الى اخوتى الاعزاء الذين يعتبرون مبارك رمزا اقول لهم ---------

[جمال سراج]

السلام عليكم ورحمة الله وبركاته

مبدأيا .. تحية واحتراما للغالية الفاضلة أ/ شمس

وبكل تأكيد الاختلاف لا يفسد قضية لودنا

يا سيدتى والله العظيم لا أختلف مطلقا مع حضرتك ولا مع أى حد تانى فى أن الرئيس مبارك أخطأ كثيرا وكان نظامه يحوى الكثير من الفساد والمفسدين

لكنى أختلف فى طريقة التعامل من جهة وفى طريقة التحاور من جهة أخرى
المخطأ يعاقب يا أختنا ولكن لا يهان وحتى العقاب له طرق مشروعة وطرق غير مشروعة --- دا حتى القتل فى القصاص أنواع!!!!!!!!!
وإلا بقى متبقاش فيها حاجة لما الشرطة مثلا تهين مدان أو تضرب شخصا دون محاكمة .
الرئيس مبارك كان رئيسا حتى شهر مضى وكان له شنة ورنة والوقتى ساب الحكم
وأدين وظهر انه فيه القطط الفطسا زى ما بيقولوا يبقى يحاكم بكل احترام حتى ولو أعدم !!!!!!!!!
أما الكلام بأسلوب لا يليق عنه أو حتى عن غيره من شتيمة وسب وقلة أدب هو دا اللى لا نرضاه لأى مخلوق حتى لو كان حسنى مبارك نفسه بيهين وبيعمل البدع زى ما قلنا .

ولا نعمل بقا زى بتوع الاعلام اللى كانوا بيسقفوا وبيغنوا بمبارك لحد ما وقع سبوا فيه ونافقوا
نحن لا ننافق لان النفاق يعنى الغباء
طب ما فيه مذيعين وصحفيين مثلا من الذكاء انهم لم يجرحوا ولم يسبوا -- ليه ميبقاش الكل زيهم .

لا أنا يا أختى ولا نعمة محمود بحاجة ان حد يعرفنا مساوىء أو عيوب النظام السابق أو غيره فنحن نعيها جيدا
ولكن احترام الغير يعنى احترام النفس والذات بأى وبكل الأحوال
وهذا هو عنوان القصيدة!!!!!!!
أكتفى بهذا القدر
دمتى والجميع بكل خير
خالص ودى