المواد الدستورية تحت البنفسجية ـــ فوق الحمراء

[شريف]

السلام عليكم

عارف لما تلاقى عيل صغير بيفرك ... عشان أبوه ناوى يشيل الكمبيوتر و الجيمز عشان الواد يذاكر ؟؟؟؟
هوا ده بالظبط حال النخبة و الصفوة
و الليبرالين و العلمانيين فى مصر الآن !!!!
مش قادرين يتخيلوا ان ممكن الاخوان أو التيار الدينى يبقا أغلبية فى البرلمان أو حتى بنسبة 30 %
مش قادرين يتخيلوا ان البرلمان اللى هيكون فيه تيار دينى ... هوا اللى ممكن يصيغ الدستور و من ثم يعرضه على الشعب في استفتاء شعبى فالناس توافق أو ترفض .... هيموتوا كمدا و غيظا ... و كان ذراعهم الأيمن فى الموضوع ده ... الحاج يحيي الجمل الله لا يمسيه بالخير .... و الحاج يحيي الجمل غار خلاص ... و لكن مازال الفرك مستمرا

فَرَكَ ... يَفْرُكُ ... فَرْكاً ..... مش قاعدين علي بعضهم ... مرعوبين من الاسلام ... مش طايقين أن تكون كلمة الله هى العليا .... المهم , فكل يوم يطلعولنا بفكيرة حلوة كده أمورة من تأليفاتهم و شطحاتهم ... الناتجة عن عملية الفرك اياها ... فاخترعوا ايه بقا ؟؟؟

المواد الفوق دستورية !!!
تخيلوا ؟؟؟ ايه فوق دستورية دي ؟؟؟ ده يا سيدى مصطلح مبتدع حديثاً معناه إنهم عايزين يعملوا مواد أعلى رتبة و قداسة من الدستور نفسه !!! تخيل البجاحة يا أخى ... طب معروف ان الشعب هوا اللي بيعمل الدستور و طبعا بيبقا بناءا علي تقاليد و اعراف البلد و المجتمع فضلا عن الخلفيات الدينية اللي تابع لها البلد دي .... لا بقا ... هما فئة عايزين يحطوا مواد محرم الاقتراب منها سواء الالغاء او حتي مجرد التعديل ... و تبقا اشبه بمواد مقدسة ... ممنوع الاقتراب او التصوير ... طب يا عم الحاج دا انتم قلة قليلة !! ايه سلطتكم علي الشعب عشان تفرضوا عليه مواد تكون أكثر قدسية من الدستور نفسه ؟؟؟ يا عم الحاج ده الشعب هوا اللي بيحط الدستور و كونك تقول انك عندك مواد افضل من اللي هيحطها الشعب تكون اساسية و الشعب مايقربش منها ... دانت كده تبقا بتهين الشعب المصري و بتشتمه و بتتهمه ضمنيا بالجهل و التخلف و الأمية السياسية !!! ... دانت كده عايز تعمل نفسك وصي علي 85 مليون !! ... يا عم الحاج ... كونك هتحط مواد فوق دستورية يعني انت عايز تعمل قران غير القران المنزل من السما .... القران هوا الشئ الوحيد اللي نقول عليه فوق الدستور ... لان الدستور قانون وضعي و القران قانون السماء ... كلام ملك الملوك عز و جل ألا يعلم من خلق و هو اللطيف الخبير ؟ .... ده الشئ الوحيد اللي ممكن نقول عليه فوق الدستور ...

انما شوية ناس لا تجيد أركان الوضوء ... و ماتعرفش حتي تصلي ازاي في طهارة ... يحطولنا مواد فوق دستورية ؟؟؟؟؟؟؟؟

يقولك معلش .... اصل الاخوان بعد كده و التيار السلفي و الديني هما اللي هيبقوا مسيطرين و هما كده اللي هيحطوا الدستور ؟ يا سلام ؟ طب و انت مال اهلك ؟؟ هوا التيار السلفي ولا الاخوان دول لما ييجوا مجلس الشعب ... مين اللي هيبقا جايبهم ؟؟؟ مش رأي الاغلبية برضه ؟؟؟ مش في انتخابات يابني ؟؟؟

