بسم الله الرحمن الرحيم


لا للنقاب

كثيرا جدا مانسمع الكلام عن النقاب
والغريب ان الناس يتعارضون مع النقاب حتي ائمة المساجد يتعارضون مع النقاب
فبغض النظر عن ان النقاب سنه او فرض
مع اني مقتنع انه فرض

ولاكن ياتري ليه الناس كلها متعارضه مع النقاب
كلهم بيقولوا المنتقبات دول كذا وكذا وكذا
وديت سمعتها اكتر من مره
في كل مكان اسمعها
في البيت في الشارع في وسيلة المواصلات
لما الحديث ييجي علي كلمة النقاب
يقولوا اعوذ بالله دول ناس .................
وفي مره كنت راكب العربيه وسمعت الراجل بيتكلم عن المنتقبات بشكل مش كويس
عنده حق في كلامه
لاكن بلاش تعميم ياجماعه
مفيش فايده
قولت له طيب انت مش عارف ان فيه واحد بيطلق لحيته عشان ينصب وواحد بيطلقها عشان يبيع مخدرات ومحدش يشك فيه وواحد بيطلقها عشان وعشان والحلات كتيره
لكن مفيش فايده الفكره عند الناس مش هتتغير
طيب ياحج انت مثلا لو نزلت الفيوم
وواحد نصب عليك من الفيوم
يبقي كل الفيوميه ناصابين
طبعا لاء
طيب كذلك النقاب برده لاء

طيب انا ليه بقول لا للنقاب
وايه هو نوع النقاب اللي انا اقصده
انا امبارح كنت في الشارع وشوفت اتنين اخوات لابسين نقاب ماشاء الله ولا قوة الا بالله يعني
ولكن وجههم كله باين والناس شايفاه وكأنها بتحايل نفسها
ولول فيه شوية هواء والله النقاب ده ليترفع عن وجهها تماما وياريتها ماكانت لابسها
يعني في حجات كده بكون ناقص اقول لاء واحده ترتدي النقاب
ياتلبسيه زي ماقال الدين يابلاش منه حرام عليكم شوهتوا صورت المنتقبات عند الناس

وواحده تانيه في السوق منتقبه وسرقت فلوس من الناس
وواحده تانيه في الشارع لابسه علي النقاب لبس محزق يعني كان عندي اشوفها بشعرها ارحم
وواحده تانيه لابسها عشان تروح تقابل واحد
وواحده تانيه لابساه عشان وشها مش عارف بقي فيه ايه وشكلها بقي وحش لحد ماتاخد العلاج
وواحده تانيه جوزها لبسها النقاب غصباُ عنها
وواحده تانيه جوزها لبسها النقاب عشان هي جميله ومش عايز حد يشوفها
وامثله كتيييييييييييييييره جدا

وكل دول مش بيعملوا بــــ النقاب اللي لابسينه
وللاسف دول بيشوهوا صورة المنتقبات


الله يسامحهم ويهديهم جميعا
ويهدينا ويهدي جميع المسلمين


السلام عليكم