انت الي هتغنى يا منعم

[دعاء شديد]

منعم كان خايف جدا اول مره هيواجه الجامهور
وكمان ايه الي زودها ... المايسترو عزيز مجاش
قام البطل المتقوقع قاله ايه ... "انت الي هتغنى يا منعم"
وغنى منعم وعجب الناس واشتهر

ايه الموضوع بقى
كتابه اول موضوع ليك فى المنتدى بالظيط زى مواجهة منعم للجمهور اول مره

يعنى ايه
فى احساس داخلى ينتاب الاعضاء الجدد
او حديثى الاشتراك بالمنتدى
ان اذا كتب موضوع فى العام ((( هيفشل )))
طيب منين جه الاحساس ده ؟؟؟؟ هو كده
يا عم او يا اخت اكتبى ولا يهمك
لااااااااااا وانا هقدر اكتب زى الناس الي بتكتب

ااااااااه تقدر ونص وتلات تربع كمان
وهتكتب احسن

طيب واذا كتبت موضوع ... ومحدش رد
عاااااااادى
احساسك بالفشل هيجى لو كنت بتكتب الموضوع للناس
انما
لو ركزت وصممت وعزمت ونفذت
انك هتكتب لنفسك
كانك بتتكلم بس بصوت عالى
ممكن حد يسمعك وميردش عليك ... وايه يعنى

انما لازم تكتب وتعبر عن فكرك باسلوبك

والمشكله التانيه بقى
الاحجام عن الرد فى موضوعات
بحجه غريبه جدا ... ايه هى بقى
وهو انا ردى هيبقى بنفس مستوى الناس الي بترد

سبحان الله
دى اراء وكل واحد رأيه غير التانى
وبيحكم الاراء حاجاااااااااااات كتير جدا
وحتى لو اختلفت الاراء ... لا يعنى ان رأي اقل من رأى
هو بس مختلف عنه

يبقى الحل ايه
انك تكتب موضوع يعبر عنك ولنفسك اولا
والعضو الجديد انهارده ... بكره هيبقى واحد من اسره المنتدى
الي نستنى موضوعاته

والي بيكتب رد على استحياء
جمد قلبك وقول رأيك مهما كان
واذا اختلف معاك حد ... اكيد اكيد هيتفق معاك حد

فى انتظار ابداعات الاعضاء المترددين فى عمل موضوعات
فى انتظار حوارات مع من يحرمنا من رأيه لنستفيد ونفيد الغير

موضوعى مستوحى من حوار مع احدى المترددات
فى كتابه الموضوعات
وقلتلها انى هعمل الموضوع ده
هههههههههههههههههههههههه

((( معلش محبتش ازعل اى لون منى )))

[فتوكه مشاكسه]

اقتباس المشاركة الأصلية كتبت بواسطة دعاء شديد

فى احساس داخلى ينتاب الاعضاء الجدد
او حديثى الاشتراك بالمنتدى
ان اذا كتب موضوع فى العام ((( هيفشل )))
طيب منين جه الاحساس ده ؟؟؟؟ هو كده
يا عم او يا اخت اكتبى ولا يهمك
لااااااااااا وانا هقدر اكتب زى الناس الي بتكتب


((( معلش محبتش ازعل اى لون منى )))

ههههههههههههههههه وزالله انتى عسل يا دودو.
بس والله للأسف ان التفكير كان بيواجهنى كتير اول ما اشتركت بالمنتدى وبخاف ان موضوع ليه ممكن مينولش اعجاب حد او ميعيرلوش اى اهتمام او انى اشارك برد على موضوع ويكون الرد ده مش فى نفس مستوى الردود التانيه اللى على نفس الموضوع.
انا عارفه ان ده عيب كبير وبعتبره قله ثقه بالنفس بس الواحد المفروض ميستسلمش للفكر ده ويحاول بقدر الامكان يعبر عن رأيه الشخصى حتى لو مش هيعجب بعض الناس لآن كلها فى الاول او الاخر وجهات نظر ولابد من طرحها.
وبعدين بالعكس بقى انا كنت كده فعلا اول ما اشتركت فى المنتدى بس مع الوقت فعلا اتغير فيه حاجات كتير وكمان زادت ثقتى بنفسى لدرجه بالنسبه لى بعتبرها معقوله ده غير الاعضاء الاكثر من رائعين اللى اتشرفت بمعرفتهم فى المنتدى يعنى من الاخر انا بشكر المنتدى والاخوه الاعضاء الموجودين بيه.وربنا يوفق الجميع.

