الضيف الرابع |وليد عسكر ( علي كرسي الاعتراف ) ويلا

[أشرف السيد]

السلام عليكم

اهلا بكم في ضيف رابع

بس ده ضيف وحشنا كلنا

اكيد اول سؤال

وحشتنا يا مستر وليد وقول لنا ليه الغيبة طولت

وقلنا اسمك الرباعي

ايه رايك في رحلة الاسكندرية

انت ليه اخترت موقع التعليم من اول ضربة وكانت عضويتك رقم 4 في موقع عدد اعضاءه اليوم بعد 3 شهور من افتتاحه اكثر من 33 الف عضو

ايه شعورك لما تعرف ان الموقع اصبح رقم 1 تعليما لمرتين متتالتين في اقل من اسبوع بل ومتواجد في افضل 10 مواقع تعليمية منذ شهر ومع العلم ان هناك الكثير من المواقع التعليمة منذ سنين لم تدخل افضل 10 مواقع تعليمية حتى هذه اللحظة

لما تسمع كلمة ( جمال الدين عوض ) ايه شعورك تجاها

هو انت صحيح بتعطي دروس في مركز دروس وممكن نرفع الحصة بكام

هو انت ليه بتحاول تيجي على نفسك كثيرا من اجل الاخرين

ماذا يعني لك قسم كادر المعلم سابقا

وماذا تعني لك كلمة نائب المدير الان

طبعا في اسئلة كثيرة بس بعد اسئلة الاخوة الافاضل

[اسامه القزاز]

حمداً لله على سلامتك .. كل ردودك تحمل الصدق وفيها ذكاء خارق.. ربنا معاك

[عز وحيد]

استاذى العزيز وقدوتى بجد اعتز بيه جدا جدا

انى احبك فى الله

بس مع حبى ليك فيه اسئلة معايا

وانا ملاحظ ان مافيش حد رزل عليك خالص

كلها اسئلة صعبة شوية بس مش رزلة

تسمح لتلميذك يكون رزل المرة ديه

ماشى هعتبر حضرتك سمحتلى

1- حضرتك سبت بوابة الثانوية يا ترى حسبتها ولا روحت مع الحق على طول

يعنى شوفت ان مصلحتك فين وبعدها روحت ولا مشيت ورا قلبك

2- حضرتك كان ليك منصب فى بوابة التعليم قبل ما تسيبها ياترى المنصب ده اتشال منك قبل ما تسيب الثانوية

ولا بعد ما سبت الثانوية

3- حضرتك يا مسيو لو ليك حق عند واحد يعنى حاجة خاصة بيك واحد اخدها منك وما رجعهاش ليك

هتعمل ايه وايه الطريقة الى هتحاول ترجع بيها حقوقك

4- مين اكتر واحد فى البوابة هنا تحس انه بتاع مشاكل

5- بصراحة كده قولنا انت ليه اهلاوى بالتفصيل لو سمحت يعنى تشرحلنا سبب حبك للاهلى

وايه السبب الى أدى الى تلك المشكلة وهل انه عشان النادى ده بيشجعه ناس كتيرة فانت كمان شجعته

ولا كان ليك اسباب خاصة اتمنى توضحلنا بالظبط

6- يا ترى فى يوم من الايام حبك للاهلى ده عمل ليك مشاكل واحكيلنا عن اغرب واطرف موقف حصل معاك انت وواحد زملكاوى

7- هتعمل ايه لو لقيت حد بيشتم الاهلى سواء فى المنتدى او فى الشارع

8- هل انت دايما بتفى بوعدك

9- لو كانت الاجابة بنعم طيب فيه وعد كبير انت اخدته على نفسك فاكره

ياترى ليه ما نفذتوش

طبعا انا الوحيد الى فاكره عشان انا الى سئلت ايه ده ماكنتش عارفه

ههههههههههههههههههه

10- ايه الاسباب الى ممكن تخليك تسيب بوابة التعليم

كفاية كده

عارف انى كنت رزل اوى

بس يلا بقى يا مسيو ياااااااااااااااااااااااما عملت معايا زى كده

والقسم الرياضى يشهد

جيه الوقت الى احاول اخلص جزء من الى ليا

هههههههههههههههههههههههه

اتمنى تتقبل اسئلتى وحضرتك عارف كويس هى ليست الا دعابة مع استاذى العزيز

[كريم ماضي]

