مصلحلى مصلحه أمصلحلك مصلحه

[MohammeD el_SadaT]

بسم الله الرحمن الرحيم

السلام عليكم ورحمه الله وبركاته

بيتهيألى المره دى الموضوع باين من عنوانه

مصلحلى مصلحه أمصلحلك مصلحه تبوظلى المصلحه هنفخك بالمطرحه

الواحد طول عمره أبوه بيربيه من وهو صغير ويقوله يابنى " إعمل الخير وإرميه البحر " يا حبيبى " الكداب بيخش النار " دا وإنت صغير ولما تكبر شويه يقولك " الكدب ملوش رجلين " والحقيقه فى يوم هتبان

الصراحه راحه وخليك مع الحق دائماً

دا اللى أبويا ربانى عليه واللى أنا متأكد إن أب أى حد فيكم بردو رباه عليه

تعالو كده نشوف الواحد بعد حوالى عشــ20ـــرين سنه فى الحياه إتعلم إيه

؟!!!

أنا بصمت بصوابعى ال عشــ10ـــره

إن معظم

الناس بقت بتعرف بعض عشان مصلحه يعنى الواحد من دول بيبص ويحسب حسبته أنا عاوز

المصلحه دى

مين اللى هيقدر يعملها " محمد " دا " محمد " ده لازم يكون حبيبى وبن حبيبى

طول ما المصلحه شغاله

كل ثــ1ـــانيه

ألوووو حبيبى يا " محمد " عامل إيه ؟!! أخبارك إيه ؟!!! والله العظيم وحشتنى

وهو أصلاً لسه سايبه من مفيش دققتــ2 ـــين

خمســ5ـــه ويتقابلو فى الشارع

ياااااااااااااااااااااااااه يابنى اللذينه إنت فين والله وحشنى موووووت

يابنى أنا كنت لسه معاك على التيلفون من خمــ5ـــس دقايق ياراجل قول خمــ5ـــس سنين

دا إنت اللى فى القلب دا إنت اللى ............. إلخ

" كلام النصب والبكش ده اللى مفيش حد تايه عنه "

وقدره قادر كل ما تروح مكان تلاقيه فيه " صدفه " شىء غريب

لكن الأغرب بقه

إنه فى كل مره بيجى عليك ويخدك حضن مطارات حليب قلبى مش عارف مش بشبع منك ليه يا أخى

؟!!!

" تشبع يابن النصابه "

بتلاقى البنى آدم ده بيدخل حياتك بطريقه غريبه ويحاول يتقرب ليك بكل الطرق طول ما المصلحه فى إيدك وشغاله

وبعد ما المصلحه بتنفض

بتلاقى واحد تانى خالص رقمك أصلاً إحتمال يكون مسحه

بيقابلك فى الشارع مبيرميش عليك سلام ربنا ولا أكنه يعرفك

بتلاقى الكائن ده إتغير معاك 180 درجه

" فى الوقت ده بجد الواحد بيقعد يضحك على الدنيا الغريبه دى "

لما الواحد يبقى إنسان طيب وصادق يضحكوا عليك ويعاملوك على إنك كائن منقرض من ملاين السنين

وعاوز تتحط فى متحف الشمع

بيحسسوك إنك لازم تكون ديب عشان تعيش فى وكر الديابه

الناس بقت شغاله بمبدأ

" عاوز منى حاجه هتدينى إيه "

؟!

أصل تقديم الخدمه لله وللوطن دى يا حبيبى بقت فى الأفلام ومدينه الفضيله و أحلامك البتنجانيه لكن إحنا هنه على الأرض فى الدنيا

لازم عشان تاخد تدى وعشان تدى أوعى متخدش لا تبقى " خروف "

عارفين كل اللى فات ده مش مشكله

عارف المشكله فى إيه

؟!

الشخص الطفيلى ده اللى بيدخل حياتك فجأه عشان مصلتحه مصلحته مصلحته وبس

بيحاول يتقرب منك بكل شكل وللأسف ممكن ينجح ويبقى شخص فريب ليك ممكن إنت تاخده ليك أخ

فى الوقت اللى إنت فيه مجرد إشتغاله أو نصبايه بيحاول ياخد منها اللى يقدر عليه وبعد ما ياخد اللى ربنا قدره عليه

بيرميك ومبيفكرش حتى فيك .

