على العضوة ((( موناليزا )))
المثول امام النيابه
لاستجوابها فيما هو منسوب اليها من تهم
وان مقولتيش الحق
بصى ... دى للعبره
 |
|
|
واغلق المحضر فى ساعته وتاريخه ((( المتهم الاول - موناليزا )))
على العضوة ((( موناليزا )))
المثول امام النيابه
لاستجوابها فيما هو منسوب اليها من تهم
وان مقولتيش الحق
بصى ... دى للعبره
التعديل الأخير تم بواسطة دعاء شديد ; 01-05-2011 الساعة 12:34 AM
رد: واغلق المحضر فى ساعته وتاريخه ((( المتهم الاول - موناليزا )))
برئ يابيه
هههههه والله انا مش مصدقه عيوني
يانهار الوان نيابه ومحكمه طب اجيب المحامي
والله العظيم اقول الحق ولا غير الا الحق
الرحمه يافندم انا مقتلتوش ولا اعرفوش والله
اااااااااااااااااااااااااااه
رد: واغلق المحضر فى ساعته وتاريخه ((( المتهم الاول - موناليزا )))
المشاركة الأصلية كتبت بواسطة موناليزا
ايه الفيلم العربى ده
انا حسيت انى فى فيلم "دائرة الانتقام"
ههههههههههههههههههههه
عموما هرجى هرجى
استعدى بقى من المشاركه الجايا الجد
رد: واغلق المحضر فى ساعته وتاريخه ((( المتهم الاول - موناليزا )))
افتح يا ابنى المحضر
اسمك
محافظتك
مكان اقامتك ع النت بالتفصيل
ما هو قولك فيما هو منسوب اليك من تهم :
* اين كنتى الفتره السابقه؟
* واين تواجدك بالمنتدى؟
وشوفى مين المحامى الي هيحضر معاكى
التعديل الأخير تم بواسطة دعاء شديد ; 01-05-2011 الساعة 06:37 PM
رد: واغلق المحضر فى ساعته وتاريخه ((( المتهم الاول - موناليزا )))
للاسف المحامي مش موجود ربنا احلي من الكل
ايه ده براحه علينا شويه يااحلي وكيل نيابه
بسم الله الرحمن الرحيم
الاسم :- اميره
بنت ارض الفيروز
مكان الاقامه بالتفصيل بحب المواقع الدينيه والاسلاميه والاخباريه ايضا
وموضوعات الاطفال خاصه ده بالنوسبه للبطاقه الشخصيه
نتوجه الي اسئلة الاتهام عذرا النت بطئ لكن يافندم هكمل ان شاءالله في المشاركه اللي وراها لان السؤال عايز كتابه كتير
رد: واغلق المحضر فى ساعته وتاريخه ((( المتهم الاول - موناليزا )))
* اين كنتى الفتره السابقه؟
مصر يافندم تعرف الاجابه حااااضر بس خايفه حد يضايق منها بس هتوكل علي رب العالمين واقولها
البدايه انا كنت اغلب الوقت في قسم المعلم المساعد حتي الاشتراك كان عليه
ماكنت اعرف البوابه عموما وتصدقي لو قلتلك
كمان انها كانت اول بداياتي علي النت اصلا لما اشتركنا في موضوع النت
عجبني اسلوب الحوار اللي موجود فيه التقاء فكري علي شبكه وهميه وقلت لازم اكون متفاعله معاهم
لاني مش خبره اوي لسه في التعامل مع النت فكنت بحب انتقي
موضوعات معينه واحب احطها فيه
وبصراحه النت في البدايه اول مااشتركت حاسه انه بديل عن حاجات كتير
طبعا جيت عندكم ازاي في القسم العام وباقي الاقسام
كنت مره من المرات وضعت موضوع ومستر شريف نقله وكمان موضوع تاني واستاذ خالد سعد نقله
