ادراج جميع المدرسين المساعدين ع الدرجة الثالثة

**darsh4english** · 11-06-2009, 09:35 PM

يا جماعة لا داعي للقلق و التوتر الموضوع في غاية البساطة وهو ان الحكومة
وخاصة الوزارة وضعت نفسها في عنق الزجاجة لذلك لا تستطيع الهروب من الواقع
الاكيد المحتوم وهو ادراج جميع المدرسين المساعدين التربويين المتخصصين علي الدرجة المالية الثالثة وعلشان تتاكدوا اكتر "اخر التعيينات الاساسية كانت في 2004
وسوف ينضمون الي الفئة المالية الثانية بعد 6 سنوات اذن في 2010 ستكون الدرجة الثالثة شبة فارغة و سمعت من مصدر موثوق منة بانه الان يوجد 143 الف درجة مالية ثالثة خالية علاوة علي المحالين علي المعاشات كل عام ......وبعدين الان اصبح المدرسين المساعدين هم محور ادارة التعليم في جميع المدارس ورغم ذلك يوجد عجز
بالمدارس لذلك صرح الدكتور يسري الجمل بانة سيتم التعاقد مع 81 الف مدرس في تخصصات مختلفة وذلك في العام الدراسي 2009-2010 ..........وبعدين فية نقطة تاني
اللي قرا نص الكادر سوف يلاحظ ان النصيب الاكبر من الكادر سيكون للمدرس الحديث
لانة سيتدرج في جميع مراحل الكادر ....اضافة الي قرار الوزير بان المناصب الادارية بدا من وكيل مدرسة او توجيه الي وكيل اول وزارة ستكون من نصيب المؤهل العالي
التربوي المتخصص.........اذن المعلم المساعد الحالي هو ركيزة العملية التعليمية الان وفي المستقبل......."لقد فاز من عين مدرس مساعد" التوقعات تقول بان بمجرد ادراج الدرجة الثالثة سيصبح مرتب المدرس المساعد 537 ج ودي بداية في حين ان من عين في 2004 كان المرتب لا يتعدي ال 180 ج اذن في خلال سنوات بسيطة مع الزيادات السنوية مرتب المعلم او المعلم الاول يرتفع عن ال 1000 ج وده شئ كويس .........ف يا جماعة ياريت نلتمس الهدوء والاستقرار وكل شئ له ميعادة وترتيباتة .........والله انا زيكم مدرس مساعد لغة انجليزية بس حبيت اوضح بان الموضوع اصبح موضوع راي عام مش تعاقد مع مدرسة او حتي ادارة ....وبعدين الناس ناسية بان وظيفة مدرس مساعد هي اول مرحلة من مراحل الكادر اذن انت موظف تحت الاختبار وانت وجدارتك و ادائك و اسلوبك وكدة كدة ها تدخل امتحان وتمتحن بس سد وحل ولا هانطلع نقول الاسئلة دي صعبة ولا مخدنهاش ولا مش في المقرر .......هو دة قانون الوظيفة العامة الجديد في التربية والتعليم هانعمل اية ......نصبر لما يصفي في الدبلومات في كل الامتحانات وبعد كدة يقولنا تعالوا يا اللي قارفني فاكسات وشكاوي مش عايزين تمتحنوا تعالي عند حمو يا حبيبي تعالي خش في الكادر .......هو انا مش كادر علي شوية عيال لسه ولاد امبارح ويقولي مؤهل عالي وتربوي ويقعد يزل في امي .....عمال اقولك يابني ابحت عني يا ابني انت و هو مش نافع ........طيب تعالي عند حمو يا حبيبي تعالي تعالي تعالي تعالي تعالي....................
..............المستر مصطفي مدرس مساعد لغة انجليزية وترجمة........................

