حمرا ياقوطه..... غاليه ياقوطه...

[صفيه سعداوى]

حمرا يا قوطه
لا
غاليه ياقوطه
تخيلوا زمان كنا بنغنى للمشاعر علشان كانت غاليه علينا
النهارده بنغنى للخضار والفاكهه الظاهر برضه علشان غاليين علينا
هما سيرة غاليين !!
حتى المجنونة بنت المجنونه
كانت بتتجنن مواسم...مواسم
الوقتى بقى جنانها مزمن
ويبدوا والله أعلم ان حالتها مستعصية
وفقدنا الامل فى شفاها خالص

ولا أقولك على الجنان اللى على حق
الفاصوليا بــ 15 جنيه ولا الثوم بــ25 جنيه
ولا الكوسة والباذنجان حدث ولا حرج....
والخضرة والجرجير تصورا بقوا بالواسطة

بنفكر نفتح محلات لهم زى محلات الورد اللى بنسمع عنها
ونكتب عليها للعرض فقط
ويمكن نستعيض عنها بالخضرة الصناعية

زى ما بنعمل فى الورد تمااااام

ولا أقولكم ايه رأيكم بدل مانروح نسأل عن المرض وناخد معانا
بوكيه ورد ... ناخد بوكيه خضرة وجرجير وكام حبة طماطم

اهو لزوم تناسق الالوان برضه

أقول لكم ايه ؟؟؟؟؟

حاجه لها العجب!!!

يعنى الانسان البسيط ياكل ايه ؟
علشان يطبخ طبخة اورديحى يلزمه كام ؟
بعد جنان القوطه
وعبط الفاصوليا
وهبل الباذنجان
الناس تأكل ايه ؟؟؟؟
هو بعد المجاعات الصومالية
فى طريقنا الى مجاعات مصريه ؟؟

"اللهم إرفع مقتك وغظبك عنا يا أرحم الراحمين"

[امل لاشين]

اقتباس
بعد جنان القوطه
وعبط الفاصوليا
وهبل الباذنجان
الناس تأكل ايه ؟؟؟؟

هههههههههههه....تاكل فاكهه بجد ارخص

هيعملوا ايه ياصفيه .... ربنا يكون في عونا كلنا ..

وحسبي الله ونعم الوكيل ..

[نعمه محمود]

[justify]
أنا مفروسه من الاسعار دى يا استاذة صفية ,تخيلى حضرتك كيلو الطماطم ب8 جنيه ده مش جنان ده قهر

بجد الناس ماشية فى الشارع بتكلم نفسها طيب الغلابة ياكلو ايه وازاى اذا كان اصحاب الدخول المرتفعه بيشتكوا
ويتعالجو ازاى وياخدو دروس بكام بجد حاجة تخلى الاخرس يتكلم

[/justify]

[المهندس هشام كمال الدين]

والله عندك حق
أ/ صفيه
عالم مجنون مجنون
دا انا كل يوم الصبح بتسأل السؤال الاساسي( هناكل ايه النهارده)
بس ميكونش لونه احمر.. اظاهر التجاراصبحوا زملكاويه وعايزين ينسونا اللون الاحمر
وطبعا اللون الاحمر يشمل القوطه واللحم والفراخ الحمراء والتفاح الامريكاني اللي هناكله في الجنه إن شاء الله ورنا يخليلنا باقي الالوان كالاخضر الذي يتمثل في البصاره والملوخيه
طبعا بمرقه الدجاج.
وبعد كل ما ذكر أقترح تحويل الطعام الي كبسولات ثلاث مرات يوميا
وبجد بجد هذه هي الاكاذيب الحقيقيه ولا ايه رأي سيادتكم؟

[صفيه سعداوى]

اقتباس المشاركة الأصلية كتبت بواسطة امل لاشين

هههههههههههه....تاكل فاكهه بجد ارخص

هيعملوا ايه ياصفيه .... ربنا يكون في عونا كلنا ..

وحسبي الله ونعم الوكيل ..

متقلقيش يا أمل الفاكهه برضه جاى عليها الدور
ما احنا فى زمن العجايب
الخضرة والجرجير كنا بنرميهم من رخصهم
الوقتى عايزين نتصور جنبهم
شكرا لمرورك يا أمل

[صفيه سعداوى]

مفيش فايدة
ــــــــــــــــــــــــــــــــــــ
استاذة نعمة
توقيعك بيقول انه
الظاهر بجد مفيش فايده
ربنا يرحمنا جميعا

شكرا لمرورك يا ست الكل

[صفيه سعداوى]

اقتباس المشاركة الأصلية كتبت بواسطة المهندس هشام كمال الدين

والله عندك حق

أ/ صفيه

عالم مجنون مجنون

ربنا يخليلنا باقي الالوان كالاخضر الذي يتمثل في البصاره والملوخيه
طبعا بمرقه الدجاج.
وبعد كل ما ذكر أقترح تحويل الطعام الي كبسولات ثلاث مرات يوميا

