انما الناس سطور ... كُتبت لكن بمااااااااااء

[دعاء شديد]

اكملكوا الي حصل امبارح من
"الست خضره محمد خضر" الي هى "جنى" بنت اخويا
بس ده اسم من اسماء كتير ليها
فتحت عنيها وقالتلى صحينى الساعه 10
ولما قلتلها عندك معاد قالتلى لا معنديش اى معادات ونامت تانى
المهم
صحيت الست خضرة وبعد الطقوس الصباحيه وبدأ اليوم
الاستفتاح كده وحوار بسيط اوى
سألتنى عن "الطمعجى" مكانه فين ؟؟؟؟؟؟؟؟؟؟
هههههههههههههههه الي هو بلغتنا طعمجى
اصلها مدمنه سندوتشات فول وطعميه
وبدل الاخت ام عبد الناصر متقولى انها جعانه سألت على الطمعجى
جه الفطار وطبعا الدلع هيشتغل ... اكلينى
ولما رفضت
راحت للقاضى تشتكى "الي هو بابا طبعا"
قالتله بنتك مش عايزه تأكلنى ... وصدر حكم وأكلتها
ما علينا

وصلت الرغى والحكايات بدأت وانا بذاكر
عادى متعوده اذاكر وانا برغى
بس مع الست خضره لازم تنتبه وتبصلها مش تسمعها وخلاص
هههههههههههههههههههههههه
المهم حكتلى مشهد حصلها فى حياتها لما وقعت من على السلم
ومناخيرها لما "حذفت دم كتير"
انا سمعت الكلمه ومقدرتش ابطل ضحك
حذفت دى الي هى نزفت
وطبعا كان لازم اتأثر واتعاطف وتبدأ وصلت التفرغ والحنيه
ههههههههههههههههههههههه ماشى

واستمر اليوم على كده
يا هى تسأل وانا اجيب يا تحكى وانا اتأثر
نسيت اقولكوا ان الاخت المبجله صاحبه العباره الشهيره
"نوم الظابط عباده"
المهم لانه
حتى كلامى مع نعمه كان لازم تاخد هى كمان فرصتها فيه وتكلمها
وانتهى اليوم بمشهد عاطفى جدا وهى بتصارحنى
انها بتحبنى من جوه قلبها
قلتلها وانا بحبك من بره قلبى

الخلاصه ولا عرفت اذاكر ولا غيره
وفضنلنا نرغى ونلون فى صور
و يدوبك انجزت شيء بسيط جداااااااااا لما كانت بتطلق صراحى وتعتقل حد تانى
لا طبعا ده الجزء الخاص بيها معايا انا بس
غير باقى افراد الاسره الي خلصت عليهم

لكن عالم سم سم الي بتاخدنى فيه ده رائع
ولذلك منحتها
"جائزة نوفل فى الترفيه"

بس
انتظروا يوم جديد