المشاركة الأصلية كتبت بواسطة M I D O
احسن حاجة فى استاذ وليد انه ممكن يزيف التاريخ ويعمله ديليت فى ثوانى على حساب ان الاهلى يكسب ويكون كويس
موافق علي كلامك بس بشرط ان تجيب لي التاريخ كاملا وليس فقرات منه لان التاريخ لا يجزأ وعموما عندي ليك مفاجاءات عن روقه هتعجبك اوي وبالدليل
، فاروق جعفر كابتن الزمالك ومنتخب مصر السابق كان أول من حصل على لقب أفضل لاعب في مصر في أستفتاء جريدة أخبار اليوم عام 1975
استفتاء الصحف لا يعبر عن واقع لان الاقلام متلونه مانا ممكن اجيب لك الف استفتاء عن الف لاعب في الاهلي مش ده المعيار يا ميدو
عمل زي بيبو مثلا واخد الكره الذهبيه في استفتاء الفرانس فوتبول
اخد احسن لاعب في افريقيا زي تريكه بترشيح الفيفا؟
اخد الحذاء الفضي زي ماردونا النيل طاهر ابو زيد ؟
دي الاستفتاءات اللي بجد ويتعمل لها الف حساب انما استفتاءات اللي تحت السلم دي سيبك منها
كما فاز بلقب ثاني أفضل لاعب في بطولة كأس الأمم الأفريقية بأثيوبيا عام 1976
وياتري عارف مين الاول ؟
عموما هنعديها.. وهو أول كابتن لنادي الزمالك يحمل كأس بطولة أفريقيا للأندية البطلة عام 1984
هههههههههه
بجد والله ضحكتني حكايه الانديه البطلة دي
ماهو حكم السن لازم يبقي الكابتن
عارف لو بتتكلم صح هقولك حسن شحاته
هقولك ابراهيم يوسف
دي لاعيبه بجد كانوا نجوم الزمالك وانا شحصيا بحترم ادائهم جدااا واخلاقيتهم انما روقه العجيب حدث ولا حرج كان اكبر ممثل ضربات جزاء في مصر وكان مشهور بده وقت ما الزمالك يكون في وضع مهين امام اي فريق ينزل يجيب ضربه جزاء بالاونطه بالله عليك دي اخلاق كوره ...علي فكره ده مش تزيف للتاريخ ياميدو لانك ماكنتش في سن يخليك تشوف الماتشات دي وتتابعها كويس بس عموما اعمل بحث علي النت علي روقه وقولي ايه رايك
، بس ازاى استاذ وليد عشان الاهلى يفرح لازم يتكلم على نجم كبير مثل مصر قبل كده! ، واستاذ وليد ماعرفش ان ميهوب راح بصق على الدكة الفنيه لنادى الجيش وده الى سبب الزحمة الى بره الى مافيش مذيع قالها وغانم سلطان قال كده على مودرن سبورت!
لو كان ميهوب عمل كده فعلا انا معك ان دي مش اخلاق محترمه ووجب عليه الاعتزار
لان الرياضه تسمو بالاخلاق وليس العكس
، ما علينا الواحد كان غايب شوية عن السايت بس هايرجع بمواضيعه تانى ان شاء الله!
تشرف وتنور يا ميدو بس بالله عليك خلي ردودك كلها موثقه علشان يبقي الكلام اجمل
ياتري لسه بتقول اني بزور التاريخ ؟
شرفت ونورت ياميدو وانا ههدي لك الحوار ده بين روقه وتامر امين ونيرفانا في البيت بيتك
وقولي ايه رايك في روقه قدوتك
روووووووووووووووقة
حبيب الزمالكويه
*********************
فى برنامج البيت بيتك وحديث قصيرلم يستمر 25 دقيقه
قام بيه المذيع اللامع تامر والمذيعه نيرفانا 
باستضافه روقه في حوار جامد اوي
وكان اول سؤال وجه ليه من تامر
اين انت الان بعد ان اقالك مرتضى منصور
وهنا اصطنع فاروق جعفر الهدوء وقال انى مازلت حتى الان المدير الفنى للنادى الزمالك ...