ابتديت اتعرف عليكم واستهواني الموضوع اوي اجي من الشغل احب ادخل باليل احب ادخل اي وقت اكون فاضيه فيه
هكمل يادودو ان شاءالله قصدي ياسيادة الوكيل بس معلش النت ضعيف اوي
فاصل ونواصل باذن الله ويارب اكون متهم خفيف عليكم
رد: واغلق المحضر فى ساعته وتاريخه ((( المتهم الاول - موناليزا )))
ييلا يا متهمه
وكيل النيابه عنده مذاكره متلله
ههههههههههههههههه
مش علشان تطلعى براءه اسقط انا
منوره يا قمر
رد: واغلق المحضر فى ساعته وتاريخه ((( المتهم الاول - موناليزا )))
الله يكرمك ياسيادة الوكيل انا
بحب اجاوب بضمير
وعلشان كمان تعرفي سبب البعد ايه
بس لازم تعرف حيثيات الموضوع
رد: واغلق المحضر فى ساعته وتاريخه ((( المتهم الاول - موناليزا )))
عموما احنا هنسمعك للاخر
وبعدين نكمل باقى التهم
ولا يهمك
احنا نيابه خاصه
رد: واغلق المحضر فى ساعته وتاريخه ((( المتهم الاول - موناليزا )))
هههههههههههههههههههههههه
حاسه ان فى حد من امن الدوله بيراقبنا
فى زاير اعد فى الموضوع
يدخل الزوار ويخرجوا
وهو ابدا لا منكن يخرج
اعد
عموما اى زاير ينورنا طبعا
رد: واغلق المحضر فى ساعته وتاريخه ((( المتهم الاول - موناليزا )))
السلام عليكم ورحمة الله وبركاته
تسلم ايديكى وأفكارك يا دعاء
بس بجد فعلا تستاهل موناليزا يتحقق معاها وانا حذرتها مرة قبل كده
ودى بقى فرصه نحقق معاكى و عشان تفكرى ميت مرة قبل ما تنشغلى عننا
رد: واغلق المحضر فى ساعته وتاريخه ((( المتهم الاول - موناليزا )))
هههههههههههههههههه
الله شكلها هتاخد اشغال شاقه منتدياتيه
بصى يا جميل
بلغى بس انتى عنها ... واتهميها
وسيبى الباقى عليا
نورتى سرايا النيابه
يووووووووووو اقصد نيابه المنتدى العامه
رد: واغلق المحضر فى ساعته وتاريخه ((( المتهم الاول - موناليزا )))
ربنا يبارك فيك يانهاد يارب
والله ياجماعه انتم غاليين عليا والله
بس سيادة الوكيل كده مهيصدق ويمسك عليا تهمه تانيه
نكمل اجابة السؤال
رد: واغلق المحضر فى ساعته وتاريخه ((( المتهم الاول - موناليزا )))
وصلنا المره اللي فاتت الي اني استهواني الموضوع
ولقيت النت بقي حاجه اساسيه خلال اليوم ولان كمان
اسلوب الحوار عجبني وجميل لما تلاقي ثقافة الراي والراي الاخر
وتلاقي فكري طبعا ماشاءالله الايام بتجري وكنت مع المنتدي ده مشتركه في مكان تاني بس اسلامي
وبحب اتصفح اوي الاخبار وكل ماهو جديد
هرجع تااااااني واقول ياجماعه ده عذري في البعد عن المنتدي وعن النت كمان بصفه عامه
انا سمعت فتوي لاحد الشيوخ ان جلوس الفتاه امام النت لابد ان يكون بمحرم حتي لاتفتن
بيني وبينك كده ياسيادة الوكيل اخدت الفتوي من هنا وفضلت اقلبها في دماغي
وبقت كل تصرف اعمله علي النت افضل اسيف في نفسي مع ان تصفحي والله في اماكن ولله الحمد ملتزمه جدا جدا
