عمر روحك كم ؟؟؟؟؟؟؟؟؟

[دعاء شديد]

اه مهو كل واحد فينا ليه تلات اعمار
العمر الزمنى : بتحدده شهادة الميلاد
العمر العقلى : بتحدده الخبرات والثقافه والشخصيه
العمر الروحى : بيحدد الاحساس



العمر الزمنى = العمر العقلى = العمر الروحى
ان تساوت كل الاعمار
فأنت شخص عادى
((( يعنى زى ثقافتك زى روحك ... اكيد هتبقى عادى ... ايه الميزه يعنى )))
((( حد هيقولى مهو ده الطبيعى ... هقوله لا ده العادى ... الي مش محتاج اى مجهود من حضرتك )))


العمر الزمنى < العمر العقلى > العمر الروحى
يعنى عقله اكبر من سنه
وروحه اصغر من سنه
فأنت انسان سوبر
((( شخص زى مبيقوله سابق سنه ... عارف اكتر من اقرانه فى نفس السن ... وفى نفس ذات الوقت مش حاسس بسنه ... منطلق فى الحياة ... حاسس بالحياة ... والنبى مش يبقى سوبر )))
((( حد هيقولى دى قدرات ... اقوله صح الصح ... يبقى كلامى ووجهة نظرى صح ... ده انسان سوبر ... شهادة ميلاده لا تحكم عقله ولا حياته )))


العمر الزمنى > العمر العقلى < العمر الروحى
يعنى عقله اقل من سنه
وروحه اكبر من سنه
ده بقى انسان عايش وبس
((( العقل عنده وظايفه محدوده جدا والاحساس كمان ... قد يبدو لك فى بعض الاحيان ان بيفكر كويس ... لكن لو ركزت معاه هتلاقى افكاره عقيمه لان كلها جامده وغير مؤثره فى احساسك ولا حياتك ... يمكن تغير الواقع المادى الملموس ... لكن لا تقوى على احياء الروح ولا حياة الحياة )))
((( حد هيقولى هو كده وشخصيته كده ... هرد واقوله وماله حقه ... لكنه عايش وبس ... وهيتكتشف فى وقتا ما ان فاته كتييير ... لاكن هيحسان روحه تقيله وعقله موجه ... وده هيزيد من احساسه عجز الروح )))

فكره خطرت على بالى
من كلامى مع زميله
لانى لمست فيها ان عمرها الروحى اقل بكتييييييييير من عمرها الزمنى والعقلى
لاقيت مصطلح ((( العمر الروحى )))) قدام عنيا
قلت طيب ما انا اخد رأيكم
اكيد هلاقى اراء كتير تثرى الفكره

[دعاء شديد]

يا ريت لو قريتوا الصور
لانها معبره اكتر بكتير من كلمات الموضوع

[شريف]

يا صباح القلوب البيضا

حلوة اوى فكرة الموضوع ده
فى ناس فعلا بتبقا فى التلاتينات او الاربعينات من العمر
و دول يعتبروا شباب فى عز الشباب
و تلاقيهم من جواهم عواجيز و قلوبهم شاخت
و روحهم تقييييييييييلة
و على وشهم كآبة السنين
مع ان السنين مش كتير

و فى ناس اعرفها والله فى الستينات من العمر
و بيفكروا يتجوزوا
و بيلعبوا
و بيتنططوا !

أصل الشباب شباب القلب فعلا

بالنسبة ليا انا بقا

مع النضارة و الكرش تحسى انى فى العقد السابع من العمر
بس من جوايا عييييييييييل
عيل أوى

لا .... مش عايزين غلط

انا بس اللى أقول عيل
انما انتو لأ

من يومين تلاتة دخلت عليا الموجهة الفصل
لاقتني قاعد فى وسط دايرة حواليا من عيال سنة اولى
ايديهم في ايدين بعض و بيلفوا حواليا و انا قاعد زي العبيط بسقف
ههههههههههههههههههههههه
و بيغنوا اغنية انجلش بتقول
this is the way we stand in line
stand in line
stand in line
early in the morning


احساس الطفولة احساس ممتع جدا
خصوصا اثناء ما الواحد حاسس بقمة الهطل
و عفريت العبط راكبه

أصل الواحد هيعمل ايه في الظروف الطين
اللي البلد فيها
غير انه يبقا اهبل و فاتح بقه و مش فاهم حاجة ؟؟؟
خليها على الله

شكرا يا باشا ع الموضوعات اللذيذة دهين
روحى يا شيخة

و تعالى بسرعة
بموضوع كمان

[دعاء شديد]

يا صباح القلوب البيضا

حلوة اوى فكرة الموضوع ده
فى ناس فعلا بتبقا فى التلاتينات او الاربعينات من العمر
و دول يعتبروا شباب فى عز الشباب
و تلاقيهم من جواهم عواجيز و قلوبهم شاخت
و روحهم تقييييييييييلة
و على وشهم كآبة السنين
مع ان السنين مش كتير

و فى ناس اعرفها والله فى الستينات من العمر
و بيفكروا يتجوزوا
و بيلعبوا
و بيتنططوا !

