فطيره باللحم

[فتوكه مشاكسه]

مقادير العجينه

1 ونص كوب دقيق+2 بيضه + ربع كوب لبن + ملعقه طعام بكنج بودر + 1ونص ملعقه طعام زبده + شويه ملح.

الطريقه

ننخل الدقيق بوعاء مع الملح والبكنج بودر وتضاف الزبده ويفرك بالاصابع ثم نضع البيض واللبن ونعجن باليد حتى تتكون عندنا عجينه لينه.

نجي للحشوه

نشوح بصلتين مقطعين فى شوية زيت وبعد ما يدبل البصل نحط 3 فصوص ثوم مبشوره عليه ثم نضيف اليهم فلفله خضراء مقطعه وواحده حارة للى عاوز ثم نضيف اللحمه اليهم ونضع عليهم البهارات والملح والفلفل وشويه ميه لحين نضج اللحمه.

نخرج اللحمه بعد نضجها ثم نجيب صينيه ونفرد فيها العجينه بالشكل الموضح

ثم نضيف اللحمه فوق العجينه

بعدها نعمل صلصه بيضاء

2كوب لبن
4ملاعق دقيق
2ملعقه زبده + بيضه
ملح وفلفل أسود
نشوح الدقيق فى الزبده لحد ما يصير لونه اصفر ثم نضيف عليه اللبن تدريجيا مع التقليب المستمر ونتركه على النار لحد مايصير قوامه سميك ثم نضيف البيضه والملح والفلفل.

ثم نصب الخليط على اللحمه

ثم نرش فوقها جبنه رومى مبشوره وبعدين نحطها بالفرن لمده نصف ساعه تقريبا لحين نضجها.

وهو ده شكلها النهائي

أتمنى تعجبكوا وبالهنا والشفا.

[صفيه سعداوى]

يا أهلا بمشرفة نون النسوة والمطبخ
تسلم الايادى
بس واضح ان البوتاجاز الجديد عمل شغل برضة
أكيد هنلاقى أصناف ما لذ وطاب
فى انتظار ابداعاتك فى القسم

[فتوكه مشاكسه]

اقتباس المشاركة الأصلية كتبت بواسطة صفيه سعداوىيا أهلا بمشرفة نون النسوة والمطبخ
تسلم الايادى
بس واضح ان البوتاجاز الجديد عمل شغل برضة
أكيد هنلاقى أصناف ما لذ وطاب
فى انتظار ابداعاتك فى القسم

[فتوكه مشاكسه]

[المنشاوية]

يسلام ده انا نفسي اتفتحت وجعت خالص