الوقت اللى إنتى بتدى فيه كل حاجه هو بياخد كل حاجه ويبيعك بأقل حاجه مستعد يدوس عليك لو لقى مصلحته فى مكان تانى

ممكن يبيعك عشان مصلحه تانيه " ويبيعك دى " يعنى يبيع أسرارك يبيع كل حاجه يعرفها عنك

ممكن يحطمك يفنيك يقتلك بسكينه بارده وتلمه ويتلذذ بكل آآآه بتقولى

ويقول

" محدش قالك حبنى "

معلش يا حبيبى إحنا فى زمن المصالح عاوزنى أشوف مصلحتى قدامى وأسبها

الدنيا فرص يا عزيزى

الفرصه بتيجى مره واحده فى العمر

أنا لو مبعتكش غير هيبيعك أبيعك أنا أولى

يعنى هى جت عليا

عشان تتنصح بع كده

:giljotiiniug3:

" دنيا ملهاش آمان "

فين الحب فى الل فين إحناااااااااااا فين ..................... هو إحنا لسه بشر

؟!!!

ولا إحنا بقينا إيه الأخ بيخون أخوه والأب بيبع إبنه والأم بترمى ضناها حياه فيها الخسيس بيتمرغ على الحيرير والأصيل مدعوك بوذه فى الطين

؟!!!

أنا ليه بقيت حاسس

" إن الواحد لو عمل الخير ورماه البحر هيتقال عليه ....... "

والكداب بقى بيروح مرينا ويسكن فى الزمالك

" والكدب بقى له رجلين "

والحقيقه عمرها ما بتبان

" والصراحه بقت مصيبه ووباء واجب التخلص منه والحق بقى باطل والباطل بقى حق "

ليه حاسس إن الموازين إتغيرت

؟!!!

هو إحنا ليه بقينا كده ليه وصل بينا الحال للشكل ده ولا إحنا مش كده وأنا اللى شايف الدنيا سوده

يـــــــــــــــــــــــــــــــاترى إيه السبب

؟!!!

عارفين

أنا شايف السبب فى البعد عن الدين

شيل الدين من الدنيا هتتحول لغابه وأنا بجد حاسس إننا بقينا عايشين فى غابه البقاء فيها للأصلح والأصلح فى قانون الغابه الأقوى

[س ا يوسف]

المشكلة ليست في المصلحة
طب يار يت البشر تتعامل مع بعض على اساس المصلحة
المشكلة ان البشر اساسا مش عارف مصلحته
فقط يبص تحت رجليه اكثر من خطوه لأ
لو حسبوها صح ماشى
دائما الحساب خاطئ
يعتقد ان الحياة دائمة ........................................ والحياة تنتهى بالموت
بعتقد انه الآن ................................... وبعد لحظة واحدة لن يكون الآن
يعتقد ان ما فات مات .............................. وما فات هو الوحيد الشاهد ولن يموت
والامثلة كثيرة الحساب خطأ
وليس المصلحة
موضوع جيد
شكرا يا باشمهندس

[MohammeD el_SadaT]

المشكلة ليست في المصلحة
طب يار يت البشر تتعامل مع بعض على اساس المصلحة
المشكلة ان البشر اساسا مش عارف مصلحته
فقط يبص تحت رجليه اكثر من خطوه لأ
لو حسبوها صح ماشى
دائما الحساب خاطئ
يعتقد ان الحياة دائمة ........................................ والحياة تنتهى بالموت
بعتقد انه الآن ................................... وبعد لحظة واحدة لن يكون الآن
يعتقد ان ما فات مات .............................. وما فات هو الوحيد الشاهد ولن يموت
والامثلة كثيرة الحساب خطأ
وليس المصلحة
موضوع جيد
شكرا يا باشمهندس

فعلاً عندك حق والله يامستر الناس فعلاً مش عارفها مصلحتها فين
" إجرى جرى الوحوش غير رزق يابن آدم لن تحوش "
مرورك بجد بيسعدنى دائماً مستر سيف

[عز وحيد]

موضوع بيتكلم عن مشكلة العصر
بجد مشكلة كل الناس بتعانى منها
انا وانت وهو وهى كل الناس بتعانى من المصيبة ديه هى فعلا مصيبة
بس فعلا يامحمد من اجمل الاشياء الى بتعملها انك بتطرح مواضيع فى وقتها
مواضيع يعنى محتاج نقاش فى الوقت ده
انا بقى رأيى الصغير هو اخر جملة فى موضوعك
الا وهى