وجه اليه تامر ما كتب على لسان رئيس نادى الزمالك من اقالته
قال له فاروق جعفر ان مرتض منصور ما هو الا عضو واحد من اعضاء نادى الزمالك ووكان معه 3 اعضاء اخرين يريدون اقالتى
اما انا فمعى 6 اعضاء يؤيدون بقائى ما مرتضى منصور الا صوت من ضمن الاصوات رشح نفسه على منصب رئيس النادى لكن اولا واخيرأ هو صوت واحد
وانا من مع سته على راسهم اسماعيل سليم والمندوة حسينى وعزمى مجاهد
وقد طلب امس وكيل وزارة الشباب بموافاته بمن هوالمدير الفنى حاليا وتم ارسال ذلك برساله مؤيدة لى من الست الاعضاء وهم الاغلبيه
ثم وجه له سؤال من تامر حول وجود تأمر على نادى الزمالك
رد عليه فاروق جعفر كلمه الـتامر التى يقولها رئيس نادى الزمالك
قال لا تنسوا ان هؤلاء الاعبين هم اللذين احرزوا البطولات لنادى الزمالك
فكيف يكون هناك مؤامرة على نادى الزمالك
*** استطرد فاروق جعفر بانفعال فى الحديث وقال ان رئيس نادى الزمالك لا يعلم شئ عن الزمالك بسبب انشغاله بالانتخابات
وشرح فاروق جعفر سبب هزيمته من الحرس بالخمسه في فضيجه مدوية
قال ان رئيس نادى الزمالك اجمتع بهم ووعدهم بصرف رواتبهم ومستحقاتهم التى بالعقود لان الاعبين ناس متجوزة وعندها بيوت مفتوحه ولم يصرف لهم مرتباتهم حتى الان
وانه وعدهم بالشيكات لصرف مستحقاتهم
وهنا سأله تامر عن الشيكات
قال له فاروق كله كلام فاضى مفيش شيكات
*** حكايه ماتش المصرى
قال فاروق جعفر انه ذهب لماتش المصرى وهو متأكد تماما من الهزيمه لانه سافر وهوة يسمع انه هو والجهاز الفنى خارج الحسابات
فكيف يكون هناك استقرار وتفكير فى الماتش؟
يعني الكوتش بتاعكم باع الفريق علشان خلعوه وسلم لي علي المباديء
*** نادى الزمالك يمر بازمه ماليه وحكايه ماتش الرجاء والخروج من البطوله
قال روقه ان فريق الزمالك يعانى من ازمه ماليه فقد طلب فاروق جعفر من رئيس النادى عمل معسكر لمدة يومين تكلفه اليوم الواحد عشر الاف جنيه فلم يجد فلوس فى النادى وقال فاروق جعفر انه كان متخوف جدا من ماتش الرجاء على الرغم اننا فزنا عليهم هنا 2_0 لكن هما كانو الافضل
**** وهنا قال فاروق ما استغرب منه تامر ونيرفانا
ان الاعبين يوم ماتش الرجاء لم يجيئ الاتوبيس المخصص لهم لنقلهم الى المباراة انتظروة ولم يحضر مما جعل الاعبين يروحوا الماتش بسياراتهم الخاصه _*** لذلك خسرنا *** المباراة 0 يقصد الرجاء
تكلم فاروق غاضبأ انه عندما كسبنا انبى لاول مرة لم نجد اى شخص يقول لنا مبرووووووووك
**** تطور الحوار حول رواتب المديرين الفنيين السابقين وما يتقاضاة فاروق جعفر
قال ان كابرال كان يحصل على 16 الف جنيه وبوكير يحصل على 15 الف جنيه ولم يفعلوا شى
اما انا ( طبعا فاروق جعفر ) فلم اتقاضى مليم حتى الان
سألته نيرفانا عن مدة تدريبه للزمالك
قال روقه بقالى حتى الان 4 اشهر ولم اتقاضى مليم واحد كمرتب
تابعته نيرفانا لماذا اذا قبلت المهمه وانت لم تتفق على اى مقابل مادى؟
هنا قال فاروق جعفر كل ذلك حبا فى نادى الزمالك ومن اجله افعل اى شئ وانا ابن من ابناء النادى
ياليل يا عين
حب ايه اللي انت جاي تقول عليه ...تيرااااا
انت عارف معني الحب ايه ...تيرااا
الله يرحم الفلوس اللي لهفها من سيد متولي وخلع
خلاص بقت الفلوس ماتهمكوش؟؟
**** هنا تدخل الصحفى محمد الجبالى صحفى جريدة الاحرار فى اتصال تليفونى..
ووجه لفاروق الكلام بصحه ما تنقله الصحف عن حال المالك وهوة ما كانوا ينكروه ويعترف بيه الان فاروق وان مرتضى منصور كان يتدخل فى التشكيل الفريق
فسكت روقه ومردش على محمد الجبالى
يتدخل براحته المهم يليمني علي الفكه
سأله تامر هل لو اتيت فى ظروف اخرى هل ستتغير النتائج...
