يا أحنا ياحنا ولا حد عمل فرحنا -لولولولولى

[شمس بياض]

على النبى صلينا
وباسم الله ابتدينا
ويارب ديم الفرح فى نواحينا
ياجماعه صلو ا على النبى صلواعلى النبى
بقولكم ايه
ايه

عايزين نعيد التراث ونعمل فرح يتحاكوا عليه الناس
اربعين ليله

لاغلى اخ فى بيت العيله

عيله منتدانا دى احلى واجمل عيله

اسمحوا لى

اعرضه هنا الليله
وتبقى تنقلوه فى اى مكان

التهانى ولا عند الفلكلور عند دعاء
ولاتنسوا تعملوا هليله
داأول عريس ياخواتى

وزينه شباب العيله
فتى المنتدى الاول

عرفتوه ولا
أهو

أهو

شوفتوا العريس
اه
شوفتوا القمر الله
راجل زين الرجال

شوفتوا العروسه مش بيوريها لحد
شوفتوا العيله اصيله
شوفتوا الليالى ان شاء الله جميله
لى عوده مع باقى الفرح

[مستر أحمد حمدى]

والله ما اروعها مباركه وكارت رائع
بارك اللهم فيكم
اخى الاستاذ حمدى
جزاكم الله خيرا
وهديه مقبوله ويترد لك فى الافراح

جزاك الله خيرا اختى العزيزة شمس


انتى الوحيدة اللى عبرتينى

دا حتى شريف صاحب الليلة ولا عبرنى

بس لى ملحوظة أنا أسمى أحمد حمدى

[نعمه محمود]

الله عليكم والله انتو عســــــــــــــــــــــــــــــــــــل بيقولو ايه كمان
ادلع يالعريس يا أبو لاسه نايلون ادلع يالعريس وعروستك نايلون
اديت لحبيبي ملبسه وادانى حبيبي ملبسه
واتارى جيوبه مفلسه ع اللاسه اللاسه نايلون
اديت لحبيبي تفاحه وادانى حبيبي تفاحه

وانا عايشه معاه كده مرتاحه ع اللاسه اللاسه نايلون

بنوتة احلام اسمها ماجى يا شموسه

[شريف]

و الله العظيم لساني عاجز عن الشكر يا جماعة والله
حبيبي احمد حمدي انت علي راسي من فوق
و نشيدك جميل فوق راسي عمري ما هنساه
ربنا يجازيك خير
ألف ألف مليار شكر لاختي الغالية شمس بياض
((( الراعي الرسمي للحفلة )))
و استاذ احمد حمدي و الاستاذة الفاضلة أحلام
و اختي العزيزة نعمة و جامدة اوي المشاركة بتاعتك ههههههههه
و لمسيو وليد عسكر و لاستاذ جمعة عاشور
و كل اللي شارك في الموضوع ربنا يكرمكم يارب
و ما يحرمني منكم أبدا

[شمس بياض]

[quote=نعمه محمود;67953]

الله عليكم والله انتو عســــــــــــــــــــــــــــــــــــل بيقولو ايه كمان

ادلع يالعريس يا أبو لاسه نايلون ادلع يالعريس وعروستك نايلون
اديت لحبيبي ملبسه وادانى حبيبي ملبسه
واتارى جيوبه مفلسه ع اللاسه اللاسه نايلون
اديت لحبيبي تفاحه وادانى حبيبي تفاحه

وانا عايشه معاه كده مرتاحه ع اللاسه اللاسه نايلون

بنوتة احلام اسمها ماجى يا شموسه

فيه عسل وسكر الا انت ياجميل

اولا شكرا على انك قولتى
اسم ماجى

هى ممتازة جدا سمعتها فى الغرفه تجاوب مع اخيها ماشاء الله عليهم وبارك اللهم لنا فيهم وابناء المسلمين

ثانيا انا اعترض وبشده

على

واتارى جيوبه مفلسه ع اللاسه اللاسه نايلون
يا ختى الشر برة وبعيد

دى مليانه خير وهنا وسعاده ان شاء الله

دى حتى امها داعيالها فى ليله مقمرة
يكفيها دينه وخلقه هاتنهب
واقول ايش كمان

بلاش احسن

ربنا يحمى شبابنا وشباب المسلمين


فكرتينى بمفلسه دهيت

فى يوم فرح واحد

بعد ما نزلنا من على المسرح

بعض من اعضاء الفرقه زفوا العروسين بالرق الى باب البيت وعدل الرق

علشان
العريس يضع فيه ما فى جيوبه من نقود

تصدقى انه طلع الجيوب بيضاء ناصعه
هههه

ومينفعش طبعا تتجرأ العروسه و وتقوم بكده كريم ربنا اخوه كان واقف ووضع اللى فى جيوبه بدلا من العريس:bosyht9:

[مستر أحمد حمدى]

و الله العظيم لساني عاجز عن الشكر يا جماعة والله

حبيبي احمد حمدي انت علي راسي من فوق
و نشيدك جميل فوق راسي عمري ما هنساه
ربنا يجازيك خير
ألف ألف مليار شكر لاختي الغالية شمس بياض
((( الراعي الرسمي للحفلة )))
و استاذ احمد حمدي و الاستاذة الفاضلة أحلام
و اختي العزيزة نعمة و جامدة اوي المشاركة بتاعتك ههههههههه
و لمسيو وليد عسكر و لاستاذ جمعة عاشور
و كل اللي شارك في الموضوع ربنا يكرمكم يارب
و ما يحرمني منكم أبدا

أخى الحبيب شريف

يشهد الله أننا نحبك حبا جما

ولولا حبى ما عاتبتك

وشكرا على تحملك عتابى وعلى رقة كلامك العذب الذى يقطر عسلا

ويا بخت عروستك بيك

إبقى دخلها المنتدى وخليها تشوف مكانتك فى قلوبنا قد اية كبيرة

وحبنا ليك قد اية عظيم

وفهمها من دلوقتى انك مش شخص عادى دا انت وراك رجالة


بيحبوك وبيتمنولك الفرح والسرور

يا رب يرزقك السعادة والسرور ويبعد عنكم الشيطان ويرزقكم الذرية الصالحة

فأنت أخ عزيز على قلوبنا واللى يعرفك لازم غصب عن عين أهلة يحبك

ويحبك بجنون

بس يا رب العروسة متغيرش مننا

ربنا يوفقك يا رب

بارك الله لكما وبارك عليكما وجمع بينكما فى خير

[ممدوح الأنصارى]

اللى يشوف العريس
شريف
يصلى على النبى
صلاة النبى ..ترضى النبى
حصوة فى عينك يا اللى
ما تصلى على النبى
.........
الله يحرسك يا عريسنا
من عيون الحاسدين
انت القمر واحنا النجوم حواليك
يحيا العريس
..........................
الف مبارك وبالرفاء والبنين
أخى الحبيب أ/ شريف
وعقبال انجالك أ/ نور
وان شاء الله أحى الفرح
معاكم كل ليلية من العشا للفجر
ونرجع ايام زمان الحلوة لاحلى عريس

[شمس بياض]

وانا بقول الفرح منور
كده ليه
الاستاذ احمد حمدى
وحضرة العمده مشرفين فيه

هنيالك بقى يا شريف بيه

[wala]

الف الف مبروك يا استاذ شريف وربنا يتمم بخير ويسعدك كمان وكمان وكمان..............................

ويرزقك بكل دول:-

http://hitarek.net/images/hi-babies17.jpg

ودى هدايا رمزية مقدما

http://www.yabdoo.com/users/4272/gallery/226_p5901.jpg
http://sl.glitter-graphics.net/pub/1...xilvzmcwkx.gif

[dream]

اغانى الفرح

بسم الله نبدا

أمسك يالا حرامى – حلق يالا حرامى
مالك يا بت انتى وهية على الشباب رايحة وجاية مافيش جواز النوبة دية وامسك يالا ( حرامى – حرامى )
مالكم كدة يا بنات هايمين على الشباب رايحين جايين مافيش جواز واغسلو مواعين وامسك يالا ( حرامى – حرامى )
شوف الشباب التعبانة بتحب البت المليانة وراحت عليكى يا نشفانة وأمسك يالا ( حرامى – حرامى )
شوف الشباب الفقرية بتحب البت الغجرية وراحت عليكى يا بلطية وأمسك يالا ( حرامى – حرامى )
شوف البنات التعبانة بتحب الواد أبو لبانة وراحت علينا يا رجالة وأمسك يالا ( حرامى – حرامى )

[شمس بياض]