يعني ايه انت ليبرالي و مابتحترمش رأي الاغلبية ؟؟؟ يعني ايه الديمقراطية اللي بتتغني بيها ليل نهار و انت مش قادر تستوعب ان ممكن الشعب المصري يختار براحته و بحريته ؟؟؟ ياخي انت مالك يختار تيار سلفي و لا اخواني و لا ديني و لا شيوعي حتي ... انت مالك ... يحط دستور زي ماهو عايز ... ماهو رأي اغلبية انت مالك ؟؟؟

عشان كده ... انا نازل ميدان التحرير الجمعة الجاية ... و الجمعة الوحيدة اللي هشارك فيها ان شاء الله ... جمعة الهوية ... جمعة رفض المواد الفوق دستورية و التحت بنفسجية و فوق الحمراء و الاستحمار الفكري اللي سيطر ع البلد ... كل يومين يضحكوا علينا بشوية مصطلحات و يتوهوا الناس .. و يأبي الله الا أن يتم نوره و لو كره الكافرون


حكمونا العسكر ... حكمونا العلمانيين ... حكمونا كارهي الدين ... حكمونا الفرنسيين و الانجليزيين و اليهود و الامريكيين و و و و و ..... و مصر كانت بترجع لورا .... نجرب بقا قال الله قال الرسول ... نجرب بقا شرع ربنا و الاقتصاد الاسلامي و الاحكام الاجتماعية الحكيمة و الشرائع البديعة القيمة ... نجرب نرجع لربنا بقا ... نجرب مش هنخسر حاجة ... ماحنا ياما جربنا و اتجرب فينا لما بقينا فيرااااااااااااان تجارب ... نجرب هويتنا الاسلامية الحقيقية ...

[دعاء شديد]

شريف الموضوع دسم بجد
ومحتاج نقاش فى الافكار والمفاهيم وقبل منهم .. الشخصيات

استعد للحوار والنقاش
العقلااااااااااانى ... الهادى ... الموضوعى


مع قليل من النرفزه كنوع من الرخامه مش اكتر

بس موضوع
فوق الرائع بشويتين

[نعمه محمود]

بعد ما سمعت حلقة الشيخ حازم شومان حسيت بجد قد ايه صوت واحد فينا هيفرق

الجمعة اللى جاية...وقفة لحماية هوية مصر الاسلامية
وقفة لتحكيم شرع الله
وقفة لانقاذ البلد من العلمانين اعداء الدين
معقول ممكن حد فينا يتخاذل عن نصرة دينه للدرجة دي ويكبر دماغه ومينزلش يوم الجمعة؟؟
انزلووووووووووووووووا يا مسلمين ويا كل مصري حر
وروهم ان دين ربنا ليه رجالة تحميه
مينفعش نبقى قاعدين ف بيتنا ومعانا الحق
واهل الباطل ف الميدان بيدافعوا عن باطلهم
شكرا ياشريف على هذا العرض الرائع
مبدع كعادتك دائما

[شريف]

شريف الموضوع دسم بجد
ومحتاج نقاش فى الافكار والمفاهيم وقبل منهم .. الشخصيات

استعد للحوار والنقاش
العقلااااااااااانى ... الهادى ... الموضوعى


مع قليل من النرفزه كنوع من الرخامه مش اكتر

بس موضوع
فوق الرائع بشويتين

شكرا يا دعاء
و منتظر ردك بفارغ الصبر
تسلم ايدك

[شريف]

بعد ما سمعت حلقة الشيخ حازم شومان حسيت بجد قد ايه صوت واحد فينا هيفرق

الجمعة اللى جاية...وقفة لحماية هوية مصر الاسلامية
وقفة لتحكيم شرع الله
وقفة لانقاذ البلد من العلمانين اعداء الدين
معقول ممكن حد فينا يتخاذل عن نصرة دينه للدرجة دي ويكبر دماغه ومينزلش يوم الجمعة؟؟
انزلووووووووووووووووا يا مسلمين ويا كل مصري حر
وروهم ان دين ربنا ليه رجالة تحميه
مينفعش نبقى قاعدين ف بيتنا ومعانا الحق
واهل الباطل ف الميدان بيدافعوا عن باطلهم
شكرا ياشريف على هذا العرض الرائع
مبدع كعادتك دائما

