ارجع للماضي و تخيل إن هو دا الحاضر
مدرس زمااااااااااااااااااان
يدخل الفصل لا حس و لا نفس
لما الطالب ما يذاكرش بيكون يومه اسود في البيت و في المدرسة
و ممكن كمان ما يجيش المدرسة عشان ما عملش الواجب
المدرس زمان مجرد انه ينظر للطالب كان الطالب لون وشه بيتغير
المدرس كان أول من يحضر و آخر من يذهب من المدرسة
لما كان الطالب بيشرب سجاير و يلاقي المدرس قدامه في الشارع كان بيمشي من الشارع التاني
المدرسة كانت الأم و عصبها المدرسين
البيت مع متابعته للمعلم كان الطالب الحاصل على تقدير مقبول على الأقل فيه أمل فيه
الناظر مصدر قلق لكل طالب زماااااااااااااان
المعلم كاد أن يكون رسولاً
أما الحاضر فنتكلم بالعامية بالصلاة على النبي
المعلم أراه يدخن مع الطالب
المعلم أراه اعتمد على الدروس الخصوصية و نسي انها مجرد ركن يعتمد عليه لزيادة فهم الطالب لما يتم شرحه في المدرسة
المعلم نسي الأمانة اللي ربنا سبحانه ولاها له
المعلم أصبح همه المادة ( اللحاليح يعني ) مش الكتاب بعيد الشر
المعلم أصبح لما يضرب طالب عشان سفالته تلاقي الطالب مستنيه برا هههههه
المعلم لما يجي المدرسة مش مشكلة لو جيت متأخر اللي ماسك الدفتر أ فلان دا حبيبي بيمضيلي
المعلم أصبح مصدر سخرية الطلبة و زي ما بيقولوا هو اللي جابه لنفسه
المعلم اتحداااااااااااااه يمد ايده على عيل بالعربي هيـ .... سوري اختار انت بقى ( مدرية التعليم ، ولي الأمر ، طبعاً كمان الناظر اللي لازم يمشي أموره )
و ..........
و ..........
و .......... مش هنخلص
بس ممكن أسأل سؤال ؟ هو احنا مش بنفتح كل يوم مدارس في الجمهوية ؟ ليه عشان نروحها الصبح الساعة 10 و نمشي منها 12.00 امال ايه عشان الغدا ، امال الغدا يبرد ؟
و لا يوم الخميس .... مش ينفع اساسا التأخير فيه
اه صحيح هم الطلبة في الاعدادي بيجوا امتى و بيمشوا امتى ؟!!!!!!!!!!
لموآخذه أصلي مش بأشوفهم في المدارس ، بأشوفهم على القهاوي بيشيشوا
اسف بس الموضوع لازم نخلي لهجته السخرية و دا اللي بيميز المصري في جميع تعاملاته لما يحس بمصيبة و على فكرة دا مش كلام دا واقع أليم شوفته بعنية و ماحدش قالي
اقعدوا بالعافية
 |
رد مع اقتباس
شكراً لهذا
أعجبني هذا
المفضلات