مختارات ... على أنغام حكم العسكر !!!!!!!!!!!!!!!!!!!!!!!!!!!

[جمال سراج]

السلام عليكم ورحمة الله وبركاته

نعم أقدر دور العسكر والمجلس العسكرى فى حماية ثورة مصر
بل وفى حماية مصر كلها من التدخل الأجنبى ومن العملاء بالداخل

ونعم أخشى من ظهور حزب وطنى جديد ... ولا أقصد به ما يسمى بالإسلاميين ... فكلنا يريد لشرع الله أن يسود

لكننا نخشى من عدم المرونة والقصور السياسى والنظرات الفردية للمصالح الشخصية لأفراد بأعينهم أو جماعات أو فصائل

ونعم أؤيد وجود جهاز أمن دولة قوى بمفهوم جديد يحمى مصر من أى عدوان
من تجار الأسلحة والمخدرات ومن البلطجية والمتاجرين بأقوات الشعب
دون أن يتدخل هذا الجهاز فى حياة الأشخاص أو يحارب التدين والمتدينين كما كان فى السابق أو يحمى السلطة فقط أو يتعامل مع الجميع بمنطق المجرمين
أو يكون وسيلة للتعذيب وارهاب الشعب كله
أو يمنح ضباطه ( أو بلطجيته ) سلطات واسعة فى تصفية المتدينين أو المعارضين أو أصحاب الرأى والعلم

لو قالوا فلولى فمرحبا .... يشرفنى ذلك
طالما فى حب مصر وحرصا عليها ... فهذا مدعاة للفخر وليس للأسف أبدا

المهم .. إليكم هذه المختارات الحلوة على أنغام حكم العسكر
ويحيا حكم العسكر لحين استقرار الأوضاع والقضاء على كل بلطجية مصر مدعى الثقافة والفكر !!!!!!!!!!!!!!!!!!!!

عمرك شفت بلد تعليمها بايظ ومضروب بالنار ويطلع منها زويل والشعراوى ؟؟!!!

طب عمرك شفت بلد مليانه تلوث وبلى أزرق وبرضه الناس بتجلها من كل حتة فى العالم وبيقولوا عليها أم الدنيا ؟؟!!!

طب عمرك شفت بلد ناسها فى عز الغم والضرب والثورة فى قلب الميدان كانوا بيغنوا وكاتبين تعليقات تهلّك م الضحك ؟؟!!!
...
طب عمرك شفت بلد رغم اللى فيها من قلق مفيش رئيس ولا مجلس شعب ولا شورى والمصالحة الفلسطينية متمّتش إلا فيها وميتبدلش الأسرى إلا برعايتها ؟؟!!!

مش بقولك اطمّن .. دا بس شوية قلق .. حلاوة روح مش أكتر .. علشان تتبنى على نضافة .. وساعتها هتتفرّج على أم الدنيا وهى منوّرة الدنيا ..

يسقط يسقط حكم العسكر.........ويحيا يحيا شباب ماشى بالبوكسر
يسقط يسقط حكم العسكر.........و يحيا يحيا شاب مسطول و بيسكر
يسقط يسقط حكم العسكر.........ويحيا شباب بالعربى....مفرفر
يسقط يسقط حكم العسكر........ويحيا شباب الفايس وتويتر اللى شتمه فى مصر العسكر
... يسقط يسقط حكم العسكر.......وحياة توتى ولولى وفوفو... ثورنا ....غضبنا.... ومش بنقصر
يسقط يسقط حكم العسكر.......ياختى عليه حيلة امه ياختى عليه والله اكبر
يسقط يسقط حكم العسكر.......لعبة حقيرة من الخنزيرة من امريكا الشر الاكبر
يسقط يسقط حكم العسكر......ابنك قالها او ح يقولها...قولة يا نغة...فوق بقى واكبر
يسقط يسقط حكم العسكر.....قالها خواجة بعربى مكسر
يسقط يسقط حكم العسكر..... قالها فلاتى ..قالها جاسوس قابض بالاخضر
يسقط يسقط حكم العسكر......مش راح يسقط اصل يا توتو مصر ولادها كلها عسكر