الله عليكي يا نعمة
تمام كده
الله يفتح عليكي

نلتقي جميعا ان شاء الله في الميدان
من أجل اعلاء كلمة الله
و كمان عشان الناس تعرف أد ايه المصريين
بيحبوا الاسلام

اما فزاعات الاسلاموفوبيا

فسننظر اليها مبتسمين ساخرين
مهما ظنوا انها ستؤثر علي عقولنا

[دعاء شديد]

فَرَكَ ... يَفْرُكُ ... فَرْكاً ..... مش قاعدين علي بعضهم ... مرعوبين من الاسلام ... مش طايقين أن تكون كلمة الله هى العليا .... المهم , فكل يوم يطلعولنا بفكيرة حلوة كده أمورة من تأليفاتهم و شطحاتهم ... الناتجة عن عملية الفرك اياها ... فاخترعوا ايه بقا ؟؟؟

انا هبدأ بالتعليق على الفقره دى
ليه اصلا عمليه الفرك ؟؟؟؟؟؟؟؟؟؟؟
وليه كل اصحاب المسميات سواء
ليبرالى او علمانى او حركاوى او اى فئه مستحدثه
بيفركوا فعلا وكل يوم يفرقعوا فى وشنا حاجه جديده ؟؟؟؟

انا اقولك
مش هنتكلم فى مفهوم المصطلحات دى
لااااااااااااا هكلمك فيما وراء تلك المفاهيم

كل فئة من السابق ذكرهم لهم اهداف
قد تتفق وقد تختلف فيما بينهم
لكن المتفق عليه هو اسلوب الوصول لتلك الاهداف
الاسلوب المتحرر من كل قيود حسب كل فكر فيهم

من تكوين ثروات للوصول لمناصب والسلطه
لاستغلال النفوذ للرفاهيه
دون قيود او شروط او تفكير فى الصح والغلط والحلال والحرام

يدفع "رشوة" علشان ياخد صفقه مثلا
يبنى فندق ويقدم "خمرا" علشان يبقى 5 نجوم و7 كمان
مفيش حجاب ولا قيود على اللبس
مفيش حدود فى الكلام بين الارجل والمرأه

من الاخر عايشين الحياه كما يريدونها
ف جميع مناشط الحياة

لما فجأه تقولهم لاااااااااااااااااااا
ده هيجى حكم يدعو للتفكير فى كل فعل
اذا كان حلال ولا حرام
طبعا كارثه بالنسبه لهم وكارثه يحاولوا يمنعوها
بأى شكل لانها مسأله حياة او موت

عايز تقول لوحد كان عارف ان اى جريمه هيرتكبها
هيحتكم لثغرات وطالعلها قانون وضامن المماطله
والبراءه ... لانه يلاقى نفسه بيحتكم لقانون مسابش ثغره
فى حياتنا الا وله حكم وحكم عادل
*
عايز واحده كل هدفها فى الحياة تشترى دهب والماظ وياقوت
هههههههههههههههههههههههههه
فجأه كده عليها تفكر عندها اد ايه والزكاه الواجبه عليهم كم
واحكام الدين فيها ايه ؟؟؟؟؟؟؟؟؟؟؟؟؟؟؟؟؟

واحد عايز قرض بيروح ياخد قرض
عايزه بقى يحتكم للشرع وهل حلال ولا حرام

عايز واحد صاحب فندق
يمتنع عن تقديم الخمر علشان حرام
ويفقد نزلاء الفندق الاجانب ويخسر ماديا

*********************************

ده مجرد مرور سريع على بعض الامور
بحياة تلك الفئة وسبب محاربتهم للحكم الاسلامى

النقله قويه جدا من
الحريه المطلقه ... للحريه المنضبطه
من تنفيذ القرارت اللحظيه ... لتفكير فى الحلال والحرام قبل اى فعل


ده اول تعليق على ما وراء تلك الفئات
نتناقش فيه
وبعد كده ننتقل للنقطه التاليه وهى
"جمهور التحرير وتصنيفات الشعب"

[شريف]

