حرس سلاح رقم 4 محمد خضر كلمات من خيالى الوحده الوطنية

[مدحت صلاح (مصراوى22)]

[frame="7 90"][frame="9 90"]حرس سلاح2
صلى و سلم
محمد نبى ...... عيسى نبى ..... و كل اللى له نبى يصلى عليه
كلمة و قالها الحاوى زمان ....... لما كان يطلب الإحسان
و دلوقتى بتشرخ الكلمة فى الحلق ....... تقول يا خلق مين عليه الدور
أخويا قتل أخويا و يا حزنه علينا أبويا و أمى تشرب فى نارنا ..... و المر فى إنتظارنا لو ما فتحناش العينين
دا القلب واحد و الرب واحد ....... ةو الغدر لو راشق هنروح فيها إحنا الاتنين ...... سيبك يا عم سيبك
ده إبن بلدك هو حبيبك مسيحى ... مسلم ..... و الله ما تفرق .... صلى و سلم و كل اللى له نبى يصلى عليه



نفسى 3
نفسى نشيل من دماغنا كلمة ده مسيحى قال و ده مسلم عمل
و نبص لقدام بنظرة أمل ..... أمل يصالح محمود على دنيته
و يخلى إيميل يحب بلده أكتر من غربته
و نشيل بلدنا لفوق أوى و إحنا بنقول يا أوى
إرفع رايتنا و أنصب هامتنا ... و أنصر كلمتنا وأوى عزيمتنا بالأوى
ده إحنا من غير بعضنا و لا حاجة ... ريشة فى مهب ريح الدنيا الغلابه
و ببعضنا هنكون رمح فى قلب عدونا
و النصر لينا و كله جاى بوحدة أيادينا و يا رب دايما تكون راضى علينا


حرس سلاح 1

حرس سلاح ومعاه انتباه..... هلال وصليب

لمحمد لبيب ومرقص معاه..... درب وطريق

محتاج رفيق .... صليبى فيها حزين من غير أذان المسلمين

وهلالى يئن أنين .... لو مسمعش أجراس الترانيم

حلوة ومرة ....فرحة وغمة ودول همه .. طوق النجاة

دى وحدة واحدة .... والأم واحدة .... مريم وهاجر

دول نبت الحياة ... ملاك اخويا ... وشنوده ابويا

وأحمد ده سيدى ... وكلنا عبيد لنفس الأله

تقول لى عيسى ....... ولامحمد .. أرد أقول لك

هما الهداية من رب الحياة [/frame]