شعور سخيف ,,, إنك تحس ان وطنك شيئ ضعيف....
صــــــــوتك ضعيف ,,,, رأيــــــك ضعيف
إنك تبيع قلبك وجسمك ,,,, وإنك تبيع قلمك واسمك
مايجيبوش حق الرغـــــــــــــــــيف
سألوا جـــــحــــا عن سر ضحكه ,,,, قالك أصل أتنين وشبكوا
اللي كان من تحت ميت
واللي كان من فوق كفيف
ده شعور سخيف
وشعور سخيف
انك تكون رمز الشحاته ,,,
تبني مبني للشحاته ,,,
تعمل وزاره للشحاته,,,
ياساقيه دوري عدي فوقي ودوسي
نصبوا عليه وشحتوني فلوسي
ربطوني فيكي حتي ما اتغميت
هما اللي فرحوا !!! وحدي انا اتغميت
انا اللي صاحب البيت ,,,, عايش بدون لازمه
ولما مره شكيت ادوني بالجزمه
مش لاقي تطفح ادِيْكْ
هاتولنا ووجيبولنا وأدونا ودونا ... هنجيب منين نديك
مش لاقي تطفح اديك؟؟؟
طافح يا بلدي غَدَايا ولوعتي غَدَايا
وآدي الأحبه التقوا واتجمعوا عَدَايَا
انا اللي زارعك دهب بتأكلينا سباغ
إن كان ده تُقْل ودلع بزياده دلعك
بـــــــــــــــــــــــاخ
لا شفت فيكي هنا ولا شفت فيكي تررررررف
كل اللي فيكي قررررررررررررررررررف
قررررررررررررررررررررررررف
كرامتنا متهانه,,, واللقمه بإهااانه
بتخلفينا ليــــه ؟؟ لما أنتي كرهانا؟
يعني ايه تبقي انتي هبة النيل

وكل يوم الميه فيكي تقطع!
يعني ايه لما اشتكي غِلِوّ الفاتوره
يقوللي تشكي؟؟؟ بسسسس تدفع !!!
لما قش الرز ثروه بتتحرق
واما نفط الأمه ثروه بتتسرق
وأما جلادك علي ولادك بِيُبْطُش
وأما علمك ميلاقيش يااااااكل فَيُطْفُش
يعني ايه نرفع ايدينا بالسلام
لاجل الغزاه
ويعني ايه لما ابقي ماشي في حالي اتشـــــــد اشتباه !

ويعني ايه لما اتحبس 3 سنين حبس احتيـــــــــــــــــاطي

حبس أعتبااااااااااااااااااااااطي
يعني ايه مش حاسه بالعمر وغلاوته
بِِتْصُبِّي مُرّرررررررررررر العمر ليه؟؟
دنا كنت هوهبــــــــــــــلك حلاووووووووته
انا عمري ما إتْأَمَّرْتْ ولا حطيت شروطي
ومكان ما ترسي مركبك ببني شطوطي
انا كنت جيشك لما مماليكك باعوكي
وكنت يوسف لما عشتي سنين عجاف
وضلوعي دي اللي في معركة قااادش حموكي
وشفايفي دي اللي مبطلتش في يوم هتااف
دنا كل شبر في أرضك اتمرمغت فيه
وكل يوم عشتيه انا اتعذبت بيه
بتكرهيني عيونك السووده
وأيامك اللي فاتت
ما انتيش حبيبتي من النهارده
حبيبتي مااااااااااااااااااااااااااااااتت
علي صوت أذانك جرس
في الشده صاحيينلك
من امتي كانوا الحرس هما اللي باقيينلك؟؟؟؟؟؟؟؟
بعتيني عشانهم وعينيكي معصوبه
ياهل تري خايينه ولا زيــــــــــــــــي؟؟؟
مغصــــــــــــــــــــــوبـــــــــــه !!!
كل الكلام اتقال والشعر بقا ماسخ
والصبر علو جبال والظلم شئ راسخ
وطن وغرقان في النطاعه
كل شيئ ريحته نطاااعه
علمونا بالعصايه ,,, ورضوعنا الخوف رضاعه
علمونا في المدارس يعني إيه كلمة قياااام؟؟
قياااااااااااااااااااااااام
علمونا نخاف من الناظر فيتمنع الكلام
علمونا ازاي نخاف ؟؟؟ وازاي نِكِشّ
بس نسيووا يعلمونا الاحترام
فمتزعلوش لما ابقي مش بسمع كلام
ومتزعلوش لما ابقي خارج عن النظااام
مستني ايه من طفل ربوه بالزعيق
غير المشـــــــــــــــاااااكل والخنــــــــــــااااااق
كل اللي بيقولك بحبك دووووووووول نفااااااااق
انا لما قولتلك بحبك كان نفاااااااااااااااااااق
كان نفااااااااااق
الحب يعني اتنين بيدووووا
مش ايد بتبني و600 تيت تيت يهدوا
الحب حاااااااااااله ,,,, الحب مش شعر وقواله
الحب يعني براح في قلب العاشقين للمعشوقين
يعني الغلابه يناموا في الليل دفيانين
الحب يعني جواب لكل المسجونين !!! هما ليه بقوا مسجونين ؟؟؟
يعني اعيش علشان هدف ,,,
علشان رساله ,,,
يعني احس بقيمتي فيكي
و اني مش عايش عواله ,,,
يعني لما اعرق تكافئيني بعداله ,,,
الحب حاااااااله ,,,, الحب مش شعر وقواااااااااااله
الحب حاجه ما تتوجدش في وسط ناس...بتجيب غداها من صناديق الزباااااله
بارت مراعينا ,, والبئر قد جف
والجوع يكوينا ,, والصبر ما كفي
والقلب لا يهدي ,, والجرح لا يشفي
ولاننا طووع ,, زلنا لهم خفي
جااااااءو بموكبهم ,, واشتغلت الززززفه
الدفه مظبوطه واصلا مفيش دفه ,,,
الكفه مش مايله علشان مفيش كفه ,,,
وجـــحــــا اللي جاي بالليل لسااااه بيتخفي
شايف ديدان الغيط سارحه وما راح ماشي
من جُبْنُه شاف الدود سابه وراح ماشي
ولا اتكسف من الناس ولا حس علي طوله
الناس عشمها كبير طلعوا يِجْرُوْا بيشكووووله
ضحك جــــــحا ضحكة مواشي
!!!!!!!
مادام بعيد عن طــــــــــــــــيـــــــــــــــنــــــــي
ماااااااااااااااااااااااااااااااااااااااااااااشي
الدود قاعدلك يا جـــــــحـــا ولابد في طينك
بعد ما يمص في دمانا مش هيحلاله إلا طينك
إحنا أهلك إحنا رجالتك حُماتَك
احنا وقت الشده سندك احنا زاااادك
يا جـــــــــــحـــــا ,,, احمي ولاااااااااااااااااادك
لو كنت عايز تحمي طيـــــــــــنك
سوف أرحل لربما
ربما يلقاني من أرجوا لقائه
همشي وياااا الشحاتين ,, وابكي علي حلمي اللي تاااه
بس مش هشحت رغييييف
هشحت وطن
لــــــــلــــه