عاوزك تبهدله وتقطع وشه !!!!!!!!!!

[نعمه محمود]

آه عاوزه يقطع وشه ويبهدله !!!!!!! ماتستغربوش,دى جملة سمعتها النهاردة الصبح من ولى أمر بيوصل أبنه للمدرسة

الطفل تلميذ فى المرحلة الابتدائية والأب رجل فى الأربعينات ويبدو من مظهره أنه متعلم

المهم الفضول الأنثوى دفعنى أعرف الموضوع فكملت طريقي وراء الرجل وطفله وسمعت ابنه بيقوله يابابا انا مش عاوز اضرب صاحبي أنا هشتكيه للمس فرد الأب فى حدة . تقول أيه للمس يابن الخايب اللي يشتكى ده مايبقاش راجل يبقي عيل انت لازم تاخد حقك بايدك وماتسكتش لحد وطبعا نوعية الحوار خلتنى اركز مع الولد وأبوه ليس تجسسا لا سمح الله ولكن رغبة منى في استقراء ماطرأ على المجتمع وقلت لنفسي يانهار ابيض بقي هو ده اللي الآباء بيعلموه لاولادهم ونرجع نسأل ايه سبب العنف فى المجتمع
وافتكرت أيام زمان ونصايح والدى ووالدتى لينا انا واخواتى وكانوا يقولونا اسمعوا كلام مدرسينكم واتكلموا بصوت هادى

وركز فى الفصل ووووأوعى المدرس يشتكى منك ولوحد ضايقك روح اشتكى للناظر

طيب ايه سبب التغيرات اللى حصلت دى وهتودينا لفين وهل فعلا اللي مش بيعمل مشاكل ويعرف يتخانق يبقي انسان ضعيف

يعنى هل تركيبة المجتمع اتغيرت
وعلى فكرة النهاردة حصل معايا موقف خلانى افكر ان الأدب بيتفهم على أنه ضعف الموقف ببساطة انى ركنت العربية امام مدرسة ولقيت حارس أمن على الباب وبكل أدب ولطف قلت له من فضلك هركن هنا نص ساعه وعلى فكرة هى مدرسة حكومية حقيرة ولاباصات هتقف ولا حاجة والكلام ده كان الساعه 10 الصبح جه موظف الأمن وقالى لو ركنتى هفضيلك الاربع عجلات تخيلو !!!!!!!!! اضطريت انى اعلى صوتى وازعق واتخلى عن نصايح بابا الله يرحمه ومجرد ماصوتى على الراجل سكت وسابنى اركن وعجبي

يعنى هل الراجل اللي كان بيعلم ابنه البلطجة هو اللي صح ولا أهالينا!!!!!!!!!!!!!!
وايه اللي ممكن أعلمه لعمر وحبيبة النهاردة وبكرة عشان يكونوا بشر أسوياء :bosyht9::bosyht9:

[عزة المصرى78]

تربية أهالينا أفضل من تربيتنا لأن أيامهم أحسن من أيامنا وزمن الأخلاق الذى عاشوا فيه أفضل من زمن البلطجة والعنف والقسوة الذى نعيشه نحن الآن



وإنى أعلم ابنى أن يكون مؤدبا ولا يتلفظ على أحد ولا يضرب أحد ويشتكى للمعلمة وان لم تفعل شىء يخبرنى وأنا سوف اذهب بنفسى للمدرسة لحل هذه المشكلة

وما تربينا عليه يجب أن يترب عليه أبنائنا لأن هذا ما أمرنا به ديننا وفيه طاعة لربنا ومحافظة على شريعتنا فلم يأمرنا ديننا بالانحراف والهمجية حتى نستطيع أن نتعامل مع من ابتلى به مجتمعنا
أعلم ابنى العفاف فى القول والفعل أن يكون متدينا خلوقا وله الله فى مجتمع مثل ذلك فهو قادر على حفظه ورعايته

