عاوزك تبهدله وتقطع وشه !!!!!!!!!!

[نعمه محمود]

آه عاوزه يقطع وشه ويبهدله !!!!!!! ماتستغربوش,دى جملة سمعتها النهاردة الصبح من ولى أمر بيوصل أبنه للمدرسة

الطفل تلميذ فى المرحلة الابتدائية والأب رجل فى الأربعينات ويبدو من مظهره أنه متعلم

المهم الفضول الأنثوى دفعنى أعرف الموضوع فكملت طريقي وراء الرجل وطفله وسمعت ابنه بيقوله يابابا انا مش عاوز اضرب صاحبي أنا هشتكيه للمس فرد الأب فى حدة . تقول أيه للمس يابن الخايب اللي يشتكى ده مايبقاش راجل يبقي عيل انت لازم تاخد حقك بايدك وماتسكتش لحد وطبعا نوعية الحوار خلتنى اركز مع الولد وأبوه ليس تجسسا لا سمح الله ولكن رغبة منى في استقراء ماطرأ على المجتمع وقلت لنفسي يانهار ابيض بقي هو ده اللي الآباء بيعلموه لاولادهم ونرجع نسأل ايه سبب العنف فى المجتمع
وافتكرت أيام زمان ونصايح والدى ووالدتى لينا انا واخواتى وكانوا يقولونا اسمعوا كلام مدرسينكم واتكلموا بصوت هادى

وركز فى الفصل ووووأوعى المدرس يشتكى منك ولوحد ضايقك روح اشتكى للناظر

طيب ايه سبب التغيرات اللى حصلت دى وهتودينا لفين وهل فعلا اللي مش بيعمل مشاكل ويعرف يتخانق يبقي انسان ضعيف

يعنى هل تركيبة المجتمع اتغيرت
وعلى فكرة النهاردة حصل معايا موقف خلانى افكر ان الأدب بيتفهم على أنه ضعف الموقف ببساطة انى ركنت العربية امام مدرسة ولقيت حارس أمن على الباب وبكل أدب ولطف قلت له من فضلك هركن هنا نص ساعه وعلى فكرة هى مدرسة حكومية حقيرة ولاباصات هتقف ولا حاجة والكلام ده كان الساعه 10 الصبح جه موظف الأمن وقالى لو ركنتى هفضيلك الاربع عجلات تخيلو !!!!!!!!! اضطريت انى اعلى صوتى وازعق واتخلى عن نصايح بابا الله يرحمه ومجرد ماصوتى على الراجل سكت وسابنى اركن وعجبي

يعنى هل الراجل اللي كان بيعلم ابنه البلطجة هو اللي صح ولا أهالينا!!!!!!!!!!!!!!
وايه اللي ممكن أعلمه لعمر وحبيبة النهاردة وبكرة عشان يكونوا بشر أسوياء :bosyht9::bosyht9:

[دعاء شديد]

[glow=#bf00ff]

شوفى
التربيه الي بابكى ربهالك هى الي هتربيها لولادك
والاب الي بيعلم ابنه البلطجة اكيد ابوه علمه البلطجة

الصراع يحدث حينما يقابل كل طرف ... نقيضه

اما ايه الصح فمن وجهة نظرى
كونى متربيه مع المتربى
وبلطجية مع البلطجى
يعنى خلي الاساس التربيه وابدأى لطيفه جميله كده
لاقيتى الي ادامك موووووووووش متربى
اقلبى فورا ع الوش النحاس
هههههههههههههههههههههههه
وده هيربك الي ادامك طبعا وهياخد نصيبه حتما ولابد
وهو ونصيبه

قلنا متركزيش مع البشر علشان فى منهم مرض وانتشر

وحشتنا موضوعاتك بجد

[/glow]

[امل لاشين]

يعنى هل الراجل اللي كان بيعلم ابنه البلطجة هو اللي صح ولا أهالينا!!!!!!!!!!!!!! :bosyht9::bosyht9:

احيانا يانعمه البلطجه بتنفع ..مع ناس ميعرفوش معني ..