بسم الله الرحمن الرحيم
اني احبك في الله
واحب جميع رجال المنتدي في الله
واعتز بك استاذي واتشرف بمعرفت حضرتك

اول مشاركه ليا في المسابقه
سبحان الله حظك جميل جدا
لان اسئلتي خفيفه

بتسمع اغاني ولا بتقول حرام
لو بتسمع مين افضل مطرب

ماهو الحب من وجهة نظرك
هل انت رومانسي
شخص عزيز عليك بامنتدي اسمه ؟ ونصيحه اليه

اذكر لنا ثلاثة عيوب
شيئ كنت تتمنا ان تحققه وعدنما تحقق ندمت انه تحقق
طيب بما انك اهلاوي
ايه رئيك في موضوع عصام الحضري يرجع ولا لاء
مع العلم انه اعتذر واعترف بخطأه ومع ذلك الاداره تقول المبادئ لاتتجزء

واخيرا تقبل تحياتي
ويارب اسئلتي تكون خفيفه

[مسيو وليد عسكر]

[quote=اسامه القزاز;73828]حمداً لله على سلامتك .. كل ردودك تحمل الصدق وفيها ذكاء خارق.. ربنا معاك[/

quote]
اشكرك اخي الحبيب اسامه ووحشتنا والله جداا
مفتقدينك من زمان
بتمني فعلا يجمعنا لقاء لانك من هؤلاء الذين احببتهم في الله دون ان اراهم
ربنا يبيارك في عمرك اخي العزيز اسامه

[مسيو وليد عسكر]

استاذى العزيز وقدوتى بجد اعتز بيه جدا جدا
اشكرك اخي الحبيبعلي كلماتك الرقيقه
انى احبك فى الله
احبك الله الذي احببتني فيه

بس مع حبى ليك فيه اسئلة معايا
اتفضل وتحت امرك

وانا ملاحظ ان مافيش حد رزل عليك خالص

كلهم شياكه
كلها اسئلة صعبة شوية بس مش رزلة
ربنا يستر

تسمح لتلميذك يكون رزل المرة ديه
العفو اخي الكريم ماتقولش علي نفسك كده

ماشى هعتبر حضرتك سمحتلى
لا مسمحتش

1- حضرتك سبت بوابة الثانوية يا ترى حسبتها ولا روحت مع الحق على طول

يعنى شوفت ان مصلحتك فين وبعدها روحت ولا مشيت ورا قلبك
مشيت ورا الحق..تخيل ان واحد بني بيت وبعد شويه لقيت ناس بيطردوه وبيقولولوه انت خاين ولص وغير امين تفتكر هتعمل ايه هتشجع الظالم ولا تقف مع المظلوم ؟

2- حضرتك كان ليك منصب فى بوابة التعليم قبل ما تسيبها ياترى المنصب ده اتشال منك قبل ما تسيب الثانوية

ولا بعد ما سبت الثانوية
اعتقد انك تقصد تقول منصب في الثانويه
علي كل حال..اللي حصل باختصار اني كنت بتساءل وعاوز افهم امور غامضه بتحصل وكان عليها تعتيم شديد
سالت ولم اجد جواب..
ناقشت وكتبت رايي فتم مصادرته...
وقتها لقيت اني فيه حاجه غلط لان صاحب الحق لايخشي شيئا..
وبالمناسبه اي مسمي او منصب في المنتدي حتي لو كان مدير المنتدي هو منصب شرفي ولا يعنيني في شيء ولا استفيد منه ماديا ولكن مايعنيني ان اتواجد في مكان يحترم اي عضو

