صك الغفران ليس فقط .......... الجنه

[دعاء شديد]

والله يا دعاء عندك حق

الصكوك دى كترت أوى اليومين دول
وأغرب حاجة فعلا هى الفتاوى الشغالة من كل من هب ودب
وعلى فكرة الناس اللى بتفتى أو بتحرض بتكون ايديها فى مية باردة
ماهو أصل الكلام سهل
أقولك حاجة خاصة بيا
فى فترة خدمتى بالجيش كنت وقتها مشاركا فى حرب الخليج ضمن قوات مصر وبالرغم من أن المفتى والأزهر أفتوا بأنه اللى يموت فى الحرب دى يكون شهيد ... إلا إنى كنت متوجس جدا وخايف أو ى وكنت أتمنى إنى ممتش فى الحرب دى لمجرد عدم اقتناعى بالفتوى دى
ههههههههههههههه
مش جبن والله ولا خوف مالموت لأن كلنا هنموت ... ولكن لاقتناعى الشخصى بأن الفتوى دى لازم يتبص لها 1000 مرة قبل ما تتقال

المهم زى ما قلت قبل كدا
كتير فى مصر عجبهم دور الزعامة اللى عاشوه الوقتى بعد ما كانوا بيخدوا بالجزم ومحدش بيعبرهم
الوقتى عاشوا الدور واتبلطجوا وبردوا بيتبص لهم باحترام من جانب المسؤلين فى الدولة
وعشان كدا بيقدموا صكوك وبيفتوا وبيغيروا الفتاوى وفقا للظروف
انتخابات هتنجح مثلا يدوروا على طريقة تانية يخربوا بيها البلد ويولعوها عشان ميحصلش استقرار
برايى ان الناس دى المفروض تاخد بالجزم ويتولع فيها ( رايى )
دى بلدنا يا ناس لازم تستقر بقا
عاوزين نشوف شغلنا
العيال الصايعة اللى بتاخد مصروف دى وعاملة فيها ابطال - لازم تاخد بالجزمة وتتصفى لو لزم الامر عشان الغلابة تعرف تشوف اكل عيشها
الدولة لازم يكون لها كيان
الحكومة لازم تحترم لان الشعب عاوزها مش بتوع 6 ابريل ولا بتوع حقوق الانسان الواهمين اللى بيخدو دعم من الغرب وامريكا عشان يبوظوا استقرار البلد

يارب يصلح الأحوال وينتقم من كل من يريد ببلدنا سوء يارب
تسلمى دعاء على موضوعك الجميل
كعادتك طبعا
مودتى واحترامى

اولا
وجهة نظر عقلانيه واقعيه بخصوص الصكوك
ثانيا
وجهة نظر تحترم جدا ويحترم متبنيها
اثناء حرب الخليج
هذا ليس خوفا من الموت
بل خوف من لقب ان تشك فى صدق انطباقه عليك

احييك وبشده
حللت اهلا ونزلت سهلا
و
كون بخير لنكووووووووووون