عارفين

أنا شايف السبب فى البعد عن الدين

شيل الدين من الدنيا هتتحول لغابه وأنا بجد حاسس إننا بقينا عايشين فى غابه البقاء فيها للأصلح والأصلح فى قانون الغابه الأقوى

ده رأيى المتواضع وهو ده السبب الرئيسى
شكرا يا محمد على مواضيعك الجميلة الى بجد تقدر تقول عليها مشاكل عصرية

[dream]

نظرية المصلحة دى موجودة من قديم الازل

والانسان دائما يحب مصلحته


ويبديها على اى مصلحة اخرى لاى شخص اخر


المشكله بقى البتتكلم عليها

وهى عندما تنتهى المصلحة

ينهى الشخص علاقته بمن كان معه هذه المصلحة

وهذا يسمى بالمنافق

وللاسف ان الموضوع منتشر جدا

لكن ال ممكن نعمله

اننا نحاول اختيار الناس الذى نثق فيهم

ويكون بينا حب واخاء

وبعدين اكبر دليل ان الحب والعطاء مازال موجود

وجودنا جميعا فى هذا المنتدى الجميل

وليس من اجل اى مصلحة شخصية

ربنا يوفقنا جميعا


شكرا على مواضيعك

ال احب دائما ان اقرأها

[MohammeD el_SadaT]

نظرية المصلحة دى موجودة من قديم الازل

والانسان دائما يحب مصلحته


ويبديها على اى مصلحة اخرى لاى شخص اخر


المشكله بقى البتتكلم عليها

وهى عندما تنتهى المصلحة

ينهى الشخص علاقته بمن كان معه هذه المصلحة

وهذا يسمى بالمنافق

وللاسف ان الموضوع منتشر جدا

لكن ال ممكن نعمله

اننا نحاول اختيار الناس الذى نثق فيهم

ويكون بينا حب واخاء

وبعدين اكبر دليل ان الحب والعطاء مازال موجود

وجودنا جميعا فى هذا المنتدى الجميل

وليس من اجل اى مصلحة شخصية

ربنا يوفقنا جميعا


شكرا على مواضيعك

ال احب دائما ان اقرأها

فعلاً عندك حق ياأستاذه أحلام أكبر غلط بيبقى البدايه الغلط والإختيار الغير مناسب
البذره زى ما بيقولوا النواه
والبذره والنواه هنه بتمثل الإختيار الأمثل من البدايه
مين الشخص اللى فعلاً يستحق
؟!
وعند حضرتك حق وجودنا هنه مع بعض أسره واحده أكبر دليل على الحب فى الله

[MohammeD el_SadaT]

موضوع بيتكلم عن مشكلة العصر
بجد مشكلة كل الناس بتعانى منها
انا وانت وهو وهى كل الناس بتعانى من المصيبة ديه هى فعلا مصيبة
بس فعلا يامحمد من اجمل الاشياء الى بتعملها انك بتطرح مواضيع فى وقتها
مواضيع يعنى محتاج نقاش فى الوقت ده
انا بقى رأيى الصغير هو اخر جملة فى موضوعك
الا وهى

عارفين

أنا شايف السبب فى البعد عن الدين

شيل الدين من الدنيا هتتحول لغابه وأنا بجد حاسس إننا بقينا عايشين فى غابه البقاء فيها للأصلح والأصلح فى قانون الغابه الأقوى

ده رأيى المتواضع وهو ده السبب الرئيسى
شكرا يا محمد على مواضيعك الجميلة الى بجد تقدر تقول عليها مشاكل عصرية

بجد يا عز أنا مش عارف أقولك إيه على كلامك الجميل ده
وشهادتك دى بجد وسام كبير عليا ربنا ما يحرمنى من مرورك يا حبى
والحمد لله إننا طلعنا متفقين فى الرأى

[شمس بياض]

صدق بالله
انا معرفتش اقرا العنوان وافهمة الا بعد مده طوييييييييييييييييييييييله
هههههههههههه