3- حضرتك يا مسيو لو ليك حق عند واحد يعنى حاجة خاصة بيك واحد اخدها منك وما رجعهاش ليك

هتعمل ايه وايه الطريقة الى هتحاول ترجع بيها حقوقك
كل شيء ولو اصول ولازم الامور تطلب باحترام اولا
4- مين اكتر واحد فى البوابة هنا تحس انه بتاع مشاكل
اي عضو لا يفكر الا في نفسه ويري انه مركز الكون وكل الاعضاء تدور في فلكه ده عضو يستحق البتر

5- بصراحة كده قولنا انت ليه اهلاوى بالتفصيل لو سمحت يعنى تشرحلنا سبب حبك للاهلى
لانه نادي محترم وله مباديء وقيم ويحترم جمهوره

وايه السبب الى أدى الى تلك المشكلة وهل انه عشان النادى ده بيشجعه ناس كتيرة فانت كمان شجعته

ولا كان ليك اسباب خاصة اتمنى توضحلنا بالظبط
انا شجعت الاهلي بشكل تلقائي اول ماعرفت يعني ايه كوره
هو لو سالتك انت شربت ميه او بتتنفس هوا ينفع اسالك عن سبب ده ؟ ده حب فطري يا عز ..

6- يا ترى فى يوم من الايام حبك للاهلى ده عمل ليك مشاكل واحكيلنا عن اغرب واطرف موقف حصل معاك انت وواحد زملكاوى
اطلاقا انا كل اصدقائي الزمالكويه محترمين جداا واي نقاش معهم من منطلق الدعابه والحب وليس من منطلق التعصب

7- هتعمل ايه لو لقيت حد بيشتم الاهلى سواء فى المنتدى او فى الشارع
قوانين المنتدي تحظر اي الفاظ خارجه حتي لو كان اللفظ ده موجه لنادي الزمالك اكيد هيكون لي رد فعل غاضب لان صفحه المنتدي ليست مجلال للسباب باي حال من الاحوال

8- هل انت دايما بتفى بوعدك
الحمد لله وبتمني اقدر دايما اكون كده

9- لو كانت الاجابة بنعم طيب فيه وعد كبير انت اخدته على نفسك فاكره

ياترى ليه ما نفذتوش
لا سعادتك مشرفتنيش في المنصوره ولو تفتكر اني قلت لك اننا لو رتبنا الاول عربيا هتكون معزوم عندي في المنصوره ..وسعادتك اللي مش فاضي تيجي وعموما المنصوره تتشرف بيك ياجميل في اي وقت رن لي بس وعرفني امته هتيجي قبلها بيوم .. وهتشوف احلي واجب ....والميه تكدب الغطاس
طبعا انا الوحيد الى فاكره عشان انا الى سئلت ايه ده ماكنتش عارفه

ههههههههههههههههههه

10- ايه الاسباب الى ممكن تخليك تسيب بوابة التعليم
ان شاء الله طول مالروح الجميله دي موجوده عمري ماهسيب بوابه التعليم

كفاية كده

عارف انى كنت رزل اوى
بالعكس اسئلتك ممتازه

بس يلا بقى يا مسيو ياااااااااااااااااااااااما عملت معايا زى كده

والقسم الرياضى يشهد

جيه الوقت الى احاول اخلص جزء من الى ليا

هههههههههههههههههههههههه
والله كانت ايام جميله يارتها ترجع تاني

اتمنى تتقبل اسئلتى وحضرتك عارف كويس هى ليست الا دعابة مع استاذى العزيز

انا سعيد جداا باسئلتك ويارب اكون دايما عند حسن ظن الجميع

[أشرف السيد]

هل ترى ان الدروس الخصوصية ترفع من مستوى الطالب

هل انت مع نظام التقويم

هل تستخدم وسائل التكنولوجيا في المدرسة لتعليم الطلاب

هل تفضل مدارس اللغات عن العربي في وقتنا الحالي بغض النظر انك مدرس في مدرسة لغات

هل تتوقع ان يصل المنتخب المصري لكأس العالم

[نداء الجنة]

