهمك في ده انت عاوز تتاجر في أمن بلدك ولا ايه ؟
هنا ضحك أشرف بطريقته المعهودة وبدء يشغل جهاز الكمبيوتر الشخصي بتاعي وتابع باهتمام الشاشة وقالي :
-دي ثورة والكل بيهتم بكل ماوراء الستار مانت شايف الزميل ويكيليكس ربنا كرمه بشوية ملفات وموقوعه مسمع علي مستوي العالم وزمانه عامل احلي اعلانات والسبوبة هناك باليورو والدولار خلينا نعيش ونشوف نفسنا بقي ؟؟
-برضه مش فاهم أنا ايه علاقتي بالليلة دي ؟حد قالك عليا رأفت الهجان ؟
-متشغلش بالك يازعيم وبعدين قلب الموضوع تهريج زي مايكون عاوزني أخرج من الحجرة وقالي :فين الغدا وافتح لي اللاب توب بتاعك كمان علشان عليه باس ورد ..فتحت له الجهاز وخرجت خمس دقايق تقريبا من الحجرة...
شوية ودخلت لقيت حاجات مش لاقي لها تفسير..فلاشات ..هاردات متوصلة بجهازي ..جهاز لاسلكي.. جهاز فك شفرات بيشتغل عليه الاستاذ خالد سعد ..سجائر أجنبية وأجندات (دي من عندي من وحي الثورة )):D
- أيه ياعم أشرف الليلة دي كلها ؟أنت بتعمل ايه بالظبط ؟
-ماتشغلش بالك ياعم وليد جهازك عليه فيروسات وانا بنظفه
-فيروسات ايه ياعم أشرف هو أنت فاكرني هندي ورابط الفيل بره؟؟ايه اللاسلكي ده ؟
-هنا لقيت الاستاذ خالد سعد رش علي وجهي بخاخة ولم أعرف ماحدث بعدها ...
------------------------------------------------------
الجزء الثالث :
لما فقت روحت أشوف جهازي لقيته زي ماهو بس الهارد اتكسر والاب توب محطم ورسالة مقتضبة :((انسي اللي حصل والا هتموت ))
قمت علي الفور واتصلت بالشرطة واخبرتهم ماحدث :لقيت رد بارد من احد أمناء الشرطة سيب رقم تليفونك واحنا هنتصل بيك
او بلغ الحاكم العسكري
شويه وبتابع برامج التوك شو لقيت اخبار ماليه التلفزيون ان فيه موقع اسمه بوابة التعليم المصري بينفرد بنشر وثائق سرية من ملفات غاية في الخطورة لأمن الدولة وفيها تقارير عن علاقة جمال مبارك بزلزال اليابان وانه زرع قنابل عنقودية في بعض مدن اليابان الهامة علشان حاول يدخل شريك في توكيل تويوتا للسيارات وهما رفضوا نسبة 51% له ...وكان لازم يتعاقبوا لرفضهم شراكته
شوية ولقيت أشرف السيد ضيف في لقاء مع مني الشاذلي وهو بيشرح لها عن موقع بوابة التعليم المصري وعن انفراداته الدائمة وانه مصمم الموقع باحدث الاصدارات ومن الممكن تصفح الموقع بسهولة دون أي مشاكل تقنية ..
شوية ولقيت جرس المنبه في موبايلي بيرن وبيقولي دقت ساعة الصحيان ..اصحي اصحي واتغطي كويس وماتقلش في الأكل قبل النوم علشان ماتحلمش الاحلام العبيطة دي تاني ..
-
السؤال اللي محيرني في الحلم ده بجد :اشمعني الاستاذ خالد سعد اللي جه مع أشرف بيتي مع اني لم ألتقي به الا مرة واحدة فقط ؟؟ ياريت حد بيعرف يفسر أحلام يقولي ..