الكلام بادب واخلاق...لانهم بيفتكروا دايما ان ده ضعف..

وفي الاخر هما اللي بيجبوه لنفسهم ..

ونصايح اهلينا هي دايما اللي منورة طريقنا

الي الصح دائما ....حتي لو كان في صعوبات لتحقيق ذلك..

[جمال سراج]

ههههههههههههههه
أولياء أمور خلاصة !!!!!!!!!!!!!!!!
ههههههههههههههه
كويس انه كان الكلام على صاحبه التلميذ مكنش بيقولوا شرح المستر ولا بهدل المس
ههههههههههههههه
ولسه
الواحد ريقه نشف زى ما بيقولوا وبجد معدتش بتعجب من كدا ........... وكمان معدش عندى أمل!!!!!!!!!!
شكرا نعمة وربنا يكون معاكى
هههههههههههههههه

[شمس بياض]

الاول وحشانى جدا يا ام حبيبة ولا حرمنا الله من ابداعك وتألقك الدائم
ثانيا الواحد تعب وبياجى مهدود حيله من الاولاد جوة المدرسه وبرة المدرسه
ولولا اللى لولاه بقى
كان الواحد قاعد فى صومعه وحبس نفسه
عشان اللى بيشوفه كل يوم له العجب العجاب
حتى الواحد مش عارف يربى العيال كويس
اصل احنا زمان ماكنش فى تربيتنا لا نت ولا اغانى هابطة ولا اخلاق ودش هابط
دلوقت الواحد بيشاركه فى تربيه الولاد كل من هب ودب
وربنا يسترها يعنى الوحد تعب تعب بجد
دا غير اولياء الامور بقى
بيقولوا لولادهم كلام عن اصحابهم ومعلميهم جعل التلميذ يفقد احترامه لنفسه وللاخرين
تصدقى ولى امر يقول لابنه لو حد كلمك بس فى المدرسه سيب المدرسه وتعال لى
وشوف ايه اللى هايجرا
حاجة تجنن ياخيتى
وربنا يجعنا ممن نرى الحق حقا ويرزقنا والجميع اتباعه ويرينا الباطل باطلا ويرزقنا والجميع اجتنابه
سلمت على موضوعك اللى حرك داخلى انفعالات ياااااااما
على راى اهل بحرى

[المهندس هشام كمال الدين]

بالضبط كده
زي ماحضرتك كاتبه تحت توقيعك ( مفيش فايده)
الجنيه غلب الكارنيه
فعلا مفيش فايده.
ولا عزاء للأخلاق

[شريف]

معلش انا ليا رأى مختلف شوية

هسأل سؤال و تجاوبينى بصراحة

و تأكدى ان سؤالى له علاقة وثيقة بالموضوع

هيا اسرائيل مقرطسانا ! و بتضربنا على قفانا كعرب ليه ؟

هوا احنا كمصريين دايما بيتضحك علينا ليه ؟

هوا ليه الشعب المصرى مهان داخل بلده و خارجها ؟

طب ليه بنتضرب فى الجزاير و نرجع مصر نلعب هنا نتضرب برضه من الجزاير

و من تونس و غيرها ! (( مثلا يعنى ))

ليه دايما متنازلين عن حقوقنا ؟

ليه بنؤمن ايمان عميق كشعب مصرى ... اننا لو لاقينا الهوا بس اللى نتنفسه

يبقى خير و بركة و كفاية اوى و مش عايزين حاجة م الدنيا ؟

طب سؤال كمان

لما اطاطى ... و اعمل فيها مؤدب و متنازل عن كافة حقوقى

هنول ايه غير الضرب على القفا ؟

انا معجب جدا بانك اتكلمتي في الجزء التاني من الموضوع عن ركن العربية

و ده اكبر دليل ... ان اللى يسكت ... عمره ما هياخد حقه

طبعا انا مش بأيد اسلوب الاب انه يكون بالقسوة دي و بالاسلوب ده

لكن برضه ... معلش ... انا لو عندي ابن

اول مبدأ هربيه عليه انه ياخد حقه

و لا يتنازل عنه ابدا

و تخيلى لو كل ابناءنا اتربوا على كده

و كبروا على كده

كنتى هتلاقي خير لمصر لشعبها ... لاننا ربينا جيل بيعرف ياخد حقه !