بس انت ليه متشائم كدة

الخير فى وفى امتى ليوم الدين
وان شائء الله تتعوض ولو حد عملت له مصلحة
دايما ابتغى بيها وجه الله
مش مهم يكون صاحبك
ومعلهش حقيقى الدنيا لاهيه الناس
والتمس عذرا لهذا الشخص
جايز ظروفه كده ههههه
انا لا ادافع عن امثال هؤلاء
لكن بقول لسه فيه ناس تانيه كتير

كويسه ونحمد ربنا اننا احنا اللى بنقضى المصالح للناس

ولا نحتاج حد يقضي لنا مصالحنا

وياريت الكل يجعل دينه هو عصمته فى الحياه

ممتاز فى مواضيعك ربنا يبارك فيك وفى امثالك

[MohammeD el_SadaT]

صدق بالله
انا معرفتش اقرا العنوان وافهمة الا بعد مده طوييييييييييييييييييييييله
هههههههههههه

هههههههههههههههههه دا حتى المره دى تقريباً أوضح عنوان كتبته

بس انت ليه متشائم كدة

أعمل إيه بس من اللى بشوفه والله
وأهو الواحد بيدردش شويه عشان مينفجرش

الخير فى وفى امتى ليوم الدين
وان شائء الله تتعوض ولو حد عملت له مصلحة
دايما ابتغى بيها وجه الله
مش مهم يكون صاحبك
ومعلهش حقيقى الدنيا لاهيه الناس
والتمس عذرا لهذا الشخص
جايز ظروفه كده ههههه
انا لا ادافع عن امثال هؤلاء
لكن بقول لسه فيه ناس تانيه كتير

كويسه ونحمد ربنا اننا احنا اللى بنقضى المصالح للناس

ولا نحتاج حد يقضي لنا مصالحنا

وياريت الكل يجعل دينه هو عصمته فى الحياه

ممتاز فى مواضيعك ربنا يبارك فيك وفى امثالك

دا كلام كبير عليا والله أنا مش أده

عن حق الخير فى إمتنا الإسلاميه إلى يوم الدين
بس ممكن سؤال بسيط

هى فين الأمه الإسلاميه دلوقتى
؟!
إحنا بدأنا ننسى الدين الواحد مسلم عشان إتولد لقى نفسه كده يعرف إيه عن دينه يعرف إيه عن الإسلام
أبيض ياورد طور الله فى برسيمه

[نعمه محمود]

المصلحة .......اللي بينا مصالح ........مصالح وبس ........تقريباً هو ده اللي بقي بين الناس وبعضها
حتى بين الاصحاب القريبين جدااااا( الا من رحم ربي) بيدور كل طرف على مصلحته للأسف يامحمد النموذج ده أصبح منتشر جدا وبقي يسبب لى شخصياً أزمات نفسية حقيقية .لأن عمرى ما بنتظر مصلحة من حد والحمد لله ربنا بيقدرنى إنى أكون سبب في أمور كتيرة لآخرين . اللي بيحزنى بجد هو الجحود والنكران اللي بنقابله من أقرب أصحابنا
شكرا على موضوعك اللي قلب عليا المواجع

[MohammeD el_SadaT]

المصلحة .......اللي بينا مصالح ........مصالح وبس ........تقريباً هو ده اللي بقي بين الناس وبعضها
حتى بين الاصحاب القريبين جدااااا( الا من رحم ربي) بيدور كل طرف على مصلحته للأسف يامحمد النموذج ده أصبح منتشر جدا وبقي يسبب لى شخصياً أزمات نفسية حقيقية .لأن عمرى ما بنتظر مصلحة من حد والحمد لله ربنا بيقدرنى إنى أكون سبب في أمور كتيرة لآخرين . اللي بيحزنى بجد هو الجحود والنكران اللي بنقابله من أقرب أصحابنا
شكرا على موضوعك اللي قلب عليا المواجع

فعلاً حضرتك قولتى نقطه مهمه جداااً الجحود والنكران يااااااااااااااااه شىء فظيع
مفيش حتى أى إعتبار إتعود على إنه ياخد وميفكرش يدى ولا حتى يشكر اللى خد منه لاء دا كمان ممكن يجرحه ويهينه

ويقول

" محدش قالك حبنى "

معلش يا حبيبى إحنا فى زمن المصالح عاوزنى أشوف مصلحتى قدامى وأسبها

الدنيا فرص يا عزيزى

الفرصه بتيجى مره واحده فى العمر

أنا لو مبعتكش غير هيبيعك أبيعك أنا أولى

يعنى هى جت عليا

عشان تتنصح بع كده

[أفنان أحمد]

