ثورة ثورة حتى آخر مواطن فى مصر

[نعمه محمود]

ثورة ثورة حتى آخر مواطن فى مصر


الثورة جميلة وبنت ناس والكل بيشكر فيها إلا الفلول
اللى أنا منهم....... لكن للأسف اللى قاموا بالثورة معرفوش يحموها
لأنها جت معاهم by luck ومقدروش يحافظوا عليها
طبعا محدش ينكر إننا اتخلصنا من الفساد اللى كان متوغل فى كل حاجة
وخلصتنا من عصابة كانت بتحكم البلد ماشي لحد كده جميل
طيب وبعدين؟؟؟؟؟؟؟؟ الخطوة الجاية يعنى
عاوزة بقي أحس بالتغيير بجد .عاوزة ارجع أمشي فى الشارع وأنا مطمنة
مش عاوزة أخاف على ولادى وهما وحدهم فى البيت
ليه الناس بتقول تمن الحرية غالى؟؟؟؟؟ أنا مكنتش من العبيد
ولا أى مواطن فى مصر كان عبد لحد
ليه مطلوب منى أدفع تمن سلعة أنا مااشتريتهاش
هنتظر لحد ايمتى عشان الحياة ترجع لطبيعتها
احنا فعلا قضينا على نظام فاسد
لكن الفساد موجود فى كل حتة
اتخلصنا من الشرطة و الحمد لله
البلطجية ملوا البلد
حتى عقلنا اتخلصنا منه وبقينا نعلق أى حاجة على شماعة الفلول
لأننا معندناش حلول واقعيه ومش عاوزين نواجه نفسنا
ان نص الشعب بقي بيبلطج على النص التانى
أى موقف مش على هوانا نقول الفلول
نفسي أفهم أهالى الشهدا قاعدين ليه فى التحرير
هل ده هو اللى هيرجع الشهدا ليه وقف الحال ده
والغريبة ان مذيعة العاشرة مساء بتقول لقد بدأ
أهالى الشهداء يتململوا من نمط حياة الباعه الجائلين فى الميدان
ده على أى أساس ؟ على أساس ان الميدان بقى ملك لاهالى الشهدا
يرضى ربنا إنى أنزل النهاردة أودى ولادى استشارة بعد عملية جراحية
وبعد ما اوصل ميدان التحرير الاقى الناس بتجرى تحذرنا
ارجعوا بسرعه هيموتو ولادكم ويكسروا العربية
ليه ياسيدى؟؟؟؟ خناقة بين أهالى الشهدا والبائعين
ياحلالالالاوة على رأى مظهر أبو النجا
ابص ألاقى انابيب بوتجاز بتنفجر وشوم وعصي
كل ده فى ميدان التحرير ونعم الثورات بجد
طيب بالله عليكم اقتنع بيها ازاى
لما شفت المشهد ده قلت


عارفه سواد العسل؟
اهو ده اللى حالك ليه وصل
يابلد معانده نفسها
ياكل حاجه وعكسها
انسينى انا صبرى انتهى
ومش هشوف فيكى امل
وحسيت ان شعار الثورة اصبح ثورة ثورة حتى آخر مواطن فى مصر
بعد أن كان شعارها ثورة ثورة حتى النصر


ملحوظة رفيعه
ياريت النقاش يكون عقلانى بلا تشنج
مش عيب ابدا اننا نختلف
العيب اننا نخسر بعض عشان مختلفين
وياريت مش ألاقى عضو مسجل النهاردة داخل يرد
على الموضوع
معلش أنا ديكتاتورة

[دعاء شديد]

بصى يا نعمه
كل حاجه بعد الثورة زادت ... اه والله
كنا بنقول زمان قبل 25 ان مفيش ديمقراطيه ... لان الي حاكمين البلد ديكتاتورين
دلوقتى بسم الله ما شاء الله ......... احنا الي بنصادر على رأي بعض
فزادت الديكتاتوريه بس بغباء

***********
زمان كان الموظفين بيقولوا ايه "هنشتغل على اد فلوس الحكومه"دلوقتى الحمد لله محدش بيشتغل وعايزين فلوس من الحكومه
هو كده

**********************
زمان كان الاعلام فاسد وفى تعتيم ولما
يقولوا 300 جريح معناها انهم اكتر من 1000
دلوقتى بقى كله فبركه واخبار لا صحه لها

*************
زمان كنا بنزهق من كتر اعلانات رجال الاعمال الي فى الجرايد
دلوقتى بنزهق من صور الصحفين الي لازقه فى كل مقال مهما كان حجمها
على اساس ان الديمقراطيه ان الصحفى ينزل اسمه وصورته
مش مهم كاتب ايه المهم الصورة يا بيه

*******************
زمان كنا بنكره المدير ضعيف الشخصيه
دلوقتى مفيش حد قيادى الا علشان شخصيته ضعيفه

****************
يبقى الطبيعى ان اهالى الشهدا بعد مكانوا يظهروا فى اى برنامج ويطالبوا
بحق دم الشهيد انهم ينزلوا ميدان التحرير
كل حاجه بقت زياده لدرجه انها بقت ماسخه
وكل واحد له سلطه على الاقل
وعايز يقهره ... والنبى دى الديمقراطيه والحريه ؟؟؟؟
ملعون الي فهمهالهم كده

المفروض يغيروا اسمه ميدان التدمير
بقى نقطه انطلاق للتدمير مش للتعمير

*********************
حمد الله على سلامتكوا من ميدان التدمير
وربنا على القوى والمفترى والغبى
:31:
من فلوله من الفلول

[جمال سراج]

aشوفى يا نعمة هأقول رأيى اللى هو مش كيميا باختصار زى ما بتقولى الثورة دى جت كدا مكنش فيه تخطيط هناك سلبيات كتير بعدها أهمها محاكمات الشرطة وعفوا أنا مش هسميهم شرطة أبدا لأن المفروض إن الشرطة تحمى الشعب لكنها كانت تحمى النظام ولصالح النظام فقط وعشان نكون واقعيين مش الشرطة وحدها ... الجيش برضوا كان يحمى النظام لأن رئيس الجمهورية كان واحد من الجيش المهم المفروض الحال يتغير لكن دا صعب على بتوع الشرطة اللى فى يوم وليلة دخل الأسياد بتاعهم السجون والمعتقلات وتحول الحال وانقلب البلطجية اللى هما أصلا ربوهم وعملوهم عليهم لأن بالتأكيد مين ربى البلطجية غير بتوع الشرطة سواء بتوع مخدرات او سلاح او غيره دا رأيى كانوا يعملون بمدأ نفع واستنفع المهم الآن رجال الشرطة والجيش وقد تغير الحال فيه منهم ناس كتير خصوصا بالشرطة مش قادرين يفرقوا بين البلطجة وبين الحفاظ على البلد ومقدراتها وحماية كيان الدولة يعنى بيتصوروا انهم لو بلطجى مات هيتحاكموا ويلاموا والحل فى إيد الجيش والحكومة انها تدعم الناس دى وتقف معاها وتمنحهم صلاحيات التصدى للبلطجة دون مساءلة بس قبل ما يحصل دا يطهروها الأول لأن الغالبية منهم مازلوا يتعاملون بمبدأ العهد الماضى ... نظام الفردة يعنى والبلطجة على الغلابة بس أصحاب الحقوق انما مش بيقدروا يقفوا أمام البلطجية الحقيقيين برأيى أن اللى مش شايف شغله منهم يمشى فى ستين كاسحة وهناك من الشرفاء الكثير اللى يقدر يخدم بلده بأمانة ولو كنت صريح شوية أقولك إن بلدنا دى عاوزة أحكام عرفية ويمسك الجيش الحكم سنتين تلاتة وتتم محاكمات سريعة كعادة الجيش الحزم والسرعة فى أمور البلطجة لكن للأسف هناك معارضات شديدة لكدا من أعوان الغلب اللى بيدخلونا فى حتة الديمقراطية والحريات والأفلام والشعارات اللى مش وراهم غيرها والبلد عمالة تولع والبلطجة فى تزايد وزى ما بيقول وزير الداخلية المحترم إن البلد تشهد انفلاتا أخلاقيا وأمنيا لو جينا لأهالى الشهداء برأيى أنهم عندهم حق --- طبعا بتكلم عن الناس المحترمة مش البلطجية ومش كل البلطجة الحاصلة الوقتى من اهالى الشهداء ولكن من المندسين بينهم اللى عاوزين البلد تولع واللى المفروض يبادوا فورا ودون اى مساءلة او محاكمة لان دول وباء على مصر انما اهالى الشهدا عندهم حق فى المطالبة بالاسراع بالمحاكمة مش كل شوية تاجيل تاجيل برغم ان القضايا واضحة زى الشمس فى حين ان فيديو يتعرض على النت فى ثانية يحول الموظف اللى بيعلم الولاد فى الحضانة وبيعاقبهم للجنايات اى عدالة هذه واى قانون دا هل الاحكام والقوانين فى مصر تنفذ على الغلابة بس!!!!!!!!!!!!!!!! أعتقد أنها إلى الأن وبالطريقة دى تبقى كدا!!!!!!!!!!!!!!!!!!!!!!!!!!!!!!!!!!!!! شكرا يا نعمة وربنا يجيب العواقب سليمة وغسلمى يا بلادى

