الست لما تبقي خميرة عكننة -الجزء الثاني

[مسيو وليد عسكر]

شريف كتب الست لما تبقي زنانة برؤية ساخرة000
طبعا الغرض منها مش السخرية من الستات لاسمح الله
كل الاحترام لهن وسبق وكتبنا فيهن ابيات شعر
ولكن كلامنا لشريحة من النساء000
اجارك الله عليهن 0000
وشريف تعرض لسمة سيئه جدااا في بعض السيدات وهي الزن علي الودان 00
انا هتكلم عن حاجة تانيه خالص 000وهي الست عاشقة العكننه وتحس ان بوزها شبرين عمال علي بطااااال
والنمط ده محدش يقدر ينكره ولا نتبرأ منه لانه موجود فعلا
ياما بيوت كتير اتخربت بسبب الموضوع ده وياما رجالة هجرت بيوتها علشان ام الهم اللي اعدة في البيت 00
فيه ست لما تبص لها تحس ان ابتسامتها نستك كل هموم الدنيا وتشعر انك اتولدت من جديد وتشعر بان الحياة لونها بمبمي
وفيه ست لما تبص لها تحس ان وشها عامل زي الشراب المقلوب من كتر الغم والهم اللي عليه 00حاجة كده تشيبك قبل اوانك ومعرفش ليه هي بتموت في العكننة والغم 00وتعشقة عشق الشاعر للخيال 000بجد حاجة تحرق الدم 00
شوفوا مثلا النمط ده000
0000000000000000000000000000
-قووووووووووم يا راجل انت لسه نايم 0000ياخي حرام عليك حاطط ايدك في المية الباردة ونايم وسايب العيال تجنني ومش عارفه اطبخ من قرفهم00
انتفض الزوج مفزوعا من الهلع وتصور ان فيه كارثة حصلت
-فيه ايه ؟حد من العيال جراله حاجة ؟
-مالك كده زي مايكون لدعتك عقربة 000ماتقوم تشوف عيالك اللي مجنناني دول0000هو انت هتفضل نايم كده علي طول ولا ايه ؟
-يا ولية حرام عليكي انا مكملتش ساعتتين نوم علي بعضهم وده يوم الاجازة بتاعي سيبيني اريح شويه حرام عليكي والف مرة اقولك ماتصحنيش بالطريقة المرعبة دي 000اتقي الله فيا شويه وافردي وشك وانتي بتكلميني ووطي صوتك00
-اه 000مانت مش فالح الا في كده0000 تيجي كل يوم من الشغل متأخر 0000ياعالم بتروح فين 00ال شغل ال 000تلاقيك متجوز عليا000اه مانتو كده يا رجالة لما الفلوس تجري في ايدكم مايملاش عينكم الا التراب 000مع اني مش مقصرة معاك في حاجة00حسبي الله ونعم الوكيل فيك وفي صنف الرجاله كلهم000
-ينظر اليها زوجها ويفرك عينيه كويس يلاقيها لابسه جلابية كستور من بتوع الكساء الشعبي ورابطة دماغها ربطة عجيبة اوي زي ماتكون جاية من المدبح وريحة البصل هتزكم انفه 000ضحك وابتسم لها ابتسامة مجاملة وقالها :
-عارف يا حبيبتي انك ونعم الزوجة واجمل من هيفاء وهبي000هو معقول اسيب القمر ده وابص بره000 سيبيني انام ليا شويه بقي
-نعم نعم 000وكمان بتتريبق ومش عاجباك ؟
-ياستي انا قلت حاجة ؟انا بقولك انك ماليه عنيا ومن فضلك سيبني اكمل نومي علشان اقوم وانا فايق اصلي الجمعه الساعة لسه 9 الصبح 000
-لا ياخويا000شطبنا خلاص انا هفتح الشبابيك واهوي الشقة الريحة مكمكمة ومش طايقاها 000قوم كمل نوم عند امك وخد العيال معاك علشان اعرف انضف
-يعني النظافة ماتنفعش الا فيوم اجازتي ؟ياشيخة حرام عليكي هو حد مسلطك عليا ؟ انا عملت فيكي ايه علشان تحرقي دمي يوميا كده00حتي يوم الاجازة مستخسراه فيا ؟
ترفع حاجب وتقوله بلا مبالاة وبتكشيرة معتادةتقوله :
-ماليش فيه000الشقة عاوزه تتوضب والريحة مش طايقاها 00خف تعوم بقي 0000يالا يا خويا ورينا جمال خطوتك
-طب هقولك فكره000خشي خدي حمام وغيري الهباب اللي انتي لابساه ده وهتشوفي ان الدنيا هتتغير عندك خالص
-نعم ؟عاوز تقول اني مش نضيفة ؟لا يا حبيبي 000انت حفيت علي ما اخدتني ولا نسيت كنت تتمنالي الرضا ارضا وياما جالي مراكز ومستويات ولا نسيت ؟
-فعلا 00لو حد من الناس دول شافك دلوقتي هيجيله جلطة00ولا ناسية بتاع الانابيب اللي جالنا امبارح وقالك يا حاجة000وقبلها بتاع الجرايد الي اشتكي منك وقالي والدتك بتكلمني بشكل مهين مع اني ماعملتش ليها حاجة 000الناس فاكرينك امي ياهانم 00
-ايوه يا خويا 000علشان واخد بالك من نفسك وكل يوم بدله وبرفان وسايبني هنا للهم والنكد 000شيبتني قبل اواني روح منك لله 00اهيء اهيء اهيء00000وتستمر دموع التماسيح000
000000000000000000
ياساتر يارب علي دي ست
يارب اكفينا الشر 00
وطبعا مش كل الستات00
فيه ستات 00وفيه سبعات 000