بارك الله فيكِ
لنكن جميعا من القلة
وإن تطع أكثر من فى الأرض يضلوك عن سبيل الله
وما أكثر الناس ولو حرصت بمؤمنين
لنجعل أعمالنا خالصة لله
اسلك طريق الله ولا يفزعك قلة السالكين
ولا تغتر بالكثرة فالكثرة دائما على الباطل
لا يغرك كثرة الهالكين
أعرف أناسا كثيرين يخدمون الناس دون سابق معرفة أو مصلحة فهنيئا لهم
وهنيئا لكل من أتى الله بقلب سليم
شكرا جزيلا على الموضوع أستاذ محمد

[شمس بياض]

بارك الله فيكِ

لنكن جميعا من القلة
وإن تطع أكثر من فى الأرض يضلوك عن سبيل الله
وما أكثر الناس ولو حرصت بمؤمنين
لنجعل أعمالنا خالصة لله
اسلك طريق الله ولا يفزعك قلة السالكين
ولا تغتر بالكثرة فالكثرة دائما على الباطل
لا يغرك كثرة الهالكين
أعرف أناسا كثيرين يخدمون الناس دون سابق معرفة أو مصلحة فهنيئا لهم
وهنيئا لكل من أتى الله بقلب سليم
شكرا جزيلا على الموضوع أستاذ محمد

يسلم لسانك وتسلمى
هو دا بالضيط مقصدى يا مبدعة

[MohammeD el_SadaT]

بارك الله فيكِ
لنكن جميعا من القلة
وإن تطع أكثر من فى الأرض يضلوك عن سبيل الله
وما أكثر الناس ولو حرصت بمؤمنين
لنجعل أعمالنا خالصة لله
اسلك طريق الله ولا يفزعك قلة السالكين
ولا تغتر بالكثرة فالكثرة دائما على الباطل
لا يغرك كثرة الهالكين
أعرف أناسا كثيرين يخدمون الناس دون سابق معرفة أو مصلحة فهنيئا لهم
وهنيئا لكل من أتى الله بقلب سليم
شكرا جزيلا على الموضوع أستاذ محمد

بجد رد حضرتك من الردود اللى بستمتع وأنا بقرأها ربنا يباركلنا فى حضرتك ويزيدك علماً
وأنا أتفق مع حضرتك فى كله كلمه قولتيها
عدا الجمله دى

ولا تغتر بالكثرة فالكثرة دائما على الباطل

بيتهيألى حضرتك خانك التعبير هنه فى كلمه دائماً لو غالباً ممكن لكن دائماً دى إستحاله
وحتى غالباً مبالغ فيها

وبجد حضرتك منوره

[دعاء شديد]

طبأ طبأنا يطبأ فى طبأ طبأكوا

يقدر طبأ طبأكوا يطبأ فى طبأ طبقأنا

زى مطبأ طبأنا ..... طبأ فى طبأ طبأكم

ايه ده يا محمد العناوين المطرقعة دى بجد

بس معبرة جدا جدا طبعا ...... ولا خلاف عليها

موضوعاتك كلها فى الصميم ....... ومن الواقع فعلا

لكن والله يا محمد فى ناس لسه بيعرفوا بعض من غير مصلحة

وده الفرق بين كيميا البشر ... وبين الحسابات الرياضية التى تخضع لها العلاقات

واهي كلها تربية .... وتعليم .... وهى الدنيا ايه غير شويه حاجات صغيرة تربينا وتعلمنا

[MohammeD el_SadaT]

طبأ طبأنا يطبأ فى طبأ طبأكوا

يقدر طبأ طبأكوا يطبأ فى طبأ طبقأنا

زى مطبأ طبأنا ..... طبأ فى طبأ طبأكم

ايه ده يا محمد العناوين المطرقعة دى بجد

بس معبرة جدا جدا طبعا ...... ولا خلاف عليها

موضوعاتك كلها فى الصميم ....... ومن الواقع فعلا

لكن والله يا محمد فى ناس لسه بيعرفوا بعض من غير مصلحة

وده الفرق بين كيميا البشر ... وبين الحسابات الرياضية التى تخضع لها العلاقات

واهي كلها تربية .... وتعليم .... وهى الدنيا ايه غير شويه حاجات صغيرة تربينا وتعلمنا