السلام عليكم ورحمة الله وبركاته
اسمحلى بعرض اسئلتى
- هل أنت متفائل ؟
- شخصية أثرت فى حياتك ؟
- أى المراحل العمرية تفضلها
( الطفولة - المراهقة - الرشد ( حاليا ) ؟ ولماذا ؟
- علق بكلمة واحدة على :
- شمس
- حب
- خوف
- أمى
- أنا
- غدا
- كراهية
بالرغم أن حضرتك مدرس لغة فرنسية
إلا أنك بارع فى اللغة العربية
ما السبب ؟؟
موقف مؤلم فى حياتك ؟
أجمل خبر سمعته إلى الأن ؟
- ما رأيك فى الأسئلة ؟؟
عذرا على الاطالة
........

[مسيو وليد عسكر]

بسم الله الرحمن الرحيم
اني احبك في الله
واحب جميع رجال المنتدي في الله
واعتز بك استاذي واتشرف بمعرفت حضرتك
الله يعزك يا كريم

اول مشاركه ليا في المسابقه
سبحان الله حظك جميل جدا
لان اسئلتي خفيفه

بتسمع اغاني ولا بتقول حرام
بسمع وانا اقل من ان افتي بالحلال والحرام فلهذا الامر رجاله المتخصصين
لو بتسمع مين افضل مطرب
هاني شاكر

ماهو الحب من وجهة نظرك
الحب احساس جميل واجمل معاني الحب هو الحب في الله
هل انت رومانسي
يعني ساعات لما النور بيتقطع وبنستخدم شموع بكون رومانسي
شخص عزيز عليك بامنتدي اسمه ؟ ونصيحه اليه
كل شخص عرفته هنا عزيز علي قلبي ولكن هناك اشخاص لايمكن نسيانهم بسهوله..وهم يعلمون مكانتهم تماما

اذكر لنا ثلاثة عيوب
غير صبور واحيانا مندفع ومتهور
شيئ كنت تتمنا ان تحققه وعدنما تحقق ندمت انه تحقق
لم اندم علي اي شء تمنيته وفعلته لاني علي قناعه كامله بمافعلته
طيب بما انك اهلاوي
ايه رئيك في موضوع عصام الحضري يرجع ولا لاء
لو اعتزر في كافه وسائل الاعلام واعلن عن ندمه علي مافعله اوافق علي عودته ولكن يفضل عمل استفتاء بين جماهير الاهلي حتي يتم الامر بشكل ديموقراطي ولو اني علي قناعه ان الانسان غير معصوم من الخطا وان الله عز وجل يتقبل التوبه من عباده
مع العلم انه اعتذر واعترف بخطأه ومع ذلك الاداره تقول المبادئ لاتتجزء
ارفض هذا الكلام لان الاعتزار شيم الكبار وطالما اعتزر فلم لا نسامحه واعتقد ان اداره الاهلي جانبها الصواب في هذا الامر

واخيرا تقبل تحياتي
ويارب اسئلتي تكون خفيفه
اسئلته خفيفه وزي الفل

الف شكر يا كريم علي تشريفك للموضوع

[مسيو وليد عسكر]

هل ترى ان الدروس الخصوصية ترفع من مستوى الطالب
احيانا بجانب مجهود الطالب الذاتي في التعلم ولكن لو اعتمد الطالب عليها تماما فالاجابه لا

هل انت مع نظام التقويم
لو تم تطبيقه بشكله الصحيح

هل تستخدم وسائل التكنولوجيا في المدرسة لتعليم الطلاب
بالطبع واجد كل المتعه في ذلك

هل تفضل مدارس اللغات عن العربي في وقتنا الحالي بغض النظر انك مدرس في مدرسة لغات
افضل مدارس اللغات لاني مدرس لغة