مودتى للجميع

[وردة الايمان]

موضوع اكتر من رائع يا استاذ جمال
فعلا مصر هتكون اقوى بكتير من الاول
مستحيل النوعية اللى تكلمت عنها هى اللى هتأثر على مصير بلد بحالها
ان شاء الله الحق هينتصر فى النهاية
وساعتها هنعرف مين الخاين الحقيقى للبلد

[دعاء شديد]

حلو اوى والله يا مستر
وفعلا البلد دى فيها مفارقات عجيبه جدا

واخر فقره جامده جدا
ههههههههههههههههههههههه

هحاول ادعبس على شويه مفارقات كده واجيبها واجى

فين كونوا بخير لاكون ؟؟؟؟؟؟؟؟؟

[شريف]

99 % من اللي قلته يا مستر
لا يختلف عليه اتنين عقلاء اكيد

الاختلاف الوحيد
ان في ناس متعقدة من حكم العسكر
الحكم اللي يستمر بالعشرة و العشرين و التلاتين سنة
و ساعتها مابيبقاش حرصا علي مصلحة مصر كما يزعم الزاعمون
و لكن عشان يركبوا الكرسي
و أدينا شوفنا
الثورة اصلا قامت علي ناس عسكر
(( مبارك و بقايا حزب السادات و ديكتاتورية زرعها عبد الناصر ))
60 سنة اهو من حكم العسكر

هوا احنا يا مستر بنحكم علي العسكر
نحبهم او نكرههم بناءا علي ايه ؟؟؟
مش بناءا علي خبرة و تجربة و رؤيا العين ؟؟؟

اللي شوفناه طول ستين سنة جاب مصر لورا
عبد الناصر كان كاره لكل ماهو اسلامي
و سحل و عذب الكثيرين
السادات في اخر ايامه خرف و برضه سحق كل معارضيه و سجنهم
مبارك طبعا ... ما يتحكيش عليه
كان بيلعب بمزاج

فالتجربة كلها مره
مفيش شئ مشجع عشان الشعب المصري يتمسك بحكم العسكر
و انا عن نفسي بفرق و فاهم اوي الفرق بين الجيش كجيش
حامي البلد
رجالة
و صاعقة
و التزام و قوة
و حماية حدود
و دراع مصر اليمين القوي

و بين أفراد عسكريين يعشقون الحكم
و يتمسكون به كتمسكهم بالحياة

انا الحمد لله قادر افرق بين الاتنين
و اقدر افصل بينهم في حكمي عليهم أو رأيي فيهم
الجيش علي العين و الراس
و انا ضد كل من يشتم او يسب
و ضد كل الجزم من شباب البوكسرات اللي حضرتك ذكرتهم
اللي بيتعاملوا بكل قلة ادب
و مش فاهمين يعني ايه جيش مصر

لكن في نفس الوقت
نفسي يحكمنا مدنيين
ناس تعرف يعني ايه سياسة بجد
الشعب ده شعب عاطفي جدا
عايز اللي يسايسه
و يعرف لغته و لهجته
و يتكلم معاه كلام من القلب للقلب
و يعرف مشاكله
و يعامله باحترام

العسكر مش كده
و لا متدربين علي كده
و لا دي حياتهم اصلا

حياتهم كلها طوابير و اسلحة و تدريبات و عنف
حياتهم كلها التزام و أحكام عسكرية و طاعة عمياء

و فرق كبير بين عقيد جيش بيقود كتيبة
و بين قائد سياسي محنك بيقود بلد أو أمة

معتقدش انهم ينفعوا نهائي للحكم الدائم ... بدليل التجربة
و في نفس الوقت ... مش عايزهم حالا يشيلوا ايديهم خالص من كل حاجة
انتقاما من الشعب اللي رافض حكمهم !!