موضوعاتك دائما تناقش سلوكيات حياتية لها أثر بالغ فى حياتنا أ / نعمة وتدق جرس إنذار فى حياتنا لنقف عند تلك المشكلات ومحاولة فهمها وحلها لا حرمنا الله منك ومن تميزك وإبداعك

[نعمه محمود]

اقتباس المشاركة الأصلية كتبت بواسطة سمير الجابرى

بِصَرَاحَة ....انَا مُسْتَغْرِب جِدّاااا

هُنَاك شِبْه اتِّفَاق عَلَى ان الْبَلْطَجَة هِى الْحَل وَان الْزَّمَان تَغَيَّر لِذَا يَجِب ان تِغِي نَحْن ايْضا وَانْه لَاسَبِيْل الَى الْعَوْدَة الَى اخْلاق وَتَرْبِيَة التَّسَامُح وَالْعَفْو و.....
وَهَذَا الْكَلَام مِن الْقَائِمِيْن عَلَى تَرْبِيَة الَّاجْيَال الْقَادِمَة يَدُل عَلَى يَأْس مِن اصْلَاح الْحَال!!
وَلَكِنِّى اعْتَقَد انَّه الْتَسَامُح هُو الْحَل وَلَو كَان ضَعْفا وَاتِّبَاع الْادَب يُفِيْد حَتَّى مَع الْبَلْطَجَة وَالْاخْلاق تَنْتَصِر فِى الْنِهَايَة وَان خَسِرَت بَعْض الْمَعَارِك
وَجَزَى الْلَّه الْشَّاعِر اذ يَقُوْل
لَى ان ارِد مَسَاءَة بِمَسَاءَة
لَو انَّنِى ارْضَى بِبَرْق خُلَّب
حَسْب الْمُسِيء شُعُوْرُه وَمَقَالُه

فِى نَفْسِه يَالَيْتَنِى لَم اذْنَب

نعم الحل في العودة للأخلاق والعفو والتسامح الحل في التراحم والتلاحم
تخيل يا استاذ سمير عند مرورى بأى مدرسة للأطفال أشاهد كم العنف بين الصغار اتعجب كيف لاجسامهم النحيلة ان تتحمل كل هذه القسوة ولافرق في ذلك بين تلاميذ المدارس الحكومية او مدارس اللغات
نورنى مرورك

[نعمه محمود]

اقتباس المشاركة الأصلية كتبت بواسطة نهاد فؤاداحيي بشدة الابن ربنا يعطية الحكمة ويهديه ولا يأخذ بنصيحة ابيه.!!!!!!
واقول للأب :-
فى يوم من الايام سيكون الاب مكان زميله وسيتذكر وقتها الابن نصيحة ابيه

وأنا أحييك بشدة ومرورك زاد الموضوع بهجة وضياءا
شكرا لك اختى العزيزة واتفق مع اضافتك تماما

[أفنان أحمد]

والله أختى الحبيبة
أنا سمعت نفس الحوار( الجزء الأول منه)
بنفسى و فى المدرسة !!!!!!!!!!!
لكن شكل الأب كان شارب حاجة مش طبيعبية
وبعدها اضطررت لمحاضرة أعيد فيها تصحيح المفاهيم للأولاد اللى سمعوا وللولد نفسه
والله المستعان
وتربية حضرتك طبعا هى اللى صح
ولا بد يأتى الزمان إن شاء الله
فيستقيم الحال الأعوج
ورأيي أن تستمرى بخلقك العالى و تربيتك مع المؤدب
وغير المؤدب فلعله يتعظ ولن تعدمى أجرا إن شاء الله
فلا زلنا مطالبين بمقابلة السيئة بالحسنة
ولا يمنعنا ذلك من أخذ حقنا إن لزم الأمر
لك الله يا مجتمعنا
فإلى أين نحن ذاهبون
ربنا يصبرك و يصبرنا
يااااااااااااااااااااااارب