زي بوابة التعليم المصري وزي اي منتدي اسلامي او موقع طبي اي حاجه فيها المعقول والسليم لغاية
لما وصلت لنتيجه اني بجد خفت علي نفسي جدا من الانجذاب ليه وطبعا جنب النت كنت ساعات بقصر في اموري الخاصه ووعلاقاتي مع اصدقائي
وكنت اقول الوقت ده تستفيد منه في قراءة القران او عمل مفيد مع ان كنت والله لما ادخل احب اقدم اي حاجه مفيده
بس الهاتف كان شغال والواحد برضو بشر وبصراحه سياسة مراجعة النفس اول باول كانت ملاحقاني
بصراحه وبيني وبينكم حصلي نوع من اللخبطه وخفت من حكاية (ادمان النت)
لغاية ياسيادة الوكيل اخر اجازة العام الدراسي السابق ونهايته اخذت القرار النهائي وهو ان همتنع عن النت نهائي
وفضلت الترم الاول بحاله من السنه ده لم ادخل قط
بصراحه كنت عايزه علي الاقل اشعر انه انا اللي مالكاه مش النت هو اللي ملكني
لكن سبحان الله لما حسيت انكم وحشتوني بدات ادخل بسيط كزائر وقلت ده حق الفتره اللي قضيتها معاكم
قامت ثورة 25 يناير الي كانت بدايتها من علي القيس بوك وطبعا انا لم اشترك من قبل علي الفيس توك
هتسالني ليه ياسيادة الوكيل هقولك انا خفت من المنتديات يبقي مش هخاف من الفيس بوك
وخصوصا انه عالم كان قبل الثوره بالنسبالي علي الاقل مجهول وغامض
لما لقيت ان النت ممكن يكون عكس الفكر القديم وانه ممكن يكون سلاح مفيد مع طبعا تنظيم الوقت وكمان لما يبقي ليك هدف محدد علي النت
يبقي ايه المشكله وبدات ادخل المنتدي بس طبعا في الاول كان خطف لغاية لما تم القبض عليا من قبل سيادة الوكيل دعاء شديد وتحويلي الي التحقيق بتهمة الغياب عن المنتدي
تم الاجابة يابيه عن السؤال
والله علي مااقول شهيد
اما بالنسبه للتواجد في المنتدي ؟
ممكن يافندم توضح السؤال ده شويه يعني التواجد قبل الغياب ولا قدك في الفتره الحاليه
التعديل الأخير تم بواسطة موناليزا ; 02-05-2011 الساعة 02:53 PM
رد: واغلق المحضر فى ساعته وتاريخه ((( المتهم الاول - موناليزا )))
كلامك جميل جدا
فعلا لابد ان تحاذر جميع الفتيات من استخدام النت
وعدم التهاون فى مجرد الحديث مع هذا وذاك
وما فعلتية شئ راقى جدا ويكفى انكى تخافى الله
ولابد ان تستمرى فى موضوع ملاحقة نفسك من الحساب
تعرفى انا نفس الشئ فكرت فيه مرارا وتكرارا
وتوصلت الى انى لازم اثبت للجميع ان المرأة الملتزمة تجبر الاخرين على الاحترام
وكمان لازم يكون لينا دور واضح ومحدد
وانها مش متخلفة ولا جاهلة
بالعكس دورى هو انى اغير الفكرة اللى هما واخدنا حجة وبيحاربونا بيها وفسدوا اخلاق الفتيات بسبب ما يسمى
حرية المرأة
مهما فعلوا لن يعطى المرأة حقوقها على اكمل وجه الا الله سبحانه وتعالى
ولاننا فى عصر رقمى
لازم نوصل ونوصل افكارنا لغيرنا
لازم نكون اد التكنولوجيا والتحديات
لكن دون ان نفقد طابعنا الاسلامى بأدابه وحدودة
رد: واغلق المحضر فى ساعته وتاريخه ((( المتهم الاول - موناليزا )))