أشرف السيد ووثائق ويكيليكس
عرض للطباعة
-
08-04-2011, 12:52 PMمسيو وليد عسكرأشرف السيد ووثائق ويكيليكس
-
08-04-2011, 12:59 PMنعمه محمودرد: أشرف السيد ووثائق ويكيليكس
شوف ياوليد خير ان شاء الله
الحلم ده تفسيره انك انت واشرف السيد هتتشهروا اوى
زى شهرة احمد عز كده ماتقلقش
بس ابقى اتغطى كويس ههههههههههههههههه -
08-04-2011, 01:03 PMمسيو وليد عسكررد: أشرف السيد ووثائق ويكيليكسهههههههاقتباس:
المشاركة الأصلية كتبت بواسطة نعمه محمود
ربنا يبشرك بالخير
اللي بعده -
08-04-2011, 01:13 PMدعاء شديدرد: أشرف السيد ووثائق ويكيليكساولا انت نورت المنتدى
ثانيا بخصوص تفسير الحلم ... فا اقدر اقولك
ان اشرف فى المنام ناصره هههههههههههههه
ورزق بجد رزق رزق يعنى
سيب الايام هى الي تفسر الحلم -
08-04-2011, 01:36 PMحبيبه المصريهرد: أشرف السيد ووثائق ويكيليكساقتباس:
المشاركة الأصلية كتبت بواسطة مسيو وليد عسكر
يبدو أن دعاء الغاليه مصب المنتدى
فكلنا نصب عند فرع دعاء
حدث منى بعض الحديث معها
عن مثل تلك المضايقات
ونصحتنى بعرضها بقسم الدعم الفنى
لكنى رفضت نوعا من الاعتراض
لأننا قلنا من قبل ولم يحدث شىء
وعليه فالصمت أولى
لى عوده للرد على الموضوع عامة
خالص الشكر لحضرتك
-
08-04-2011, 02:13 PMمسيو وليد عسكررد: أشرف السيد ووثائق ويكيليكساولا ده نوركاقتباس:
المشاركة الأصلية كتبت بواسطة دعاء شديد
ثانيا لو علي كده هنام وهخلي صورة اشرف اودامي يمكن كل يوم اقوم ومعايا تلاته اربعة مليون جنيه
ثالثا :حاضر هسيب الايام تفسر الحلم
الف شكر علي مرورك العطر -
08-04-2011, 02:16 PMمسيو وليد عسكررد: أشرف السيد ووثائق ويكيليكسشكرا أخت حبيبة علي تشريفك وفعلا دعاء المفروض تمسك شئون اجتماعية في المنتدي لما تتمتع به من عقل رزين وحب لجميع الاعضاءاقتباس:
المشاركة الأصلية كتبت بواسطة حبيبه المصريه
بس ماقلتليش الحلم ده خير ولا شر ؟؟؟؟ -
08-04-2011, 02:33 PMشريفرد: أشرف السيد ووثائق ويكيليكسكون ان اشرف يطلع يقول ان من الممكن تصفح الموقع بسهولة دون أي مشاكل تقنية
فده أكبر دليل علي انها أضغاث أحلام و ما نحن بتأويل الأحلام بعالمين
لأنه حلم مالوش علاقة بتاتا بالواقع و لا بأرض الواقع و لا بأرض الجولف حتى :)
ده أولا
ثانيا : وحشتنا جدا و بتوحشنا و هتوحشنا ... و بلاش تنفيض
ثالثا : أسلوب عرض الموضوع تحفة ... و لذيذ جدا ... تسلم ايدك
رابعا : ابقي غطي رجلك كويس و انت نايم :)
خامسا بقا و ده الاهم : حد يحلم بأشرف يا راجل ؟ ... ما عندك هيفاء و نانسي و العالم الحلوة دي :)
-
08-04-2011, 02:34 PMمحمد بن عباسرد: أشرف السيد ووثائق ويكيليكس
أشرف السيد فى الحلم ربنا معاك يا بنى الله يكون فى عونك
-