اهل العروسه بيغنوا يقولوا
اوعوا تقولوا فاتها عدى البحر وجابها
او عوا تقولوا فيها عيب
ذى الساعه اللى فى الجيب

اوعوا تقولوا ما خدهاش
خادها وكاد الناس
----
صلو على النبى لا تحسدوها صلوا على النبى دى حيله ابوها
--
ظللى ياعنبه
ياللى على البوابه
ظللى ما تظللى بيت العريس
طراوة

احنا المصاروة محدش يعلا علينا
ان جوزونا صغيرين سدينا
وان مسكونا البارود طخينا
-
احنا الماصروة اكتار اكتار

متعلمين فى ضرب النار

اصغر ما فينا ياخد التار

ضللى ياعنبه ياللى على البوابه
ضللى ما تضللى بيت العريس طراوة

-احنا ولاد الحاج احمد
لانحط بودرة ولا احمر
العين كحيله والخد احمر
ضللى ياعنبه ياللى على البوابه
ضللى ما تضللى بيت العريس طراوة

هو العريس قاعد اكيد فى الطراوة

[غادة عبدالسلام]

الف الف مبروك يا مستر شريف ربنا يتمم عليك بخير

وتسلمى يا رب وتعيش يا نور ومردود لك فى شهايد محمد واسلام وجوازهم يا رب

وانا بعد اذنك هعمل احلى كروت فرح لاجمد عريس تهدى لاجمل معازيم (رواد بوابة التعليم والمنتديات الى جنبنا )

ما الفرح فى الاستاد بقى

وميمنعش اساعد برضو حببتى نعمة فى الجاتوه والعلب والبوفيهات والذى منه

تحياتى

[dream]

بجد فكرتنا اهم حاجة دعاوى الفرح

نجيب شويه دعاوى

وياريت يلحق العريس يمضى عليها


قبل ما الفرح يخلص








في ليله من ليالي الف ليله وليله في نفس الميعاد اقبلت كعادتها شهرزاد....
لتحكي لشهريار اجمل مالديها من حكايات وارق الكلمات......
بلغني ايها الملك السعيد ذو الراي الرشيد ان الشاطر فلان خطفت قلبه الموعود ست الحسن
فذهب لوالديها الكريمان وقال لهما بكل امتنان:
قلبي يريد الإطمئنان...
وفي يد ابنتكم الامان..
فأعلن قبول الوالدين ليبدأ فرح العروسين
وعلت الزغاريد المكان وتحدد في شهر ____ الزمان ____ يوم _____
ولو كنتم نسيتم الحكايه تعالوا شوفوا من البدايه في قاعه____
وتوتا توتا، نومه حلوه لكل ولد وبنوته...

الداعيــــــان

حرم __________ و حرم ___________

...

[شريف]

تسلم ايديكم جميعا
بصراحة مش عارف اقول ايه والله
ربنا ما يحرمني منكم
و لا يحرمكم من لمتكم

[dream]

ودول شويه دعاوى

علشان كل واحد يختار دعوة يروح بها الفرح

[dream]

[dream]

تسلم ايديكم جميعا
بصراحة مش عارف اقول ايه والله
ربنا ما يحرمني منكم
و لا يحرمكم من لمتكم

الدعاوى اهى يا عريس

يعنى تدبيسه فى العزومة


ومش بعيد تلاقى رحلة اسكندرية عندك اليوم فى الفرح

[dream]

والفرح مش هيكمل غير بالكوشة

اختار يا عريس
انت وعروستك وربنا يسعدكم




7

This image has been resized. Click this bar to view the full image. The original image is sized 800x600 and weights 320KB.


This image has been resized. Click this bar to view the full image. The original image is sized 800x600 and weights 128KB.





This image has been resized. Click this bar to view the full image. The original image is sized 750x525 and weights 112KB.


This image has been resized. Click this bar to view the full image. The original image is sized 720x480 and weights 54KB.

[dream]

ومش ننسى عربية الزفة

لازم تكون فى احلى تزينه


دى مش هيركبها اى حد

ده عريسنا الزينة كحيلى العينه

وعروسته قمر اربعتاشر

[dream]

ومش هتكمل الليله الا بزفة العروسين

[نداء الجنة]

السلام عليكم ورحمة الله وبركاته

بارك الله لكما وبارك عليكما
وجمع بينكما فى خير