شكرا يا مستر علي موضوعك

[محمد بن عباس]

على فكرة كل كلام حضرتك رائع ومميز ونتمنى من الله أن يتحقق كل ما قلته حضرتك لتنعم بلادنا بالأمن والإستقرار

والرخاء فمصر تستحق منا كل تضحية ونبذل من أجلها كل غال ونفيس

وعلى فكرة أنا مؤيد بجد والله لكل كلام حضرتك عن المجلس العسكرى وما تمنيته منه

[جمال سراج]

اسمحولى أشكر المشاركين إلى الآن
أصحاب الآراء الجميلة
وردة الإيمان
ودعاء
مستر شريف
على المشاركات الرائعة
اسمحلى بس يا مستر شريق أعلق وأقول
لا أختلف معك سيدى طالما هذه نظرتك وهى واقعية جدا
اختلافى معك هو فى التوقيت
بالله عليك فى ظروفنا دى يا مستر
هل يصلح سوى حكم العسكر للقضاء على البلطجة وتأمين البلد جوة وبرة
بالتأكيد لن يستمر حكم العسكر ولكنها مرحلة انتقالية معلنة ومحددة
ليه القلق بقا
أو ليه البكاء على أطلال الماضى
خلينا ننتقد بأدب ... كما انتقدت أنت سيدى
خلينا نقدم مقترحات باحترام
خلينا دايما نحذر من العواقب
بس فى المقابل نتأدب ونحترم الكبير
لأنه من وجهة نظرى إنه مينفعش فى مرحلة زى اللى احنا فيها إلا كدا وإلا مش هيكون فيه كبير وهتتقلب البلد فوضى وحرب أهلية ومش بعيد يكون فيه تدخل أجنبى
أصل الكلام الوقتى بقا سهل
أكرر بقا سهل قوى
لأن كتير مننا حتى مش عجبه الحرية اللى بيعيشها
يعنى كانت عجباهم تكميم الأفوزاه والضرب بالحديد والنار اللى كانوا عايشين فيه!!!!!!!!!
كله بينتقد وعامل فيها محلل سياسى ومصلح اجتماعى وزعيم للشعب بعد ما كانوا صفر عالشمال ... مع العلم إنه كتير منهم كان ممكن يقول رأيه حتى برا مصر ويتسمع صوته مثلا!!!!!!!!!!!!!!
إنما النفاق كان على ودنه
ولسه بردو شغال على ودنه

تسلم يا مستر على رأيك المتعقل وأدبك وذوقك فى عرض وجهة نظرك التى تتسم بالوطنية والحرص على مصلحة بلدنا كلنا
كونوا بخير لأكون
دى عشان دعاء متزعلش منى
ههههههه
تحياتى للجميع

[جمال سراج]

حين يكون المريض في مرحله نقاهه فانه يكون عرضه لاضعف انواع البكتريا والتي تجد الجسد مهيأ للهجوم عليه والفتك به
لدينا شباب غاضب وسهل الاستثاره فلماذا نستبعد المؤامرات - لاحظ ان افغانستان منذ ان ضعفت لم تقم لها قيامه
لماذا لا نطاطي للريح كي تمر مصر بسلام ولا ننحرف خلف مؤمرات وضيعه تريد الايقاع بين الشعب وجيشه - من الفائز اليس اسرائيل واليست ايران واليست نظم ملكيه تخشي علي عروشها واليست قوي اسلامي...ه متطرفه تقبع في سيناء واليست قوي غربيه تريد مصر ضعيفه محتاجه تتسول علي ابواب بنوكها التي تفرض شروط تطحن هذا الشعب الطيب

ياشباب مصر انتم وقود النار وانتم ما تمسك به هذه النيران ومستقبلكم ومستقبل عائلاتكم هو الثمن الغالي

لازم نترك الريح يمر وامامنا مستقبل قريب ترسي فيه مركب مصر علي ارض ثابته عندها سنأخذ حق الشهيد وحق كل المستضعفين والفقراء والمهانين

اذا قيل هنا او هناك ان المؤمرات تحاك ولو كان هذا الكلام صادق بنسبه بسيطة لماذا نستبعده

لماذا نستبعد ان هناك اسلحه تدخل بلدنا لتقتل الثوار حتي يقال ان الشرطه والجيش يقتلون الثوار

