كلام في السياسه :متجدد

[كريم ماضي]

بسم الله الرحمن الرحيم

يلا نتكلم في السياسه واللي خايف يروح

كل يوم نقرأ اخبار جديده ونسمع تصريحات غريبه

والكل بيقول عليه العوض ومنه العوض في البلد وبصراحه كده نستاهل
اه نستاهل كل اللي يجرالنا مصايب كتييييره حصلت واحنا ساكتين حجات كتيره اتعملت غصبا عننا واحنا نايمين
يبقي نستاهل ولا مش نستاهل

طيب ممكن اسئلك سؤال انت راضي ومبسوط من الحكومه طبعا هتقولي (.....)

اذا كان ردك اه
ايه اللي انت شايفه صح
واذا كان ردك ب لاء
ايه رئيك في
الاستطلاع الذى أجرته الدولة ويقول إن ٧١% من الناس مبسوطين من «الحكومة»

ياتري دول مبسوطين من الحكومه فعلا
والشعب كله راضي كده سبحان الله
مش يمكن أن ال71٪ من منفذى هذا الاستطلاع مبسوطين من «الحشيش».
ولا من الديمقراطيه اللي بنشوفها في الغلط فقط


منتظر ردودكم وتعليقاتكم
والموضوع متجدد وكل يوم موضوع جديد ان شاء الله

[دعاء شديد]

بسم الله الرحمن الرحيم

يلا نتكلم في السياسه واللي خايف يروح

ليه الكلام فى السياسه يخوف ... الي عنده مبدأ الخوف
بيخاف يتكلم فى اى حاجة ... متفقين

كل يوم نقرأ اخبار جديده ونسمع تصريحات غريبه

والكل بيقول عليه العوض ومنه العوض في البلد وبصراحه كده نستاهل
اه نستاهل كل اللي يجرالنا مصايب كتييييره حصلت واحنا ساكتين حجات كتيره اتعملت غصبا عننا واحنا نايمين
يبقي نستاهل ولا مش نستاهل

عارف المشكله يا كريم بجد انه كل واحد بينتقد حاجة
بس لما يجى الدور عليه علشان يعملها يجد لنفسه مليون مبرر
ولو ملقاش يقولك "يعنى هى جات عليا"

طيب ممكن اسئلك سؤال انت راضي ومبسوط من الحكومه طبعا هتقولي (.....)

اذا كان ردك اه
ايه اللي انت شايفه صح
واذا كان ردك ب لاء
ايه رئيك في

بص عمرك مهتلاقى شعب مجمع على حكومه واحده
دايما هتلاقى ثلاث فرق شعبيه
فريق يقولك الامل فى الي هيجى بعدهم "المنتظرون فى الارض"
وفريق هيقولك "الي نعرفه احسن من الي منعرفوش"
وفريق عايش لا يرهق نفسه برأى او لا حتى انتظار "عيشه والسلام"
تتصور انى من الفريق الثالث "متستغربش" بس الفرق انى مبقولش عيشه والسلام
انما لا املك التغير واكره الانتظار ومعرفش حكايه عيشه والسلام "بحاول اتكيف"


الاستطلاع الذى أجرته الدولة ويقول إن ٧١% من الناس مبسوطين من «الحكومة»

ياتري دول مبسوطين من الحكومه فعلا
والشعب كله راضي كده سبحان الله
مش يمكن أن ال71٪ من منفذى هذا الاستطلاع مبسوطين من «الحشيش».
ولا من الديمقراطيه اللي بنشوفها في الغلط فقط

مش قلت فى اول موضوعك كل يوم بنسمع اخبار غريبه
وتصريحات اغرب ... اشمعنى هذا التصريح الي استوقفك


منتظر ردودكم وتعليقاتكم
والموضوع متجدد وكل يوم موضوع جديد ان شاء الله

موضوع حلو يا كريم
استمر وانا هتابع معاك
ومبخافش وهرد بصراحة

[طارق ممدوح ذكي محمد]

طيب ممكن اسئلك سؤال انت راضي ومبسوط من الحكومه طبعا هتقولي
( بالطبع لا.... )

واذا كان ردك ب لاء
ايه رئيك في
الاستطلاع الذى أجرته الدولة ويقول إن ٧١% من الناس مبسوطين من «الحكومة» ؟؟؟

ياتري دول مبسوطين من الحكومه فعلا
والشعب كله راضي كده سبحان الله !!!

