إلى كل معلم مساعد

**نداء الجنة** · 11-05-2009, 01:14 AM

السلام عليكم ورحمة الله وبركاته
فكرت أن نتشارك هنا بالافكار والأراء
بما أننا هذا العام والعام القادم ان شاء الله
سوف يتم عقد امتحان للمعلم المساعد
نظرى يخص المادة العلمية
ارى ان يعرض كل منا ما فى جعبته من نصائح
او موضوعات او ارشادات متعلقة بهذا الاختبار
حتى تعم الفائدة على الجميع
فى انتظار مشاركاتكم
فى امان الله

**السروجي** · 12-05-2009, 06:39 PM

وما ادراكى انه سيتم عقد اخبار لنا او انا سندخل الكادر ارجو الرد

**نداء الجنة** · 12-05-2009, 06:45 PM

المشاركة الأصلية كتبت بواسطة السروجي

وما ادراكى انه سيتم عقد اخبار لنا او انا سندخل الكادر ارجو الرد

علمت من الموجه العام لمادة فقد اخبرنا بذلك

**الحارث** · 16-05-2009, 10:17 AM

ممكن اسال عن موقفي لو تعرف تفدني انا متعاقد من 2005 ومسجل لدرجة الماجستير ولم احصل علي دبلو تربوي لان مينفعش اكون مسجل في الدراسات العليا مرتين وعلشان ادخل الدبلومة لازم اترك الماجستير وده مستحيل لان قربت اخلص بس الوقت مش فيدي وحدي لان ده طبعا في يد المشرف هل انا كد ه سادخل امتحان الكادر
وشكرا

**m4u** · 06-06-2009, 01:30 AM

لسلام عليكم ورحمة الله وبركاته
انا سعيد بانضمامى معاكم بس نفسى اسال سؤال محيرنى التربوى اللى كله بيقول عليه تربوى تبع الاكاديمية ولا تربوى فى كليه التربية على حسابنا وبمناسبة المرتبات كنا بناخد فى العقد المميز 322 جنية ودلوقتى بقا 301.5 عشان القابه والاسوء من كدا ان فى كفر الشيخ ان انا جيت اعمل الكارنية لاقيت نفسى حدفع 90 جنية فى السنة او اللى فوق 25 سنة وصندوق زماله 36 جنية يعنى حدفع فى لخمس سنين 520 جنية والاسوء التربوى 1800 فى الجامعة عندنا ياريت لو حد عنده رد يقولى احنا المفروض ناخد التربوى فين وازاى وعن طريق مين ؟؟؟؟؟؟؟؟؟؟؟؟؟؟؟؟؟؟؟؟؟؟
السلام عليكم ورحمة اله وبركاتة
مقدمة لسيادتكم
م 4 يو

**اسماعيل** · 07-07-2009, 10:56 AM

يا اخواني واخواتي الاختبار ان شاء الله هيكون في شهر 9 القادم ولاكن هذا الاختبار ليس اختبار كادر انما اختبار للحصول علي شهادة الصلاحية (ترخيص مزاولة مهنة)الي هيتم ان شاء الله تثبيتنا بها علي وظيفة معلم وعلشان ندخل اختبار الكادر لازم يمر علي عملنا في مجال التعلم عامين ودي تعليمات الاكاديمية المهنية للمعلمين يعني ان شاء الله اختبار اغسطس القادم للتثبيت فقط
وبالمناسبة احنا في اسيوط ارسلت المديرية خطابات للمدارس لاستكمال بيانات المعلمين المساعدين ومن ضمن هذه البيانات الرقم القومي لتسجيلهم وعمل رقم سري وكود
وشكرا

**فنكوش** · 07-07-2009, 05:57 PM

والازهر ايه حاله احب استفسر

**نداء الجنة** · 07-07-2009, 06:30 PM

لم يعلن عنه بعد

**محمود الاسيوطى** · 09-07-2009, 03:57 AM

اختى نداء الجنة فى اخبار عن التثبيت زى مالوزير صرح ولا لأا

**هبةصابر** · 08-08-2009, 07:52 PM

السلام عليكم ورحمه الله وبركاتوا عندى سوال لية موقفين مرتب شهر 7

**هبةصابر** · 16-08-2009, 08:19 AM

:bosyht9:السلام عليكم ورحمة الله وبركاتوا انا اخصائية اجتماعية هل لية انى اعمل سنة تربوى لوسمحتى ياختى نداء الجنة لو عندك رد قولهولى لانى محتارة جدا ومع العلم ايضا طلبوا منى فى المدرسة بنأن على طلب الادارة فيش وتشبية تعرفى لية ارجوا الافادة شكرا جدا:bosyht9:

**ياسر الدقاق** · 10-08-2009, 04:09 PM

فيه ناس تقول اختبار صلاحية واخرون يقولون اختبار كادر ... والوزير يقول ان هناك تثبيت وناس تقول للتربويين ..,,و............... والله يكون في عون المتعقدين ... اقصد المتعاقدين !!!!!!!!!!