[شريف]

You can see links before reply (You can see links before reply)

[Mr:M.Kamal]

no comment

[المهندس هشام كمال الدين]

بسم الله الرحمن الرحيم
أبدأ ردي علي الموضوع بالكلمة الخالدة .. لأبي القاسم الشابي إذا الشعب يوما أراد الحياة.. فلا بد أن يستجيب القدر كلمات مبهرة ساطعة في سماء الحرية لان الثورات لا تولد عن طريق الصدفه بل هي وليدة حاكم ظالم يقود مجموعة من متخصصي السلب والنهب لمقدرات شعب مسالم تحمل الظلم والفقر فإنتفض ليتحرر..وعن رأيي الشخصي لا أعتبرها أنتفاضة شعب بل ثورة شعب. والثورة تعني التغيير وتعني الأستمرار حتي تتحقق او الموت دونها. والمصري هو المصري الذي أحب عبد الناصر لأنه أنحاز للفقراء وهو نفس المصري الذي كره مبارك الذي أنحاز للأغنياء ومكنهم علي شعب بسيط.. لذا تعددت ردود الافعال بعد الثورة يقودها فلوله في محاولة شبه مستحيله للعودة بنا الى الوراء مستترين بين الشرفاء ولكن الله غالب على أمره وسيرد كيدهم. وبنظره واقعية للأحداث نجد أن العيب فينا وليس في الثورة العيب في كم الهمج من الشعب الجاهل الغير مدرك لعظمة ما أنجبته الثوره من الإطاحة برموز الفساد والأتجاه لمستقبل أفضل وأن الثوار ليس لهم دخل فيما يحدث من تصرفات الغوغاء. ولانستطيع القول أن الثوار هم من تمتلأ بهم الشوارع يبيعوا ويشتروا ويسببوا الهرج والمرج في كل الأحياء. أري أن نصبر قليلا فالثوره لم تأتي ثمارها في أيام قليلة. حما الله مصر وأعز شعبها. وشبعه بيتزا وريش بالباربيكيو كمان
مجرد رأي...

[حبيبه المصريه]

تعليق مبسط جدااا
فوضى فوضى فوضى
لآخر شبر فى مصر
لى عوده لتواصل اكبر
سلمت أناملك
وبجد مش عارفه السيرفر بيودى الصفحه فين
ولا صندوق الادوات اللى يخلينا نقرر اعتزال الكتابه

[Mr:M.Kamal]

هو انتوا يا جماعه بتحذفوا الاراء اللى مش على هواكوا شكرا كتير ليكم ولتحيا الثورة

[شمس بياض]

دى نتيجة واحدة من نتائج حكم مبارك والناس زعلانة علشان الثورة قامت
فيه ناس بتاكل بيتزا وسكالوب وبانيه ومعرفشى ايه
وناس بتاكل بقاياهم وناس تانيه بتاكل بالجزم فوق راسها

لو قالت الحقيقه من الشرطة ومن النظام الباغى ومصر خيرها كتير
لكن رايح للاسف للغيرمثل اسيادهم امريكا واسرائيل


عايزة اعرف بقى رايكم ايه فى الصورة

هل مصر مفيهاش خير ياكل
الاولاد دى ؟؟؟
ولا حلال لاسرائيل وشويه حراميه وحرام على المسلمين اهل البلد
والمسيحيين ايضا

You can see links before reply

[نعمه محمود]

معلش ياجماعه مش هلتزم بالترتيب فى الرد

هو انتوا يا جماعه بتحذفوا الاراء اللى مش على هواكوا شكرا كتير ليكم ولتحيا الثورة
معلش يا مستر M kamal هو فين رأيك اللى أتحذف
انا رجعته بنفسي حالا وهو اتحذف مش لأنه رأى مخالف لينا لا اطلاقا
هو اتحذف لأنه لا رأى
كلمة no comment عمرها ما كانت رأى

[Mr:M.Kamal]

هل حضرتك لم تفهمى شئ من كلمة no comment!!!!!!!!!!!

[شمس بياض]

الاستاذ جمال سراج اخى الفاضل اثلجت صدرى بردك البارع انت والمبدع القدير الباشمهندس هشام واسمحوا لى بالرد وتقبلوا ا الرد انا لا انتقد اشخاص بل افكار

[نعمه محمود]

لا حول ولا قوة الا بالله
واضح ان مفيش فايدة
طيب يامستر بدل الغلط طالما الموضوع مش عاجبك
ممكن متدخلوش
وكنت اتمنى اشوف لك رأى
ونتناقش
افضل من اللا رأى والغلط
شكرا

[شمس بياض]

منعلهش عقبال ما اكتب الرد نقرا سوا ابداع وراى اخر لاحد الشعراء ان اسف يا ريس ... انا آسف وبصراحة .. اصلى ماكنتش اصيل يا معلمنى الأباحة .. نفسى ارد الجميل يا مظبط اهل بلدك .. اكتر من اسرائيل هتقولى ايه اللى فيها .. هقولك فيها فيل ...فيه اكتر من حريقة .. وفى كل بيت شهيد فاكر اهل الدويقة .. فاكر قطر الصعيد طب سرطان الخضار .. والعيشه الغاليه نار والمعبر والجدار .. ولا الفكر الجديد اسف لجمال وعزمى .. ولصفوت ولسرور كل الى مصو دمى .. ولسه فى القصور اسف علشان سايبكو .. وحياة بلدى لاجيبكو وفى التحرير حابنيلكو .. احلى واجمل ...... تييييييت

[نعمه محمود]

ههههههههههههههه
والله طول مافى كده
وثقافة القطيع دى مسيطرة علينا
البلد دى ماهتتقدم
منورة يا اخت شمس

[نعمه محمود]

معلش ياجماعة واضح ان الموضوع أكبر من ادراك البعض
وشافوا منهم مايتناسب مع افقهم الضيق بس
فرجاء الموضوع مش خناقة اللى قادر يناقش باحترام اهلا وسهلا
واللى مش قادر بلاش يتعب نفسه
السيرفر مشغول ومش فاضى

[Mr:M.Kamal]

انا غلطت فى اية دا انا مكتبتش غير no comment فين الغلط اما انا كتبت الكلمة دى قولتى افق ضيق امال لو رديت هيبقى ردك اية شكرا على اسلوب الحوار الراقى