هل تتوقع ان يصل المنتخب المصري لكأس العالم
لا

شرفت ونورت الموضوع يا ابو ادم وسعيد بتواجدك للمره الثانيه

[مسيو وليد عسكر]

السلام عليكم ورحمة الله وبركاته
اسمحلى بعرض اسئلتى
اتفضلي
- هل أنت متفائل ؟
الحمد لله
- شخصية أثرت فى حياتك ؟
عمرو خالد
- أى المراحل العمرية تفضلها
( الطفولة - المراهقة - الرشد ( حاليا ) ؟ ولماذا ؟
الرشد لانه سن النضوج
- علق بكلمة واحدة على :
- شمس
نور ودفا
- حب
اجمل احساس
- خوف
شعور غير مرغوب الا من الله
- أمى
ست الحبايب
- أنا
ظلمت نفسي
- غدا
اتمناه افضل
- كراهية
شعور بغيض
بالرغم أن حضرتك مدرس لغة فرنسية
إلا أنك بارع فى اللغة العربية
ما السبب ؟؟
لان والدي هو من جعلني اعشق اللغة العربيه بالاضافه لاني قاريء جيد وكنت احب الشعر العربي
موقف مؤلم فى حياتك ؟
حينما رايت اليهود يدنسون المسجد الاقصي
أجمل خبر سمعته إلى الأن ؟
ان اللغة الفرنسية ستدرس في المرحله الاعدادية
- ما رأيك فى الأسئلة ؟؟
ممتازه
عذرا على الاطالة
شرفتي الموضوع استاذه رانيا
........

الف شكر علي مرورك العطر

[شمس بياض]

السلام عليكم استاذنا الفاضل
عدت مرة اخرى
لاتساءل
هل اختيار حضرتك لمنصب الوزير فى المدينه الفاضله
هو هروب من واقع مرير
اومن منطلق
ليس فى الامكان ابدع مما كان ؟
مسيو وليد
حضرتك تتمتع بصفات الكثير
يعرفها جيدا
صفات تؤهل حضرتك لتكون ممثل الشعب فى مجلس
الشعب (هذا الكلام جد جدااااا)
اوعدنا ان حضرتك تفكر جديا فى هذا الموضو ع
طالما حضرتك تعلم عيوب الاعضاء بالمجلس
فاكيد هتتلاشاها
استاذى
هل يظلم الانسان نفسه ؟
كيف ؟

لماذا تريد السفر
الى كندا تحديدا ؟

حضرتك من محبى الشعر وقرأنا لك شعرا قبل ذلك
فهل الالهام سببه
شخصيه ملهمه
او موقف مررت به
اوتجربه ذاتيه
او تأمل ينتج شعرا
لماذا توقف ابداعكم الشعرى ؟
شكرا لحضرتكم وفى رعايه الله وامنه

[أشرف السيد]

ايه رايك في موقف ابو تريكة بتبرعه بشيك ساويرس

[مسيو وليد عسكر]

السلام عليكم استاذنا الفاضل

عدت مرة اخرى
لاتساءل
هل اختيار حضرتك لمنصب الوزير فى المدينه الفاضله
هو هروب من واقع مرير
اومن منطلق
ليس فى الامكان ابدع مما كان ؟
لان الواقع يقول لكي تكون مسئولا يجب ان يتجاوز عمرك الخمسون عاما ولامكان للشباب ومن يعتلي منصبا لا يتركه الا بالاقاله او الموت
مسيو وليد
حضرتك تتمتع بصفات الكثير
يعرفها جيدا
صفات تؤهل حضرتك لتكون ممثل الشعب فى مجلس
الشعب (هذا الكلام جد جدااااا)
اطراء اكبر من حجمي واشكرك علي علي كل حال
اوعدنا ان حضرتك تفكر جديا فى هذا الموضو ع
طالما حضرتك تعلم عيوب الاعضاء بالمجلس
فاكيد هتتلاشاها
لست ثريا حتي يمكنني الانفاق وشراء الاصوات ولست مشهورا حتي يلتف الناس حولي بحب ولست من اصحاب الزفه الكدابه حتي انال الرضا السامي من الكبار ولذا فالواقع يقول اني لا اصلح اطلاقا
استاذى
هل يظلم الانسان نفسه ؟
كيف ؟
نعم حينما يرضي لنفسه بان يكون جسد بلا روح