**ابو رضوي** · 11-08-2009, 01:27 AM

و الله انا نفسي حد يفهمني انا اداب موقفي ايه من القصة دي لوخ

دت دبلومة تربوي في سنتين هندخل الامتحان اللي بيقولو عليه دلوقتي ولا ايه

**نداء الجنة** · 13-08-2009, 03:49 PM

المشاركة الأصلية كتبت بواسطة ابو رضوي

و الله انا نفسي حد يفهمني انا اداب موقفي ايه من القصة دي لوخ

دت دبلومة تربوي في سنتين هندخل الامتحان اللي بيقولو عليه دلوقتي ولا ايه

حضرتك أولا تخصصك ايه؟
لأن لو حضرتك بتدرس فلازم تدرس التربوى
بالنسبة للدبلومه العامة ( التفرغ) مدتها سنه واحده
بنظام الترم
بالنسبة للامتحان اللى حضرتك تقصده
ارجو التوضيح ؟
بالتوفيق لحضرتك

**ابو رضوي** · 11-08-2009, 01:29 AM

لو سمحتي اخت نداء الجنة ردي علي سؤالي

**نداء الجنة** · 11-08-2009, 01:46 AM

السلام عليكم ورحمة الله وبركاته
حضرتك خريجى أداب
عليهم الالتحاق باحدى كليات التربية للحصول على الدبلومه العامة فى التربية ( دبلوم تفرغ )
وهى لمدة عام واحد فقط بنظام ترمين

و حاليا فيه تقديم للدبلومه ولها مواعيد محددة
أتمنى لحضرتكم وللجميع التوفيق إن شاء الله
وكل عام والجميع بخير
ورمضان كريم

**ابو رضوي** · 13-08-2009, 03:33 PM

أخت نداء انا سمعت عن الدبلومة عن بعد وقرات عنها مارايك في انتظار الدبلومة اللي الوزير أعلن عنها لانها تتيح التدريس والاستمرار في العمل ارجو الرد وارجو المشورة

**نداء الجنة** · 13-08-2009, 03:42 PM

المشاركة الأصلية كتبت بواسطة ابو رضوي

أخت نداء انا سمعت عن الدبلومة عن بعد وقرات عنها مارايك في انتظار الدبلومة اللي الوزير أعلن عنها لانها تتيح التدريس والاستمرار في العمل ارجو الرد وارجو المشورة

أخى الفاضل
انا الحمد لله حصلت على الدبلومة العامة فى التربية
وأيضا الدبلومة المهنية شعبة التربية الخاصه
بتقدير جيد جدا بفضل الله
ولكن أود معلومات عن تلك الدبلومة (التعلم عن بعد) من حضرتك
لانى ان شاء الله ارغب فى الحصول على الدبلومة الخاصه حتى يتيسر لى الدراسه والعمل
بالنسبة لان حضرتك تنتظر الوزير
فهذا غير مضمون
لسبب أن العقد يعطيك مدة أقصاها 3 سنوات فهذا يتوقف على تاريخ تعيين حضرتك
لو حضرتك متعين
هذا العام لابأس انك تنتظر للعام القادم قد تكون متاحة ان شاء الله
اتمنى لحضرتك التوفيق
وارجو كتابة تفاصيل عن الدبلومة
بنظام التعلم عن بعد
وجزاكم الله كل خير

**ابو رضوي** · 13-08-2009, 03:34 PM

كل عام وانتم بخير

**ابو رضوي** · 13-08-2009, 04:04 PM

الدبلومة دي في جامعة القاهرة في معهد الدراسات التربوية ومدتها سنةIES Learning ودي بتستخدم عدة طرق في التعلم عن ومنها الCD الي جانب نسبة حضور في التربية العملي
انا مدرس لغة انجليزية 2008