[نعمه محمود]

معلش يادعاء مش عارفه اعمل اقتباس
هرد عليكى من غيره ههههههه
لما قريت ردك قلت فى نفسي العلم نور برده
فعلا دكتورة ماشاء الله حللتى الموقف صح
تسلمى ياقمر وربنا يكملك بعلمك وعقلك
فعلا العقل نعمه

[نعمه محمود]

مستر جمال احترم وجهة نظرك جدا فجهاز الشرطة قد استشرى فيه الفساد
وتوحش وقلنا كثيرا أنه لايحمى الا النظام ولذلك حدث ما قد كان
اتمنى اعرف رأيك فى باقى الموضوع لان قضيتنا اليوم ليست الشرطة بل البلد

[نعمه محمود]

الذين يشاهدون الموضوع الآن: 14 (4 من الأعضاء و 10 زائر)

نعمه محمود (You can see links before reply)
دعاء شديد (You can see links before reply)+
Mr:M.Kamal (You can see links before reply)
شمس بياض (You can see links before reply)+






ياترى بقى ال 10 زوار اللى فى الموضوع ثورة ولا فلول هههههههههه

[نعمه محمود]

انا كمان ياشريف زيك تمام زهقت من حاجات كتير فى البلد
بقى عندنا كوكتيل قلة أدب على قلة أخلاق على بلطجة
وفعلا الحل انهم يلموا شوية الصيع اللى فى التحرير
ويرموهم فى اى سجن حربى ونخلص بقي

You can see links before reply

على فكرة خطك حلو أوى ماشاء الله
اما بخصوص سؤالك فالذكور موجودون انما الرجال قليلون للأسف
فهم ينتمون لجنس الذكور فقط أما افعال الرجال فهى بعيدة عنهم
نسأل الله أن يولى من يصلح

[نعمه محمود]

مستر هشام نورت الموضوع وفعلا الثورة وليدة الظلم
والتمييز الثورة نتيجة طبيعية لقهر الطبقة الوسطى التى كانت بالبلدى كده مستورة
فأصبحت مقهورة وحدث لها حراك اجتماعى لاسفل السلم
ولكنى مُصرة أن (الله وحده أسقط النظام) أراد الله لدولة الظلم أن تزول
وكلنا نعلم ان الذين خرجوا لم يخططوا للثورة
بس سيبك مفيش احلى من الباربيكيو
بلا ثورة بلا بطيخ
نورتنى حضرتك وشاكرة مرورك

[نعمه محمود]

حبيبة المصرية
تسلمى لى ياقمر
منتظرة طبعا مشاركتك وتحليلك الرائع للموضوع

[شمس بياض]

على فكرة يا استاذة نعمة انت اول واحدة عارفه انى لا انساق ورا احد وتفكيرى من دماغى وكنت كاتبه رد كلمة بكلمة على كلامك وللاسف المنتدى مسح الكلام حتى عملته تكست وقبل ماحفظه الكمبيوتر هنج لكن اوعدك انى ارد على كلامك ههههههههههههههه والله طول مافى كده وثقافة القطيع دى مسيطرة علينا البلد دى ماهتتقدم وعيبالكلام دهوت يعنى ايه سياسه القطيع طبعا انا اتمنى ان بلدى تتقدم وتبقى احسن بلد وان شاء الله هاتقدم برغم انوف الحاقدين والبلطجيه والمنتفعين والمفسدين واعوانهم وبعدين مش من حقك تقولى لحد فى المنتدى امشى ولا السيرفر مش ناقص كلنا صنعنا المنتدى دهوت يعنى مش بتاع حد ولا حكرا على احد وياريت نكون قلبنا شويه على اللد ونزرع فيها الامل يارب كمان الرد دهوت يبقى موجود فينك يااشرف السيد تعدل السيرفر

[جمال سراج]

[QUOTE]



شوفى سيدتى ...
الأمن أهم قضية الوقتى زى ما حضرتك أشرتى
حكاية فلول النظام دى أنا معاكى إن احنا تمادينا وبنتمادى فيها شوية كتير
وحتى دى فيها خلاف
هههههههههههههههههه
اسمحيلى عفوا أصل أنا مستغرب من الإستهبال
سيدتى لو قلنا فلول النظام هما بتوع الحزب الوطنى سابقا فليدرك الجميع أن الغالبية منهم اليوم هم فى ائتلافات ما يسمى بثورة 25 يناير
بالعربى يعنى نحن فى موسم المتحولين
النظام السابق للأسف فرض التوريث فى كل حاجة
الاعلام والتليفزيون مثلا إلى الأن عائلات
القضاء نفس الشىء
موظفو البنوك
اساتذة الجامعات
منتسبى الشركات السيادية والمصالح ال5 استارز
وهكذا
حتى الراقصات بالوراثة
كاد ذلك أن يصبح قانونا عشان يمهد لجيمى لما ييجى -- بس أمر الله نافذ مش ثورة ولا بتاع
لان الحاصل مكنش ثورة برأيى بقدر ماهو زوال حكم غير شرعى نتيجة وهن غير متوقع بسبب الافترا والفساد غير العادى اللى خلاهم يفتكروا انهم وصلوا لدرجة الأنبيا والمرسلين!!!!!!!!!!!!!!!!! عفوا فى اللفظ

المهم أنا مش ضد الثورة ولا بشكك فى شباب جرىء وفاضل ووطنى
لكن الوضع صعب ومش سهل التغيير من يوم وليلة
بصراحة الحاصل الوقتى من اللى انا شايفه من كثرة الاحزاب والائتلافات والمرشحين للرياسة وغيرها ما يجعلنى اكرر المثل الفلاحى بتاعنا اللى بيقول
إن وقعت الجاموسة كترت سكاكينها !!!!!!!!!!!!!!!
وعفوا بلادنا مش جاموسة لكن اللى حواليها بغباءهم قولى او ربما منهم الحريص زيادة عن الازم هيدمرها

من الأخر أنا شايف الوضع زفت وحكومة فاشلة أعضائها شغالين بربوجاندا علينا تصريحات وزيارات ومنظرة بفلوس الشعب الجعان والناس الغلابة اللى مش لاقية تاكل ومش نافعة ولا قادرة تدير الوضع ولا هتنفع بالطريقة دى
آخر المنظرة علينا تصريحات سعادة وزير المالية برفع الحد الادنى للاجور
وان اللى بيقبض 100 هيبقبض 700 ... تعالى حضرتك النهاردة فى السوق وشوفى الاسعار عملت ايه
الاسعار ولعت سيدتى اسعار الاكل نار واللبس نار وكل حاجة ولعت ومحدش أخد حاجة ويا عالم وسعادته لالبس الجرافته وقاعد فى التكييف بيتكلم ... هو وغيره طبعا
واحد تانى بتاع الزراعة اسمه ابو حديد باين بيقول وفرنا 88 % اكتفاء من القمح زى ما قرأت فى حين ان نص الارض اتعملت بيوت عشوائية فى 3 شهور وهكذا
ويبقى الحل من وجهة نظرى فى اعلان الجيش الاحكام العرفية ويمسك البلد ويعين وزرا ويدير البلد ويطهر البلد ويتعامل بقسوة مع البلطجية اللى هما كتروا قوى فى البلد واذا استمرينا شوية محدش هيقدر يلم حد والبلد هتخرب فعلا ... دا اذا مكنتش فعلا خربت
شكرا ومتأسف للهجة اللى بكتب بيها ... بس والله من حرصى على مصلحة البلد وحبى ليها بالطبع زيكوا كلكوا
شكرا جزيلا

[شمس بياض]

مافيش الوان ولا خطوط طيب الناس تشتغل ازاى استغفر الله العظيم

[نعمه محمود]