لماذا استبعد ان هناك من يريد احراق مصر ومركز البحوث ومجلس الشعب ووزاره الداخليه والدفاع واهانه جيش مصر - لماذا استبعد بعد الاخوان والسلفيين عن التحرير لعلمهم انهم مستهدفين للايقاع به في فتنه مع الجيش والشرطه

نريد شبابا واعيا مدركا لمخاطر البلاد وليس شبابا خاويا متسرعا
دمتم بكل خير
تحياتى

[Mr. Ali]

السلام عليكم ورحمة الله وبركاته

وعليكم السلام ورحمة الله وبركاته

نعم أقدر دور العسكر والمجلس العسكرى فى حماية ثورة مصر
بل وفى حماية مصر كلها من التدخل الأجنبى ومن العملاء بالداخل

هذه رؤيتك , ولكن لم نجد حتي الأن لا عملاء ولا ثبت أي دليل واحد فقط يؤكد هذه المزاعم التي يرددها المجلس العسكري عقب كل كارثة يتسبب هو فيها ! كما أننا لم نري تدخلاً أجنبياً في تونس والعسكر لا يحكمونها , بل تركوا الحكم للمدنيين والتزموا بدورهم الذي يتقنوه .
ولا يقل لي أحدكم أن مصر غير تونس , فنحن لم نجرب فعلياً حتي يكون رأينا صادر بناء علي تجارب سابقة ! بل ما حدث هو العكس تماماً , فمنذ 60 عاماً ونحن تحت حكم العسكر والحال من سيء لأسوأ !!


ونعم أخشى من ظهور حزب وطنى جديد ... ولا أقصد به ما يسمى بالإسلاميين ... فكلنا يريد لشرع الله أن يسود

لكننا نخشى من عدم المرونة والقصور السياسى والنظرات الفردية للمصالح الشخصية لأفراد بأعينهم أو جماعات أو فصائل

عدم المرونة والقصور السياسي وانظرات الفردية للمصالح الشخصية , كل هؤلاء وغيرهم هو ما يفعله المجلس العسكري , وكل ما حدث دليل واضح علي ذلك ! وها هم يعدون أحمد شفيق ( وهو منهم ) ليكون الحاكم القادم !! فيكونوا قد نجحوا تماماً في القضاء علي الثورة واحباطها
فمبارك يتنحي للمجلس العسكري ويضمن عدم المساس به , والمجلس العسكري يترك الحكم لأحمد شفيق أو غيره ممن ينتمون للجيش ليضمنوا عدم المساس بهم مطلقاً . وتدريجياً , تعود الأمور لما كانت عليه !!

ونعم أؤيد وجود جهاز أمن دولة قوى بمفهوم جديد يحمى مصر من أى عدوان
من تجار الأسلحة والمخدرات ومن البلطجية والمتاجرين بأقوات الشعب
دون أن يتدخل هذا الجهاز فى حياة الأشخاص أو يحارب التدين والمتدينين كما كان فى السابق أو يحمى السلطة فقط أو يتعامل مع الجميع بمنطق المجرمين
أو يكون وسيلة للتعذيب وارهاب الشعب كله
أو يمنح ضباطه ( أو بلطجيته ) سلطات واسعة فى تصفية المتدينين أو المعارضين أو أصحاب الرأى والعلم

حلم يتمناه كل مصري شريف محب لوطنه . ولكنه لن يتحقق في ظل وجود أي حكم عسكري ( فالعسكرية قائمة علي ذلك ) !

لو قالوا فلولى فمرحبا .... يشرفنى ذلك
طالما فى حب مصر وحرصا عليها ... فهذا مدعاة للفخر وليس للأسف أبدا

المهم .. إليكم هذه المختارات الحلوة على أنغام حكم العسكر
ويحيا حكم العسكر لحين استقرار الأوضاع والقضاء على كل بلطجية مصر مدعى الثقافة والفكر !!!!!!!!!!!!!!!!!!!!

عمرك شفت بلد تعليمها بايظ ومضروب بالنار ويطلع منها زويل والشعراوى ؟؟!!!

