مفيش حل اننا نتجوز عرفي وده اللي حصل اتجوزهتا عرفي وامري لله

[كريم ماضي]

وحشتوني جدا

الموضوع بأختصار


اننا بنحب بعض جدا جدا
ومش هنقدر هستغني عن بعض مهما حصل
وبنحب بعض بقالنا 5 سنين و6 شهور و10 ايام
حب كبير جدا

المهم اني اتقدمت لأهلها عشان اتجوزها اهلها رفضوا الجوازه
حاولت اكتر من مره مفيش فايده

لحد ما جت لنا فكره
اننا نتجوز عرفي
اه هنتجوز وهنخليهم امام الامر الواقع
وامرنا لله بقي
المهم
اتفقنا علي كده وحبيبتي هربت من بيت اهلها
واتجوزنا وأجرت لها شقه وعشنا لوحدينا علي قدنا
واول شهر زواج ده كان حاجه ايه متعه
وحبينا بعضنا اكتر
لاكن بعد كده بدأت اكتشف حجات غريبه جدا
شكلها وحش لما بتقوم من النوم
واحيانا بتشخر
ومش بتهتم بنفسها
ولا اي حاجه

والمشكله برده انها اكتشفت نفس الحجات دي فيا
واستحملنا بعضنا شهرين يعني كده عدي علي جوازنا ثلاثة شهور
المهم في مره قولت لها بلاش تخرجي اليوم مش سمعت كلامي
ازاي انا جوزها
تعمل ايه ياناصح بقي في المشكله دي :friendsxs3:
حلها بسيط ياحبيبي
اضربها علقه محترمه كده وهتتظبط بعديها
المهم ضربتها
ودراعها اتكسر والحمد لله جات علي كده بس
وقالت لي انها عمرها في بيت اهلها مااتضربت كده
ولاكنها مش هتقدر ترجع البيت لانها هربت خلاص واهلها لو شافوها هيقتلوها
المهم انا بقي بنصاحتي فكرت اني اعيشها علي مزاجي تحت رجليا
وبعد 3 سنين عذاب لحبيبتي اللي انا اتجوزت عليها اصلا وعشت حياة مستقله
وكنت بزورها كل فتره كده وأهي كانت بتشتغل وبتصرف علي نفسها يعني مكافحه بجد
وجايا دلوقتي تفكر انها تروح لأهلها بعد ما عرفت ان اهلها كان معاهم حق في كل حاجه
لاكن بعد ايه ؟؟؟؟؟؟؟؟؟؟



ملحوظه القصه مش حقيقيه لاكنها بتحصل مع شباب وبنات كتييييييييير
وبيفتكروا ان الحل في الجواز العرفي وده غلط كبير جدا
لانه مش جواز اصلا ده زنا
وفي الاول وفي الاخر البنت خسرانه كل الليله
لان في الحجات دي نظرة المجتمع للولد غير البنت حتي لو تابوا

انا عن نفسي رافض الموضوع ده تماما
وانت رأيك ايه ؟
وانتي رأيك ايه؟
ولو حبيبك عرض عليكي الموضوع ده هتعملي ايه ؟
ولو حبيبتك عرضت عليك الموضوع ده هتعمل ايه ؟


سلام عليكم

[ميس صافيا]

الزواج العرفى حرااااااااااااااااااااااااام
ربنا يحفظ كل شباب المسلمين

[zizo2_2]

انا ارفض وبشدة اني اعمل كدة

[MohammeD el_SadaT]

طبعاً أنا أرفض حاجه زى دى بشده مينفعش طبعاً
إيه التهريج ده

لكن للأسف يا كريم الكلام ده حقيقى وبيقع فيه الكتير من شبابنا
وده بيبقى لأسباب كتير جدااً
هذكرها ليك فى ردى التالى بإذن الله أنا قولت أدخل أحجز رد فى المقدمه بس يا حبى

[NENE1993]

انا ارفض تماما الزواج العرفي
او المصاحبة التى لاتكون فى حدود الزمالة
لانها تأتى على البنات وهم الخاسرين

[Blanche Neige]