لا لا .... الاستطلاع اكيد صح بس هي المشكلة في اختيار العينة
في اعتقادي ان العينة تم اختيارها بصورة عشوائية من بين ................ و ...................
وبالطبع تم استبعاد اي معلم او موظف حكم محلي من العينة وكمان كل شباب الخريجين وحتى طلبة الجامعات .....
وبالتالي يبقى الاستفتاء صحيح

[شريف]

بص يا كريم
زمان
كنت بكره الحكومة
و ما بطيقش اسمع سيرتها

دلوقتي
عرفت الفولة
حسبتها صح
لاقيت
إن انت السبب
اه والله انت
و انا
و هوا
و هيا
و اللي تحت
و اللي فوق
و الناس اللي هنا
و الناس اللي هناك
الشعب
((( كيفما تكونوا يولي عليكم )))

للاسف
كلنا فاهمين القضية بالعكس
ان التغيير من فوق
اقسم بالله
طالما لم نتغير
نحن الافراد
الي الافضل
فلن تتغير حكوماتنا الي الافضل
قاعدة منطقية لا غبار عليها
لا ينكرها الا ساذج

[امل لاشين]

بسم الله الرحمن الرحيم

يلا نتكلم في السياسه واللي خايف يروح

كل يوم نقرأ اخبار جديده ونسمع تصريحات غريبه

والكل بيقول عليه العوض ومنه العوض في البلد وبصراحه كده نستاهل
اه نستاهل كل اللي يجرالنا مصايب كتييييره حصلت واحنا ساكتين حجات كتيره اتعملت غصبا عننا واحنا نايمين
يبقي نستاهل ولا مش نستاهل

طيب ممكن اسئلك سؤال انت راضي ومبسوط من الحكومه طبعا هتقولي (.....)

اذا كان ردك اه
ايه اللي انت شايفه صح
واذا كان ردك ب لاء
ايه رئيك في
الاستطلاع الذى أجرته الدولة ويقول إن ٧١% من الناس مبسوطين من «الحكومة»

ياتري دول مبسوطين من الحكومه فعلا
والشعب كله راضي كده سبحان الله
مش يمكن أن ال71٪ من منفذى هذا الاستطلاع مبسوطين من «الحشيش».
ولا من الديمقراطيه اللي بنشوفها في الغلط فقط


منتظر ردودكم وتعليقاتكم
والموضوع متجدد وكل يوم موضوع جديد ان شاء الله

هو بس اخبار وتصريحات غريبه في القوانين اللي مش عارفين

ولا فاهمين ازاي يطبقوها ومجرد بس انهم يغلبوا الناس معاهم....

مثلا عندنا وكيل اول الوزاره يقول شيء ويصدر قرار..

ووكيل الوزارة ( فقط من غير اول ) يعمل عكس هذا القرار

سياسه ملخبطه والناس بجد اللي ضايعه واللي موجود في

منصب مش عارف ايه اللي بيجري بعد حدود الكرسي اللي جالس عليه ..

وياريته لما بيعرف بيعمل حاجه ....واصحاب النفوس الضعيفه والمتملقين

هما اللي بيتحكموا ويمشوا كل المصالح ..

والمشكله فعلا ان محدش بيتكلم ولاقادر يعترض علي شيء

واللي بيحاول يتكلم بيغلط ويضيع حقه ..

لازم يكون في اتفاق علي راي ..

مش تلاقي واحد عاوز يغير والكل يوافقه..

وساعه الجد بيكون لوحده ومش هيقدر يعمل حاجه

وياخساره يبقي الوضع علي ماهو عليه ...وتبقي الحكومه كماهي

[mr_moh55555]

احنا عندنا احلي حكومة...كل رجلاتة سوبر مين...تلاقيه وزير ورئيس قطاع ورئيس نادي و عضو مجلس شعب او شوري و بيكتب مقال يومي و كل يوم علي الفضائيات بيضحك

احسن حاجة نستورد حكومة من الصين الشعبية او نخليها زي لبيبا بالزحف الجماهيري..يعني اصحي يوم بدري و اخد اصخابي و نطلع علي اي وزارة و نشيل كبيرها و نأخد الكرسي بتاعه

مش بقولك..زحف شعبي