((( اللي يضربك اضربه )))

دي مش حاجة عيب ... انا شايف ان القصاص في الموضوع ده حق و عدل

عارف ان الدين بيعلمنا ازاي نسامح

و لكن التسامح مع الضعف ... خيبة بعيد عنك

يعني لما العرب يشوفوا اطفالنا في غزة بتتقطع رقابيهم

و يسامحوا و يقولوا اسرائيل بتدافع عن نفسها

يبقا ده هبل ... مش تسامح

اسامح لما ابقى اقوي من الطرف التاني و بمزاجي (( العفو عند المقدرة ))

مش ابقى مطحون و طالع عيني و مضروب و متبهدل

و اقول لازم اكون متسامح !!

للاسف دلوقتي المؤدب اللي بيسكت و بيقول آمين ... مهضوم حقه تماما

وف نفس الوقت الصوت العالي يخليكي تسلكى في الحديد

على صوتك و تجهم و افرد صدرك بقوة و جهز قبضة يدك و برق عينيك

هتلاقي كل اللي ادامك يعملولك الف حساب

و الدنيا كلها ماشية كده دلوقتي

امريكا ماشية بالدراع

اوعي حد طيب يقولي دي ديمقراطية

اكبر دولة و عشان كبيرة بتاخد حقها بدراعها ...و بتاخد اللي مش حقها بدراعها برضه

النظام العالمي الحالي ماشي بالجزمة !!

يعني كل نائب في برلمان يرفع الجزمة علي طول في وش الطرف التاني

لغة الجزم بقت هيا اللغة السائدة

اجي انا بقا بكل طيبة و سذاجة اعمل نفسي مؤدب و اسامح ؟

الموضوع كبير جدا و له ابعاد كتيرة

و اللى عايز يربي ابنه على الخنوع و تنكيس الرأس و الجبن

ابنه هوا اول واحد هيجنى ثمار الخوف و الجبن و الرعب و التفريط في حقوقه .

لو كل مصرى اتربي علي انه ياخد حقه

مكانتش اتنهبت فلوسنا و اتحطت في بنوك سويسرا

موضوعك خطير جدا و مهم اوي و مطلوب فيه مناقشة كتير

مش عارف بتحرمينا ليه من موضوعاتك الجميلة دي

و ما بتعمليش موضوع غير كل فين و فين

ننتظر على احر من الجمر موضوعك القادم

[Madame/Basmalh]

عاوزك تبهدله وتقطع وشه
ايوه صح بس لما خلاص تجيب اخرك من القرف منه
لانى فى نوعية بتفكر اللى بيسكت وبيخلى عنده ده بيكون ضعف ولو طالع مؤدب بيتقال عليه عبيط وميعرفش يرد
انا عن نفسى بقول لبنتى كدا لانى فى يوم من الايام اصحابها غلسوا عليها فردت عليهم وقالت لهم ربنا يسامحكم
ضحكوا عليها وراحت اشتك للسير او الاخت اللى فى المدرسة
قلتلها معلش وجات زعلانه جدا قولتلها خلاص خدى حقك بايدى كده هيقوله عليكى هبلة
وصدقينى يا نعمة فى مواقف كتير لازم تاخدى فيها دروس للبلطجة
لانى الحياةماهى اللى بلطجة وتاخدى حقك بايدك وده موجود فى كل شارع
والدليل البلد النهارده بتستعين بالبلطجة فى الانتخابات وكمان لهم اسعار بقة خياليه
لما البلد تستعين بالبلطجة والطفل بيشوف كل ده ادام عينه على النت والتلفزيون
عاوزه يطلع ايه بسكوته هههههههههههههههه
وحشتنى جدا متحرمناش من موضوعاتك الجميلةوالتى لا تخلوا من النقاش
والحوار المفيد

