الجزيرة تضع شعار معا لإسقاط مصر على صدر موقعها الإخبارى

[مستر أحمد حمدى]

أنا بس عايزه أقول حاجه لكن هحط خلفيه للكلام
اولا محدش يقدر ينكر دور الشباب واللى عملوه طبعاااااااااا

طبعااااااااااااااااااااااااا حتى النظام اعترف

ثانيا كلنا عارفين ان فى بلطجيه ودى من اعضاء الحزب النيله لكن بعد اذنكم لا اسمح ان حد يسيئ لرئيس الوزراء او السيد عمر سليمان

يا ترى ليه ؟؟؟ هما من نظام تانى ومش تابعين للحزب الوطنى ؟ ؟؟ ومش عمر سليمان هو اللى ضغط على الفلسطينيين فى حماس لصالح رام الله ؟؟؟ ومش عمر سليمان صاحب فكرة الجدار العازل ؟؟؟؟

مش رئيس الوزراء اللى فى مؤتمر صحفى بيقول انه مش عارف مين اللى عمل كده - يقصد البلطجية - ولو هو مش عارف يبقى مصيبه واتزاى يعطى تعهد بعدم تكرار ما حدث وهو لا يعلم من قام بذلك اول مره ؟؟ وكيف يتعهد بعدم تكرار ذلك مره اخرى ويتكرر الامر مرات ومرات على مرأى ومسمع من الجيش وكان الاولى به اوامر للجيش بالاشتباك مع البطجية مش الاقى الدبابة جنبها بلطجى والضابط بتاع الجيش ولا كأنه شايفه ؟؟؟

ثم لو حتى هما كويسيين وذى العسل فخلاص الناس مش طايقة النظام كله

ثالثا بأه
المطالب بتاعكو ايه؟؟؟؟؟؟؟؟؟؟؟؟؟؟؟

1. الرحيل الفورى للرئيس مبارك
2. حل مجلسى الشعب والشورى
3. تغيير الدستور

احب اقلكو حاجه الطلبات دى استحاله تتنفذ مع بعضها يعنى اللى مصمم على رأيه يبقى عمره ما هيبطل تظاهر

كان الكل مثلك متشائم ولا يتوقع فى يوم ان يثور الشعب المصرى وبالله عليك هل تصدقين ان ما تم من تنازلات انه سيتم ؟؟؟ لا طبعا

لذلك اقول لا شئ مستحيل



واحد هيقوللى ازاى؟؟؟؟؟؟؟؟؟؟



هقوله اول بند يتعارض مع الاتنين التانيين تماما

لان فى مادة فى الدستور بتقول يحق للرئيس ان يسند مسؤولياته الى نائبه مع عدم قدرة المفوض ( اللى هو النائب ) التصرف فى 3 حاجات

1. تغيير الدستور
2. حل المجلسين
3. حل او تكوين وزارة جديدة

كلام مظبوط مائه بالمائه

يعنى لو مشى الرئيس دلوقتى مش هينفع لا تغير الدستور ولا تحل مجلس الشعب



مش صحيح لأن الدستور اللى حضرتك استشهدت بيه بيقول ان الشعب مصدر جميع السلطات

وبما ان الشعب رفض الرئيس فقد سقطت شرعيته وهنا يكون كل ما تم من قرارات لاغية من تعيين نائب ومن تغيير الوزارة وكل التعيينات

حتقوليلى طب ايه الحل ؟؟؟

الدستور بيقول ان السلطات بتنتقل للنائب ان لم يوجد فتنتقل الى رئيس المحكمة الدستورية العليا مؤقتا




طب فرضنا ان الرئيس مشى يبقى فى الحالة دى رئيس مجلس الشعب هو اللى هيبقى الرئيس فترة انتقالية 60 يوم ( اللى طبعا مش هتلحقو تعملو فيها حاجه لا تغيير الدستور ولا حل المجلسين) على ما يجيلكو رئيس جديد وطبعا هيبقى بالانتخاب بس على الشروط القديمة يعنى على شروط مواد الدستور اللى انتو عاوزين تغيروها واللى طبعا محدش يقدر يستوفى شروطها غير واحد من الحزب الوطنى او القوات المسلحة وهتبقى رجعت ريما لعادتها القديمة ومعملناش حاجه انتقلنا من حكم عسكرى لحكم عسكرى


