مندي دجاج عمل إيديا ( بالصور

[فتوكه مشاكسه]

اهلا حبيباتى الحلوين اللى دايما منورين المنتدى انا النهارده جبتلكو وصفه دجاج المندى بس اتمنى تعجبكوا

ودلوقتى مع المقادير مع الطريقه
أول حاجه كوبين أرز غسلتهم ونقعتهم مدة ربع ساعه بشويه ميه دافيه وبعدين صفيتهم من الميه ..
جهزت تبيلة الدجاج ( نص دجاجه )
والتتبيله هي :
ملح , بهارات دجاج, فلفل أسود ، كمون ، كاري ، فلفل أحمر حار,
شوية حبهان مطحون, شوية قرفه مطحونه تقريبا نصف ملعقه صغيره, كركم, شويه ليمون اسود مطحون, ثلاث ليموانات معصوره, ملعقتين زيت
وخليتهم على جنب وهى دى صوره للدجاج وهو متبل

بعد كده سخنت زيت وحمرت فيه بصلتين مقطعتين صغير وخليتهم لحد ما بقى لونهم كده زى ماهو فى الصورة

وبعدت البصل من على النار وأضفت عود قرفه خشب,6 فصوص حبهان , وملح وطماطيتن مقطعين مربعات صغيره خلطتهم مع بعض وبعدين أضفت الرز اللي صفيته من الميه ..
وهنا الصوره تمثل المقادير مخلوطه مع بعضها داخل الصينيه وأضيف فلفله حارة واحد مفتوحه ومنزوع منها البذور

بعد كده أضفت شوربه دجاج تقريبا ثلاثا كواب (لو ماكنش عندي شوربه دجاج ) ممكن أغلي 3 كوب ماء وأضيف لهم مكعب ماجي وشوية زيت وبهارات صحيحه( ليمون اسود _ حبهان _ فلفل أسود _ ورق لورا ....ألخ ) تركتهم شويه ع النار بعدين حطيتهم ع الارز وملحت الارز وده بيكون شكلها ..

بعدين غطيت الصنينه بورق الفويل وعملت ثقوب بالسكين وبعد ماانتهيت حطيت الدجاج فوق ورق الالومنيوم وكبيت التتبيله ع الدجاج وغطيتها بورق الفويل..
دخلتهم الفرن تقريبا ساعه لحد ماينضج الدجاج وهى دى صوره للدجاج بعد مانضج ..

وبعدين أخذت الدجاج ونثرت فوقه فلفل أحمر وشوية زيت زيتون وحمرته وهي دي الصوره قبل التحمير

وطبعا لاننسى الفحمه بداخل بصله ونكب عليها شوية زيت وننغطي الصينينه من ثاني عشان ريحة الارز تطلع حلوة اوى

وهو ده الارز لما استوى

وده بقى شكله النهائي ..

بتمنى يعجبكم وتجربوه ..