[شريف]

هههههههههههه

جمد قلبك يا منعم

برافو عليكي يا دعاء ... كنت عايز اعمل موضوع شبيه بده
عايز اقول
ان كلمات كل واحد فينا البسيطة دي
هيا رأيه و شخصيته و دماغه و تفكيره و اسلوبه و طريقته فى الحياة
يعني الطبيعي ... اننا نكون مختلفين فى اسلوبنا و في ردودنا و موضوعاتنا
لان كل واحد فينا له تجاربه و انطباعاته و أفكاره و تربيته و ثقافته المختلفة
و طبيعي برضه ان رد كل واحد فينا و موضوعاته يبقا لها طابع خاص و طعم مختلف
عن الباقيين ... احنا هنا مش مطلوب مننا نقلد بعض ....... أبدا
بالعكس احنا بننادى ان كل واحد يكتب باسلوبه و بطريقته الشخصية
و بعدين الكلام اللى بنقوله هنا هو الكلام اللي بنقوله في حياتنا العادية اليومية
و حوراتنا مع الناس اللي حوالينا بلغتنا الدارجة كل يوم
يعني مافيش حاجة غريبة هنعملها في المنتدي هنا مكوناش بنعملها بره المنتدي
و ماعتقدش ان في حد فينا ما بيعرفش يتكلم بره او يعبر عن نفسه او يتواصل مع الناس
و احنا هنا بنتمني نشوف موضوعات كتيرة لاعضاء جدد و نتعرف علي ناس كتيرة
و افكار كتيرة جديدة وده يثرى اي منتدي

غنى يا منعم ماتقلقش
في يوم م الايام هتبقا انت المايستروووووو

[جمال سراج]

أكيد عندنا ناس كتير ميقلوش عن منعم
ويقدروا يمتعوا ويطربوا على طريق الثقافة والمعرفة
فعلا لازم نحاول .. نثابر .. نتعلم .. نتطور ..
شكرا د/ دعاء دعوتك الجميلة
خالص الود

[موناليزا]

توكل علي الله يا استاذ منعم واسمع كلام
دكتوره دعاء
وان شاءالله يكون عندك موضوعات جميله
وهتلاقي تجاوب ان شاء الله

[صفيه سعداوى]

على فكرة يا دعاء
الاستاذ منعم فى البداية بس بيبقى خايف ومرعوب
لانه ده احساس طبيعى
لكن الثقة بالنفس سوف تأتى تباعا من رؤية نجاح اول عمل له
واحساسه بأنه عبر عن نفسة وقد يوصل وجه نظرة للناس
بغض النظر ان كان الناس دول يساوى 1 او يساوى 100
فأول الغيث يبدأ بقطرة
شكرا يادعاء موضوع هادف ومفيد

[دعاء شديد]

اقتباس المشاركة الأصلية كتبت بواسطة فتوكه مشاكسه

ههههههههههههههههه وزالله انتى عسل يا دودو.
بس والله للأسف ان التفكير كان بيواجهنى كتير اول ما اشتركت بالمنتدى وبخاف ان موضوع ليه ممكن مينولش اعجاب حد او ميعيرلوش اى اهتمام او انى اشارك برد على موضوع ويكون الرد ده مش فى نفس مستوى الردود التانيه اللى على نفس الموضوع.
انا عارفه ان ده عيب كبير وبعتبره قله ثقه بالنفس بس الواحد المفروض ميستسلمش للفكر ده ويحاول بقدر الامكان يعبر عن رأيه الشخصى حتى لو مش هيعجب بعض الناس لآن كلها فى الاول او الاخر وجهات نظر ولابد من طرحها.
وبعدين بالعكس بقى انا كنت كده فعلا اول ما اشتركت فى المنتدى بس مع الوقت فعلا اتغير فيه حاجات كتير وكمان زادت ثقتى بنفسى لدرجه بالنسبه لى بعتبرها معقوله ده غير الاعضاء الاكثر من رائعين اللى اتشرفت بمعرفتهم فى المنتدى يعنى من الاخر انا بشكر المنتدى والاخوه الاعضاء الموجودين بيه.وربنا يوفق الجميع.