معلش ياجماعة واضح ان الموضوع أكبر من ادراك البعض
وشافوا منهم مايتناسب مع افقهم الضيق بس
فرجاء الموضوع مش خناقة اللى قادر يناقش باحترام اهلا وسهلا
واللى مش قادر بلاش يتعب نفسه
السيرفر مشغول ومش فاضى

شمس انتى قريتى امشي دى فين؟؟؟؟؟؟؟
ده كلامى واضح انك مش مركزة

[شمس بياض]

عمالين تتكلموا عن البلطجيه مين اللطجية دولا هما منين ومين اللى زرعهم مش حبايب الفلول الشرطه بتتكلموا عن اهالى الشهدا انهم بلطجيه وحقهم ودم ولادهم الفاير الواحد بيزعل على طفل مابالك بشاب فاتح بيت وبياكل اسرة واسرته دون عائل تعيبون على المظلوم وتتركوا الظالم بدل ما تساعدوهم تظلموهم طيب ومين زاح عليهم البلطجيه مش حركات قديمة من الشرطة لفض اعتصامهم طيب يروحوا التلفزيون فين التلفزيون دهوت ؟؟اللى فيه مفيد فوزى وعماد وعمرو اديب اللى كانوا بيحكوا ويتحاكوا بالظالم حسنى طيب كمان عايزين انتم البلد نخرب ليه ؟البلد هاتخرب لان فيها لسه مفسدين والفساد كان سرطان منتشر ولابد وحتما ان يتعالج بالكيماوى وشويه كيماوى يتالم الشعب وبعد كدا يتعالج ويصحى باذن الله وبعدين ان الله لا يغير ما بقوم حتى يغيروا ما بانفسهم الثورة ثورة قام بها الشعب بتوفيق من الله عز وجل ضد الظلم اللى بقى للرقبه لان ربنا مش هايرضى بالظلم وبعدين مين سبب الفوضى قوليلى هو حسنى عديم البركة مش قال يا انا يالفوضى لسه فيه ذيول الافعى فى كل مكان طيب اقرى كده عنوان لسه طازة اهوو كاتبه الاستاذ مدحت صلاح فيه من المفسدين مازالوا يتعينوا فى الوزارة وفى مكان رفيع لسه البلد لم تنضف بعد عايزالها شويه يعنى لازم نستحمل علشان دى بلدنا وشويه تانى وهارد

[شمس بياض]

معلش ياجماعة واضح ان الموضوع أكبر من ادراك البعض وشافوا منهم مايتناسب مع افقهم الضيق بس فرجاء الموضوع مش خناقة اللى قادر يناقش باحترام اهلا وسهلا واللى مش قادر بلاش يتعب نفسه السيرفر مشغول ومش فاضى مش كلامك دهوت يا استاذة نعمة يعنى معناه ايه ؟؟

[نعمه محمود]

معناه ان اللى مش عارف يتناقش بهدوء يشوف موضوع تانى

[دعاء شديد]

وبعدين مش من حقك تقولى لحد فى المنتدى امشى ولا السيرفر مش ناقص كلنا صنعنا المنتدى دهوت يعنى مش بتاع حد ولا حكرا على احد

معلش يا استاذه شمس
اه حضرتك كنتى موجوده من البدايه
لكن لم تستمرى
حضرتك بتغيبى بالشهور وتظهرى تعملى مشاركه وخلاص
لكن فى اسهاماتك المتواصله ؟؟؟؟؟؟؟؟؟؟؟؟؟؟
لا تعليمى ولا غير تعليمى

لما انهارده نعمه تتكلم بتتكلم عن مكان تعبت فيه بجد
ظروفها بتمنعها ايام فقط لكن رغم الظروف
بتدخل وبتشارك

فمعلش بقولها على الملأ
محدش تعب ادنا

ولو حضرتك تحبى كلامى يبقى موثق بالتواريخ والموضوعات
مفيش اى مانع
ونقارن ونشوف مين من حقه يقول ايه بالظبط

[جمال سراج]

الوقتى عفوا للمداخلة دى
لتسمح لى صاحبة الموضوع بالرد على مستر M Kamalأعتقد سيدى ان عبارة نو كمنت دى تعنى حاجة من اتنين
اما السخرية من الموضوع وصاحب الموضوع والردود التى يتبناها صاحب الموضوع
واما نقص الخبرة والدراية والثقافة حول الموضوع
دا اللى افهمه واعتقد الدنيا كلها تفهمه من هذه العبارة
ولا أتهمك او غيرك بنقص الثقافة او الدراية أو غيره فى ذاتك .. فقط اعلق على العبارة

وأرى أن الأجدى هو التحاور والنقاش
بالعربى يا تقنعنى يا أقنعك
ويبقى التواصل طريقة للحوار والاختلاف لا يفسد ابدا للود قضية
دعونا جميعا نرتقى بعقولنا
أنا أو أى حد لما يكتب رد فهو وجهة نظر وليست بالطبع ملزمة للغير
لكن عبارة نو كمنت دى بصراحة انا شايف انها مستفزة جدا وتنم اما عن استهزاء بالموضوع او جهل وقلة ثقافة
ولطالما شارك بها أشخاص ردا على بعض موضوعاتى احيانا كوسيلة للاعتراض على وجهة نظرى مثلا او لمخالفتهم وجهة نظرى
وللأسف دون تقديم فكر بديل مثلا أو حجج تقنعنى وتثنينى على وجهة نظرى اللى مش عجباه!!!!!!!!!!!!!!!!
بس دا اللى كنت احب اقوله فى هذا الخصوص بعد إذن صاحبة الموضوع ودون التقليل من شأن المستر مطلقا أو أى أشخاص آخرين
تحياتى للجميع

[دعاء شديد]

انا غلطت فى اية دا انا مكتبتش غير no comment فين الغلط اما انا كتبت الكلمة دى قولتى افق ضيق امال لو رديت هيبقى ردك اية شكرا على اسلوب الحوار الراقى

جايز من وجهة نظر حضرتك انك مغلطش
بس من منطلق الاخوه انا اقولك غلط فى ايه

no comment
دى تتقال تعليق على خبر فى مجله او جرنال
لكن
متتقالش لزميله كاتبه موضوع فى مكان الكل عارف فيه بعضه
حتى لو المعرفه من خلال الافكار

هنا لو الموضوع معجبكش
يا ترد وتختلف وتناقش زى الباشمهندس كده
واظن انت شفت الرد عليه كان ازاى

يا متردش خالص ومحدش هيلومك

انما نرد علشان نضايق بعض يبقى
اكيد لازم المضايقه هتبقى فى اتجاهين
مش هتضايقنى واسكت يعنى

ده رايي

[شمس بياض]

بالنسبة لثورة حتى اخر مواطن وماله لما تكون اخر مواطن البلد مليانه قذارة وفساد ووساخة فيها ايه لما تنضف بالثورة وتوفيق ربنا وبعدين اذاكان الشعب فعلا عايز يتغير ربنا ساعده وهى ماجتش معاه حظ ابدا هو اراد التغيير فربنا ساعده وبعدين مين قال ان الناس ماكنتش عبيد كانت عبيد للظالمين بالرشاوى والكوسه واصلك مجربتيش يعنى ايه واحد يقلع ضوافره ولا يتهتك عرضه علشان تهمته بيصلى فى الجامع وبيقرا كتب سيد قطب ولا ماشوفتيش الغلابه كانوا بيتعاملوا ازاى فى اقسام الشرطة ولا ايه والمثل بيقول اللى له ضهر وفيه ناس كلان ليها ضهر وناس ليها ربنا وطالما لجأنا لربنا مش ممكن تانى هانرجع عبيد لحد ونستحمل ويارب ينور بصيرتنا كلنا علشان نشوف البلد رايحه فين وبعدين اللى عامل عمليهمش بتبقى فيه فترة نقاهة لحد ما يقف على رجليه ؟؟ ولا نزعل منه بقى ونقول ياريته كان مات وريحنا بالنسبة لاستاذ شريف فى مصر دكورة كتير جدا للسف ولكن ايضا فيها رجال صنعوا ومازالوا يصنعون التاريخ بعظمة مش استسلام ولا خنوع وعايزها طريه جاهزة لحد بقه يعنى الشباب اللى رتاحوا فى الثورة دمهم ان شاء الله مش هايروح هدر واللهم ارنا الحق حقا واترزقنا اتباعه وارنا الباطل باطلا وارزقنا اجتنابه اللهم امين