[سمير الجابرى]

بِصَرَاحَة ....انَا مُسْتَغْرِب جِدّاااا
هُنَاك شِبْه اتِّفَاق عَلَى ان الْبَلْطَجَة هِى الْحَل وَان الْزَّمَان تَغَيَّر لِذَا يَجِب ان تِغِي نَحْن ايْضا وَانْه لَاسَبِيْل الَى الْعَوْدَة الَى اخْلاق وَتَرْبِيَة التَّسَامُح وَالْعَفْو و.....
وَهَذَا الْكَلَام مِن الْقَائِمِيْن عَلَى تَرْبِيَة الَّاجْيَال الْقَادِمَة يَدُل عَلَى يَأْس مِن اصْلَاح الْحَال!!
وَلَكِنِّى اعْتَقَد انَّه الْتَسَامُح هُو الْحَل وَلَو كَان ضَعْفا وَاتِّبَاع الْادَب يُفِيْد حَتَّى مَع الْبَلْطَجَة وَالْاخْلاق تَنْتَصِر فِى الْنِهَايَة وَان خَسِرَت بَعْض الْمَعَارِك
وَجَزَى الْلَّه الْشَّاعِر اذ يَقُوْل
لَى ان ارِد مَسَاءَة بِمَسَاءَة
لَو انَّنِى ارْضَى بِبَرْق خُلَّب
حَسْب الْمُسِيء شُعُوْرُه وَمَقَالُه
فِى نَفْسِه يَالَيْتَنِى لَم اذْنَب

[نهاد فؤاد]

احيي بشدة الابن ربنا يعطية الحكمة ويهديه ولا يأخذ بنصيحة ابيه.!!!!!!
واقول للأب :-
فى يوم من الايام سيكون الاب مكان زميله وسيتذكر وقتها الابن نصيحة ابيه

[نعمه محمود]

اقتباس المشاركة الأصلية كتبت بواسطة دعاء شديد[glow=#bf00ff]

شوفى

التربيه الي بابكى ربهالك هى الي هتربيها لولادك

والاب الي بيعلم ابنه البلطجة اكيد ابوه علمه البلطجة

الصراع يحدث حينما يقابل كل طرف ... نقيضه

اما ايه الصح فمن وجهة نظرى

كونى متربيه مع المتربى
وبلطجية مع البلطجى
يعنى خلي الاساس التربيه وابدأى لطيفه جميله كده
لاقيتى الي ادامك موووووووووش متربى
اقلبى فورا ع الوش النحاس
هههههههههههههههههههههههه
وده هيربك الي ادامك طبعا وهياخد نصيبه حتما ولابد
وهو ونصيبه

قلنا متركزيش مع البشر علشان فى منهم مرض وانتشر

وحشتنا موضوعاتك بجد

[/glow]




للأسف يادعاء التربية اللي بابايا رباهالى واللى هربيها لولادى ماعادتش نافعه فى الزمن ده اللى مبقاش فيه حد متربي الا من رحم ربى وتصدقى ان التربية دى بتخلينى ساعات كتير اضيع حقى لانى مؤدبة واتحسر لما أشوف قليل الأدب واخد حقه تالت ومتلت
شكرا دعاء نورتينى

[نعمه محمود]

اقتباس المشاركة الأصلية كتبت بواسطة امل لاشين

احيانا يانعمه البلطجه بتنفع ..مع ناس ميعرفوش معني ..

الكلام بادب واخلاق...لانهم بيفتكروا دايما ان ده ضعف..