08-04-2011, 02:51 PMمسيو وليد عسكررد: أشرف السيد ووثائق ويكيليكسوالله ياشريف انا ساعات بحلم احلام عبيطة مالهاش اي علاقة ببعضها يعني مثلا كنت مرة نايم و التلفزيون شغال علي قناة الجزيرة وتقريبا من خلال متابعتي للاحداث في اليمن لقيت اسم علي صالح البيض ده غير رئيس اليمن الحالي وده تقريبا واحد مسئول هناك المهم حلمت اني بتصل بقناة الجزيرة وبقولهم ماهو طبيعي لما يكون المسئول هناك اسمه علي سالق البيض لازم هتقوم ثورة جياع وشرحت له ان اسم المسئولين بيكون احيانا مستفز ومحرك للثورات خد عندك مثلا نظيف في مصر كان اسمه مستفز جداا لانه لايعبر عن حقيقته وحبيب بتاع الداخليه كان كاره للشعب وعمره ماحبهم ولاعدل بينهم وشريف مصر كان قواد..ياجماعة لازم تحترموا عقولنا شوية ومعرفش بقدرة قادر الاستوديو التحليلي بتاع الجزيرة بقي عندي في البيت والعبد لله هو اللي بيعملهم شاي وقهوة ..هههههههههههههاقتباس:
المشاركة الأصلية كتبت بواسطة شريف
انا قبل 25 يناير مكنتش بعرف احلم بس دلوقتي تقريبا اتعلمت اعرف احلم حتي لو كان الحلم تخريف يكفيك شرف المحاولة
متشكر ياشريف علي حلو كلامك وروعة اسلوبك -
08-04-2011, 02:55 PMمسيو وليد عسكررد: أشرف السيد ووثائق ويكيليكستخيل يا استاذ محمد بقي مدي المعاناة اللي كنت فيهااقتباس:
المشاركة الأصلية كتبت بواسطة محمد بن عباس
هي البيتزا والريش السبب لما ضربتهم امبارح بالليل حصل اللي حصل حتي بالامارة لقيت طفل عامل زي الديناصور كده جاي لي بكاتشب بيقولي ده هدية من تانت عفاف شعيب -
08-04-2011, 02:57 PMشريفرد: أشرف السيد ووثائق ويكيليكسمين شريف مصر كن قواد ده يا وليد؟اقتباس:
المشاركة الأصلية كتبت بواسطة مسيو وليد عسكر
لا ............ وضح الله يكرمك
قول انك تقصد صفوت الشريف
انا مش حمل بهدلة
احسن التهم دلوقتي بتلزق
ما بتطلعش
احسن تلاقيني بكرة ف طرة ... او متعلق في ميدان التحرير
-
08-04-2011, 03:04 PMمسيو وليد عسكررد: أشرف السيد ووثائق ويكيليكسطبعا ياشريف المقصود هو صفوت الشريف والكل يعرف ذلكاقتباس:
المشاركة الأصلية كتبت بواسطة شريف
الشيء اللي تاعب أعصابي ليه كل الملفات دي اتكشفت في الاونة الاخيرة ؟
ليه مصر يتعمل فيها كده ويجيبوا زبالة البشر تحكمها وتتحكم فيها وتقمع أي صوت حر ؟
السنا كلنا مصريون ؟ولا احنا يهود وكلاب ضالة ومالناش دية علشان العصابة دي تقهر شعب مصر الطيب بالشكل القبيح ده ؟
بعتذر لعدم توضيح مقصدي والكل يعرف من هو شريف راغب وأنت فوق أي شبهات بالطبع -
08-04-2011, 03:10 PMشريفرد: أشرف السيد ووثائق ويكيليكساقتباس:
المشاركة الأصلية كتبت بواسطة مسيو وليد عسكر
منا عارف يا وليد انا بهرج هههههههههههههههه
عموما
الحمد لله نصر من الله ان الثورة دي قامت
و عايز اقول ان الثورة دي المحرك الاول و الاخير لها
هو الله عز و جل
فلولا تدبيره و مشيئته التي سبقت كل ارادة
و لولا تيسيره
لما استطاع أحد أن يحرك ورقة من مكانها
فالله لطيف لما يشاء
ماشاء كان و ما لم يشأ لم يكن
و كل ما حدث و سيحدث هو تحصيل حاصل بالنسبة لجلاله و حكمته و سابق علمه
عشان كده بنقول
محدش يا جماعة يحتكر الثورة
مش عايزين كل جمعة يطلع كام الف يتكلموا نيابة عن 85 مليون