أصل الشباب شباب القلب فعلا

بالنسبة ليا انا بقا

مع النضارة و الكرش تحسى انى فى العقد السابع من العمر
بس من جوايا عييييييييييل
عيل أوى

لا .... مش عايزين غلط

انا بس اللى أقول عيل
انما انتو لأ

من يومين تلاتة دخلت عليا الموجهة الفصل
لاقتني قاعد فى وسط دايرة حواليا من عيال سنة اولى
ايديهم في ايدين بعض و بيلفوا حواليا و انا قاعد زي العبيط بسقف
ههههههههههههههههههههههه
و بيغنوا اغنية انجلش بتقول
this is the way we stand in line
stand in line
stand in line
early in the morning


احساس الطفولة احساس ممتع جدا
خصوصا اثناء ما الواحد حاسس بقمة الهطل
و عفريت العبط راكبه

أصل الواحد هيعمل ايه في الظروف الطين
اللي البلد فيها
غير انه يبقا اهبل و فاتح بقه و مش فاهم حاجة ؟؟؟
خليها على الله

شكرا يا باشا ع الموضوعات اللذيذة دهين
روحى يا شيخة

و تعالى بسرعة
بموضوع كمان

اى خدمه
موضوع اهو والتانى جاى ان شاء الله
وطبعا روحك احنا كلنا عارفينها وربنا يديمها عليك

بس قولى
الموجهه عملت ايه لما شافتك ؟؟؟؟

[ديار]

جميلة جدا يادعاء فكرة الموضوع

شوفى من تعاملك مع الناس فى الشغل وغيرة تشوفى كل واحد وتصرفاتة المختلفة ومن خلالها

بتعرفى الشخص دة عمرة وعقلة وروحة واحدولا لا

بالنسبة لى يا دعاء يكون عمرى حسب المجموعة والناس اللى بنتكلم معاهم وعلى حسب الموضوع

يعنى فى الشغل احيانا لما بنتكلم فى موضوعات جدية يقولوا لى انت عندك كام سنة ولما يعرفوا

كانوا يقولوا انهم افتكروا سنى اكبر دة حصل معايا مرات

واحيانا تانية لما بكون مع الطلبة فى المدرسة وهى ابتدائى فبنلعب وممكن نجرى سوا واساعدهم

فى الانشطة وتمثيل المسرحيات فالمستر زميلى قالى حسستينى انى فى 3 ابتدائى اشمعنى 3 بالضبط مش عارفة

وقلت للمستر احساس الطفولة حلو مش وحش خصوصا لما تكون وسط مجموعة اطفال يعنى

احلى شىء ان تكونى بشخصيتك وتصرفاتك على حسب الموقف وقت المرح والاطفال طفل ووقت الكلام الجد كبير

وهنا دايما نقول الكبير مش بسنة وعمرة بس كبير بأفعالة وتصرفاتة

ممكن يبقى طفل زى الموجود عندى عارفة يادعاء لما بكلمة بحس انة شخص كبير ويتعامل

معاكى بمسؤلية عارفة اللى تقدرى تعتمدى علية وتلاقية فى ضهرك و الشخصية دى محتاجنها كتير

ويا ما ناس كبيرة بس افعالها صغيرة تكسف ولا يتحمل مسؤلية شى

قولى لى اية رأيك

بالمناسبة الصور حلوة قوى خصوصا صورة الفراشة والقيود

[حبيبه المصريه]

موضوع حلوووووووووو اوووووووى
موضوع سوبرررررررر بجد
وموفقاكى جدااااااااا على كل حرف فيه

بالنسبه للعمر الروحى ده مرتبط بالشخص نفسه
يعنى هى شخصيه مش بتعترف
لا بالعمر العقلى ولا بالعمر الزمنى
تنسج عالمها من حولها كما يروق لها
وليس كما يريد الآخرون
أن تنحصر فيه