عندك حق طبعا يا دعاء
ما هوا ده التفسير المنطقى لخوفهم الرهيب من الاسلام

القيود
و نسيوا ان العبودية لله عز و جل
لازم تكون قيود
في الدنيا
لانها في الاخرة هتبقا فرحة و حرية مطلقة ابدية

لكن آخرة مين دي اللي يفكروا فيها

المشكلة في مدي الايمان بها من عدمه

و برضه بغض النظر عن سبب خوفهم من تطبيق الاسلام

احنا بنتكلم علي البلطجة الفكرية اللي بيفرضوها ع الناس

يعني هما خايفين من الاسلام

ماشي ... مش هنتكلم في الاسلام

احنا بنتكلم في الديمقراطية يا دعاء

يعني حتي بنتكلم باللغة اللي المفروض مؤمنين بيها و بيتغنوا بيها

حتي دي كمان هيتمردوا عليها

مش دي الديمقراطية اللي قارفنا بيها ليل نهار؟

يعني المفروض لو الشعب المصري قال اسلام

يبقا اسلام

و يستجيبوا كلهم

او يغوروا في داهية بقا بره البلد اذا كان مش عاجبهم

المشكلة يا دعاء

ان حتي كلامنا معاهم باللغة بتاعتهم

مش جايب نتيجة

تحليلك رائع

بس ايا كان السبب

الواحد احتار مع العالم دي والله

[دعاء شديد]

اقولك انا مشكله الديمقراطيه الي فعلا
بيتغنوا بيها

وادق وصف انهم بيتغنوا
وخلى بالك انت لما مبتصدقش كلام حد
بتقوله ايه
"ده زى كلام الاغانى"

هم بيقولوا ديمقراطيه وعايزين حريه الرأى
لكن الحقيقه غير المعلنه

انهم مكانش لهم لا صوت ولا وجود سابقا
ومكانتش مشكلتهم "ان مفيش ديمقراطيه"
لااااااااااااااا مشكلتهم انهم معرفوش يوصولا زى غيرهم

ولما حققوا هدفهم واطاحوا بالنظام السابق
فكروا مصر "لقمه طريه"
يقولوا يمين نروح يمين ... شمال شمال

ويوصلو بقى لهدفهم ويبقوا هم السلطه
ويمارسوا ديكتاتوريه مره اخرى

المفاجأه بقى
رد فعلا اصحاب كلام العقل
مع ظهور الاخوان والسلفين

الامل بعد عنهم تانى
والمظهر الديمقراطى الي كانوا ظاهرين بيه
تلاشى وظهر الوش الديكتاتورى المعقد المنفسن
وعدم تقبل اى صوت غيرهم

وبقت الكلامه الي المفروض تخوف اصحاب العقول "انتوا فلول"
بس مخافوش لان كل واحد واثق فى نفسه
وان مكانش منتفع ولا غيره ولا كام مؤيد

لما جات نتيجه الاستفتاء وخدوا قلم جامد
حسوا انهم كده اتدمر كل حلمهم

اتجننوا بقى وكانت النتيجه
هبل فى الجبل

ده رأيي
ولسه الحوار لم ينتهى بعد

[Nafisa]

موضوعك فوق الرائع استاذ شريف

ماشاء الله

باختصار نقدر نقول


انا مصري .. ودستوري هيبقي يايد مصري

فاكرين اننا رابطين الفيل جنب الفيس بوك ولا ايه

^{ملف مرفق 11429}

[حبيبه المصريه]

قريت قرايه سريعه كده
الموضوع مميز جدااا
لى عوده لاحقا
حبيت أقول
والدى كمان قرر ينزل التحرير
هو كمان الجمعه الجايه
والشعب كله نازل عندنا
بجد ربنا يبارك فى الاسلام والمسلميين

[ahmdd12975]