[Mr:M.Kamal]

ا/ دعاء شديد محدش ينكر ان ليكى مجهوداتك الواضحة لكن هل يشفعلك كل هذا انت وغيرك ان تكونا ممنن يشكلون حكرا على المنتدى هل هذا المنتدى هو حكرا على من يشاركون به ليل ونهار سواء بمشاركان او مواضيع ربما شخص يدخل ويشارك بموضوع وهو بذاكرة القراء وربما شخص اخر لا ينقطع عن الكتابة وان تسالى احد هل تعرف فلان نعم اعرفة عز المعرفة هل تتذكر لة موضوعا لا للاسف لا اتذكر فموضوعاتة اختلفت مسمياتها ولكن تشابهت موضوعتها اذا كان حقا كما تقولين ان من حق احد ان يكتب ويرد كيفما يشاء وان يدخل مما يعجبة بالمشاركات او يقول له اقلب الى موضوع اخر................... ربما لم نكن نعرف انكم اصحاب المنتدى ولكم الحق فى كل شئ من رد شديد وحذف سريع وتورية فى كلام انى لن ارد بهذا الموضوع حتى يرد الله امرا كان مغعولا

[شمس بياض]

بالنسبة لثورة حتى اخر مواطن وماله لما تكون اخر مواطن البلد مليانه قذارة وفساد ووساخة فيها ايه لما تنضف بالثورة وتوفيق ربنا وبعدين اذاكان الشعب فعلا عايز يتغير ربنا ساعده وهى ماجتش معاه حظ ابدا هو اراد التغيير فربنا ساعده وبعدين مين قال ان الناس ماكنتش عبيد كانت عبيد للظالمين بالرشاوى والكوسه واصلك مجربتيش يعنى ايه واحد يقلع ضوافره ولا يتهتك عرضه علشان تهمته بيصلى فى الجامع وبيقرا كتب سيد قطب ولا ماشوفتيش الغلابه كانوا بيتعاملوا ازاى فى اقسام الشرطة ولا ايه والمثل بيقول اللى له ضهر وفيه ناس كلان ليها ضهر وناس ليها ربنا وطالما لجأنا لربنا مش ممكن تانى هانرجع عبيد لحد ونستحمل ويارب ينور بصيرتنا كلنا علشان نشوف البلد رايحه فين وبعدين اللى عامل عمليهمش بتبقى فيه فترة نقاهة لحد ما يقف على رجليه ؟؟ ولا نزعل منه بقى ونقول ياريته كان مات وريحنا بالنسبة لاستاذ شريف فى مصر دكورة كتير جدا للسف ولكن ايضا فيها رجال صنعوا ومازالوا يصنعون التاريخ بعظمة مش استسلام ولا خنوع وعايزها طريه جاهزة لحد بقه يعنى الشباب اللى رتاحوا فى الثورة دمهم ان شاء الله مش هايروح هدر واللهم ارنا الحق حقا واترزقنا اتباعه وارنا الباطل باطلا وارزقنا اجتنابه اللهم امين

[Mr:M.Kamal]

طيب ما حضرتك بتقولى عجبك الموضوع علق معجبكش امشى طيب بنفس المبدا عجبك التعليق ردى معجبكيش بردة ردى وانا انقاقشك باسلوب حوار ارقى من ذلك واقول لكى لماذا كتبت نو كمنت

[دعاء شديد]

ا/ دعاء شديد محدش ينكر ان ليكى مجهوداتك الواضحة لكن هل يشفعلك كل هذا انت وغيرك ان تكونا ممنن يشكلون حكرا على المنتدى هل هذا المنتدى هو حكرا على من يشاركون به ليل ونهار سواء بمشاركان او مواضيع ربما شخص يدخل ويشارك بموضوع وهو بذاكرة القراء وربما شخص اخر لا ينقطع عن الكتابة وان تسالى احد هل تعرف فلان نعم اعرفة عز المعرفة هل تتذكر لة موضوعا لا للاسف لا اتذكر فموضوعاتة اختلفت مسمياتها ولكن تشابهت موضوعتها اذا كان حقا كما تقولين ان من حق احد ان يكتب ويرد كيفما يشاء وان يدخل مما يعجبة بالمشاركات او يقول له اقلب الى موضوع اخر................... ربما لم نكن نعرف انكم اصحاب المنتدى ولكم الحق فى كل شئ من رد شديد وحذف سريع وتورية فى كلام انى لن ارد بهذا الموضوع حتى يرد الله امرا كان مغعولا

حضرتك اقرا ردى تانى
المنتدى ملك الجميع اه
بس مش الكل تعب زى بعضه

[شمس بياض]

ولو حضرتك تحبى كلامى يبقى موثق بالتواريخ والموضوعات مفيش اى مانع ونقارن ونشوف مين من حقه يقول ايه بالظبط المكان من حقنا كلنا يعنى مثلا يا استاذه نعمة لو احنا كلنا فى بيت واحد وكل واحد بنى فى البيت دهوت على قدر اماكاناته فهل من حق اللى بنى اكتر يطرد اللى بنى اقل ويتكلم بالطريقه دى ؟ واذا كنا بنتكلم قبل مانتكلم قلنا احنا بناقش فكر وليس اشخاص والناس على قدر ما بتاثر مش على قدر ماتكتب تقبلى تحياتى وماكنش العشم

[حبيبه المصريه]

ممكن يا جماعه نهدى شويه و نكمل بعدين
لو سمحتووووووووو بعد اذنكم نرتاح كلنا
ونريح اعصابنا شويه ونكمل وقت تانى
بعد اذنكم يا جماعة الخير
لو ليا خاطر عندكم كلنا نسيب الموضوع حااااااااااالا
ولما نهدى نبقى نتكلم
لو ماليش خاااااااااااااطر خلاااااااااااااااص
بعد اذنك يادعاء لو سمحتى نكمل بعدين
ام حبيبه لو سمحتى نخرج كلنا من الموضوع ونكمل بعدين ممكن

[جمال سراج]