وفي الاخر هما اللي بيجبوه لنفسهم ..

ونصايح اهلينا هي دايما اللي منورة طريقنا

الي الصح دائما ....حتي لو كان في صعوبات لتحقيق ذلك..

متفقة معاكى تماما يا أمل احنا فعلا احيانا بنحتاج البلطجة لان فى ناس مش بتيجى غير بكده نورنى مرورك

[نعمه محمود]

اقتباس المشاركة الأصلية كتبت بواسطة جمال سراجههههههههههههههه
أولياء أمور خلاصة !!!!!!!!!!!!!!!!
ههههههههههههههه
كويس انه كان الكلام على صاحبه التلميذ مكنش بيقولوا شرح المستر ولا بهدل المس
ههههههههههههههه
ولسه
الواحد ريقه نشف زى ما بيقولوا وبجد معدتش بتعجب من كدا ........... وكمان معدش عندى أمل!!!!!!!!!!
شكرا نعمة وربنا يكون معاكى
هههههههههههههههه

أنا برضه معنديش أمل بس عندى عمر هههههههههههههههههههه
يامستر ماهو دورنا برضه مش هنفضل ساكتين كده
شرفنى ردك

[نعمه محمود]

اقتباس المشاركة الأصلية كتبت بواسطة شمس بياضالاول وحشانى جدا يا ام حبيبة ولا حرمنا الله من ابداعك وتألقك الدائم
ثانيا الواحد تعب وبياجى مهدود حيله من الاولاد جوة المدرسه وبرة المدرسه
ولولا اللى لولاه بقى
كان الواحد قاعد فى صومعه وحبس نفسه
عشان اللى بيشوفه كل يوم له العجب العجاب
حتى الواحد مش عارف يربى العيال كويس
اصل احنا زمان ماكنش فى تربيتنا لا نت ولا اغانى هابطة ولا اخلاق ودش هابط
دلوقت الواحد بيشاركه فى تربيه الولاد كل من هب ودب
وربنا يسترها يعنى الوحد تعب تعب بجد
دا غير اولياء الامور بقى
بيقولوا لولادهم كلام عن اصحابهم ومعلميهم جعل التلميذ يفقد احترامه لنفسه وللاخرين
تصدقى ولى امر يقول لابنه لو حد كلمك بس فى المدرسه سيب المدرسه وتعال لى
وشوف ايه اللى هايجرا
حاجة تجنن ياخيتى
وربنا يجعنا ممن نرى الحق حقا ويرزقنا والجميع اتباعه ويرينا الباطل باطلا ويرزقنا والجميع اجتنابه
سلمت على موضوعك اللى حرك داخلى انفعالات ياااااااما
على راى اهل بحرى

انتى وحشتينى اكتر ياشموسة وفعلا بقت مشكلة الولاد بيقفوا على النواصي يتلفظوا بابشع الالفاظ ويا سلام لو سعدك زمانك ولقيتى مدرسه ولاد جنب مدرسة بنات شوفى كم المهازل اللى بتحصل هنقول ايه بس ربنا يستر علينا وعلى اولادنا
نورتينى ياقمر

[نعمه محمود]

اقتباس المشاركة الأصلية كتبت بواسطة المهندس هشام كمال الدين

بالضبط كده

زي ماحضرتك كاتبه تحت توقيعك ( مفيش فايده)
الجنيه غلب الكارنيه
فعلا مفيش فايده.