وبجد بجد هذه هي الاكاذيب الحقيقيه ولا ايه رأي سيادتكم؟

شكرا يابشمهندس على مرورك
بس دى مش أكاذيب حقيقية ده واقع للأسف احنا عايشينه
حتى اللون الاخضر اللى كان ملاذ الناس الغلابة
بقى الايام دى صعب الحصول عليه
قريت خبر فى الاهرام من كام يوم بيقول
الطماطم ب 7 جنيه والفاصوليا بـ 15 جنيه
البقدونس بقى بالواسطه
فى مهزله بالشكل ده ؟؟؟؟
ربنا يكون فى عون الناس الغلابة اللى تركوا عوضهم على الله
وبطلوا يأكلوا لحمه من زمان
النهارده هيرفعوا شعار صوموا تصحوا

[دعاء شديد]

انا معاكمى تماما ان اسعار الحاجة بقت جنان
وفوق الجنان بشويتين كمااااااااااان
بس الاهم من غلا الاسعار ... ليه غليت الاسعار ؟؟؟؟؟؟
انا رايي
الحاجة كانت بتغلى والشرا شغال فل الفل
ومتحسيش ان فيه ازمه غير بالكلام وبس
شكوى مستمره من الاسعار وارتفاعها الفظيع على كل السلع
مش خضار واكل وفاكهه وبس
لااااااااااااااا ولبس واسعار بنزين ومواصلات
والنتيجه ايه ... اقول لحضرتك

محلات اللبس متعرفيش تدخلى فيها والناس بتشترى
التاكسيات ... بصعوبه تلاقى تاكسى فاضى
حتى التاكسى الابيض ابو عداد الي الكل قال غالى وسفاحين
دلوقتى بقى بصعوبه انك تلاقى تاكسى فاضى رغم زياده العدد
البنزين غلي اه بس حركة شرا العربيات زادت هى كمان
اما الاكل فزادت اللجمه بهبل بس الشرا مقلش
وبالتالى مدام فى فلوس ومحصلش كساد فى حركة البيع لاى سلعه غليت
يبقى نقابل بقى ... غلا ولسه الحاجة هتغلى وهتغلى كمان

صدقينى الناس هى السبب
لما اتمنعت الفراخ علشان انفلونزا الطيور
الناس مكانتش بتاكل فراخ ومحدش تعب والناس عاشت من غير فراخ
يعنى محدش بيموت من قلة اكل صنف معين

احنا سبب ارتفاع الاسعار
فى الوقت الي العالم كله كان يعانى من خلل فى الاوضاع الاقتصادية
احنا بسم الله ما شاء الله
حالات النصب بالملاين كانت فى اوج ازدهارها علشان توظيف اموال
وشرا كروت موبايل
ههههههههههههههههههه والله مش حاجة تضحك ؟؟؟؟؟

صدقينى انا مش بهاجم بس بحاول اتناقش بصوت عالى
يمكن اكون غلط ... حد يقولى انا غلط
بس يقنعنى

[فتوكه مشاكسه]

والله يا مدام صفيه انتى عندك حق .طب والله العظيم احنا عندنا الاسبوع اللى فات الناس خارجه من سوق الخضار والفاكهه ماشيه تكلم نفسها فى الشارع. وانا من يومين قولت اعمل محشى فرحت اجيب خضره"شبت وبقدونس وكسبره الراجل اللى كنت رايحه اشترى منه قالى متحوليش مش هتلاقى قولت طيب اروح لواحد تانى يمكن يكون عنده الفرج وألاقى اصل المحشى كان مشعشع فى دماغى يومها أوى فروحت لواحد تانى تخيلى ادالى ايه "عودين" بالظبط والله والمحروس لقيته بيقولى بجنيه ونصف قولت فى عقل بالى عفريت ونص أما يركبوك يا شيخ وسبته ورجعت طبعا بخفى حنين ومجبتش حاجه وقولت لنفسى ان شاالله عنى ما أكلت محشى ده غير طبعا الست ملكه الخضار الوقتى طماطم هانم ولو سمحتو يا جماعه اللى يجيب سيرتها يقول حضرتها ولا ايه.وربنا يتولانا بقى برحمته.

[فتوكه مشاكسه]

فى ايه يا جماعه بسرعه كده 6 اكتوبر تنسيكو الست هانم طماطم ده الكيلو النهارده ب 10 جنيه والله دة حرام انا حاسه انى عايزة اعيط حد يقولى متزعليش وان فى امل ان سعرها ينزل.ده كيلو التفاح ب 7 جنيه يعنى ارخص منها يعنى لو الواحد حب يعمل طبق سلطه ارخصله يجيب كيلو تفاح يقطعه فى السلطه بدل كيلو الطماطم.مش بقول لكم ربنا يتولانا برحمته.قولوا آمين.