هنا تكلم روقه ودخل اسم نادى الاهلى فى الحوار مع ان السؤال مفهوش اهلى هههههههههههه
قال اننا لا نقل عن نادى الاهلى فى اى شئ سوى الجمـــــاهير(اخدت بالك يا ميدو باعترافه الضمني بشعبيه واكتساح الاهلي )
لكن من حيث المكانه فهى واحدة(ده من وجهه نظره هو )
**** رئيس نادى المراجيح
وصف روقه لمرتضي انه رئيس نادي المراجيح
قال فاروق جعفر ان مرتضى منصور قال انه يهتم فقط بالنادى من الناحيه الاجتماعيه ومن نايحه راحه الاعضاء وانه رئيس نادى المراجيح
لانه ما يهمه هو راحه الاعضاء لانهم هم من اعطوه اصواتهم فى الانتخابات وقال فاروق حعفر انه اهتم بالنواحى الاجتماعيه ونسى انه نادى بالمقام الاول انه نادى رياضى لكن مرتضى اهتم بأنشاء المراجيح لراحه ابناء الاعضاء واهتم بهم ونسى النشاط الاساسى
الكلام ده لما مرتضي اداله شلوت واستماره سته
**** قمه ثورة فاروق حعفر
قبل ان ينتهى الحوار فجاة امسك فاروق جريدة المسائى اخر صفحه..
واشار اللى قرار مرتضى منصور من منع فاروق جعفر من دخول النادى..
وهنا قال بصوت مرتفع فاروق جعفر اللى كان من افضل خمس لاعبين على مستوى العالم(يقصد العالم الثالث طبعا ) ومشاركته فى بطوله افريقيا مرتين يمنع من دخول نادى الزمالك *** ان رئيس نادى الزمالك يفعل معى كما فعل من قبل
مع عصام بهيج واسماعيل سليم ومنعهم من دخول النادى
****الذى يدير النادى الجنينة
هنا قال فاروق فى ختام حديثه ان من يدير شئون نادى الزمالك الاعضاء فى جنينه نادى الزمالك وليس ادراة النادى فكل شئ يحدث فى جنينه النادى وان اعضاء مجلس الادراة كلهم خارج النادى ممنوعين من الدخول
ومن تديرة ااعضاء الجنينه
**** سؤال تامر بجد ضحكنى وهو يقول لفاروق جعفر ما دام الحاله كذلك متسيبك من الليله وتمشى من النادى..
هنا رد فاروق انا ما زلت المدير الفنى
______________________________
ااااااااااه قبل ما انسى سؤال الحلقه فى البيت بيتك
هل سيستمر حال النادى فى تدهور
نعم
لا
الى حد ما
فكان 74 % قالوا لاااااااا ها ها ها
____________________________
بسسسسس ودة كان كلام رووووقه فى البيت بيتك
حلقه امس السبت 17 _12 _ 2005
وانا عندى برد قلت اتسلى واكتبها عشان حبايبنا الزمالكوية هيقولوا ايه اننا بنزور التاريخ
راجع يا ميدو الحلقه دي وارفعها من علي النت المهم
انا جبت لك بعض مقتطفات من حياته الفنيه ومش هتدخل في حياته الشخصيه وانه طلق مطربه رحمه وهددها اكثر من مره ببلطجيه وحاجات تقرف كده ملت صفحات الحوادث
ياعم ميدو خلينا نحب شخصيات رياضيه ليها وزن وقيمه واحترام مش شويه اونطجيه وبيمثلوا علينا الاخلاق
عموما شهد شاهد من اهلها ان الزمالك نادي مراجيح
شرفت ونورت الموضوع ياميدو
انتهي الدرس يا جعفر...الاسد لا يهتز ابدااااااااا امام النعامه
في حرقه...
رد مع اقتباس
شكراً لهذا
أعجبني هذا
المفضلات