أحلى وأقيم تحقيق يتم فى نيابة
فهى ليست كأى نيابة بل نيابة البوابة
تحياتى لوكيل النيابة الجرىء الرحيم دعاء شديد
وقلبى مع المتهمة موناليزا ما أقوى شخصيتك ومنطقك إن شاء الله براءة
رد: واغلق المحضر فى ساعته وتاريخه ((( المتهم الاول - موناليزا )))
شوفى يا متهمه
قوتك فى التحكم فى الاشياء ... نتيجه رائعه
وتفكير عقلانى متزن احييك عليه
لكن مبرراتك كلها تدينك قبل متكون سبب فى البراءه
ليه
احنا نيابه ديمقراطيه جدا وهنقولك ليه
اولا : مش كل شيخ يفتى ... تبقى الفتوى صح
فى شيوخ بتبالغ فى الفتوى زى الي انتى قولتيها
لان الي عايز يعمل حاجة غلط مش شرط على النت
والي مش بيراعى ضميره مش هيفرق معاه نت ولا شارع ولا تليفون
يعنى الانسان رقيب نفسه مهما سمع من فتاوى
والحلال بين والحرام بين وعلاقه الانسان بربنا
حاجه بينه وبين ربنا
واعتقد اننا اتناقشنا ع التليفون كتير
ثانيا: اليوم 24 ساعه
الي عايز يقسمهم بتوازن هيقدر
ثالثا : اعترض شكلا وموضوع على كلمه "ادمان النت"
لان الادمان بمفهومه المتعارف عليه كله ضرر
والنت مش كله ضرر
وبغض النظر عن الثورة او لأ انا بتكلم على النت عموما
وانت نفسك كلامك متناقض
قلتى عجبك الحوار والفكر والراى والراى الاخر
قلتى بتخدلى على مواقع دينيه واخباريه
((( فين الغلط هنااااااااااااااا )))
يا اميره استفتى قلبك ولو افتوك
يعنى من الاخر انتى مدانه
انتظرى المشاركه القادمه
فيها حكم مؤقت وتهم اخرى
رد: واغلق المحضر فى ساعته وتاريخه ((( المتهم الاول - موناليزا )))
بعد الاطلاع على اقوالك قررنا نحن وكيل النائب العام بالمنتدى توجيه التهم التاليه
1- قلتى انك تدخلين مواقع دينيه
لذلك فانتى مقصره فى حق القسم الدينى بالمنتدى
وكان ممكن تجيبى موضوعات دينيه مفيده تضعيها بالقسم
وتعتبر صدقه جاريه
مش مهم حد يشارك لان كتير زوار بيدخلوا يقروا
2- قلتى بتدخلى مواقع اخباريه
اين الاخبار التى تمدنا بمعلومات اول بأول ؟
عارفه انك كده بتمنعى وصول معلومات ممكن تفيد ناس كتير؟؟؟؟
لان مش كل الناس بتتصفح كل المواقع
مهمتنا اننا نتيح المعلومات المتنوعه على اد منقدر ونجمعها فى مكان و احد
وكل زاير او عضو يلاقى حواليه معلومات فى كل حاجة
بصى انتى متهمه متهمه
ومستنيه دفاعك
حبسك على ذمه المنتدى 15 يوم اشغال مخففه وهى :
1-
رد: واغلق المحضر فى ساعته وتاريخه ((( المتهم الاول - موناليزا )))
انا هأجل الاحكام لحد مسمع دفاعك
ده لو عندك فاع اصلا
رد: واغلق المحضر فى ساعته وتاريخه ((( المتهم الاول - موناليزا )))
احييكى يا نهاد على اصرارك انك تثبتى ان المرأه الملتزمه
تجبر على الاحترام فى اى مكان
بس هيجيلك يوم وهتبقى متهمه
استعدى بس لسه شويه على دورك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
| RSS RSS 2.0 XML MAP HTML |
رد مع اقتباس
شكراً لهذا
أعجبني هذا
المفضلات