لماذا تريد السفر
الى كندا تحديدا ؟
اولا لعوامل اللغة وثانيا لانها دوله تحترم المبدعين وتدافع عن حقوق الانسان وتحترم ادميته وليست دوله عنصريه

حضرتك من محبى الشعر وقرأنا لك شعرا قبل ذلك
فهل الالهام سببه
شخصيه ملهمه
او موقف مررت به
اوتجربه ذاتيه
او تأمل ينتج شعرا
لماذا توقف ابداعكم الشعرى ؟
شكرا لحضرتكم وفى رعايه الله وامنه
اشكرك علي كلماتك المشجعه وهناك فرق بين الشاعر الموهوب وبين من يقول خاطره ...انا من النوع الثاني ولست بشاعر وليس معني اجتهادي في نظم كلمات تعبر عن فكره بداخلي اني شاعر واملك ادوات الشعر العربي ...فيه مثل ممكن يلخص اجابتي (ولا كل من ركب الحصان خيال )
شريف مثلا شاعر ممتاز جداا وافقه واسع جداا ولديه مفردات ثريه جداا وقدره غير عاديه علي نظم كلماته في اطار جميل..
فانا قاريء ومجتهد ولست بشاعر

واشكرك جداا علي اسئلتك المميزه

[محمد بن عباس]

أستاذوليد ما الأشياء التى تحبها بنسبة100%وفى نفس الوقت تكرهها بنسبة 100%
وثانياً ما رأيك فى الزواج للرجل ثانياًوثالثاً ورابعاً

[دعاء شديد]

يا رب يا هادى ... نبدأ الاسئلة

مش بتشارك فى موضوعاتى ليه !!!!!!!!!!

كمان مش بتعمل كونفرانسات ليه زى زماااااااااااان ؟؟؟؟؟؟؟؟

قفلت الموبايل ليه يوم رحلة اسكندرية !!!!!!!!!!

عاجبك ان لون اسماء مسئولى الادارة يبقى اسود!!!!!!!!!!

ما هو تعليقك على احداث انهارده كلها؟؟؟؟؟؟؟؟؟؟؟؟؟؟؟؟؟

بس

[مسيو وليد عسكر]

أستاذوليد ما الأشياء التى تحبها بنسبة100%وفى نفس الوقت تكرهها بنسبة 100%
احب الثقة بالنفس واكره الغرور
ومابينهما شعره بسيطه
وثانياً ما رأيك فى الزواج للرجل ثانياًوثالثاً ورابعاً



تعدد الزوجات في الاسلام كانت له حكمه في حدود علمي وهي ان معدل الوفيات للرجال كان مرتفعا خلال فتره الغزوات وكانت هناك ارامل كثيرات فكان تعدد الزواج هو تكريما لهؤلاء النساء وحفاظ عليهن من الفتنه
وقد يكون التعدد خشيه الفتنه لمرض الزوجه او ماشابه ذلك
واعتقد ان زوجه واحده تكفي طالما انها تراعي زوجها بما يرضي الله وتقر عينه وترضيه في كل شيء لان الظروف الاقتصاديه الحاليه لن تجعل اي زوج قادرا علي العدل بين زوجتين

اشكرك استاذي الفاضل علي مروركم الكريم وبجد سعيد اليوم مرتين مره اني شفت حضرت وتعرفت علي انسان راقي جداا ومره لتشريفكم الموضوع

[نعمه محمود]

