يوميات أم من البلد دى .............!!!!!!!

[نعمه محمود]

قبل ما أبدأ أحب أحيي دعاء وشريف على الفكرة دى لأنه ثبت علميا إن الفضفضة بتخفف الضغوط والتوتر وانا كنت مداومة على كتابة مذكراتى اليومية باستمرار لكن مع الانشغال دلوقتى بقي صعب وبما اننا بنقعد وقت طويل هنا على النت فالفضفضة أونلاين هتكون مفيدة خاصة لو أستفدنا من تجارب بعض
الاطار اللى اخترته لمذاكراتى هو دورى كأم وموظفة بالاضافة إلى انى مهمومة بحال البلدى هحكي لكم هنا عن مواقف يومية بتقابلنى مع ولادى , مع مدرسينهم ,وطبعا هنحكى شوية مع بعض عن المضايقات اللى بتقابلنا في شغلنا فى الشارع
أتمنى أنكم مش تزهقوا ولا تتخنقوا

[نعمه محمود]

يااااااااااااه أخيرا قعدت أعمل حاجة لنفسي ,أيه كمية التعب اللى بتعانيها الأم المصرية الموظفة دى .لابجد كمية إجهاد وتعب ربنا وحده اللى بيقوى عليهم
بدأ اليوم إنى قررت أروح تدريب مهم عرفت إنه بدأ ورغم بعد المسافة إلا انه يستحق وتقريبا أنا غاوية تعب المهم أول مادخلت مركز التدريب أقابل المشرفة على رسالتى وأنا أصلا بتجنب أقابلها ومبروحش الجامعه عشان ما تسألنيش عملتى أيه
وشيء مستحيل إنها تتواجد فى المكان ده لكن نقول أيه حظ بقي وطبعا أول ماشافتنى سألتنى عن الرسالة وخلصت أيه وطبعا كنت فى غاية الحرج منها
بعد كده بدأنا التدريب وخلصنا الساعه واحدة ونصف
فاااااااصل ونواصل

[نعمه محمود]

بعد كده رجعت البيت آه نسيت أقولكم إنى خفت أودى الولاد المدرسة من الجو وهما أصلا امبارح كانوا اجازة المهم رجعت البيت لقيتهم تعبانين وعندهم برد خدتهم للدكتور قالى برد جامد ياخدوا دوا اسبوع واشوفهم
رجعنا البيت وبدأت التليفونات تشتغل عشان اشوف الولاد أخدوا ايه فى المدرسة نقلت الدروس بالتليفون عشان نبقي متابعين وطبعا بعد كده الغدا وشغل البيت اللى مش بيخلص بجد حاسة انى زى الثور اللى مربوط فى ساقية وعمال يلف بلا نهاية

[امل لاشين]

ربنا يقويك يانعمه ..ويخليلك عمر وحبيبه

بجد يوميات جميله ...مش عاوزة مساعده ......هههههههههه

بس ممكن وقتها اكون اصعب من عمر وحبيبه ..

[نعمه محمود]

اقتباس المشاركة الأصلية كتبت بواسطة امل لاشينربنا يقويك يانعمه ..ويخليلك عمر وحبيبه

بجد يوميات جميله ...مش عاوزة مساعده ......هههههههههه

بس ممكن وقتها اكون اصعب من عمر وحبيبه ..

حمد الله ع السلامة يا أمولا وحشتينا أوى جدا خالص

[نعمه محمود]

النهاردة كان يوم لذيذ خاصة فى التدريب فيه فايدة علمية حقيقية

[نعمه محمود]

السلام عليكم ورحمة الله وبركاته
أنا بجد النهاردة تعبت جدا وكان يوم صعب جداااااااااااااااااااااااااا
النهاردة صحيت الساعه 6 وربع وطبعا الربع ساعه دى بتفرق جدا
المهم 7 وربع نزلت الولاد المدرسة وبطلع الموبايل اكتشفت انى نسيت الموبايل فى البيت طبعا لازم ارجع اجيبه
قلت مش مشكلة عشر دقايق واجيبه شوفو الحظ بقي باب الشقة يحلف ماهو قافل اقفله مش عاوز يتقفل وانا هعيط الوقت بيعدى والمشوار بعيد والطريق بيتزحم
المهم اضطريت اقفل الباب الحديد وامثل ان باب الة مقفول وخلاص وبمجرد مامشيت شوية ألاقي لمبة البنزين منورة يادى الهنا العربية مفيهاش بنزين إذن لامفر من التوقف مرة أخرى للتموين
الحمد لله الطريق من شبرا لمصر الجديدة كان زى الفل مخدش منى ربع ساعه وعنها بقي ووصلت روكسي خلاص بينى وبين مركز التدريب دقيقتين والشارع قفل لاعارفه اركن ولا عارفه اوصل
على الحال ده نص ساعه لحد ماربنا سهل وصلنا التدريب وفعلا مفيد جدا والحمد لله موفقة فيه اوى
وانا راجعه الطريق كان بشع وفوق بشع بشويتين تلاتة وانا بسلامتى عازمة ناس ع الغدا ( هو مش كده بصراحه هما اللى عزموا نفسهم) والله بقيت حاسة انى بسابق الزمن المهم كنت عاوزة اقيس الضغط لانه عالى من امبارح
دخلت صيدلية قيست وياريتنى ماقيسته لانه طلع عااااااالى جدا ماعلينا هو ايه فى حياتنا ما يعليش الضغط
الحمد لله على كل حال
فى احداث تانية لوقدرت هكملها

[نعمه محمود]

يوم مرهق جدا بس احلى حاجة فيه انى بكرة هسافر اشوف ماما
دعواتكم

[نعمه محمود]

دعواتكم لعمر وحبيبة بالشفاء

[نهاد فؤاد]

[نعمه محمود]

ميرسي يانهاد دعواتك

[نعمه محمود]

من مجرد دور برد إلى نزلة شعبية حادة تصيب البيت كله الحمد لله على كل حال