عادات مش هيه ............................

زجل بعنوان
عادات مش هيه

فيكى يا بلادى عادات مش هيه عايش فيها بحاله جنونيه
جالى صداع وكرهــــــت الدنيا من اللى بشوفه بعينى حوليه
احنابلاد العلم طريقنا اهل حضاره و أم الدنيا
شوفوا العالم كله اتقــــــــــدم و احنا حالتنا زى ما هيه
قاعدين نحكى تاريخ امجادنــا على مساطبنا فى العشويه
و نقول فعلوا و عملوا و تركوا و نفضل نمدح للصبحيه
و عندك برده فقير مش لاقــى زوجته بتولد له سنويه
تيجى تقوله يا عم كفايــــــه يرد يقول دى العزوه هنيه
من كترتهم عاملين هيصـــه قاعدين مولد ع الطبليه
صحيح ربنا هوه اللى بيرزق بس نفكر صح شويه
و التجار الله يجازيهــــــــم لا فى رحمه و لا حنيه
من غير ازمه يقول لك ازمــه و هيه فتره و معديه
و عندك برده شباب فى الجامعه المفروض يتوزنوا شويه
عاملين عصبه و ربوا دقونهم و بره الجامعه حاجات مخزيه
فيكى يا بلادى عادات مش هيه عايش فيها بحاله جنونيه

البلاد بريئة من هذه العادات
يارب يكرمنا ونقدر نغيرها

http://i70.servimg.com/u/f70/12/90/55/22/ouuso_10.gif

اقتباس:

---

المشاركة الأصلية كتبت بواسطة عبدالله حسن رياش

البلاد بريئة من هذه العادات
يارب يكرمنا ونقدر نغيرها

http://i70.servimg.com/u/f70/12/90/55/22/ouuso_10.gif

---

البلاد بريئه
بس ده مش يمنع انها للاسف موجوده
ربنا يكرمنا فعلا و نقدر نغيرها
مشكور استاذنا
جزاك الله كل الخير

http://www.alamuae.com/gallery/data/media/123/0163.gif

كتبتى فابدعت
ووصفتى فأحسنتى الوصف
بارك الله فى قلمك وعقلك