شخصيه عاقله ومنتهى العقل
والرزانه والحكمه فى امور التعقل
شخصيه مسئوله وناجحه لا تعترف بالمستحيل
دمااااااااااااغ من الآخر
شخصيه يعتمد عليها فى كل شىء
مساعده للغير لأقصى درجه

شخصيه ضحوكه وعسوله وفكاهيه
فوق ما أى حد يتصور
شخصيه طفوليه
وقت ما يحتاج الأمر الطفوله البريئه
بكل تفاصيلها

يعنى شخصيه ميكس فريده فى عالم متعب جداااااا

هى حقا تركيبه ناتجه من شخصيه
لا ترضى بالدونيه
فهى قادره على تحقيق نفسها فى كل الاحوال

بس تعرفى يا دعاء اللى زى دول
يتعدوا على اصابع اليد الواحده
ميزتها الشخصيه دى
إنها قادره على التعامل حياتيا مع كل أصناف البشر

بس للأسف عيبها الوحيد
إنها لا تستطيع التكيف روحيا الا مع من يماثلها
أو يقاربها بدرجه كبيره
متعرفش تحصر نفسها فى تركيبه شخصيه واحده بس
تحس بالظبط زى السمكه اللى طلعتيها من البحر

عندك حل بقى للعيب الوحيد ده ؟؟؟؟؟؟؟؟

[دعاء شديد]

بس للأسف عيبها الوحيد
إنها لا تستطيع التكيف روحيا الا مع من يماثلها
أو يقاربها بدرجه كبيره
متعرفش تحصر نفسها فى تركيبه شخصيه واحده بس
تحس بالظبط زى السمكه اللى طلعتيها من البحر

عندك حل بقى للعيب الوحيد ده ؟؟؟؟؟؟؟؟

اولا ده مش عيب خالص
دى اهم ميزه
لان بكده بتبقى شكل حياة الشخصيه دى مختلف
وده فى حد ذاته ... منبع الربانى السعاده

ثانيا لو اقترحت عليكى حل وفقا لرايك انه عيب
هقولك هو حل واحد
ان تظل تلك الشخصيه محلقه
الا ان تجد الروح التى تتناغم معها
وحينها
يصمت العالم ... لتتحدث الاروااااااااااااااااح

[دعاء شديد]

جميلة جدا يادعاء فكرة الموضوع

شوفى من تعاملك مع الناس فى الشغل وغيرة تشوفى كل واحد وتصرفاتة المختلفة ومن خلالها

بتعرفى الشخص دة عمرة وعقلة وروحة واحدولا لا

بالنسبة لى يا دعاء يكون عمرى حسب المجموعة والناس اللى بنتكلم معاهم وعلى حسب الموضوع

يعنى فى الشغل احيانا لما بنتكلم فى موضوعات جدية يقولوا لى انت عندك كام سنة ولما يعرفوا

كانوا يقولوا انهم افتكروا سنى اكبر دة حصل معايا مرات

واحيانا تانية لما بكون مع الطلبة فى المدرسة وهى ابتدائى فبنلعب وممكن نجرى سوا واساعدهم

فى الانشطة وتمثيل المسرحيات فالمستر زميلى قالى حسستينى انى فى 3 ابتدائى اشمعنى 3 بالضبط مش عارفة

وقلت للمستر احساس الطفولة حلو مش وحش خصوصا لما تكون وسط مجموعة اطفال يعنى

احلى شىء ان تكونى بشخصيتك وتصرفاتك على حسب الموقف وقت المرح والاطفال طفل ووقت الكلام الجد كبير

وهنا دايما نقول الكبير مش بسنة وعمرة بس كبير بأفعالة وتصرفاتة

ممكن يبقى طفل زى الموجود عندى عارفة يادعاء لما بكلمة بحس انة شخص كبير ويتعامل

معاكى بمسؤلية عارفة اللى تقدرى تعتمدى علية وتلاقية فى ضهرك و الشخصية دى محتاجنها كتير

ويا ما ناس كبيرة بس افعالها صغيرة تكسف ولا يتحمل مسؤلية شى

قولى لى اية رأيك

بالمناسبة الصور حلوة قوى خصوصا صورة الفراشة والقيود

شوفى يا ديار
انا بعتبر ده اعلى درجات الذكاء الاجتماعى والمرونه الاجتماعيه
وده شيء رائع طبعا
انتى تبقى مرنه وتكييفى شخصيتك جسب الجو العام
ده رااااااااائع جدا

[ديار]

