عادات مش هيه ............................

[وسام غانم]

زجل بعنوان
عادات مش هيه

فيكى يا بلادى عادات مش هيه عايش فيها بحاله جنونيه
جالى صداع وكرهــــــت الدنيا من اللى بشوفه بعينى حوليه
احنابلاد العلم طريقنا اهل حضاره و أم الدنيا
شوفوا العالم كله اتقــــــــــدم و احنا حالتنا زى ما هيه
قاعدين نحكى تاريخ امجادنــا على مساطبنا فى العشويه
و نقول فعلوا و عملوا و تركوا و نفضل نمدح للصبحيه
و عندك برده فقير مش لاقــى زوجته بتولد له سنويه
تيجى تقوله يا عم كفايــــــه يرد يقول دى العزوه هنيه
من كترتهم عاملين هيصـــه قاعدين مولد ع الطبليه
صحيح ربنا هوه اللى بيرزق بس نفكر صح شويه
و التجار الله يجازيهــــــــم لا فى رحمه و لا حنيه
من غير ازمه يقول لك ازمــه و هيه فتره و معديه
و عندك برده شباب فى الجامعه المفروض يتوزنوا شويه
عاملين عصبه و ربوا دقونهم و بره الجامعه حاجات مخزيه
فيكى يا بلادى عادات مش هيه عايش فيها بحاله جنونيه

[عبدالله حسن رياش]

البلاد بريئة من هذه العادات
يارب يكرمنا ونقدر نغيرها

[وسام غانم]

البلاد بريئة من هذه العادات
يارب يكرمنا ونقدر نغيرها

البلاد بريئه
بس ده مش يمنع انها للاسف موجوده
ربنا يكرمنا فعلا و نقدر نغيرها
مشكور استاذنا
جزاك الله كل الخير

[زهره المدائن]

[محمد فؤاد محمود]

كتبتى فابدعت
ووصفتى فأحسنتى الوصف
بارك الله فى قلمك وعقلك