اكتر حاجة بتفرحنى لما الاقى ضحكة فى اول الموضوع
بحس انى فرحت حد
ندخل بقى فى الموضوع
بصى دى مش قله ثقه فى النفس ولا حاجه
بس طبيعى لما تتواجدى فى مكان جديد لسه بتتعرفى على الناس فيه
لازم يبقى فى هيبه ... ده طبيعى جدا
الي موش طبيعى انى استسلم للاحساس ده واكمل كده
:friendsxs3:
واحنا بنشكرك والله وبنقولك
تحبى تسمعى ايه من "منعم"
ههههههههههههههههههههه

نورتى يا جميله
وفى انتظار موضوعااااااااتك

[دعاء شديد]

اقتباس المشاركة الأصلية كتبت بواسطة شريف

هههههههههههه

جمد قلبك يا منعم

غنى يا منعم ماتقلقش
في يوم م الايام هتبقا انت المايستروووووو

اقولكوا بقى سر
انا كنت فى بدايات المنتدى "منعم"
هههههههههههههههههههه
لحد ما شريف صدمنى ... وقالى
انتى بتخافى تكتبى فى القسم العام
علما بانى كنت بكتب بس فى الاقسام الاخرى
بس عنها وقبلت التحدى
واقتحمت القسم العام فى يوم بالتوك توك الشهير بتاعى
ومن يومها محدش عارف يخرجنى من القسم العام
المهم
اؤيدك فعلا ان منعم ميقلقش
نورت يا مايسترو

[دعاء شديد]

اقتباس المشاركة الأصلية كتبت بواسطة جمال سراجأكيد عندنا ناس كتير ميقلوش عن منعم
ويقدروا يمتعوا ويطربوا على طريق الثقافة والمعرفة
فعلا لازم نحاول .. نثابر .. نتعلم .. نتطور ..
شكرا د/ دعاء دعوتك الجميلة
خالص الود



[glow1=#f7ff00]
الشكر لحضرتك والله
انك ضميت صوتك لينا واحنا بننده على منعم
والله انا بعتبر كل قسم زى "اللحن الجميل"
وكل قلم بيكتب موضوع كانه بيعزف نغمه من اللحن ده

ميرسى جدا مستر جمال انك عديت ع الموضوع
[/glow1]

[دعاء شديد]

اقتباس المشاركة الأصلية كتبت بواسطة موناليزاتوكل علي الله يا استاذ منعم واسمع كلام
دكتوره دعاء
وان شاءالله يكون عندك موضوعات جميله
وهتلاقي تجاوب ان شاء الله

يا ريت الاخ منعم يسمع كلام موناليزا
ويكتب موضوعات
والا هضطر اعلن اسمه للجميع
وبدل منقوله يا منعم خننده على " .............. "
هستنى لما اشوف هيسمع كلامك ولا لأ
هههههههههههههه
نورتى يا جميله وميرسى للمسانده

[دعاء شديد]

اقتباس المشاركة الأصلية كتبت بواسطة صفيه سعداوىعلى فكرة يا دعاء
الاستاذ منعم فى البداية بس بيبقى خايف ومرعوب
لانه ده احساس طبيعى
لكن الثقة بالنفس سوف تأتى تباعا من رؤية نجاح اول عمل له
واحساسه بأنه عبر عن نفسة وقد يوصل وجه نظرة للناس
بغض النظر ان كان الناس دول يساوى 1 او يساوى 100
فأول الغيث يبدأ بقطرة
شكرا يادعاء موضوع هادف ومفيد

[gdwl]
الله ينور عليكى
وده قصدى ان لو واحد بس رد وكان رده موضوعى
افضل من 100 رد مجرد كلام مجامله
وطريق الالف موضوع بيبدأ بموضوع

شكرا ليكى يا صفية القلب مرورك وكلامك الموضوعى

[/gdwl]

[نعمه محمود]

كلنا مر علينا وقت كنا فيه منعم وأكيد أول موضوع لكل شخص فينا كان تجربة ومغامرة بس الانسان كل يوم بيتعلم واكيد اللى يحاول هيوصل وطبعا دور الاعضاء مهم في التشجيع لانه بلاشك محبط ان الردود تكون صفر حتى لو الكاتب بيكتب لنفسه لانه في النهاية بيتشارك فكره على منتدى
موضوع مهم ونتمنى بعده نشوف اقلام جديدة

[نهاد فؤاد]

يا عينى عليك يا منعم

دايما كدة يا مظلوم يا ضحية

(هههههههههههههههههههه)


منعم يا جماعة مكنش خايف

اه صدقونى

هوة كان بيذاكر عشان اصلا يغنى صح

وبعدين اتفاجئ ان الناس بتنده علية


وبعدين دا هوا ابن كار ياجماعة


بس بردوا هو اكيد محظوظ عشان عرف الناس الجميلة اوى دى
اللى اديتة فرصة عمره.