**aboo ahmed** · 03-07-2009, 07:38 PM

ياجماعة حد يكون اخد الرقم السرى والكود ودخل على موقع الاكاديمية يقول لنا على موضوع الامتحان

**mkmk** · 04-07-2009, 02:27 AM

وانبي يا مستر مصطفى تسيبنا في حالنا الله يخليك وبلاش تتكلم زي الجماعة دول اللي بيظهروا علينا كل فترة على شاشة التليفزيون ويقولو كلام حلو وجميل وما بنشوفش منه حاجة اسكت يا شيخ الله يرضى عليك

**ايهاب82** · 04-07-2009, 10:20 PM

عايز اعرف امتى التثبيت بالضبط

**zoser2** · 05-07-2009, 09:27 PM

شكرا يا مستر انا غير تربوى وبدرس بقالى ردح من الدهر وعقدى مميز فياترى اية اخبارنا عندك ارجو الافادة سريعا يــــــــــــــــ مستر ـــــــــــــــــا

**darsh4english** · 05-07-2009, 10:04 PM

يا جماعة بلاش السلبية الزايدة ياريت يعني............
وها اقول حاجة تاكد كلامي انا كتبت المقال ده قبل تصريحات الوزير بتثبيت المتعاقدين
الوزير قال ان من مضي عليه سنة دراسية معلم مساعد وتربوي او مؤهل عالي حاصل
علي تاهيل تربوي سيتم تثبيته واعطاءه رخصة مزاوله المهنة كمعلم علي الدرجة الثالثة
وذلك خلال العام الدراسي الجديد وللعلم الوزارة وضعت ميزانية تثبيت المتعاقدين بقيمة
تزيد عن مليار جنيه وده كلام رئيس الوزراء احمد نظيف في جريدة الجمهورية يوم السبت
28 -6 -2009 وده قبل الميزانية الجديدة ب يومين ..........اذن انت مثبت من 1-7-2009 اما عن اجراءات التثبيت ف ده روتين لابد منة يعني انت ممكن تعرف انك اتثبت اخر السنة ..........
وطالما مدرج في الميزانية ف بالتاكيد هاتقبض باثر رجعي اللي فات او ممكن يتخصم منك باثر رجعي
وده حسب تعديلات المرتب بعد التثبيت ...........................
اذن الواجب علينا الان ناخد icdl علشان ميكونش فيه كلامين ..............وربنا يسهل للكل .............
بس يعني فيه خير انشاء الله

**zoser2** · 05-07-2009, 10:20 PM

يا جماعة مشكورين عايز اعرف المدرسين الغير تربويين وعقدهم مميز اية اخبارهم عندكم ياريت اللى عنده خبر يقوله

**الاستاذة** · 05-07-2009, 10:21 PM

المشاركة الأصلية كتبت بواسطة darsh4english

يا جماعة بلاش السلبية الزايدة ياريت يعني............
وها اقول حاجة تاكد كلامي انا كتبت المقال ده قبل تصريحات الوزير بتثبيت المتعاقدين
الوزير قال ان من مضي عليه سنة دراسية معلم مساعد وتربوي او مؤهل عالي حاصل
علي تاهيل تربوي سيتم تثبيته واعطاءه رخصة مزاوله المهنة كمعلم علي الدرجة الثالثة
وذلك خلال العام الدراسي الجديد وللعلم الوزارة وضعت ميزانية تثبيت المتعاقدين بقيمة
تزيد عن مليار جنيه وده كلام رئيس الوزراء احمد نظيف في جريدة الجمهورية يوم السبت
28 -6 -2009 وده قبل الميزانية الجديدة ب يومين ..........اذن انت مثبت من 1-7-2009 اما عن اجراءات التثبيت ف ده روتين لابد منة يعني انت ممكن تعرف انك اتثبت اخر السنة ..........
وطالما مدرج في الميزانية ف بالتاكيد هاتقبض باثر رجعي اللي فات او ممكن يتخصم منك باثر رجعي
وده حسب تعديلات المرتب بعد التثبيت ...........................
اذن الواجب علينا الان ناخد icdl علشان ميكونش فيه كلامين ..............وربنا يسهل للكل .............
بس يعني فيه خير انشاء الله

كلام جميل يارب يكون صحيح بس المطلوب ال icdl وبس ولا بشترط اجادة اللغه الانجليزيه كمان

**mike** · 07-07-2009, 05:05 PM

التثبيت بعد شهرين للتربويين الذيين امضوا عاما كمعلم مساعد وانا من ادارة اسيوط والدنيا مقلوبة فى جهاز الاحصاء وتسجيل البيانات لان الوزير بنفسه من جهاز القاهرة المركزى طالب بياناتهم من اجل التثبيت قبل بداية العام الدراسى الجديد والادارة مشدودة على الاخر بسبب سرعة تنفيذ ارسال هذه البيانات . لى اصدقاء يعملون فى الادارة وهم من يقومون بتسجيل هذه البيانات لارسالها للقاهرة فى غضون اسبوع لا اكثر .