اسمحيلى بردو مدام نعمة أعلق على مشاركة للأستاذة شمس وهى المشاركة رقم 14 بالموضوع والخاصة بالشعر بتاع أنا آسف يا ريس
مع احترامى البالغ والعميق لأختى الفاضلة
أرى أن هذه المشاركة ملهاش علاقة بالموضوع أصلا دى أولا
وأراها تبنى وجهة نظر جائرة فى افساد كل تاريخ أحد رموز مصر السابقين حتى لو كان فاسدا او ظالما أو أو
يا أستاذة لا يمكن أن نهمل التاريخ ... عيب قوى
أنا مع الثورة وضد الظلم وضد النظام السابق فى ظلمه وجبروته وتبنيه لسياسة التوريث كما قلت
وأنا مع محاكمة هذا النظام
لكن ليس بهذا القبح من الاهانة لهذا الرجل الذى كان عزيزا الى عهد قريب والذى له دور كبير فى خدمة البلد حربا وسلاما بالرغم من اخطائه الكبيرة على عينا وعلى راسنا
وأرى أنه من الجهل والبطش والظلم والتخلف اهمال التاريخ
دا شوية شوية يقولوا ان حسنى مبارك مكنش رئيس لمصر على كدا
دا اللى باعوا البلد وخربوها وساعدوا الاستعمار ما زالت اسماءهم على مدن مصر .. بور سعيد وبور فؤاد وبو توفيق واااسماعيلية
الراجل كان اول امبارح ريس الوقتى يهان لهذا الحد ... عيب قوى
بجد وبرايى ان دا قلة اصل
ومع هذا لن نستطيع مطلقا أن نمحو تاريخنا
وليدرك الجميع اننا الى الان لم ننعم لا بحرية ولا بامن ولا برخاء ولا باى احلام وافلام من اللى بنحلم بيها واخشى انه ييجى يوم ونقول ولا يوم من ايام الراجل اللى كل من هب ودب بيهينه وبيسب فيه
أعتقد لازم يكون عندنا نوع من الانصاف والعدل عشان ربنا يرحمنا
اكرر اننى لم اكن يوما مستفيدا من النظام السابق او غيره
عشان انا عارف ان اللى بيتكلم بحكمة وبحيادية وبانصاف اليومين دول بيسومهم فلول النظام
ولكن اذا استدعى الامر ان يطلق على شخصى هذا المسمى فأهلا وسهلا المهم الانصاف لله وللتاريخ وللوطن!!!!!!!!!!!!!!!!!!!
شكرا لحضرتك أستاذة شمس
وشكرا لصاحبة الموضوع ومتأسف جدا لمداخلاتى التى أتمنى أن تكون وسيلة للحوار الهادف دون حكر على رأى أو فكر ودون سخرية من آراء الآخرين

[دعاء شديد]

استاذ محمد كماللو حضرتك تعبت فى تجهيز بيتكواتعرضت لمشاكل كتير ولسه بتواجه مشاكلوطلع عينك على مكونت البيتمش يبقى انت من حقك تنقل وتوضب اى حاجه فيه ؟؟؟؟؟؟؟؟؟ولو حد حط حاجه تبوظ شكل البيت مش يبقى حقك تشيلها ؟؟؟؟؟؟؟؟؟؟؟ولا ايه ؟؟؟؟؟؟؟؟؟

[حبيبه المصريه]

يعنى ياعم السيرفر صحتك دلوقتى حديد
ماتقع يابنى الله يخليك
عشان الناس دى تريح اعصابها شويه
ممكن نجهز بقى للفجر
اقع بقى ربنا يخليك ياعم السيرفر

[دعاء شديد]

ولو حضرتك تحبى كلامى يبقى موثق بالتواريخ والموضوعات مفيش اى مانع ونقارن ونشوف مين من حقه يقول ايه بالظبط المكان من حقنا كلنا يعنى مثلا يا استاذه نعمة لو احنا كلنا فى بيت واحد وكل واحد بنى فى البيت دهوت على قدر اماكاناته فهل من حق اللى بنى اكتر يطرد اللى بنى اقل ويتكلم بالطريقه دى ؟ واذا كنا بنتكلم قبل مانتكلم قلنا احنا بناقش فكر وليس اشخاص والناس على قدر ما بتاثر مش على قدر ماتكتب تقبلى تحياتى وماكنش العشم

رغم ان ده كلامى اصلا
وانتى رديتى على نعمه بس عادى
انا وهى واحد
وبرده هرد علشان اوضح كلامى الي موضحش

طبعا مقصدش كم الكتابه
انا اقصد كم المشاكل والسخافات الي اتعرضنالها
ومحدش كان بيقف معانا فيها

اقصد لما روحنا النيابه علشان نمنع حد يشتم وتشوفى حضرتك وغيرك من الاعضاء الفاظ بشعه

لما بنلف علشان نشيل اى سخافات بتتكتب

لما بنفكر نعمل حاجه جديده تخدم الاعضاء

ولا المنتدى كبر كده لوحده من مجرد الموضوعات الي بنكتبها ؟؟؟؟؟؟؟؟؟؟؟؟؟؟؟

فعلا مكانش العشم

[دعاء شديد]

يعنى ياعم السيرفر صحتك دلوقتى حديد
ماتقع يابنى الله يخليك
عشان الناس دى تريح اعصابها شويه
ممكن نجهز بقى للفجر
اقع بقى ربنا يخليك ياعم السيرفر


لا الحمد لله الواحد هادى
مدام واثق انه بيرد بالحق مفيش عصبيه
وبعدين دى الامعاء فى المعده بتتخانق
ههههههههههههههههههههه
عادى
بس ايه رايك فى السيرفر
اصيل والله

[جمال سراج]

شكرا للأستاذة حبيبة
وطبعا دعوة للرجالة لصلاة الفجر جماعة فى المسجد وياريت ركعتين قبله
وللأخوات بالصلاة فى وقتها
تقبل الله من الجميع ونفعنا جميعا وألحقنا بالصالحين

[جمال سراج]

اسمحولى أدخل هذه المرة
أحيى كل من شارك فى هذا الموضوع
نعمة محمود - دعاء شديد - أستاذة شمس - حبيبة المصرية - ومستر محمد كمال على الطريقة الجميلة فى الحوار والنقاش ونتمنى دائما أن يكون الحوار ممتعا وبناءا
وكما أسلفنا فلنحاول جميعا ألا نعمم وجهة نظرنا أو ننتقص من وجهات نظر الآخرين ... فقط نقد بأدب وبحجة وباقناع .. ليس إلا
جزاكم الله كل خير
والآن حى على الصلاة
نستأذنكم للصلاة
فى أمان المليك وربما يكون لنا عودة بحول الله

[نعمه محمود]

على فكرة يادعاء اسمها المصارين مش الامعاء هههههههه
وعلى رايك الامعاء بتتخانق
عموما حصل خير ياجماعه
الاختلاف فى الرأى بيفسد كل حاجة
نتقابل فى موضوع تانى ان شاء الله
شكرا لاستاذ محمد كمال على مشاركته
شكرا لشمس شموس المنتديات
شكرا لدعاء
شكرا مستر جمال
شكرا حبيبة
وتصبحوا سعداء

[حبيبه المصريه]

خلاص أم حبيبه ختمت الموضوع
وبكده يبقى مسك الختام
وتصبحو جميعا بألف خير
ودايما منورين المنتدى

[جمال سراج]