[دعاء شديد]

اقتباس المشاركة الأصلية كتبت بواسطة نعمه محمودكلنا مر علينا وقت كنا فيه منعم وأكيد أول موضوع لكل شخص فينا كان تجربة ومغامرة بس الانسان كل يوم بيتعلم واكيد اللى يحاول هيوصل وطبعا دور الاعضاء مهم في التشجيع لانه بلاشك محبط ان الردود تكون صفر حتى لو الكاتب بيكتب لنفسه لانه في النهاية بيتشارك فكره على منتدى
موضوع مهم ونتمنى بعده نشوف اقلام جديدة

انا متفائله ان فى منعم'ز هيظهروا كتير
وفعلا اول موضوع مغامره
بس تشجيعنا كلنا لبعضينا هيخليها مغامره ... حلوه جدا
ميرسى يا جميله نورتينى

[دعاء شديد]

اقتباس المشاركة الأصلية كتبت بواسطة نهاد فؤاد

يا عينى عليك يا منعم
دايما كدة يا مظلوم يا ضحية

(هههههههههههههههههههه)


منعم يا جماعة مكنش خايف

اه صدقونى

هوة كان بيذاكر عشان اصلا يغنى صح

وبعدين اتفاجئ ان الناس بتنده علية


وبعدين دا هوا ابن كار ياجماعة


بس بردوا هو اكيد محظوظ عشان عرف الناس الجميلة اوى دى
اللى اديتة فرصة عمره.

ماشى اهو منعم خلص مذاكره نوعا ما
لما نشوف بقى عم منعم هيعمل ايه
احسن عم جاديليو هيزعل منه اوى
هههههههههههههههههههههههه
ردك زى العسل
ومنتظرين موضوعات عسل برده
نورتى يا قمر

[عزة المصرى78]

كل صوت وله معجبينه وإن كان هناك أصوات تطرب لها جميع الأذن ولا يختلف عليها اثنين ولكن هذا لا يمنع من ظهور أصوات جديدة فلقد استطاع منعم أن يشق طريقه وسط من يفوقه وأصبح له شهرة وجمهور ومكانة فلابد من المحاولة و عدم المقارنة بل الايمان بدوره وأن هذا الدور سوف يكبر ويصعد سلالم المجد ويصل لذروته إذا آمن بنفسه وبما يغنيه والجمهور سوف يتقبلك إذا استطعت أن تخاطب عقله وقلبه وتوصل له أفكارك
وبالتوفيق للجميع ولك يا منعم ويكفيك أن معك المايسترو دعاء وفريق كبير من المبدعين والمتميزين والمتألقين يساندك ويشد من أذرك بارك الله فيهم وأدامهم جميعا

[دعاء شديد]

اقتباس المشاركة الأصلية كتبت بواسطة عزة المصرى78كل صوت وله معجبينه وإن كان هناك أصوات تطرب لها جميع الأذن ولا يختلف عليها اثنين ولكن هذا لا يمنع من ظهور أصوات جديدة فلقد استطاع منعم أن يشق طريقه وسط من يفوقه وأصبح له شهرة وجمهور ومكانة فلابد من المحاولة و عدم المقارنة بل الايمان بدوره وأن هذا الدور سوف يكبر ويصعد سلالم المجد ويصل لذروته إذا آمن بنفسه وبما يغنيه والجمهور سوف يتقبلك إذا استطعت أن تخاطب عقله وقلبه وتوصل له أفكارك
وبالتوفيق للجميع ولك يا منعم ويكفيك أن معك المايسترو دعاء وفريق كبير من المبدعين والمتميزين والمتألقين يساندك ويشد من أذرك بارك الله فيهم وأدامهم جميعا

الله ينور عليكى يا عزه
ده الي انا بقوله لمنعم يكش تسمع بس
واسمع صوتها مجلجل فى القسم العام يا رب

ربنا يخليك مايسترو ايه بس
دنا يا دوبك كمنجاتى على ادى فى فرقه المنتدى

نورتينى يا جميله