هههههههههههههههههه
يرضيكى يا أم بقه إن بقه يضرب بقه على بقه يخلى بقه يطلع دم

منوره يا ميس دعاء الموضوع بردك الجميل اللى دخلنى حصه رياضيات و كمياء فى وقت واحد
واللى بجد رد فى منتهى الجمال
وفعلاً لسه فيه خير
بس للأسف قليل

[أفنان أحمد]

بجد رد حضرتك من الردود اللى بستمتع وأنا بقرأها ربنا يباركلنا فى حضرتك ويزيدك علماً
وأنا أتفق مع حضرتك فى كله كلمه قولتيها
عدا الجمله دى

بيتهيألى حضرتك خانك التعبير هنه فى كلمه دائماً لو غالباً ممكن لكن دائماً دى إستحاله
وحتى غالباً مبالغ فيها

وبجد حضرتك منوره

أشكرك على هذه المجاملة
وبالنسبة للجملة التى ذكرتها حضرتك أنا أقصدها وأعنيها
ومؤمنة بها تماما
لأنها ليست من كلامى ولكنها من كلام الله عز وجل


إِنَّ اللّهَ لَذُو فَضْلٍ عَلَى النَّاسِ وَلَـكِنَّ أَكْثَرَ النَّاسِ لاَ يَشْكُرُونَ [البقرة : 243]


كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْراً لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ [آل عمران : 110]

قُلْ يَا أَهْلَ الْكِتَابِ هَلْ تَنقِمُونَ مِنَّا إِلاَّ أَنْ آمَنَّا بِاللّهِ وَمَا أُنزِلَ إِلَيْنَا وَمَا أُنزِلَ مِن قَبْلُ وَأَنَّ أَكْثَرَكُمْ فَاسِقُونَ [المائدة : 59]

وَلَوْ أَنَّنَا نَزَّلْنَا إِلَيْهِمُ الْمَلآئِكَةَ وَكَلَّمَهُمُ الْمَوْتَى وَحَشَرْنَا عَلَيْهِمْ كُلَّ شَيْءٍ قُبُلاً مَّا كَانُواْ لِيُؤْمِنُواْ إِلاَّ أَن يَشَاءَ اللّهُ وَلَـكِنَّ أَكْثَرَهُمْ يَجْهَلُونَ [الأنعام : 111]

وَإِن تُطِعْ أَكْثَرَ مَن فِي الأَرْضِ يُضِلُّوكَ عَن سَبِيلِ اللّهِ إِن يَتَّبِعُونَ إِلاَّ الظَّنَّ وَإِنْ هُمْ إِلاَّ يَخْرُصُونَ [الأنعام : 116]


ثُمَّ لآتِيَنَّهُم مِّن بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَن شَمَآئِلِهِمْ وَلاَ تَجِدُ أَكْثَرَهُمْ شَاكِرِينَ [الأعراف : 17]

وَمَا وَجَدْنَا لأَكْثَرِهِم مِّنْ عَهْدٍ وَإِن وَجَدْنَا أَكْثَرَهُمْ لَفَاسِقِينَ [الأعراف : 102]


وَمَا يَتَّبِعُ أَكْثَرُهُمْ إِلاَّ ظَنّاً إَنَّ الظَّنَّ لاَ يُغْنِي مِنَ الْحَقِّ شَيْئاً إِنَّ اللّهَ عَلَيمٌ بِمَا يَفْعَلُونَ [يونس : 36]

وَمَا ظَنُّ الَّذِينَ يَفْتَرُونَ عَلَى اللّهِ الْكَذِبَ يَوْمَ الْقِيَامَةِ إِنَّ اللّهَ لَذُو فَضْلٍ عَلَى النَّاسِ وَلَـكِنَّ أَكْثَرَهُمْ لاَ يَشْكُرُونَ [يونس : 60]

فَلاَ تَكُ فِي مِرْيَةٍ مِّنْهُ إِنَّهُ الْحَقُّ مِن رَّبِّكَ وَلَـكِنَّ أَكْثَرَ النَّاسِ لاَ يُؤْمِنُونَ [هود : 17]

وَاللّهُ غَالِبٌ عَلَى أَمْرِهِ وَلَـكِنَّ أَكْثَرَ النَّاسِ لاَ يَعْلَمُونَ [يوسف : 21]