الجواز العرفى طبعا مرفوض بكل المقاييس
بس انت بتتكلم عن الجواز العرفى بين شباب الجامعه ودول ممكن
اانا نقول انهم لسه صغيريين ومش عارفين مصلحتهم كويس
طب تقول ايه بقى فالكبار اللى برضه بيتجوزوا عرفى
وبيبرروا ده باسباب وحجج واهيه ولا اساس لها من الصحه يعنى مثلا
الارمله اللى مات جوزها وعاوزه تتجوز وفى نفس الوقت تاخد معاش جوزها مع العلم
انها كبيره ممكن تكون عدت 35 او 40 سنه كمان .
والمطلقه اللى برضه عاوزه تاخد النفقه وفى نفس الوقت محتاجه تتجوز
وراجل كبير وغنى ومتجوز فعلا بس عينه زايغه وكمان بيخاف من مراته ومش قادر
يتجوز رسمى يقوم يتجوز عرفى كام شهر وخلاص اهو عجوز متصابى
يعنى مش الشباب بس دول الكبار كمان عشان كده لازم يكون فى حل قوى ورادع
لموضوع الجواز العرفى ده لانه بقى زى الوباء السريع الانتشار ... تقبل تحياتى

[Mr Gomaa Ashour]

العرف ما تعارف عليه الناس
الزواج العرفى هو الذى نعرفه والذى يتوفر فيه الشروط لإتمامه من موافقة الولى والإيجاب والقبول والشهود العدول والإشهار
هذا الزواج هو الشرعى


أما لفظ الزواج العرفى الذى يستعمل للزواج السرى الذى لا تتوفر فيه الشروط فهو زواج فاسد

[كريم ماضي]

الزواج العرفى حرااااااااااااااااااااااااام
ربنا يحفظ كل شباب المسلمين

فعلا حرام شرعا
وده كمان مش زواج ده زنا
ربنا يحفظنا جميعا
جزاك الله خيرا علي المرور

انا ارفض وبشدة اني اعمل كدة

ربنا يبارك لنا فيك استاذي
وجزاك الله كل الخير علي المرور العطر

طبعاً أنا أرفض حاجه زى دى بشده مينفعش طبعاً
إيه التهريج ده

لكن للأسف يا كريم الكلام ده حقيقى وبيقع فيه الكتير من شبابنا
وده بيبقى لأسباب كتير جدااً
هذكرها ليك فى ردى التالى بإذن الله أنا قولت أدخل أحجز رد فى المقدمه بس يا حبى

شكرا للمور ياسدات
ومنتظرك

انا ارفض تماما الزواج العرفي
او المصاحبة التى لاتكون فى حدود الزمالة
لانها تأتى على البنات وهم الخاسرين

فعلا البنت في الاول وفي الاخر هي الخسرانه
ربنا يكملنا جميعنا بعقولنا
شكرا للمرور

[كريم ماضي]

الجواز العرفى طبعا مرفوض بكل المقاييس
بس انت بتتكلم عن الجواز العرفى بين شباب الجامعه ودول ممكن
اانا نقول انهم لسه صغيريين ومش عارفين مصلحتهم كويس
طب تقول ايه بقى فالكبار اللى برضه بيتجوزوا عرفى
وبيبرروا ده باسباب وحجج واهيه ولا اساس لها من الصحه يعنى مثلا
الارمله اللى مات جوزها وعاوزه تتجوز وفى نفس الوقت تاخد معاش جوزها مع العلم
انها كبيره ممكن تكون عدت 35 او 40 سنه كمان .
والمطلقه اللى برضه عاوزه تاخد النفقه وفى نفس الوقت محتاجه تتجوز
وراجل كبير وغنى ومتجوز فعلا بس عينه زايغه وكمان بيخاف من مراته ومش قادر
يتجوز رسمى يقوم يتجوز عرفى كام شهر وخلاص اهو عجوز متصابى
يعنى مش الشباب بس دول الكبار كمان عشان كده لازم يكون فى حل قوى ورادع
لموضوع الجواز العرفى ده لانه بقى زى الوباء السريع الانتشار ... تقبل تحياتى

في حالات كتيره بتحصل من الجواز المحرم
وطبعا كل جوازه بتختلف عن الاخره
بيكون فيه زواج متعه وده حرام برده
وكتيييييييييييييير
ربنا يحفظنا يارب
جزاك الله كل خير علي المرور العطر