خلاص كبرت على المريلة

**أشرف السيد** · 04-05-2009, 12:45 AM

السلام عليكم

اهلا بكم

واول موضوع لي في قسم

مقالات واعمدة

وساكتب مقالة بعنوان ( كبرت ع المريلة )

انا البنوتة العسل دمي خفيف وعسل اصحي الصبح افرح بشكل المريلة والبسها وارص كتبي في الشنطة واجري على المدرسة

احضر حصتي وانظم جدولي ومن حضانة لابتدائي وبحب المريلة

ودخلت البنوتة العسل اعدادي وكبرت بس لبست البلوزة والجيبة وشكلها بقي بنت عسل

وكمان كبرت ودخلت ثانوية اه مش بروح المدرسة كثير ومش بهتم بالجدول ولا بشيل الشنطة

بس لسا بلبس المريلة اه هي في ثانوية بلوزة وجيبة رمادي في ابيض وشكلها شيك وجميل

وبحس فيها بالبراءة والهدوء والجمال

وخلاص كبرت البنوتة وخلصت ثانوية

والنهاردة اول يوم في الجامعة وخلاصت كبرت على المريلة

ونسيت الجيبة الرمادي والبلوزة البيضا

وبدأت البس بقي لبس يمشي مع الشباب

اصلي كنت من شهر بنت في المدرسة

والنهاردة بنت في الجامعة

خلاص مش هشيل الشنطة

وخلاص مش هلبس المريلة

هلبس الوتنيك وهلبس الصك والافازية

هلبس البنطلون والشالستون

هلبس الاستريش

وخلاص مش هلبس المريلة

هلبس الباضي وعليه بلوزة قصيرة

خلاص هلبس التي شيرت والكات عليه

خلاص مش هلبس المريلة

مش هربط الطرحة وعادي لو شعرتين بانو ولا حتى نصه ظهر

ده انا كبرت على المريلة

خلاص ده انا معايا موبيل واكيد لازم السماعة اللي تمشي مع الاسورة

اصل انا مش هلبس المريلة

انا كبرت وبكلم صاحبي ونسيت كلمة صحبتي

وبقوله اهلا وبيسلم عليا عادي وخلاص مش هلبس المريلة

اصلا انا كبرت

وكأن الفرق بين اخر يوم نتيجة الثانوية العامة واول يوم في الجامعة وكأنه 50 شهر

ويا ريتك يا بنوتة ما خلعتي المريلة

**امة الرحمن** · 04-05-2009, 01:42 AM

المشاركة الأصلية كتبت بواسطة أشرف السيد

السلام عليكم

وعليكم السلام ورحمه الله وبركاته
وكأن الفرق بين اخر يوم نتيجة الثانوية العامة واول يوم في الجامعة وكأنه 50 شهر

ويا ريتك يا بنوتة ما خلعتي المريلة

كل اللي حضرتك قولته بيحصل فعلا

حكايه اني كبرت ديه مديه لازم نقولها اصلا احنا لو مثلا تانيه ثانوي بنقول علي اوي صغيرين

وصلنا تالته بنقول علي تانيه صغيرين

فما بال حضرتك لو وصلنا للكليه بقي

شكرا لحضرتك

بجد مقال بيصور الحقيقه بالظبط

شكرا لحضرتك مره تانيه

**أشرف السيد** · 04-05-2009, 08:52 AM

فعلا كلامك صح

وان اللي بتدخل ثالثة بتقول على اللي في تانية صغيرين

وما بالك بالجامعة

**نداء الجنة** · 04-05-2009, 01:55 PM

جزاك الله خيرا
موضوع بسيط الكلمات
عميق المحتوى
بالفعل هذا ما يحدث لشريحة ليست بقليلة فى مجتمعنا
مسايرة الموضة والتحرر دون مراعاه حدود العرف والشرع
بالاضافة الى اللامبالاه من جانب الاهل كل هذا
من شانه ان يصل الحال الى ما هو عليه الان
اللهم اهدى شباب المسلمين للخير واحفظهم

جزاك الله خيرا
فى امان الله

**dream** · 04-05-2009, 03:39 PM

البنات دلوقتى مش محتاجة تنتظر الجامعه علشان تقلع المريله

اصبح زيها من اعدادى

غير مناسبلها اطلاقا

واصبح بتدور على صاحب قبل الصاحبه

والمحتاجينه بجد

ان الاسرة والمدرسه

تعلمها الالتزام اكتر

يعنى الام مش تسمح للبنت بالخروج غير بالزى الرسمى

والمدرسه تضع ضوابط اكتر للزى

يعنى مش يكون ضيق

ولا قصير

ولا تخلى البنطلون وتشيرت الالعاب الكت

مسموح بالتجوال به فى المدرسه

انا اصبحت ارى العجب فى مدرستى

اللهم احفظ بناتنا

واهدهم جميعا

شكرا على اثارة هذا الموضوع

**شمس بياض** · 05-05-2009, 10:31 PM

اولا شكرا جزيلا لكم
لقد جعل هذا الموضوع شريط الذكربات
يمر امامى

واحداث جميله طريفه تجعلنى ابتسم

رحمك الله ياوالدى

تصدق انه كان بنفسه ينظر الى لبسنا ولا يرضى ان نلبس اكسسوارا لاننا رايحين مدرسه يعنى طالبات علم
كنا نشعر اننا مختلفين هههههههههه
كنا ملتزمين وكنا نريد ان نثبت له اننا رجاله
وان البنت بسبعين راجل
مش عارفه ليه سبعين بس دا كان الرد يعنى
وكنا قله فى مجتمع ذكورى متعلم
وياريتك يا ابو البنت تاخد بالك من لبس البنت
وياريتك يابنت لاتتضجرى من كلام ابيك
لانك لما تكبرى هاتقولى
كما قال الاستاذ اشرف
ياريتك يا بنت ما قلعتى المريله
اثبتى لابيك انك بالف رجل
من رجال هذا الزمان