ممنوع وضع الاميلات

الادارة

**فنكوش** · 07-07-2009, 05:45 PM

اولا ده كلام بنسمعه كل شهر 7 علشان يهدوا العملية انا بقول راى مش متشائم بس ده الواقع والاخر احنا هنشترى الفنكوش عفوا التروماى
اخيكم المتعاقد محمد مدرس رياضيات

**mike** · 08-07-2009, 01:49 AM

يا جماعة ارجو ادراك هذه النقطة ان البيانات المطلوبة اليومين دول علشان منحك كلمة معلم اى التثبيت اما الاختبار فياتى بعد ان حصلت على درجة معلم والغيت كلمة مساعد . فى هذة الحالة يحق لك دخول الامتحانات (لاجل زيادة المرتب) .

**عادل2009** · 08-07-2009, 02:00 AM

ربنا يكرمك يارب

**محمود محمد كامل القوصى** · 09-07-2009, 05:18 AM

محدش فاهم حاجة ياريت تسكتوا احسن لحد مانشوف اخرتها

**ميرفت عبيد** · 09-07-2009, 10:33 PM

ياريت لوحد يعرف العاملين بالحصه حاسب آلى وغير متخصصين وضعهم ايه ارجو الرد

**henahelal** · 18-07-2009, 07:04 PM

يا جماعة لازم نزود الشكاوى والفاكسات للمدرسين المساعدين كل عشرة فاكس نطالب يحقنا بطلو ا كسل دى مصلحتك

**mike** · 19-07-2009, 12:19 PM

تقريبا التثبيت تم فعلا ومحدش جايب سيرة من 1/7/2009 فى ادارة اسيوط وممكن يقضلوا لغاية شهر 12 لما يعلنوها .

**مياده3** · 19-07-2009, 06:47 PM

المشاركة الأصلية كتبت بواسطة mike

تقريبا التثبيت تم فعلا ومحدش جايب سيرة من 1/7/2009 فى ادارة اسيوط وممكن يقضلوا لغاية شهر 12 لما يعلنوها .

السلام عليكم
ليه حضرتك قولت الكلام دا لوتعرف اى معلومه ياريت تقوليها شكرا

**sally2009** · 19-07-2009, 07:05 PM

يا جماعه مفيش تثبيت دلوقتى خاااااااااااااااااااالص .....
الوزير قالها واضحه وصريحه .....اللى شايف من المتعاقدين انه مستوفى كل الشروط .... بما فيها اجادة اللغه الانجليزيه والحصول على ال icdl وبعد كده يبقى باقى اختبار الكادر واللى يبقى ربنا يكرمه وينجح ويعدي من كل العقبات دى يبقى مبروك عليه التثبيت.......

**mike** · 19-07-2009, 10:51 PM

الصراحة وبعترف ان من قال لى هذا الكلام مجرد شخص يعمل فى الاحصاء فى ادارة اسيوط بس محدش عايز دوشة + ان الوزير طلعت منه كلمة 80 الف مع بداية العام الدراسى ولو كانوا كلهم مستوفيين كل هذا الشروط فبمعنى اصح لن يجد اكثر من 5 الاف متعاقد على مستوى الجمهورية (مش 80 الف) + ان الوزير عايز بال 80 الف ال هيتثبتوا دول يعمل استقرار نسبى فى المدارس ويقول ادينا عينا كما وعدنا + ان فيه 143 الف درجة مالية ثالثة فارغة الان فى الجهار الوزارى . michael_812003@yahoo.com

**ضوء الليل** · 16-08-2009, 09:03 PM

ريد ان اعرف ما هو وضع المدرسين بنظام الحصة لمادة الحاسب الآلي العاملين من 7 سنوات مضت
ولم يتم عمل عقود مميزه حتي الآن ... سمعنا ان هناك تعاقد لمدرسي الحصة عقود مميزة في شهر 8 /2009 هل هذا صحيح ام لا ؟ وهل سيتم التعاقد مع الجميع لتدريس مادة الحاسب الآلي ولا كل واحد حيروح تخصصه ؟ نرجوا المساعدة والإفادة ولكم وافر الاحترام .......... مدرس حاسب آلي بالحصة