والحل سيادتك يا أستاذة شمس معاكى إنى حسنى كان زفت والشرطة كلها كاننت بلطجية وعملت بلطجية والتليفزيون الى الان بايظ واللى بيديروه من المتحولين زى عمرو اديب وغيره وبعدين هو احنا هنفضل نغنى وخلاص ونقول ثورة ثورة يا سيدتى الوضع مش هيتصلح من يوم وليلة والفساد فى كل مكان من اكبر هيئة لحد المدرسة اللى حضرتك شغالة فيها بس فيه اولويات الأمن الاول الوقتى وعشان يتحقق لازم رجالته يكون عندها اخلاص ويفرقوا ويودعوا العهد البائد ويتعاملوا بكل حزم مع البلطجة حتى لو كانوا بيدعموها زمان يعنى نمشى كل الموظفين ونسرح بتوع الشرطة وخلاص بالقطع تبقى فوضى دى حاجة حاجة تانية يا أستاذة .... مش لازم الصورة تكون قاسية كدا قوى دا ربنا بيقبل التوبة النبى عليه الصلاة والسلام صلى على المرأة التى زنت ثم تابت سيدتى وأقام عليها الحد وشوفى شياكة حضرة النبى 1- لم يقم عليها الحد اول ما راحت له ولكن امهلها حتى تضع حملها 2- لما وضعت اعادها حتى تفطم جنينها من الزنى يا سيدتى 3- عندما تيقن من اعتماد طفلها على نفسه فى طعامه أقام الحد عليها 4- لم يسمح للصحابة ومنهم سيدنا عمر رضى الله عنه بالضجر منها أو بسبها بلفظ زانية بعد توبتها - بل صلى عليها وهذا كفيل بدخولها الجنة إن شاء الله وقال لقد تابت توبة لو وزعت على أهل المدينة لوسعتهم هكذا هو حال المصطفى والصحابة فى معالجة الامور انما حضرتك عاوزانا نسرح كل الموظفين وكل المسؤلين وكل بتوع الشرطة وبتوع الجيش بالمرة ونتحول لميليشيات مسلحة وتتحول البلد لعصابات وحرب اهلية زى اللى بيحصل فى باكستان او اللى حصل فى لبنان قبل كدا مثلا يا سيدتى حسنى مبارك وحش على عينى وراسى واللى معاه وحشيين حاكموهم ماشى - اعدموهم ماشى اذا كانوا يستحقوا انما متغيروش التاريخ عيب يا سيدتى حاجة اخيرة عيب قوى ان احنا نتبنى وجهة نظرنا دون وجهات نظر الاخرين -- فقط نعرض وجهة النظر والاقتراح للحلول ان امكن دون تبنى وجهة نظرنا وكأنها مثالا صالحا يحتذى به ومفيش قبلها ولا بعدها شكرا لحضرتك أستاذة شمس ومتأسف تانى نعمة محمود للتدخل فى موضوع مش بتاعى لكن هنعتبره موضوعنا كلنا طالما يتعلق ببلادنا واسلمى يا بلادى

[heroman222]

يعنى حضرتك ياأستاذة زعلانه أوى عشان نزلتى بأولادك للدكتور ربنا يشفيهم ويعافيهم
ومعرفتيش توصلى ومش قادرة تحسى بإحساس أهالى الشهداء اللى فقدوا أولادهم خالص
وكانوا يتمنوا ان ولادهم يعيشوا حتى ولو عجزه ومعاقين !!!!!!!!!!!!!!!!!
بكل صراحه مش لاقى كلام أقوله لحضرتك وده احتراما لملحوظتك الرفيعة اللى
مش عاوزه فيها نقاش وتشنج زى ما بتقولى اصل الموضوع لازم يتناقش من جانب واحد
ورأى واحد فقط لا غير وعلى فكره للعلم انا مسجل هنا من زمان وتقدرى تعرفى ده بنفسك
يعنى مش داخل مخصوص عشان ارد على موضوع سيادتك وشكرا على حسك الوطنى العالى
وحبك الشديد لبلدك اللى أكيد لها أفضال عليكى كتير وعلينا كلنا ولا ينكر الجميل الا ..............
وطبعا انتى مش من دول ربنا يحمى مصر من كل شر ومن اعدائها سواء كانوا غرب او قرب

[نعمه محمود]

لا ياافندم اطلاقا الموضوع مش موضوع ولادى اللى معرفتش اوديهم للدكتور
ياريت تقرا الموضوع مرة تانية بنظرة محايدة القصة فى ان آفة الثائر إنه يفضل ثائر على طول
وعشان انا الحمد لله مش ناكرة لافضال بلدى عليا فبقول كفاية كده وننتبه للبناء
والموضوع حوارى مش أكتر واحترم وجهة نظرك ومش معقول لازم الكل هيتفق على رأى واحد
والا هنبقي نسخ من بعض زى اللى بينقل كوبي وبيست من منتدى لمنتدى وبالتالى بيبقي ملوش
طعم وبخصوص الولاد انا قلت دى استشارة بعد عملية جراحيه يعنى مش شوية كحة
طيب تخيل بقي حضرتك لو فى حادثة وفى سيارة اسعاف هتنقذ مريض هنقول يلا بقي يموت زى الشهدا ما ماتوا ولا نقول اعط الطريق حقه
نورتنى ياافندم

[حبيبه المصريه]

ياجماعه ياريت الكل يفهم وجهة نظرنا
محدش قال إننا مش مع الثوره
ومش موافقين عليها
ومش راضيين بكل اللى حصل
بالعكس احنا سعداء جدا بكل اللى حصل
بس كفايه كده فوضى
وعدم أمان وبلطجه
كفايه بقى يبقى الثوره عند البعض
اضرابات ومليونيات واعتصامات وقطع طرق
ووقف سكك حديديه وتخريب
ياجماعه عاوزين مصر تعيش فى أمان تانى
وترجع بقى تشتغل كل مؤسساتها
يعنى يرضى حد
إننا منعرفش ننزل الشارع الا بحراسه
يرضى ربنا نبقى نازلين اشغالنا
نتشاهد على نفسنا لحد ما نرجع
يرضى ربنا نبقى بنفكر نشيل ايه فى شناطنا
عشان لو اتعرضنا لموقف مش حلو
نعرف نحمى نفسنا بيه

عاوزين نتحد ونشتغل وعاوزين قرار حاسم
ويد من حديد على البلطجه
وتسيب الامن وتواطىء بعض افراد جهاز الشرطه
فى عدم حفظ الامن لحد دلوقتى
وكأنه عقاب لينا مادام مش راضيين بالفساد
طيب هو الفساد كان مقابل الامان
مش راضين طيب
شوفوا بقى ايه اللى هيحصلكم

اللهم أمن مصر من كل سوء
واحفظها وشعبها من كل شر
شكراااااااا أم حبيبه على موضوعك
الذى يناقش هم الوطن وهم كل مصرى
سلمت يداكى

[نعمه محمود]

شكرا ياحبيبة على ردك الذى ربما ينير الطريق للبعض
المشكلة ان الناس بقت تفهم أى اعتراض على انه جريمة
لازم نرضى بالامر الواقع ومنقولش كفاية بقى عاوزين نبنى البلد
وبعدين حتى لو كنت ضد الثورة دى مش جريمة ولا هى ثورة مقدسة
انا شخصيا نفسي المس نتايجها او نتيجة واحدة على الاقل
المشكلة الحقيقية اللى افرزتها الثورة اننا بقينا مش عاوزين نسمع الا نفسنا
اى رأى مخالف يبقي فلول ووطنى وخاين وعميل
والله ياحبيبة انا اعرف ناس طول الثورة قاعدين على الكنبة بيترعشوا
والنهاردة عاملين نفسهم ثوار هههههههههه تلاقى الواحد او الواحد منهم
تقولك ثورتنا ثورة مين ياعم الحاج ايمتى وفين وازاى
يلا ربنا يهدى ويستر على مصر
نورتينى ياقمر

[heroman222]

