نزيهة ماتت وشفافية فى ال ان عاش
النهاردة انتخابات الاعادة
قابلت " صدفة " حكيم بلدنا
صاحب نظرية " عربية بعجل "
سالته : سمعت ان الاعادة نزيهة ايه رايك ؟
رد عليا وكانه عالم ببواطن الامور وبثقة يحسد عليها :
نزيهة ماتت وشفافية فى ال ان عاش
ولان الاجابة كانت مفاجاة ليا
نظرت له نظرة قوية
مع اتساع فى حدقة العين
وتكشيرة كبيرة على الوجه
وقلت له بقوة :
ازاى
ثم بدات اثبت له كذب ادعاءه بالدليل
انا سمعت النهاردة المتحدث باسم لجنة الانتخابات بيقول وردت شكوى عن منع مندوبين المرشحين من دخول اللجان وبالفحص تبين ان المرشح عاوز يدخل اكثر من مندوب فى اللجنة وده مخالفة للقانون
يبقى مرشح طماع وده دليل على النزاهة
وكمااااااااااااااااان
فيه مرشح وطنى انسحب من انتخابات الاعادة قال ايه الحكومة بتزور لصاح مرشح حزب التجمع
شفت التجنى وال...........
معقولة حكومة الوطنى تزور لصالح المعارضة
دليل تانى على نزاهة الانتخابات
صاحبنا الحكيم
سمع كل كلامى
ورد بجملة واحدة قال
نزيهة ماتت وشفافية فى ال ان عاش
ايه رايكم مين على صواب انا ولا هو ؟؟؟؟؟؟
حوار مع حكيم بلدنا "2 "
 |
رد مع اقتباس
شكراً لهذا
أعجبني هذا
المفضلات