زويل أصبح ما هو عليه بعد أن خرج من مصر , ولم يكن ليكون عُشر ما هو عليه لو بقي داخل مصر !
أما الشيخ الشعراوي ( أسكنه الله فسيح جناته ) فبعد فضل الله عز وجل , يعود الفضل لاجتهاده وليس للدولة ولا النظام الحاكم فضل فيه . وعلي أقل تقدير يمكن أن نقول ( لكل قاعدة شواذ )

طب عمرك شفت بلد مليانه تلوث وبلى أزرق وبرضه الناس بتجلها من كل حتة فى العالم وبيقولوا عليها أم الدنيا ؟؟!!!

كل مطلع علي السياحة يعلم تماماً أن السياح القادمون إلي مصر سياح درجة ثالثة بالرغم من ثراء مصر السياحي !!
أما مقولة أم الدنيا , فقد قيلت منذ زمن بعيد جداً ( هيرودوت ) ولم يعد يرددها أحد إلا بعض المصريين فقط !
لابد وأن نكون واقعيين . أم الدنيا علي ايه ؟!! ما الذي يؤهلها لتكون أم الدنيا ؟!

طب عمرك شفت بلد ناسها فى عز الغم والضرب والثورة فى قلب الميدان كانوا بيغنوا وكاتبين تعليقات تهلّك م الضحك ؟؟!!!
...

نعم . الشعب المصري يتميز بخفة الظل الشديدة , حتي في عز الشدائد والأزمات .

طب عمرك شفت بلد رغم اللى فيها من قلق مفيش رئيس ولا مجلس شعب ولا شورى والمصالحة الفلسطينية متمّتش إلا فيها وميتبدلش الأسرى إلا برعايتها ؟؟!!!

مفيش فيها رئيس ازاي ؟!! ما هي صفة المشير ؟ ما هي صفة المجلس العسكري ؟!

مش بقولك اطمّن .. دا بس شوية قلق .. حلاوة روح مش أكتر .. علشان تتبنى على نضافة .. وساعتها هتتفرّج على أم الدنيا وهى منوّرة الدنيا ..

إن شاء الله يحدث هذا وأكثر بعد انهاء الحكم العسكري في مصر وإلي الأبد . وبعد أن يخلص من يتولي الحكم من المدنيين , يُخلص العمل لوجه الله تعالي ولصالح الشعب المصري .



يسقط يسقط حكم العسكر.........ويحيا يحيا شباب ماشى بالبوكسر
يسقط يسقط حكم العسكر.........و يحيا يحيا شاب مسطول و بيسكر
يسقط يسقط حكم العسكر.........ويحيا شباب بالعربى....مفرفر
يسقط يسقط حكم العسكر........ويحيا شباب الفايس وتويتر اللى شتمه فى مصر العسكر
... يسقط يسقط حكم العسكر.......وحياة توتى ولولى وفوفو... ثورنا ....غضبنا.... ومش بنقصر
يسقط يسقط حكم العسكر.......ياختى عليه حيلة امه ياختى عليه والله اكبر
يسقط يسقط حكم العسكر.......لعبة حقيرة من الخنزيرة من امريكا الشر الاكبر
يسقط يسقط حكم العسكر......ابنك قالها او ح يقولها...قولة يا نغة...فوق بقى واكبر
يسقط يسقط حكم العسكر.....قالها خواجة بعربى مكسر
يسقط يسقط حكم العسكر..... قالها فلاتى ..قالها جاسوس قابض بالاخضر
يسقط يسقط حكم العسكر......مش راح يسقط اصل يا توتو مصر ولادها كلها عسكر

مودتى للجميع

أدعو المولي عز وجل أن يستجيب للشطر الأول وأراه قريباً جداً إن شاء الله .
أما عن الشطر الثاني , فليس هذا كل الشعب المصري ولا حتي نصفه ! ولم يكن الثوار علي هذا النحو .
كما أن المجلس العسكري أو العسكرية بصفة عامة ليست علي الصراط المستقيم .
اللهم اقضي علي حكم العسكر في مصر , فلا نري إلا حكاماً مدنيين يخشونك ويبتغون وجهك الكريم وصالح هذا البلد ومن يحيا فيه بلا تفرقة أو تمييز بينهم .