لا ياافندم اطلاقا الموضوع مش موضوع ولادى اللى معرفتش اوديهم للدكتور
ياريت تقرا الموضوع مرة تانية بنظرة محايدة القصة فى ان آفة الثائر إنه يفضل ثائر على طول
والله حضرتك أنا قريت الموضوع كويس جدا من بداية ما حضرتك قولتى على الثورة انها بنت ناس
لحد الملاحظة الرفيعة بتاعة حضرتك لكن أحب أوضح لحضرتك شئ بسيط وهوه ان الثائر فضل ثائر لانه لم يجد اى شئ يهدى ثورته واكيد حضرتك شوفتى اخر قرار ببراءة السادة الوزراء التابعين للحكومه اللى حضرتك بنفسك قولتى عليهم فى موضوعك انها كانت حكومة فاسدة وأسر الشهداء
لن تهدأ نارهم طالما لم يتخذ اى اجراء حاسم مع من اطلقوا الرصاص على ابنائهم الى الأن
وعشان انا الحمد لله مش ناكرة لافضال بلدى عليا فبقول كفاية كده وننتبه للبناء
طيب ما حضرتك اتفضلى اقترحى خطة مبدئية للبناء والتعمير او حتى حلول من وجهة نظرك وتتم مناقشتها مش يمكن اوى حد يعمل بها او ينظر لها بعين الاعتبار
والموضوع حوارى مش أكتر واحترم وجهة نظرك ومش معقول لازم الكل هيتفق على رأى واحد
والا هنبقي نسخ من بعض زى اللى بينقل كوبي وبيست من منتدى لمنتدى وبالتالى بيبقي ملوش
طعم
انا مش فاهم ايه علاقة الحوار والنقاش القائم فى موضوع حضرتك بكلام حضرتك ده وحكاية كوبى وبيست ومنتدي ومنتدى اخر بس عادى يعنى يمكن حضرتك لكى رؤية ووجهة نظر خاصة حبيتى توصليها ولها كل الاحترام طبعا
وبخصوص الولاد انا قلت دى استشارة بعد عملية جراحيه يعنى مش شوية كحة
طيب ماحضرتك انا قولت ربنا يشفيهم ويعافيهم واكيد دا سبب ادعى لان حضرتك تحاولى تحسى بجرح امهات الشهداء وحرقة قلوبهم على ابنائهم اللى ماتوا غدر بالرغم من انهم كانوا رافعين لافتات مكتوب عليها سلميه وبالرغم من كده تم اطلاق الرصاص الحى عليهم من جهاز المفروض انه كان بيحمى الشعب الله يكون فى عونهم واكيد كل الاباء والامهات لازم يحسوا بيهم
طيب تخيل بقي حضرتك لو فى حادثة وفى سيارة اسعاف هتنقذ مريض هنقول ي
لا بقي يموت زى الشهدا ما ماتوا ولا نقول اعط الطريق حقه
نورتنى ياافندم
لا حول ولا قوة الا بالله وكأن الشهداء ليس لهم اى حق وبنساويهم بمن مات فى حادث عابر وهما اللى ماتوا عمدا
وعن قصد وبفعل مدبر من ناس ولا عندهم ضمير هقولك ايه لو كان الشهداء دول حد من قرايبنا ولا حتى جيرانا ولا
اصدقائنا كان هيبقى دا نفس كلامنا ؟؟؟؟
طيب اقول لحضرتك حاجه حاولى بس تيجى كده ميدان التحرير وتقعدى جمب أم ولا أب ولا أخ ولا حتى صديق لشهيد واسمعى الحكايات والمواجع والألام وشوفى وقتها هتحسى بإيه فعلا النار مش بتحرق غير اللى ماسكها
وربنا يكون فى عونهم ويصيرهم يارب وعلى فكره طول عمر البلد وفيها بلطجية ومن صغرنا واتربينا على اننا مانمشيش فى اى مكان لوحدنا وطول عمر اهالينا كانوا بيخافوا علينا لو سابونا فى البيت لوحدنا
يعنى مش جديد الاحساس ده يمكن زاد شويه بس عارفينه كويس يبقى مش الثورة هى السبب فى الاحساس ده
واسف لحضرتك على الاطاله وكمان لو ردى ازعجك يافندم

[حبيبه المصريه]

لا حول ولا قوة الا بالله وكأن الشهداء ليس لهم اى حق وبنساويهم بمن مات فى حادث عابر وهما اللى ماتوا عمدا
وعن قصد وبفعل مدبر من ناس ولا عندهم ضمير هقولك ايه لو كان الشهداء دول حد من قرايبنا ولا حتى جيرانا ولا
اصدقائنا كان هيبقى دا نفس كلامنا ؟؟؟؟
طيب اقول لحضرتك حاجه حاولى بس تيجى كده ميدان التحرير وتقعدى جمب أم ولا أب ولا أخ ولا حتى صديق لشهيد واسمعى الحكايات والمواجع والألام وشوفى وقتها هتحسى بإيه فعلا النار مش بتحرق غير اللى ماسكها
وربنا يكون فى عونهم ويصيرهم يارب وعلى فكره طول عمر البلد وفيها بلطجية ومن صغرنا واتربينا على اننا مانمشيش فى اى مكان لوحدنا وطول عمر اهالينا كانوا بيخافوا علينا لو سابونا فى البيت لوحدنا
يعنى مش جديد الاحساس ده يمكن زاد شويه بس عارفينه كويس يبقى مش الثورة هى السبب فى الاحساس ده
واسف لحضرتك على الاطاله وكمان لو ردى ازعجك يافندم


أكيد مفيش إزعاج
وأكيد نورتى الموضوع
منتظرين موضوعاتك وتواصلك المستمر
شرفتينا أكيد

[شريف]

لا حول ولا قوة الا بالله وكأن الشهداء ليس لهم اى حق وبنساويهم بمن مات فى حادث عابر وهما اللى ماتوا عمدا
وعن قصد وبفعل مدبر من ناس ولا عندهم ضمير هقولك ايه لو كان الشهداء دول حد من قرايبنا ولا حتى جيرانا ولا
اصدقائنا كان هيبقى دا نفس كلامنا ؟؟؟؟
طيب اقول لحضرتك حاجه حاولى بس تيجى كده ميدان التحرير وتقعدى جمب أم ولا أب ولا أخ ولا حتى صديق لشهيد واسمعى الحكايات والمواجع والألام وشوفى وقتها هتحسى بإيه فعلا النار مش بتحرق غير اللى ماسكها
وربنا يكون فى عونهم ويصيرهم يارب وعلى فكره طول عمر البلد وفيها بلطجية ومن صغرنا واتربينا على اننا مانمشيش فى اى مكان لوحدنا وطول عمر اهالينا كانوا بيخافوا علينا لو سابونا فى البيت لوحدنا
يعنى مش جديد الاحساس ده يمكن زاد شويه بس عارفينه كويس يبقى مش الثورة هى السبب فى الاحساس ده
واسف لحضرتك على الاطاله وكمان لو ردى ازعجك يافندم



اسمحولي بالمداخلة
انا متفق مع حضرتك جدا
يمكن بنسبة 99%
كل الناس دى ليها حق تموت كمدا و حزنا
علي الشباب اللي زي الورد اللي استشهدوا
و الفساد اللى كان موقف مصر عند الصفر
ماشي
كلنا متفقين علي دا
حتي صاحبة الموضوع نفسها
و لكن :

1- عاوزين نحس بتغيير في البلد
2- عاوزين نمشي في البلد بأمان
3-عاوزين الناس تهدا شوية و تثق في الجيش
4-عاوزين مصالح البلد تمشي
5- مش عاوزين مظاهرات كل جمعة
6-مش عاوزين فئويات و سخط عام خانق البلد
7-مش عاوزين كل واحد صباع رجله بيوجعه يروح يعمل قلق في التحرير
8-عاوزين حقوق اهالي الشهداء تيجي بالقانون مش بالزعيق و لا بالخناق
9- مش عاوزين الدنيا تقف و نرجع لنقطة الصفر
10- عاوزين انتاج
11-عاوزين تنمية
12-عاوزين دولة زي دول العالم الاول
13-عاوزين مشروع قومي نلتف حوله
14-مش عاوزين تحزب
15-عاوزين الناس تعرف أصول الخلاف في الرأي
16- عاوزين نبطل الصوت العالي و لغة البلطجة
17-عاوزين نؤمن ان ربنا خلقنا مختلفين فنتقبل الاخر
18-عاوزين المرضي اللي بيتعالجوا في مستشفيات يعرفوا ينزلوا بأمان
19- مش عاوزين حد مريض يموت في بيته عشان خايف ينزل
20- مش عاوزين فكرة الثورة تبقا موضة و هيبة الدولة تضيع
21-مش عاوزين عدم استقرار
عن طريق المطالبة باستقالة كل مسئول بعد اسبوع من تعيينه

لو اللي بيطالب بكده يبقا من الفلول
فأنا افتخر اني راجل فلولي قديم