موضوع رائع وجميل وردود لا أروع
أما عن تحليل شريف فليس هناك أروع من هذا
هأقول زى ما قالت نعمة التى التقيتها عقلا وفكرا عبر الأثير قبل أن أتعرف عليها وأسرتها بصورة مباشرة كما هو حالى معكم أصدقائى واخوانى
تربيت على احترام الكبير وتوقيره - وأبدا لن أحيد عن ذلك حتى لو أخطأ الكبير
تعلمت ألا أراوغ من أجل مصلحة -- أو أن أمشى مع التيار أو الهوجة
يحمل وجهى صفحة لا تتغير -- تبدو انفعالاتى فورية --- ردى حاضر على الهوا --- لست مرنا فى ترك حقوق الآخرين معنوية كانت أو غير ذلك بينما يمكننى التساهل فى حقى لصالح الآخرين ... بس من غير يضحك عليا أو يستهبلنى !!!!!!!!!!!
باختصار الرئيس مبارك رمز من رموز مصر وسيظل كذلك رغما عنا !!!!!!!!!!
أنا لست ضد التغيير أو لا أنتقد الرئيس بالعكس أنا أرى 30 أو 20 أو حتى 10 سنين كمدة للرئاسة كبيرة جدا ... وأدرك كغيرى أنه تربت شلل من البلطجية والحرامية وآكلى حقوق الشعب حول الرئيس مبارك .. لكنى لا أعتقد مطلقا أنه كان يعلم بها وحتى لو كان يعلم فان هذا ليس مدعاة لعدم احترامه أو توقيرة بعد تنحيه --- علما بأن هذا لا يعفيه مطلقا من المسؤلية
ومع هذا أرفض نبرات الحدة التى تدعو إلى عدم احترام الرئيس مبارك أو الحفاظ على الجانب الحسن من انجازاته دى أولا
ثانيا لا تعجبنى النبرة اللى شغالة الوقتى من بعض الشباب اللى عاش الدور قوى خالص ولا عاد عجبه حد لا وزارة ولا رئيس وزرا ولا حاجة خالص وعاوزين البلد تبقى فوضى فى مقابل تصريحات لقنوات فضائية وتسمع كتير اليومين دول مش عارف مين عضو ائتلاف الثورة متقولش كنا بنحارب اسرائيل يا خى
ياريت الحماس دا كله يوجه مثلا ضد الأعادى مش مهم أعادى بلدنا -- أعادى العرب مثلا!!!!!!!!!
- كمان لا يعجبنى الافترا والكدب بتاع بعض الناس اللى معملوش حاجة وبيحاولوا يظهروا انهم أبطال وعاشوا دور المظاهرات
- كما لا يعجبنى عدم اتقان العمل باى حال حتى لو من أجل فلوس اكتر
ومش عجبنى خالص حرامية البلد اللى بيقبضوا 20 الف و30 الف وبياخدوا حوافز بالالاف يتظاهروا من اجل المزيد --- برأيى دول محتاجين رشاشات تتفرغ فيهم والتخلص منهم حلال !!!!!!!!!!! دول لا بيرحموا ولا عندهم لا وطنية ولا ضمير انهم يعملوا كدا فى وقت بلدنا محتاجة تضافر كل الجهود للحفاظ عليها .
لا يعجبنى بعض رجال الشرطة اللى سابوا مواقعهم بحجة انهم موظفين وزيهم زى الناس يعنى فوضى تبقى فوضى -- ياريت شوية ضمير وكل واحد يعرف إنه بيؤجر خير من الله قبل ما يقبض مرتبه
بس نبطل منظرة
أتمنى إن كل منا يعرف إنه كل الأعمال محترمة وكل الناس تحترم لشخصها مش لوظيفتها وأنه لا توجد وظيفة وضيعة ووظيفة مرقومة طالما كله بيشتغل بما يرضى الله
وأن احترام الانسان واتقانه لعمله هو ما يجلب له الاحترام
أكرر ما زلنا فى حاجة إلى تطوير ثقافتنا فى النقطة دى بالذات
كل أم أو أب تتمنى ان ابنها يطلع مهندس او دكتور او ضابط --- اشمعنا يعنى!!!!!!!! محدش قال نفسى ابنى يطلع انسان صالح يعرف ربنا ويراعى حقوق الناس والله !!!!!!!!!!!!!!! وعجبى
الكلام كتير
أكتفى بهذا الحد على أمل التواصل بإذن الله
شكرا للجميع
خالص ودى
كونوا بخير لأكـــــــــــــــــون