تثبيت المتعاقدين

[اسماعيل]

في وزارة التربية والتعليم صرح سيادة الوزير يسري الجمل في شهر 11/2008 انة سوف يتم تطبيق الطريقة الالكترونية في اختبار الكادرعلي 155 الف معلم من المعلمين الذين تم التعاقد معهم وذالك اعتبارا من العام القادم ثم تطبق هذه الطريقة علي طلاب الثانوية العامة وقد صرح رئيس الوزراء احمد نظيف ان عام 2009 سوف يحمل اخبار سارة للطلاب والمعلمين علي انة سوف يتم تثبيت 80 الف من المعلمين المتعاقدين والي الان لم نسمع او نرى اي شيء او تحديد اي موعد للاختبارات الخاصة بالمتعاقدين مع انهم تم البدء في تنفيذ الاختبارات الالكترونية علي الثانوية العامة وذالك بتوزيع الارقام السرية علي الطلاب وتم تحديد من سيدخل الاختبارات اللي في شهر ابريل واغسطس ولم يذكر اي شيء عن المتعاقدين

والي ال لم نرى او نسمع اي شيء

وهذا تصريح اخر
اعلن ان عام 2009 سوف يكون عامل الأمل والتفاؤل والاستقرار في العملية التعليمية مشيرا إلي أنه سيشهد مع بدايته تعيين 80 ألف مدرس طبقا لقانون الكادر الخاص واكاديمية المعلمين لأول مرة وجميعهم من المتعاقدين للعمل بالوزارة منذ يناير الماضي.
. فلدينا 155 ألف معلم مساعد حتي الآن منهم 80 ألف تم التعاقد معهم في يناير الماضي وهؤلاء سيبدأون التقدم للحصول علي ترخيص مزاولة المهنة كمعلم اعتباراً من أول يناير ..2009 أي سيتم تعيينهم لأول مرة طبقاً لقانون الكادر بعد استيفاء التأهيل التربوي
عن جريدة الجمهورية
ومش عارف المسئولين لية اليومين دول سكتو ومش راضين يصرحو باي تصريح من التصاريح الي مبتتنفذش
وللاسف انا تحولت من (معلم مساعد)الي( معلم محبط) ()

وحسبنا الله وكفا

[السروجي]

لنا الله فوق كل شئ وعلى كل ظالم هو قدير وهو المعين لنا الله
ولا حول ولا قوة الا بالله العلى العظيم

[اسماعيل]

آخر الاخبار

قرر الدكتور يسرى الجمل وزير التربية والتعليم، شهر أغسطس المقبل موعداً لعقد اختبار الكادر لـ 4 فئات من المعلمين تشمل 73 ألف معلم تخلفوا عن التسجيل فى اختبارات الكادر 29 مايو المقبل، والمعلمين الراسبين فى اختبار الكادر المقبل، والراسبين من اختبار الدور الثانى من الكادر الذى عقد فى الأسبوع الأخير من أبريل الماضى ومعلمى التعليم الخاص.

يعني معنى ذلك ان المتعاقدين خارج اختبارات اغسطس القادم مع العلم بأن السيد الوزير صرح بأنة سوف يتم التعاقد مع 81 الف معلم جديد في اول يوليو القادم لينضمو الي رابطة المعلمين المتعقدين معلهش اقصد المتعاقدين وفي كل عام يأتي شهر يوليو ونقول لكم كل عام وانتم متعاقدين ولا اية رأيكم نسميها رابطة المعلمين الغير مستقرين

ولنا الله يا سيادة الوزير

[السروجي]

د. يسري الجمل في الغربية:
تعيين 81 ألف معلم جديد في يوليو وتسكين جميع التخصصات
نبحث تلبية مطالب الإداريين ومراعاة التوازن بينهم وبين العاملين بالدولة

الغربية- علي أبودشيش:

أعلن د. يسري الجمل عن التعاقد مع 81 ألف معلم مع بداية شهر يوليو بتمويل 322 مليون جنيه زيادة في موازنة التربية والتعليم.
قال د. الجمل: ان التعاقد سيشمل جميع التخصصات مع تسكين جميع التخصصات أيضا وأكد في تصريحات خاصة لـ"المساء" انه تم تشكيل لجنة من أمانة مجلس الوزراء والتربية والتعليم ووزارة القوي العاملة ونقابة العاملين بالدولة ونقابة البحث العلمي لاصدار قرار يلبي مطالب الاداريين بالوزارة علي ان يراعي هذا القرار التوازن بين الإداريين وبين العاملين بالدولة. ( بتاريخ اليوم)

[محمود الساخر]

إنها حقا وزارة محترمة جدا !!!!!!!!!!!!!!!!
وفية بعهودها جدا !!!!!!!!!!
تحترم أبنائها جدا !!!!!!!
رسالة من
معلم مساعد !!!!!
وضعه مش مساعد !!!!!
ونفسه مسئول يساعد !!!!!!
إلي من يهمه الأمر !!!!!
شكر خاص لمنتداكم الكريم الذي أتاح لي البوح عن مكنونات قلبي

[سعد يوسف]

ربنا مع الجميع

[rana@rowan2000]

