يوميات أم من البلد دى .............!!!!!!!

[نعمه محمود]

قبل ما أبدأ أحب أحيي دعاء وشريف على الفكرة دى لأنه ثبت علميا إن الفضفضة بتخفف الضغوط والتوتر وانا كنت مداومة على كتابة مذكراتى اليومية باستمرار لكن مع الانشغال دلوقتى بقي صعب وبما اننا بنقعد وقت طويل هنا على النت فالفضفضة أونلاين هتكون مفيدة خاصة لو أستفدنا من تجارب بعض
الاطار اللى اخترته لمذاكراتى هو دورى كأم وموظفة بالاضافة إلى انى مهمومة بحال البلدى هحكي لكم هنا عن مواقف يومية بتقابلنى مع ولادى , مع مدرسينهم ,وطبعا هنحكى شوية مع بعض عن المضايقات اللى بتقابلنا في شغلنا فى الشارع
أتمنى أنكم مش تزهقوا ولا تتخنقوا

[المهندس هشام كمال الدين]

ابدا مش ممكن نزهق من حضرتك
المهم حضرتكم متزهقيش مننا
في انتظار يومياتك

[نعمه محمود]

اقتباس المشاركة الأصلية كتبت بواسطة المهندس هشام كمال الدينابدا مش ممكن نزهق من حضرتك
المهم حضرتكم متزهقيش مننا
في انتظار يومياتك
أعتبر ده وعد
دايما حضرتك تجبر بخاطرنا والله ياباشمهندس

[دعاء شديد]

ههههههههههههههههههه
احكى احكى وفضفضى
اوعى تشيلى فى نفسويتك
هى الحياة ايه غير اننا نفضفض وطبعا لا يمكن نزهق منك ابدا

[نعمه محمود]

اقتباس المشاركة الأصلية كتبت بواسطة دعاء شديدههههههههههههههههههه
احكى احكى وفضفضى
اوعى تشيلى فى نفسويتك
هى الحياة ايه غير اننا نفضفض وطبعا لا يمكن نزهق منك ابدا



خلاص اتحملوا بقي

[نعمه محمود]

بسم الله الرحمن الرحيم
بعد أن أقتربت شمس النهار من المغيب هقولكم على احداث النهار
طبعا صحيت لقيت الاستاذ عمر والانسه حبيبة مخربين الزمان دول عملوا اللى عليهم وبهدلو كل ركن فى البيت رتبت شوية وفطرنا وبما انهم بيمتحنوا امتحانات الشهر فلا اجازة بل مزيدا من العناء مع الكتاب ووجع القلب شوية مذاكرة شوية لعب شوية ضرب كل ده برضه أرحم من نزول الشارع فى يوم عمل

[نعمه محمود]

شوفوا بقي قعدت اذاكر لحبيبة francais لان عندها امتحان وبذاكر لعمر English لانه عنده امتحان هو كمان وطبعا عاملة فصل قوات عشان المشاكل وانا بتحرك بينهم من مكان لمكان وأحيانا برد على واحد منهم وأنا قاعدة مع الثاني
وبعد كده قلت أراجع لهم أكتشفت ان عمر حفظ الفرنش بتاع حبيبة وحبيبة حفظت الانجلش بتاع عمر وانا بصوت وهلم عليا العمارة

[شريف]

ههههههههههههه
ربنا يصبرك
و يعينك على مهمتك المستحيلة
يا أجدع أم
استمري

[نعمه محمود]

اقتباس المشاركة الأصلية كتبت بواسطة شريفههههههههههههه
ربنا يصبرك
و يعينك على مهمتك المستحيلة
يا أجدع أم
استمري

أكيد هستمر
دى فرصتى ههههههههههههه
بس عاوزة شوية تشجيع

[دعاء شديد]

اقتباس المشاركة الأصلية كتبت بواسطة نعمه محمود

أكيد هستمر
دى فرصتى ههههههههههههه
بس عاوزة شوية تشجيع

هههههههههههههههههههههه
انا معاكى قلبا وقالبا
مترحميهومش
عمر افندى وحبيبه هانم
بص عامليهم كانك مسكتى حرامى
هههههههههههههههههههههههههه
صباح الفل

[نعمه محمود]

اقتباس المشاركة الأصلية كتبت بواسطة دعاء شديداقتباس المشاركة الأصلية كتبت بواسطة نعمه محمود

أكيد هستمر

دى فرصتى ههههههههههههه

بس عاوزة شوية تشجيع

هههههههههههههههههههههه

انا معاكى قلبا وقالبا
مترحميهومش
عمر افندى وحبيبه هانم
بص عامليهم كانك مسكتى حرامى
هههههههههههههههههههههههههه

صباح الفل

أسكتتى دول هيشوفوا أيام فظيعه

[نبيل حزين]

أختي الفاضلة أم عمر وحبيبة الأستاذة نعمة محمود
قرأنا اليوميات الأولي وأعانك الله على الأخوين عمر وحبيبة
هذه هي الامتحانات إرهاق للوالدين ومعاناة يعنيها الجميع
وربنا يكون في عونك وأكملي يومياتك
نحن في انتظارك