و يبقا كلامهم مقدس
مش عايزين ننتزع ديكتاتورية مبارك
لنعطيها علي طبق من ذهب لغيره
و ياريت نقتل الفرعون الصغير اللي جوا كل واحد فينا
و نتواضع لله
و نلتفت الي العمل ... و الانتاج
-
08-04-2011, 04:35 PMدعاء شديدرد: أشرف السيد ووثائق ويكيليكساقتباس:
المشاركة الأصلية كتبت بواسطة مسيو وليد عسكر
شوف يا وليد
احنا اخوات كلنا ومينفعش اخ منا ميبقاش موجود
لا شارك وكلنا هناخد موقف معاك لحد منوصل
بالمنتدى للمستوى الي يرضى عنه كل الاعضاء
بس -
08-04-2011, 04:39 PMدعاء شديدرد: أشرف السيد ووثائق ويكيليكساقتباس:
المشاركة الأصلية كتبت بواسطة حبيبه المصريه
ميرسى يا جميله
وبكرر طلبى منك تانى لان الصمت مش سبيل للتطور
ولان المنتدى مش شيء شخصى بالعكس
دورة التعليمى امانه ... لذلك يتحتم عليكى الا تصمتى
دوره فى نشر الفكر الثقافى حتى ولو بشكل بسيط ... يلزمك بالا تصمتى
لانك معلمه وصاحبه فكر وثقافه واراء سديده
فبالله عليكى كيفى تصمتى ويمكنك ان تنفعى طلب هنا او تفيدى احد برد لك ؟؟؟؟؟؟؟؟؟؟؟
ها ايه رايك بقى ؟؟؟؟؟؟؟؟؟؟؟؟؟؟ -
08-04-2011, 10:41 PMحبيبه المصريهرد: أشرف السيد ووثائق ويكيليكساقتباس:
المشاركة الأصلية كتبت بواسطة مسيو وليد عسكر
دعاء أخت جميله بجد
يتشرف أى حد أنه يتعامل معاها
ذوق وأدب وعقليه جميله
وخدوووووووووووومه جدااااااااااا
وبتحب الخير للجميع
ربنا يسعدها ويحققلها كل ما تتمنى
إن شاء الله الحلم خير
أرى كما وضحت ام حبيبه و عمر
إن شاء الله يذيع صيتكم فى الملآ
وإن شاء الله بالخير
حقيقى أستاذنا إن رغبتم فى تفسير حلم عن جد
ممكن أدل حضرتك برابط لموقع
يفسر به متخصصون عن تجربه شخصيه معهم
خالص الشكر لموضوعك
-
08-04-2011, 10:51 PMحبيبه المصريهرد: أشرف السيد ووثائق ويكيليكساقتباس:
المشاركة الأصلية كتبت بواسطة دعاء شديد
طلبك على عينى وراسى أختى الغاليه
بس هلتزم برضه الصمت
شوفى يادعاء السيرفر بتاعى واقع دلوقتى
لما أغير الشركه حرد بس موعدكيش
إنى أرد فى الموضوع ده تحديدا
بس معاكم فى كل اللى تشوفوه
وإنتم حتعملوا الواجب وزياده
وربنا ما يحرم المنتدى منك بجد
لإنه من غيرك مينفعش
دمتى بالخير دوما
-
10-04-2011, 11:55 AMمحمد غمرىرد: أشرف السيد ووثائق ويكيليكسههههههههههههههههههههههههههههههههههاقتباس:
المشاركة الأصلية كتبت بواسطة نعمه محمود
ان متفق مع مس نعمه
هههههههههههههههههههههههه
وربنا يستر
-
10-04-2011, 08:54 PMأشرف السيدرد: أشرف السيد ووثائق ويكيليكس
ما تشوفش وحش يا استاذ وليد
حد يحلم بأشرف السيد يا راجل
طيب احلم بحاجة حلوة هههههههههههههه
عموما بجد وحشتنا قوي
والغريب بجد انك رابع حد اظهر له في الحلم في مدة الاسبوعين اللي عدوا
شكلي هتبهدل بهدلة عز والعادلي الفترة اللي جاية ( مع اني ظبط السيرفير يا ريس خلاص ) واسئل بن عباس
وبخصوص الفيديو بتاعي وانا في الاستفتاء انت عارف المشهورين اللي زيي العالم مهتم بينا ههههههههههههههه
جميل سرد موضوعك بجد وربنا ما يحرمنا منك