خبر جديد لعقود 1/1/2009 للتقديم فى الاكاديمية

[مدرسة علوم]

اختى مدرسة العلوم اسفة بس انا لا اعلم كيفية الرفع

ربنا يبارك لك و جزاك الله خير
انا هاحاول ادعبس عليه و ربنا يسهل

و كل سنة و انتم جميعا بخير

[مسيو الحسينى احمد]

ممكن اعرف لو سمحتم تعاقد 1\4 \2009 هل ينفع يقدم فى الاكاديمية هذه الايام ولا لا

[baherhassan11]

انا روحت النهاردة وسألت ولاقيت ناس بتقدم 1/1/2009و1/3/2009 كمان انا روحت اسأل لانى مش عملت الفيش بس قالولى مش مهم هات كعب الفيش كفاية وباقى الورق خلصان وهروح اقدم بعد بكره وشكرا ياسما على تقبلك الاعتذار وانتى بجد فدتينى جدا وشكرا مرة تانية

[sondok2]

تحياتي لكم جميعا انا عضوة جديدة معكم كل عام وانتم بخير
انا معلمة رياضيات من الاسماعيلية تعاقد قديم 1/7/2008 الى الان لم ياتي عقدي انا و كثير من زملائي وزميلاتي و اخر موعد للتقديم للأكاديمة يوم 8/10 هل حد عنده خلفية ايه اللى ممكن هيتم هل هيمدوا فترة التقديم و لا العقود بتاعتنا اتاخرت ليه وهل ممكن نقدم فى الاكاديمية بدون العقد ارجو الرد ممن له علم

[مدرسة علوم]

تحياتي لكم جميعا انا عضوة جديدة معكم كل عام وانتم بخير
انا معلمة رياضيات من الاسماعيلية تعاقد قديم 1/7/2008 الى الان لم ياتي عقدي انا و كثير من زملائي وزميلاتي و اخر موعد للتقديم للأكاديمة يوم 8/10 هل حد عنده خلفية ايه اللى ممكن هيتم هل هيمدوا فترة التقديم و لا العقود بتاعتنا اتاخرت ليه وهل ممكن نقدم فى الاكاديمية بدون العقد ارجو الرد ممن له علم

السلام عليكم

زميلتى العزيزة اتصلى بسرعة بفرع الاكاديمية فى بورسعيد و استفسرى للاهمية و ياريت تروحى بسرعة للمديرية علشان تسالى عن العقد لكن على العموم انا عرفت ان الاكاديمية مفتوحة طوال العام لكن لازم تتصلى بيهم

و على فكرة نورتى المنتدى

[sondok2]

احنا روحنا للمديرية قالولنا ان العقود مش متاخرة من عندهم اول ما بتيجي من الامن بالمحافظة بيوزعوها على طول و ذهبنا للامن قالوا احنا اول ما بتجيلنا العقود من مديرية الامن بنوزعها للامن بالمحافظة على طول ومش عارفين نعمل ايه هتضيع علينا الفرصة ولا ايه و ياتري اللى بيحصل ده مقصود الله اعلم

[مدرسة علوم]

احنا روحنا للمديرية قالولنا ان العقود مش متاخرة من عندهم اول ما بتيجي من الامن بالمحافظة بيوزعوها على طول و ذهبنا للامن قالوا احنا اول ما بتجيلنا العقود من مديرية الامن بنوزعها للامن بالمحافظة على طول ومش عارفين نعمل ايه هتضيع علينا الفرصة ولا ايه و ياتري اللى بيحصل ده مقصود الله اعلم

طيب ما تتجهو لوكيل الوزارة او مدير المديرية لانهم اكتر ناس ممكن يقدمو لكم المساعدة
وربنا ييسر لكم كل ام عسير ان شاء الله

[shosho_love]

انا من الشرقيه وعلى فكره يا جماعه انا روحت قدمت امبارح وانا عقدى 1/1/2009
وكان فى ناس كمان 1/3/2009 ومش معاهم تربوى وقدموا برضه
واخدوا منهم الورق بس لازم صوره طبق الاصل من وصل المصاريف من اللى بيعمل تربوى
ومفيش حد يسمع كلام حد يقوله مفيش تقديم لازم الواحد يروح يسأل بنفسه علشان ميندمش بعد كده

[على علياء على]

يا جماعة منعا للحيرة والقيل والقال :
أنا تعاقد 1/1/2009 ، محافظة الشرقية ، فى البداية رفضوا الملف بتاعى وقالوا فى بداية شهر واحد 2010 ، وبعد كدا عرفت يوم السبت 3 / 10 انهم بيقبلوا أوراقنا ، فاتصلت بفرع الأكاديمية وقالى أيوة بنقبلها مادمت انت تربوى ، بس تجيب معاك بيان الحالة الخاصة بيك اللى فيه الكود من على النت ، فرحت وسلمت والحمد لله ، ومضيت تعهد بإنى هقبل أى قرار تأخذه الأكاديمية بشأنى لإنى لسة ماكملتش السنة .. فياريت الكل يروح يلحق يقدم لإن آخر موعد للتقديم الخميس القادم 8 / 10 .. وشكرا

[راجية رحمة ربى]

السلام عليكم ورحمة الله وبركاته
اختى مدرسة علوم انا من السويس وتعاقد 1 10 2008 واستلمت العمل 1 2009 اتصلت امس بالاكاديميه قالوا لى لابد من تسليم الاوراق على وجة السرعة لان اخر ميعاد 8 10 ونحن سنسافر غدا ان شاء الله

[ريم نادر]

على فكرة انا قدمت للاكاديمية وعقدى 1-1-2009 وكمان اللى مش معاه تربوى اتقبل ورقة بايصال التربوى واللى مش معاه فيش برضه بوصل الفيش

[مدرسة علوم]

السلام عليكم

فى البداية احب اقول لكل الزميلات و الزملاء الكرام جزاكم الله خيرا على كل المشاركات و المساهمات اللى ساعدتنا كتير بفضل الله و شكر خاص لزميلانى رحمة و سالى و سما و راجيةو ناس كتير ربنا يبارك لهم بس من التعب مش قادرة افتكر كل الناس
و القائمين على منتدانا الهادف و جزاكم الله خير مرة تانية


و الحمد لله اليوم قدمت الورق و استلمت الايصال بفضل الله
و الله الموفق ان شاء الله