وشك كشكش كرمش مشش م التكشير
اضحك
يا عم اضحك
يا سيدي اضحك
الضحك مش بفلوس
ماتخفش ... اعمل زى منا هعمل
بطراطيف صوابعك اللي عايزة قطعها دي
.. شد أم خدودك بالعرض
و افرد وش أهلك المكرمش ده
و اضحك ... اضحك بقا
نصيحة قولوها لأى واحد نكدىمكشر 24 ساعة
اضحك .. الضحك بيجري الدورة الدموية ...
اضحك ... الضحك بيقلل هرمونات التوتر
اضحك ... الضحك هينشط جهازك المناعي ...
الضحك بيفرز هرمونات مسكنة للألام و المصحف
اضحك ... الضحك هيمنع عنك الجلطات ... اضحك ...
وشك كشكش وشك كرمش م التكشيرة
تخيل ان العلماء اكتشفوا ان الضحك 100 مرة
يساوى في تأثيره نشاط رياضي
يعادل ركوب العجلة لمدة ربع ساعة ؟؟؟ !!
تخيل ان الضحك بيشغل الحجاب الحاجز و البطن
و الجهاز التنفسى و عضلات الرجل و الدراعين و الوش
تخيل ان الرسول صلي الله عليه و سلم
كان دائم التبسم في وجوه الناس
تخيل ان الضحك بيقوي عضلات البطن !
تخيل ان الضحك مش بيفيد القلب بس ... لا ...
ده بيحسن مظهر الجسم و جماله !
تخيل ان الضحك علاج سهل و بسيط و مش مكلف
و لا متعب و لا فيه اي خطورة
تخيل انك لو ضحكت لمدة نص ساعة متواصلة ...
مش هتدفع ولا مليم
و لا عليك اي ضرايب !
لازم نزغزغك يعني عشان تضحك ؟
طب اهو
اهووووووو
تخيل ان الضحك يديك سلام نفسي و يعالجك من التوتر و الاكتئاب و تقدر
و انت بتضحك تحل اي مشكلة و تتفتح لك ابواب الدنيا والعقل ...
بعكس لو ضارب بوووز !
تخيل ان الضحك بيفيد مرضي التهاب الشعب الهوائية
و ازمات الربو لانه بيرفع نسبة الاكسجين في الدم و بالتالي في الرئة ؟
تخيل ان الضحك يخليك شاب اكتر ... يرفع روحك المعنوية ...
يخليك تفكر بشفافية
يمنحك ثقة بالنفس ... يخرجك من موود الروتين و الكآبة الفظيع ...
و يخليك تندم
علي اي لحظة نكد عشتها في حياتك اللي فاتت ... من غير لازمة ؟
تخيل ان في شئ في الطب النفسي اسمه العلاج بالدعابة و الضحك !!
تخيل ان انت لو مضحكتش دلوقتي تبقي بصراحة البعيد رخم !
ههههههههههههه
أجمل حاجة في الضحك أنه فيروس معدي
لو حد جنبك ضحك بصوت عالي ضحكة م القلب
تلاقي نفسك ضحكت و ممكن تقع م الضحك من غير حتي ما تعرف
هوا بيضحك علي ايه
طب و الله ... امبارح و انا نازل في الاسانسير
سمعت واحد جارنا في شقته
بيضحك بطريقة ...
خلتني اضحك لحد ما طلعت ع الشارع بره
كان سبب اني حسيت بسعادة
معرفش مصدرها !!
بس بضحك و خلاص
ـــــــــــــــــــــــــــــــــــــــــ
انسي التوتر
و ماتزعلش علي حاجة في الدنيا
و لا تبكي علي اللبن في البسكوت
اللي خدتوا القرعة تاخده أم الخلول
اجري يابن ادم جري الوحوش ...
اتوبيس 919 ماتلحقوش
و قال علي رأي المثل
رب ضحكة خير من ألف ليلة و ليلة
 |
رد مع اقتباس
شكراً لهذا
أعجبني هذا
رد: وشك كشكش كرمش مشش م التكشير
المفضلات