لأى مدى فى اختلاف

[ديار]

هل فكرت فى احلامك زمان واحلامك دلوقتى؟

لما نرجع شوية لزمان ونفتكر

اكيد فاكر احلام زمان قد اية فى فرق كبير بين احلام اليوم وبين الأمس ممكن واحد يقول انة احلام زمان هى احلام غير واقعية زى احلام الطفولة

احلام الطفولة كانت خيالية بس فيها طموح , متفائلة بلا حدود اما احلام اليوم محدودة مصدومة بالواقع والحياة محبطة ويمكن لا .

بس اكيد فى اختلاف من واحد للتانى حسب احلامة

طيب اية الفرق بين احلام طفولتك واحلامك دلوقتى اية ؟

هكمل معاكوا و ممكن اعرف رأيكم اية ؟

[rohelroh]

موضوع جميل
أحلام زمان رغم انها كانت بعيدة جدا ولكن كان بيكون فيه صدق واخلاص من الحالم وعلشان كدة كان ربنا بيساعده على تحقيق حلمة المشروع
دلوقتى مفيش حاجة مضمونة الناس بطلت تحلم علشان الحياة اتغيرت بقت سريعة والاخلاص قل والمصالح طغت على معظم الناس
مااجمل الحلم لو كان مخلص ومشروع ويبذل الانسان كل جهد لتحقيق حلمه

[ديار]

شكرا لمشاركة حضرتك

[دعاء شديد]

الفرق ان كل مرحله عمريه لها الاحلام الي تناسبها
مقدرش اقارن احلامى وانا طفل باحلامى وانا كبير

وانا صغير لو حلمت بلعبه .... سبيلى لتحقيق الهدف ان بابا وماما يجيبوهالى
لكن وانا كبير ... انا المسئول عن تحقيق احلامى مش حد تانى

وانا صغير لو فشلت احقق احلامى مصلا واجيب لعبه
لا لوم عليا لانها وفقا لقدرات بابا الماديه

لكن وانا كبير فشل تحقيق الحلم له اسباب كتير
يا انا حلمت حلم فوق قدراتى
يا انا مسعيتش كويس وطرقت كل الابواب
وهنا اقول بالفم المليان ده فشل فى تحقيق الحلم

لكن
من سعى وحاول وكان الحلم فى مستوى قدراته
وواجه الظروف وتصدى لكل الصعوبات ولم يحقق الحلم
هذا ما قدره الله له
وهنا لا يقال فشل لكنه سعى ولم يشاء الله له بالتحقيق

هو ايه فكره تحقيق الحلم ؟؟؟؟
وليه اصلا بيكون اسمه حلم مش بنقول خطوه لازم نخطيها مثلا

لان الحلم يعد شيء صعب المنال
الحلم بيبقى امام تحقيقه صعوبات كثيره
الحلم لابد ان يكون فى ظروف صعبه

حتى يشعر الانسان بانه وفق وسعى وتعب من اجل تحقيقه

لكن الاستسلام للظروف ... يبقى مش حلم اصلا او استسلام من الشخص نفسه

دى وجهة نظرى من واقع حياتى
عمرى محلمت حلم سهل ولا كلنت الظروف جميله حول تحقيقه
ههههههههههههههههههه الحمد لله
لكن السعي والاجتهاد هم الي بيوصول للحلم بجد

فرق كبير بين من يقول ان الطريق غير ممهد لتحقيق الحلم
وبين واحد صمم يسفلت الطريق بنفسه ومشيه وحقق حلمه

موضوع جميل ويتقال فيه كتييييييييييير