فى الحالة دى مفيش شروط لان الشعب هو صاحب السلطات ذى ما وضحنا وهو اللى حيحط الشروط مش الشروط القديمة



اما تانى مطلب اللى هو حل مجلسى الشعب والشورى

فهقوله ودى كمان لوحدها تتعارض مع المطلب اللى بعدها اللى هو ايه ( تغيير الدستور)

طب لما تحل مجلس الشعب والشورى مين اللى هيناقش مواد الدستور اللى انت عاوز تغيره فى اقل من 200 يوم


يا ستى مجلس الشعب هم ممثلين عن الشعب يعنى مندوب عننا وبما انهم كلهم جائوا عن طريق التذوير فلابد من حل المجلس

يعنى انتى بعتى مندوب عنك ليبلغ شئ لأحد على لسانك ثم ذهبتى بنفسك لتبلغ هذا الشئ فهل يكون للمندوب قيمه ؟؟؟؟ لا طبعا لأن صاحب الشأن وهو الشعب موجود واذا وجد الماء بطل التيمم

فالشعب موجود ومنهم اساتذة فى القانون وعلى فكرة تعديل الدستور ميخدش اكتر من 6 ايام بالكتير وانا اعى ما اقول وبعدها يتم التصويت عليه من الشعب وننتخب مجلس شعب يعبر عنا ونسيبهم هما بقا يصلحوا كل شئ



واحد هيقوللى ايه يعنى ما نغيره كله من الاساس وبعدين يبقى يناقش المواد اللى حنا عاوزينها

هقوله وانت عاوز تفهمنى ان انت تقدر تحل المجلسين وتكون مجلسين تانيين فى اقل من 200 يوم دا مجرد التحقيق فى الطعون هياخد شهرين ونص

اولا الطعون بتاخد من اربع لخمس سنوات عرفتى بقى انه ضحك على الدقون من النظام الحاكم ؟؟؟؟

واحد تانى هيقوللى ان المجلس دا كله متزور وما قام على باطل فهو باطل وان مينفعش ناس زى دى تناقش الدستور وكده يعنى

هقوله كده كده المجلس دا هيتحل يعنى هيتحل بس انت الاولى عندك ايه دلوقتى ان انت تغير مادتين الدستور زى ما انت عاوز عشان الاننتخابات اللى جاية بتاع الرئاسة مافيش حل تانى قدامنا الا ان المجلس يحقق فى الطعون ويلملم اشلاءه عشان يقدر يناقش المواد دى وطبعا دا هتبقى تبع ضوابط حطاها القوى الحزبية المصرية القوى السياسية ( الناس اللى بتفهم فى السياسة من الاخر) وكمان مش كل اعضاء مجلس الشعب دى مش ناس محترمة فيهم ناس محترمين برده وكمان الوضع الراهن دلوقتى بيفرض حاجات كتير عليهم وعلينا ودى ناس متلطخة فى السياسة يعنى مخضرمة وان شاء الله ربنا يقدم اللى فيه الخير على ايديهم



نيجى للطلب التالت اللى هو تغيير الدستور

فى ناس بتقول عاوزين تغيير كامل للدستور يعنى ايه تغيير كامل للدستور دا تعجيز دا ولا ايه انت عارف انت بتتكلم على كام يوم دول 200 يوم يعنى مش كتير

الاولى يا جماعة اننا نغير مواد الدستور 76 و 77 و 88 الاول عشان الانتخابات وبعدين احنا قدامنا عمر بعد كده نغير فيه الدستور زى ما احنا عاوزين مع الحكومة الجديدة والرئيس الجديد بس احنا مربوطين بوقت دلوقتى


واللى بيتكلم عن الماده 139 والخاصه بتفويض الرئيس لنائبه

الماده 82 تلغى عمل هذه الماده لانها بتقول لا يجوز للنائب بعد تفويضه الا يغير الدستور أو حل المجلس او تشكيل واقالة حكومه.



سبق الاجابة

وشكرا أرجو تقبل رأيى

الشكر لله وربنا يصلح الحال