مشكور علي هذا الموضوع .
تقبل مروري .

[جمال سراج]

شكرا يا مستر على على وجهة نظرك التى تحترم بكل الأحوال
فلولا تباين الآراء والإتجاهات لما عشنا
تحياتى لك وللجميع

[نعمه محمود]

أما أنا فأرى أن العسكر هم الحصن الاخير للمصريين
ولا أستطيع ادانتهم وربما ما صدر منهم من عنف هو مرفوض بالطبع
ولكنه نتيجة طبيعية لاستفزازات بعض الفصائل التى تعرف كيف تستفز الخصم
من تدربوا على ممارسة الضغط حتى يتولد الانفجار
ولا اخفيك سرا أننى لا أمانع فى تولى شخص من المؤسسة العسكرية
للرئاسة ولما لا أليس مواطن مصرى
هذا رأيي الشخصى
وأتذكر نشيد للشاعر محمود حسن اسماعيل عن الجيش المصرى
للشاعر: محمود حسن إسماعيل

نشيد الجيش المصري

رسمنا علي القلب وجه الوطن

نخـيلا ونـيلا وشـعبا اصـيلا

وصناك يا مصر طول الزمن

ليـبقي شــبابـك جيلا فجـيلا

علي كل ارض تركنا علامة

قلاعا من النور تحمي الكرامة

عروبـتنا تفـتديك القلـوب

ويحـميك بالدم جيش الكنانة

وتـنساب يا نيـل حرا طلـيقا

لتحكي ضفافك معني النضال

وتبقي مدي الدهر حصنا عريقا

بصــدق القــلوب وعزم الرجـال

يد الله يا مصر ترعي سماك

وفي ســاحة الحــق يعـلو نداك

ومادام جيشك يحمي حماك

ستمضي إلي النصر دوما خطاك

سـلام علـيك إذا ما دعـانـا

رسـول الـجهـاد لـيوم الفـداء

وسالت مع النيل يوما دمانا

لـنبــني لـمصر العـلا والرخـاء

[جمال سراج]

شكرا مرورك مدام نعمة
أنا عارف إنك من الفلول زيى تمام
ههههههههههههههههههههه
بكل تأكيد أنا أوافقك تماما وأدعم تولى العسكريين الحكم لأنه من وجهة نظرى مينفعش معانا غير كدا
60 سنة ولا 100 سنة ماهو أصلا مينفعش معانا غيرهم
ودا احنا شايفين الوضع
ولولا الحزم اللى بيحصل احيانا كانت خربت خالص
لكن بفضل مناخ الحرية اللى عايشينه طبعا لازم نحترم كل وجهات النظر
لكن رأيى الشخصى يوافق رأيك تماما
شكرا لكى
شرفنى مرورك
تحياتى

[جمال سراج]

كيف تطالبون بالأمن وأنتم تحرقون مقار الأمن ...
أم كيف تطالبون بالديمقراطية وانتم لا تحترمون رأي الأغلبية ...
كيف تطلبون باستقلال القضاء وانتم تطالبون بإعدام الرئيس دون محاكمة ...
كيف تطالبون بحرية التعبير وانتم تحتقرون كل من يخالفكم الرأي ....
إن كانت هذه هي الثورة فلعنة الله على الثورات
**************
انا مصري وعمري ماستفدت من النظام القديم وعمري ما حبيت الظلم ولا انا مريض وعندي متلازمة استوكهلم
بس اذا كان كل واحد هيقول يلا نشتغل بلاش اضرابات كفايه هدم في البلد لا تخربون بلادكم بايديكم لاتحققوا خطة اليهود والماسونيين هتقولو عليه من الفلول
اذن انا فل كبير ونفسي انزل اصلي جمعة زي زمان بس من غير اسم ملزوق فيها

وحسبنا الله ونعم الوكيل *