هام جدا للمعلمين المساعدين

**mohamed83** · 12-12-2010, 08:40 PM

إخوتى المتعاقدين الأعزاء
السلام عليكم جميعا
بالنسبة للمعلمين المساعدين الذين اجتازوا امتحان الكادر20/11/2009 وحصلوا على icdl ,ممكن نرفع دعوى قضائية امام القضاء الإدارى،بمخالفة الوزير للمادة 73 من قانون الكادر والتى تنص على تعين المعلمين المجتازين لامتحان الكادر خلال سنة.القضية سهلة أكيد ان شاء الله نكسبها
أرجو من إخوتى الأعزاء الرد السريع والتنسيق فيما بيننا لرفع دعاوى جماعية
والسلام عليكم.
معلم لغة فرنسية

**دعاي** · 12-12-2010, 08:51 PM

انا بقول نستنه لما السنه الي قال عليها تخلص عموما معظمنا شهر اربعه الجاي افتكر كده والمهله دي لينا وليهم لازم يثبتونا قبل السنه التالته ما تخلص وبعدها لو مفيش تثبييييييييييييييييت بالمعني المفهوم وبدون اي تحايلات نبقي نرفع القضيه

**اسماعيل** · 12-12-2010, 09:57 PM

يا اخواني من غير شهادة الصلاحية مش هينفع نرفع قضية ودا السبب من عدم اعطائها لنا الى الان انا عن نفسي لو مسكت شهادة الصلاحية في ايدي مش هروح على البيت هروح على المحكمة الادارية وهرفع دعوة لاني تعبت جدا وللأسف الموضوع دا مؤثر على مجهودي كمعلم لم يعد عندي اي دافع معنوي للعطاء في مجال عملي كمدرس بالله عليكم مين السبب في اللي وصلنا له من احباط حسبنا الله وكفا

**كريمة على** · 13-12-2010, 09:46 AM

السلام علبكم
موضوع جدير بالاحترام والمشاركه يلا نجمع ونحشد الاراء حول هذا الموضوع ارجو التواصل ياستاذ محمد
ارجو من الاستاذ اسماعيل لو تكرم بيان ماهى شهادة الصلاحيه دا بند ف العقد

**مني احمد علي** · 13-12-2010, 09:58 AM

لازم كلنا نرفع قضايا لأننا نعمل ثلاث سنوات متتالية والقانون ينص علي ان الذي يعمل ثلاث سنوات متتالية دون انقطاع يحق له التثبيت ولحسن حظنا اننا لم نفصل يوم وده عكس المصالح الاخري التي تفصل يوم او شهر
عليكم برفع قضايا ادراية علشان نلفت النظر لمشكلتنا واهو العيار الي مايصيبش يدوش وهذا اضعف الايمان

**اسماعيل** · 13-12-2010, 12:51 PM

اقتباس:
المشاركة الأصلية كتبت بواسطة كريمة على

السلام علبكم
موضوع جدير بالاحترام والمشاركه يلا نجمع ونحشد الاراء حول هذا الموضوع ارجو التواصل ياستاذ محمد

ارجو من الاستاذ اسماعيل لو تكرم بيان ماهى شهادة الصلاحيه دا بند ف العقد

شهادة الصلاحية هي التي تنص عليها المادة73 من قانون كادر المعلم
مادة (٧٣):
تكون فترة الاختبار بالنسبة إلي المعينين بوظيفة «معلم تحت الاختبار» عامين، يجب علي المعين خلالها الحصول علي تأهيل تربوي وشهادة صلاحية لمزاولةمهنة التدريس بالمرحلة التعليمية المعين بها، ويعين من يحصل علي هذه الشهادة في وظيفة معلم، فإذا لم يتم الحصول علي الشهادة خلال هذه المدة تعتبر خدمته منتهية بقوة القانون.
وطبعا المادة دي حصل فيها بعض التغير وهو ان يمد مدة العقد لعام ثالث
وشهادة الصلاحية هى اللي دخلنا لها اختبار الاكاديمية المهنية للمعلمين والمفروض تمنحها لنا الاكاديمية بمجرد ظهور النتيجة واكتمال الملف اللي عندهم من تقارير الموجهين وباقي الاوراق اللي طلبتها الاكاديمية وطبعا بيتحججو بأن بعض الناس قدمت اوراق مزورة ودي حجة لتأخير منح شهادة الصلاحية لان المسئؤلين عارفين ان لا ينقصنا الا هذه الشهادة للتعين او لرفع قضايا ومؤكد اننا هنكسبها حسب ما نصت مواد قانون كادر المعلم

**معلمه بالقلم الرصاص** · 13-12-2010, 07:01 PM

صح انا قلت كدا كتير مفيش حل غير القضاء الادراى
وبعدين الرخصه دى مش بند فى العقد علشان نستناها العقد كان شروطه واضحه
واخواننا اللى بيقولوا نستنى لا نصبر اما السنه التالته تعدى احنا فى العمر كام سنه وعمالين نبرر لنفسنا اى خطوه علشان تعطلنا وخلاص
كفااااااااااااااااااااااااااايه ارجوكم
ارجوا من الزملاء مراسلاتنا على الخاص لضروره التنسيق عايزين خطوه منسقه ومنظمه علشان نعرف ناخد حقوقنا
انا عن نفسى خلاص روحى المعنويه زفت حتى الدافع المعنوى للتعليم اصبح بلا وجود فاقد الشىء لا يعطيه بجد انا بروح مدرستى مش عايزه اشتغل ولا ادى اى حاجه ولا انجز اى شىء

**ash500** · 14-12-2010, 08:09 PM

وأنا معـــــــــــــــاكم
بنى سويف

**نصرى خيرى** · 11-02-2011, 10:27 AM

لازم نتحرك بسرعة ياجماعة ونعمل حاجة قبل فوات الاوان ولا خمس سنين عقد مميز وامتحان كادر ورخصة دولية مش كفاية ولا نحضر ماجستير ودكترا ه عشان نثبت مافيش حل الا القضاء الادارى