حد بقى يفكر شوية فى المعلم المساعد اللى عايز يساعد على نسيان انه لسه هيتساعد ارحمونا بقى كده كفاية حرام عليكم مدرسين الاول بالحصة لمدة عشرة سنين ثم مدرسين بالعقد لمدة سنتين ويا عالم بعد كده فين حلال ده ولاحرام ياريت حد يقرأ الرسالة ويحس بينا شوية

[esraa_m]

مش هقول عليهم غير ( ربنــــــــــا يهديهــــــــم ) اللهم امين
اللي يغيظ انهم كل شوية برأي
الاول لأ خليكم عقود مكافأة شاملة وهنعينكم خلال سنتين = متقلقوش يا جماعة
وبعد ما تيجي تخلص المده اللي قالوا عليها
لا لا لا خليكم عقد لمدة سنة ويتجدد كده احسنلكم وعدوا سنين من الاول ( واللي راح يا جماعة؟!! )
طـــــظ
ماااااااااشي
بعد كده فين يا جماعة التعيين؟
لا لا لا لا
النظام اللي كنتوا عليه ده نظام فااشل
احنا نعملكم عقد مميز برررررضو لمدة سنتين وده يا جماعة التعيين فيه مضمون مية فالمية بس انتوا خدوا الكادر
طب والسنين اللي فاتت؟!!!!!
طـــــــــظ
تيجي يا سيدي الفاضل عشان تمتحن الكادر يقولك لأ
قبل سنتين من العقد مش من حقك تدخل الكادر ( إذا كان العقد اساسااااااا سنتين يا بشر)
وعشان نتلهي عملولنا ملف الانجاز زينا زي الطلبة
اللي انا مش فاهمة فيه اي حاجة وازاي بيتعمل واللذيذ فالموضوع ان محدش عندي فاهم فيه حاجة
حتي اللي اتدربوا ( ههههههههههاااااااااي )
عــــــــــــــــادي
ولا هنتجنن
ولا هنعيـــط
ولاااااااااااااا أي أي حاااااااااااااجة

المهم
سوري جداااااااا علي الرغي ( بس حبيت افضفض حبة )

ملحوظة


محدش يقدر يساعدني فموضوع ملف الانجاز بتاع المعلم المساعد ده؟؟
وليه جزيل الشكر

[فداء]

يجماعة ان شاء الله خير متقلقوش
واعلمو انه مكان ليصيبنا مكان ليخطأنا وما كان ليخطأنا ماكان ليصيبنا
وحسبنا الله ونعم الوكيل

[salama201043]

مشكوررررررررررررررررررررررر

[ahmad_moner2008]

إحساسى أنه بتداول الأيام يسوء حال المتعاقدين من سىء لأسوأ. والسؤال ليه ما نتثبتش ونخترع مليون شماعة للتسويف.ما يحدث من الحكومة سياسة غريبة لاطمأنينة للمتعاقدين ولا سايبينهم يتسكعوا فى أى أعمال أخرى .بل مابين هذا وذاك .اللهم تول أمرنا يا أرحم الراحمين.......احمد منير .ملوى . المنيا

[ahmad_moner2008]

إحساسى أنه بتداول الأيام يسوء حال المتعاقدين من سىء لأسوأ. والسؤال ليه ما نتثبتش ونخترع مليون شماعة للتسويف.ما يحدث من الحكومة سياسة غريبة لاطمأنينة للمتعاقدين ولا سايبينهم يتسكعوا فى أى أعمال أخرى .بل مابين هذا وذاك .اللهم تول أمرنا يا أرحم الراحمين......

[هبةمنصور]

مساء الخير عليكم ياريت نعرف هل المدرسين المتعاقدين ليهم امل فى التثبيت ولا لا ولا دة كلام علشان نصبر ونعملش اعتصام ومظاهرات فى البلد

[هبةمنصور]

طيب مين فيكم ياخوانى مدرس متعاقد يشارك معاى الراى

[ايهاب توفيق]

هقول ايه لنا الله وحسبى الله ونعمة الوكيل

[ايهاب توفيق]

على فكرة انا قراءت فى موقع الوزارة فى بنود القوانين بند 17 انه بعد اجتياز الأكاديمية المهنية للمعلمين انه سوف يتم التعيين من المحافظ فلا اعلم مصداقية هذا الكلام
عموما احنا كنا بالأجر بعد كده تعاقد بعد كده تعيين ان شاء الله

[س ا يوسف]

فيه واحد عاقل يسمع كلام السيد ويمشى وراره
القانون واضح
المعلم المساعد يتحول الي معلم بعد سنتين على الاقل وبعد اجتياز الاكاديمية وبشروط الوظيفة
هو دا الكلام واي شئ تاني يبقى انت اللي بتريح نفسك

[السيد سليم]

اشكرك علي طرحك موضوعك القيم

[جيتنج ستار]

انا كنت ف مدرسه خاصه لغات وسبتها عشان العقد المميز وبصراحه احسن بكتير بلا قرف الخاص وتحكمات اولياء الامور

[تيتو82]

انا عايز اثبت علشان اتجوز