فى موضوع تانى كنا بنتكلم فية هقولك علية لما اسمع رأيك

[دعاء شديد]

فى موضوع تانى كنا بنتكلم فية هقولك علية لما اسمع رأيك

فى انتظار الموضوع التانى

بخصوص رايي بقى
هنا الموضوع تقييم ذاتى وتعبير عن النفس
اكتر منه راي الاخرين

بمعنى
انى طرحت رؤيه للشخصيه الانسانيه
ومتروك لكل واحد الاتفاق والاختلاف مع الرؤيه دى
من خلال تعبيره عن ذاته
بس ياستى
ادى الحكايه

[حبيبه المصريه]

غريبه اوى جيت اقيم ممتاز قيم حاجه تانيه خالص
المنتدى فيه شىء غريب
حتى اللغه انجلش
اللى شايف ان الموضوع يستحق
يقيم بقى عشان نصلح غلطة المنتدى الفظيعه دى

[دعاء شديد]

غريبه اوى جيت اقيم ممتاز قيم حاجه تانيه خالص
المنتدى فيه شىء غريب
حتى اللغه انجلش
اللى شايف ان الموضوع يستحق
يقيم بقى عشان نصلح غلطة المنتدى الفظيعه دى

يا حبيبه
قيمه الموضوع بردودكوا والله
ده راي الموضوع ههههههههههههههه

ولا يهمك حصل خير

[Nm100]

أحب أسجل إعجابي الشديد بالموضوع الرائع دا
أول ما قرأت العنوان حسيت انه موضوع في الصميم
وبيعبر عن اللى داخل كتيرمننا وبيفسر ليه ممكن نتفق مع من يشابهنا في الروح ونتختلف مع آخرين على الرغم من أنهم يكونون يقاربونا في العمر الزمني والعقلي

[دعاء شديد]

أحب أسجل إعجابي الشديد بالموضوع الرائع دا
أول ما قرأت العنوان حسيت انه موضوع في الصميم
وبيعبر عن اللى داخل كتيرمننا وبيفسر ليه ممكن نتفق مع من يشابهنا في الروح ونتختلف مع آخرين على الرغم من أنهم يكونون يقاربونا في العمر الزمني والعقلي

بالظبط
وده الي حبيت اوصله من خلال الموضوع
اصبتى الهدف

[نعمه محمود]

فى ناس يتقال ليها روحها حلوة لما تدخل مكان تملاه بهجة وسعادة
روحها فعلا بترفرف على المكان وفى ناس اول ماتقعد معاكى تقفلى منها
تحسيهم جايين يرمو هموم الدنيا على راسك . سيبك بقى من عمرهم العقلى والزمنى
لانهم بروحهم الضيقةوافقهم المحدود بيكرهوكى انك تسمعى لهم
وفى ناس فاهمة المعادلة غلط فاهمة ان العقل هو نضارة كب كوباية وتكشيرة مرسومة على الوش
رغم ان حلاوة الروح مش ضد العقل والرزانة

على فكرة موبايلى وقع فى الميه واتحرق

[دعاء شديد]

فى ناس يتقال ليها روحها حلوة لما تدخل مكان تملاه بهجة وسعادة
روحها فعلا بترفرف على المكان وفى ناس اول ماتقعد معاكى تقفلى منها
تحسيهم جايين يرمو هموم الدنيا على راسك . سيبك بقى من عمرهم العقلى والزمنى
لانهم بروحهم الضيقةوافقهم المحدود بيكرهوكى انك تسمعى لهم
وفى ناس فاهمة المعادلة غلط فاهمة ان العقل هو نضارة كب كوباية وتكشيرة مرسومة على الوش
رغم ان حلاوة الروح مش ضد العقل والرزانة

على فكرة موبايلى وقع فى الميه واتحرق

هو ده
روحهم تملا المكان حتى وقت الجد والعقل
الكاريزما
يعنى الروح حاله مستمره مش موقفيه

والف سلامه على موبايلك
بس يعنى حبكت يقع فى الميه فى البرد ده ههههههههههههههههه

[محمد بن عباس]

مرورى على الموضوع لإبداء إعجابى الشديد به متألقة كعادتك يا بنت شديد فاصل ونواصل من خلال العمر الروحى

[دعاء شديد]

مرورى على الموضوع لإبداء إعجابى الشديد به متألقة كعادتك يا بنت شديد فاصل ونواصل من خلال العمر الروحى

تسلم يا كابير
وربنا يباركلنا فيك يا رب