[نعمه محمود]

اقتباس المشاركة الأصلية كتبت بواسطة نبيل حزين

أختي الفاضلة أم عمر وحبيبة الأستاذة نعمة محمود

قرأنا اليوميات الأولي وأعانك الله على الأخوين عمر وحبيبة
هذه هي الامتحانات إرهاق للوالدين ومعاناة يعنيها الجميع
وربنا يكون في عونك وأكملي يومياتك

نحن في انتظارك

شكرا أستاذ نبيل على مرورك نورت الموضوع

[نعمه محمود]

النهاردة بقي يوم طوووووووووووووويل جدا بدأ من امبارح الاخوين عمر وحبيبة كان عندهم أرق نامو ساعة فى أول الليل وصحيو لحد الصبح وطبعا انا صاحية معاهم وبدأ يومى الفعلى الساعه 6
عملت لهم السندويتشات اللى عمرهم ما كلوها ولازم ترجع زى ماهى ومع ذلك أنا مصرة أعملها كل يوم . المهم عشان ما اطولش عليكم ,قولوا طولى سخنت العربية وتوكلت على الله آه نسيت أقولكم انى حلمت انى عملت حادثة وده طبعا رعبنى بس طردت الفكرة من دماغى عشان اعرف اكمل اليوم المهم رحت المدرسة ورجعت خدتهم من المدرسة الساعه 3 وفى وسط كل ده لم يخل الأمر من مضايقات كثيرة من سائقي التاكسي والميكروباص واتحقق الحلم لكن الله سلم وكانت ترييحة بسيطة حمدت ربنا انها جت سلمية وكنوع من التمرد عملت الغدا واتغدينا وبشرب قهوة دلوقتى فى السرير ومش هذاكر لحد

[شريف]

حمد لله ع السلامة
خدي بالك من نفسك و الولاد

و بعدين كفاية بقا ماتذاكريش لحد
سيبيهم يعتمدوا علي نفسهم
القعدة ادام المنتدي بالدنيا

هههههههههههههههههههه

[نعمه محمود]

اقتباس المشاركة الأصلية كتبت بواسطة شريفحمد لله ع السلامة
خدي بالك من نفسك و الولاد

و بعدين كفاية بقا ماتذاكريش لحد
سيبيهم يعتمدوا علي نفسهم
القعدة ادام المنتدي بالدنيا

هههههههههههههههههههه

آه والله عندك حق يعنى اللى ذاكروا خدوا ايه

[نعمه محمود]

الولاد دلوقتى حسوا انى ارتحت شوية جابوا قايمة الطلبات بتاعتهم
حبيبة : مامى أنا عاوزة 100 جنيه عشان حفلة الكريسماس
و 30 جنيه كراسة تدريبات
و50 جنيه شيتات مراجعه
و50 تبرع للفقرا
عمر أفندى : مامى عاوز 40 جنيه رحلة وعشرين جنيه للدادة وزيهم للحارس

ومن ساعتها وانا عاملة كده

[شريف]

مش عاايزة طفل كمان تتبنيه ؟
هههههههههههه
انا طلباتي مش كتير
واحدة كيمو كونو من ام تلاتة جنيه

[نعمه محمود]

اقتباس المشاركة الأصلية كتبت بواسطة شريفمش عاايزة طفل كمان تتبنيه ؟
هههههههههههه
انا طلباتي مش كتير
واحدة كيمو كونو من ام تلاتة جنيه

[نعمه محمود]

النهاردة صحيت الساعه 6 وصحيت الاطفال الأشرار وكالعادة نزلنا جررررررررررررى على المدرسة
وكان عندى الحصة الأولى وأثناء ما أنا شغالة الموبايل بيرررررن خير اللهم اجعله خير ألاقي اخواتى بيقولوا لى إحنا عند البيت طيب وبعدين؟ أعمل أيه هو أنا شغالة فى فرن بلدى ياجماعه ,ما علينا نزلت جرى رحت لهم وبعد السلامات والذى منه واحدة صاحبتى اتصلت بيا عاوزانى اروح معاها تشترى لاب توب قال يعنى حبكت النهاردة وطبعا لأنى وعدتها ومش بحب أخلف وعدى فخدتنى الشهامة المهم اشترينا اللاب ورجعت جبت الولاد من مدارسهم وقلت ارتااااااااااااااح بقي وإذ فجأة تتصل بيا أختى حبيبتى عاوزة حاجات من عندى ضرورى ولازم اروح من شبرا للمعادى وبعد صررررراع طويل مع اكتر من لورى على الطريق لانى بفضل اخد الاوتوستراد وده طريق سفر وصلت عند أختى حبيبتى وقعدت اعيطعلى اليوم اللى ضيعوه اخواتى وصاحبتى وحاليا أنا لسه فى المعادى ادعولى أرجع سليمة