وَاتَّبَعْتُ مِلَّةَ آبَآئِـي إِبْرَاهِيمَ وَإِسْحَاقَ وَيَعْقُوبَ مَا كَانَ لَنَا أَن نُّشْرِكَ بِاللّهِ مِن شَيْءٍ ذَلِكَ مِن فَضْلِ اللّهِ عَلَيْنَا وَعَلَى النَّاسِ وَلَـكِنَّ أَكْثَرَ النَّاسِ لاَ يَشْكُرُونَ [يوسف : 38]

أليس عدم الشكر وعدم العلم واتباع الظن واتباع الشيطان والهوى و....
كل ذلك من الباطل

أحترم وجهة نظرك جدا لكن كلنا يتعلم
وفوق كل ذى علم عليم
بارك الله فيك أستاذ محمد
وكنت أفكر أن أعمل موضوع عن اغترار الناس بالكثرة لأننى عندما أقول لبعض الناس أن بعض الأفعال هذه خاطئة يقولون ( يعنى كل الناس غلط و أنت صح)
هدانا الله جميعا إلى سواء السبيل

[Blanche Neige]

انت اكيد عندك حق فى كل كلمه قولتها ... وبالرغم من حدة الكلمات وقوتها الا ان كل حرف فيها
صحيح 100% فعلا الدنيا كلها بقيت ماشيه بنظام المصالح وشيلنى واشيلك واذا كان ليك عند............
حاجه قوله ياسيدى وده طبعا الا ان تنتهى المصلحه بعد كده ماحد بيعرف حد ولا حتى بيفتكره اى يجى
على باله اصلا . وده للاسف راجع لان الناس مابقاش فيهم اى خير ولا وفاء ولا فى فى قلوبهم ايمان بالله
وثقه بان كل شئ فى الدنيا دى نصيب ومقدر لكل انسان من قبل الميلاد واللى نصيبه فى حاجه بيشوفها
سواء خير او شر وبجد والله ربنا مش بيقدر اى حاجه للانسان غير ما بتكون خير ليه بس فين اللى بيؤمن بكده؟؟؟ بس من ناحيه تانيه برضه بلاش بنشوف نصف الكوب الفاضى لان برضه فى ناس جواها خير كتير
جدا وعلى فطرتها جدااااا وهما دول اللى لازم ندور عليهم ونعرفهم ونقوى علاقتنا بيهم مش عشان مصلحه
لا بس عشان تكون علاقتنا بيهم خالصه لوجه الله تعالى خصوصا الاصدقاء لازم اما نصادق نختار الصديق الصح " المرء على دين خليله فلينظر احدكم من يخالل " اكيد كمان اذا حاولنا نغير من طباع الناس اللى مش بيفكروا غير فى المصلحه وبس دا هايكون شئ كويس جدا وثواب كبير زربنا يهدى الجميع للخير .
بجد موضوع خارق للعاده زى مااتعودنا منك دايما يامحمد باحييك على الموضوع الرائع باتمنالك التوفيق.

[moaz1993]

منور يا بوحميد ( حبيب هارتي) - اوعى تفتكر ان عايز منك مصحلة -

عارف الموضوع ده فاكر ان في زيه في الفلسفة بتاع السوفطائيين عارف لما قال ان الاخلاق نسبية متغيرة والمبادئ متغيرة والبقاء للاقوى ( قالو انهم خارجين ومفسدين مش زي ما افلاطون كان حاطط في دماغه ان الدنيا زي الفل ده اخوك يا جدع بيمصلح عليك الهوى اللي بتتنفسه -الا من رحم ربي)
بس برضه الدنيا فل وفيها خير اينعم ان القلة اللي فيها الخير ( بس ده واضح لان الفساد دايما اللي بيكون ظاهر )

على ما اعتقد ده اللي انا فهمته من منهج الفلسفة ( اللي زاكرتها ليلة الامتحان بس ونقصت درجة ظلم -والله- ) اكيد بق مس رانيا توضحك الناس ديه كانت بتبص لقدام

منور يا عم محمد - اوعى تفكر عايزك في مصحلة لا سمح الله-
في رعاية الله

[نعمه محمود]

استكمالا لتنشيط الموضوعات القديمة والتى بدأها مستر شريف
وجدت هذا الموضوع لمحمد السادات واعجبنى جدا