جزاك الله تعالى خيرا استاذ شريف فهذا هو صوت شعب مصر ضد اعداء الدين هذا الشعب المسلم الكريم الحر الأصيل عندما يتكلم فلابد للجميع أن ينصت ويستجيب لأن هذ ا الشعب فى ظل هذه الظروف التى تعيشها البلاد هو صاحب الشرعية الوحيد فى تقرير مصيره واختيار دستوره الذى يتحاكم ويرجع إليه وفى هذه الحال لاإرادة فوق إرادة الشعب هذه الإرادة التى سيحاسبه الله عليها يوم القيامة فردا فردا ومصر الان هى أمانة فى عنق كل مصرى مسلم والتى سيسألنا الله تعالى عنها يوم القيامة فاللهم أعنا على الحفاظ على هذه الأمانة واحفظ علينا بلادنا وأمننا وبارك فى أرزاقنا ووفقنا لإقامة شرعك ودينك الذى ارتضيت وصلى اللهم وسلم وبارك على نبينا محمد وعلى اله وصحبه وسلم تسليما كثيرا

[شريف]

اقولك انا مشكله الديمقراطيه الي فعلا
بيتغنوا بيها

وادق وصف انهم بيتغنوا
وخلى بالك انت لما مبتصدقش كلام حد
بتقوله ايه
"ده زى كلام الاغانى"

هم بيقولوا ديمقراطيه وعايزين حريه الرأى
لكن الحقيقه غير المعلنه

انهم مكانش لهم لا صوت ولا وجود سابقا
ومكانتش مشكلتهم "ان مفيش ديمقراطيه"
لااااااااااااااا مشكلتهم انهم معرفوش يوصولا زى غيرهم

ولما حققوا هدفهم واطاحوا بالنظام السابق
فكروا مصر "لقمه طريه"
يقولوا يمين نروح يمين ... شمال شمال

ويوصلو بقى لهدفهم ويبقوا هم السلطه
ويمارسوا ديكتاتوريه مره اخرى

المفاجأه بقى
رد فعلا اصحاب كلام العقل
مع ظهور الاخوان والسلفين

الامل بعد عنهم تانى
والمظهر الديمقراطى الي كانوا ظاهرين بيه
تلاشى وظهر الوش الديكتاتورى المعقد المنفسن
وعدم تقبل اى صوت غيرهم

وبقت الكلامه الي المفروض تخوف اصحاب العقول "انتوا فلول"
بس مخافوش لان كل واحد واثق فى نفسه
وان مكانش منتفع ولا غيره ولا كام مؤيد

لما جات نتيجه الاستفتاء وخدوا قلم جامد
حسوا انهم كده اتدمر كل حلمهم

اتجننوا بقى وكانت النتيجه
هبل فى الجبل

ده رأيي
ولسه الحوار لم ينتهى بعد

اكيد طبعا
اتفق معاكي في كده تماما
بس انتي لسه برضه بتوصفيهم
استاذة في التحليل

متهيألي لو مكونتيش اشتغلتي في التدريس
كنتي طلعتي دكتورة تحاليل
ههههههههههههههههه

عايز اقولك ان نفسياتهم ماتهمناش
هما اسود من جوه دي معروفة
و اسبابهم مش هتفرق معانا
المهم النتيجة
لازم ياخدوا علي قفاهم
و يتعلموا درس
الشعب المصري ماينفعش يبقا علماني

[شريف]

موضوعك فوق الرائع استاذ شريف

ماشاء الله

باختصار نقدر نقول


انا مصري .. ودستوري هيبقي يايد مصري

فاكرين اننا رابطين الفيل جنب الفيس بوك ولا ايه

^{ملف مرفق 11429}

شكرا استاذة نفيسة علي مرورك الجميل
مفتقدين طلتك
ماتحرميناش من ردودك و مشاركات الرائعة

[شريف]

قريت قرايه سريعه كده
الموضوع مميز جدااا
لى عوده لاحقا
حبيت أقول
والدى كمان قرر ينزل التحرير
هو كمان الجمعه الجايه
والشعب كله نازل عندنا
بجد ربنا يبارك فى الاسلام والمسلميين

شكرا استاذة حبيبة
في انتظار عودتك

و ربنا يبارك في عمر والدك
و يخليهولك
و يبارك في نخوته و مروءته و حبه للاسلام

[شريف]

جزاك الله تعالى خيرا استاذ شريف

و اياكم يا استاذ احمد
و يارب ما نتحرمش من تواجدك المثمر
و حرصك الواضح علي الاسلام و غيرتك عليه
و نشاطك الرائع في المنتدي