(أهل الجنة)

محمد ناس من بلدك جايين ... وفي أعلام مصر ملفوفين

يوم عن يوم عددهم بيزيد ... وصل ل 300 شهــــــــيد

تعالى سلم عليـــــــــهم ... و شوف تعرف مين فيهم

(محمد علاء مبارك)

أهلا بأولاد بلدي الطيبين ... جرحكم و دمكم وسام عالجبين

أكيد حربتوا اليهــــــــــــود ... و رجعــــتوا أرض الجــــــــــدود

إنتـــــــو ليـــــة مبتردوش ... وعليــة مــــــا بتســـــلمــوش

هو مين إللي إغتالكـــــم ... وقطــف زهــرة شـــبابكــــــم


(شهداء التحرير)

نـــــظام جــــدك قــــهرنا ... وداس عليـــــنا و عصـــــــرنا

في مخابئ الشرطه وأمن الدولة إتهان شعبنا و إنداس ... وإتغرب ولادنا في كل بلاد الناس

مرض و فقر و بلاوي ... و شهادات ياما عطلانة عالقهاوي

30 سنة شربنا المر كتير ... ما كنتش ناقصة توريث و تزوير

ولما قلنا لا للمحسوبيه والرشوة و الفساد ... مرضيش يسمعنا وعناده زاد

أطلقوا علينا البلطجية ... بكل أصناف الهمجية

وأصحاب عمك جمال ... داسو علينا بالخيول و الجمال

ولا جيش قريش أيام الجاهلية ... بيحركوه شوية عصبجية

قالوا عليهم رجال أعمال ... وأعضاء حزب خايفين عالمال

ال إية عايزين الإستقرار ... وحاوطونا بالنار و الدمار

ضربونا بحجارة و قنابل ملوتوف ... ورصاص حي و شوم و سيوف

والقناصة من فوق العمارات ... لا حمانا جيش ولا دبابات

وأروحنا وهبناها هدية ... لوطنا و أهلنا و ثمن للحرية

(محمد علاء مبارك)

لية يا جدي كان ناقصك سنين تعيشها ... ولا فــــــــــــــلوس تحوشــــــــــــها

فـــــــاكر لما ســـيبتك و حرقت قلبك ... كل المصريين بكوني ووقفوا جــــنبك

فاكره يا أمــــــــى كاس المــــــــــرار ... ليه تسقيه ل 300 أم. ده أكبر عــــار

ليــة يابـــابــا و ليــة يا عمــــــــــــي ... دم الشـــــهيــــد ده هـــو دمـــــــي

هتفــيد بإيـــة القصــور و المليــارات ... ودعوات المظلومين عليكم جمارات

ياريت ترجعوا للمصرين فلوسهم ... وحقهم و خير أرضهم و كنوزهم


.......................

يا خساره يا جدي كنت مستنيك هنا ... دم الشهداء بعدك عننا

بدعيلك أنا و المصريين الطيبين ... ربنا يخفف عليك وتكون من المرحومين





كلمات أ.د/ محمد الجــريـــتلي
"أستاذ جراحة العظام بكلية الطب"