مسااااااااااااااااااء الخير
ازيك مسيو وليد
ليه عندك كام سؤال صغنتتين خالص

هل هناك كلمة أو تعبير أو وعد قلته وندمت عليه الآن؟
هل شعرت مرة بأنك تسرعت في التعبير عما بداخلك تجاه شخص معين؟
من هو الشخص الذى تثق به أكثر من نفسك ؟
هل قابلت شخصا ما وتمنيت لو أنك قابلته منذ سنوات ؟
لو قدر لك أتغير شيئا بحياتك اليوم ماذا تغير؟ ولماذا؟

[مسيو وليد عسكر]

يا رب يا هادى ... نبدأ الاسئلة

مش بتشارك فى موضوعاتى ليه !!!!!!!!!!
من اولها كده شكل للبيع ؟
فين موضوعاتك دي ؟

كمان مش بتعمل كونفرانسات ليه زى زماااااااااااان ؟؟؟؟؟؟؟؟
المايك عليه اقساط ماتدفعتش فتم مصادرته وفي سبيل الحصول علي مايك اخر من السوق الحره

قفلت الموبايل ليه يوم رحلة اسكندرية !!!!!!!!!!
لما عرفتك انك رايحه خفت الرحله تولع لما اشوفك هناك
فقلت كفايه عليهم دعاء:006et4:

عاجبك ان لون اسماء مسئولى الادارة يبقى اسود!!!!!!!!!!
وماله الاسود لون مميز نااقصه بس زجاج فاميه ونمر مميزه واتحداكي لو لجنا وقفتنا علي الطريق

ما هو تعليقك على احداث انهارده كلها؟؟؟؟؟؟؟؟؟؟؟؟؟؟؟؟؟
سعدت جداا بتواجدي معكم وبلقاء انسان فاضل جداا اول مره وهو الاستاذ محمد عباس مع كل الحبايب الاستاذ جمال والاستاذ عبد الحميد والاستاذ اشرف والاستاذ شريف والاستاذه نعمه والاستاذه احلام والاستاذه رانيا وطبعا دعاء شديد ام قلب حديد وان شاء الله هيكون لها في المنتدي وضع جديد

بس

الف شكر يادعاء لتشريفك الموضوع

[محمد بن عباس]

اشكرك مسيو وليد على أسلوبك الراقى كما عهدنا منك
طيب ما الشىء الذى تمنيت الوصول إليه وبعد ذلك شعرت بالندم
وما النصيحة التى تقدمها لشخص تحبه ونصيحة تقدمها لشخص تعتقد أنه لا يحبك
وبكل أمانة كيف ترى هؤلاء أشرف السيد، شريف ،أحمدحمدى،محمدوسية ، محمد عباس، وليدعسكر وخلى بالك أنا قلت كيف ترى هؤلاء ولم أطلب غير ذلك
وما هى النعمة الوحيدة التى ترىأنك محسود عليها
وما الشىء الذى ترى أنه مفقود فى وليد عسكر

[مسيو وليد عسكر]

مسااااااااااااااااااء الخير
مساء النور
علي البنور
يجعل مساكي هنا وسرور
وعليكم السلام ورحمه الله

ازيك مسيو وليد
الحمد لله
ليه عندك كام سؤال صغنتتين خالص
اتفضلي تحت امرك

هل هناك كلمة أو تعبير أو وعد قلته وندمت عليه الآن؟
اطلاقا..لان كل كلماتي محسوبه وازنها جيداا
هل شعرت مرة بأنك تسرعت في التعبير عما بداخلك تجاه شخص معين؟
اكتر من مره كنت اصدم في بعض الاشخاص وكنت اتصورهم ملائكه وللاسف خذلوني
من هو الشخص الذى تثق به أكثر من نفسك ؟
والدي
هل قابلت شخصا ما وتمنيت لو أنك قابلته منذ سنوات ؟
نعم ومنهم كثيرون في المنتدي معنا وهم يعلمون ذلك تماما

لو قدر لك أتغير شيئا بحيات اليوم ماذا تغير؟ ولماذا؟
سؤال ذكي جداا
ظاهره سهل وباطنه صعب

نورتي وشرفتي الموضوع استاذه نعمه