بالذمة مش عيب

[سامح سلام]

بالذمة مش عيب اللى احنا _ المعلمين المساعدين _ بنعمله عمالين ندور ونلف ونسال ونستفسر والمسئولين فى المدريات والادارات مكبرين دماغهم ومش فاضيين وحتى مش عاوزين يردوا علينا ولا ينصحونا باى حاجة ولا يفيدونا والغريب انك تسال اى مسئول _ والله انا سالت من اول وكيل الوزارة لحد العامل بتاع الادارة التعليمية والله العظيم حصل _ الغريب يقولوا منعرفش حاجة مفيش جديد لما نعرف هنبعتلك على المدرسة بتاعتك اصبر والكلام دة اللى كلنا سمعناه بدل المرة عشرين ومائة
بجد دى ظاهرة تستحق الدراسة والانتباه
ازاى كل المسئولين دول بالتدرج الوظيفى ده ومحدش عارف حاجة _ والله انا سالت كل دول _ اذا كانوا عارفين ومش عاوزين يقولولنا اى معلومات رغم ان دى مصيبة بس عادى لانكم عارفين اننا بنتعامل فى المدارس والادارات على اننا عبيد ليس لهم اى حق فى اى شئ حتى السؤال وكلنا عارفين كدة كويس
اما اذا كانت التانية انهم فعلا مش عارفين تبقى دى ام المصايب لا دى بلوة ان كل دول مش عارفين حاجة يعنى الوزير بتاعنا عبقرى محدد خطة الهجوم على الاكاديميات _ اللى محدش عارف مكانها كانها سر عسكرى والكل بيتخبط علشان يعرف مكانها وحتى مخبيه عن مديرى المديريات _ بكل دقة ومخبى ساعة الصفر عن كل الناس بس ياريت هو مينساس الميعاد بتاع ساعة الصفر لحسن تبقى وقعة سودا
والمشكلة اننا اللى هنقعد فى الشارع و المسئولين هيطلعوا فى التليفزيون ويقولوا الخطة على خير ما يرام
العجيب ان اخر تصريح للوزير انه هيتعاقد مع 80 الف جديد طيب ممكن اسال سؤال امتى مات او اتحال على المعاش ال 80 الف القدامى اللى هييجى بدلهم التعاقدات الجديدة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الحدق يفهم هييجوا مكان مين.............................!!!!!!!!!!!!!!!!!! !!!!!!!!!!!
بالذمة مش دة عيب