[صفيه سعداوى]

اقتباس المشاركة الأصلية كتبت بواسطة دعاء شديد

انا معاكمى تماما ان اسعار الحاجة بقت جنان

وفوق الجنان بشويتين كمااااااااااان

ربنا يرحمنا برحمته
شكرا يا دعاء على مرورك

[صفيه سعداوى]

اقتباس المشاركة الأصلية كتبت بواسطة فتوكه مشاكسهالست ملكه الخضار الوقتى طماطم هانم ولو سمحتو يا جماعه اللى يجيب سيرتها يقول حضرتها ولا ايه.وربنا يتولانا بقى برحمته.


ههههههههههههههه
حاضر يا ايمان الاحترام واجب برضه
شرفنى مرورك

[jdl,v]

ده القوطة بقت زى الدهب ياخوالنا
يعنى بدل ما نتفق أنا ووالد العروسة هنجيب كام جرام ذهب نتفق أحسن هنجيب كام كيلو قوطة

[عزة المصرى78]

غلاء غير متوقع وغير معقول أن يصل الغلاء إلى سلعات كنا لا نهتم بها أو نلقى لها بالا لكثرتها ورخص أسعارها أما الآن أصبح يعمل لها حساب ونتابع ارتفاع أسعارها وهبوطه كمن يتابع البورصة أو سعر الدولار وجرام الذهب والكل فى ترقب لانخفاض سعرها كما يقولون وإن كنت أظن أن انخفاضها لن يكون مثل الأول بل انخفاض ضئيل

رفع الله غضبه عنا ورزقنا من خيره الكثير ووقانا الفقر والجوع

[ahmedseyam]

اقتباس
المشاركة الأصلية كتبت بواسطة صفيه سعداوى

حمرا يا قوطه
لا
غاليه ياقوطه
تخيلوا زمان كنا بنغنى للمشاعر علشان كانت غاليه علينا
النهارده بنغنى للخضار والفاكهه الظاهر برضه علشان غاليين علينا
هما سيرة غاليين !!
حتى المجنونة بنت المجنونه
كانت بتتجنن مواسم...مواسم
الوقتى بقى جنانها مزمن
ويبدوا والله أعلم ان حالتها مستعصية
وفقدنا الامل فى شفاها خالص

ولا أقولك على الجنان اللى على حق
الفاصوليا بــ 15 جنيه ولا الثوم بــ25 جنيه
ولا الكوسة والباذنجان حدث ولا حرج....
والخضرة والجرجير تصورا بقوا بالواسطة

بنفكر نفتح محلات لهم زى محلات الورد اللى بنسمع عنها
ونكتب عليها للعرض فقط
ويمكن نستعيض عنها بالخضرة الصناعية

زى ما بنعمل فى الورد تمااااام

ولا أقولكم ايه رأيكم بدل مانروح نسأل عن المرض وناخد معانا
بوكيه ورد ... ناخد بوكيه خضرة وجرجير وكام حبة طماطم

اهو لزوم تناسق الالوان برضه

أقول لكم ايه ؟؟؟؟؟

حاجه لها العجب!!!

يعنى الانسان البسيط ياكل ايه ؟
علشان يطبخ طبخة اورديحى يلزمه كام ؟
بعد جنان القوطه
وعبط الفاصوليا
وهبل الباذنجان
الناس تأكل ايه ؟؟؟؟
هو بعد المجاعات الصومالية
فى طريقنا الى مجاعات مصريه ؟؟

"اللهم إرفع مقتك وغظبك عنا يا أرحم الراحمين"

قد تبدوا مواقف الحياة في بعض الأحيان علي أنها قاتمة وتدعوا إلي اليأس حتي يظن الإنسان أنه لا أمل في المستقبل،ومثل هذا الظن يثير مشاعرا في غاية الألم،فلا تقلع عن الأمل حتي وأنت في أحلك الظروف وأقسي درجات المعاناه،واسأل عن نفسك : ماهو الدليل علي أن الظروف لن تتحسن؟ وعندما لا يكون لديك الدليل الذي لا يضمن تحسن الظروف ، فلن... تكون علي يقين من عدم تحول الظروف إلي الأفضل ، لا تتخلي عن الأمل فقد يتغير كل الموقف بصورة كبيرة لا تتوقعها إلي الأفضل، ومصرنا وكل الأمصار التي تسمي نفسها عربية في انتظار " المجنونة تعقل وترجع عن اللي في دماغها ويرجع سعرها مناسب للوالدين والأقربين واليتامي والمساكين وابن السبيل والسائلين "وإلا هنعمل لها مؤتمر قمة فاشل أو ستكون ثورة الجوعي وستكون اسنانهم ومعدتهم وأمعاؤهم قادرة علي أن يأكلوا الحديد والسيراميك


ودى