ولا عزاء للأخلاق

[justify]
تصدق
ياباشمهندس يظهر فعلا مفيش فايدة ومش عارفين اخرتها ايه
شرفنى مرورك
[/justify]

[صفيه سعداوى]

تعرفى يا استاذة نعمة
بقالى كام يوم أقرأ الموضوع ده والاقى نفسى هرد رد يمكن
اللى يقراه يقول ايه المثالية العبيطة دى.......:bosyht9:
النهارده أخدت حبوب الشجاعة وقلت لنفسى يلى بقى مبدهاش
شوفى يا استاذه نعمة
للأسف احنا أصبحنا بنشوف العنف فى كل شئ حوالينا بداية من افلام الكرتون
والافلام السينمائيه حتى لعب الاطفال
منتظره ايه غير العنف
أنا ضد فكرة العنف جداااا ولكن ايضا ضد فكرة ان الانسان يتنازال عن حقة
ولكن مايجب ان نعلمة لاولادنا هو الحب والتأخى والقيم والاخلاق الذى تربينا عليها
والتى لابد ان نربى ابنائنا عليها
لكن انى اعلم ابنائى البلطجة !!!! فده مبدأ فى حد ذاتة مرفوض بالنسبة لى
لكن استطيع ان اعلم ابنى ان يتحاشى البلطجى ويبعد عن هذة النماذج التى يمكن ان
تؤثر فى ابنائى تأثير سئ
صدقينى يا استاذة ان الانسان المهذب راقى الخلق يستطيع ان يأخذ حقه
أكثر من الانسان البلطجى
أما عن حال الاب
فهذة الرسالة التى يوجهها لابنة سيجنى ثمارها مستقبلا
يستطيع ان يوجه رساله لابنه بكلمة ماتسيبش حقك اللى يضربك اضربه
لكن عاوزك تبهدلة وتقطع وشة دى كلمة فى حد ذاتها
ممكن تخلق فى النهاية جيل مصيرة مزيد من العنف مزيد من الهمجية
كفانا الله واياكى شرور البشر
دمتى بكل خير

[نعمه محمود]

((( اللي يضربك اضربه )))

دي مش حاجة عيب ... انا شايف ان القصاص في الموضوع ده حق و عدل

مقدرش أنكر إنى مقتنعه برأيك لكن المشكلة ان كل واحد فينا عاوز ابنه يبقي مثالى وأنا شخصيا جربت الحالتين فى اول مرة كنت بقول لعمر ابنى لو حد ضربك روح اشتكى للمس ومش تضرب صاحبك لأنه عيب وحرام كانت النتيجة انه بقي ينضرب من المدرسه كلها ولما قلت له خلاص اللي يضربك اضربه بقي زعيم ومانفعتنيش المثالية ولاعزاء للقيم
نورنى ردك ياشريف

[نعمه محمود]

اقتباس المشاركة الأصلية كتبت بواسطة Madame/Basmalhعاوزك تبهدله وتقطع وشه
ايوه صح بس لما خلاص تجيب اخرك من القرف منه
لانى فى نوعية بتفكر اللى بيسكت وبيخلى عنده ده بيكون ضعف ولو طالع مؤدب بيتقال عليه عبيط وميعرفش يرد
انا عن نفسى بقول لبنتى كدا لانى فى يوم من الايام اصحابها غلسوا عليها فردت عليهم وقالت لهم ربنا يسامحكم
ضحكوا عليها وراحت اشتك للسير او الاخت اللى فى المدرسة
قلتلها معلش وجات زعلانه جدا قولتلها خلاص خدى حقك بايدى كده هيقوله عليكى هبلة
وصدقينى يا نعمة فى مواقف كتير لازم تاخدى فيها دروس للبلطجة
لانى الحياةماهى اللى بلطجة وتاخدى حقك بايدك وده موجود فى كل شارع
والدليل البلد النهارده بتستعين بالبلطجة فى الانتخابات وكمان لهم اسعار بقة خياليه
لما البلد تستعين بالبلطجة والطفل بيشوف كل ده ادام عينه على النت والتلفزيون
عاوزه يطلع ايه بسكوته هههههههههههههههه
وحشتنى جدا متحرمناش من موضوعاتك الجميلةوالتى لا تخلوا من النقاش
والحوار المفيد

تصدقي انى فعلا ساعات بحس ان الشارع بقي مدرسة للبلطجة وكل واحد بيتعلم في اللي اصغر منه ولو قلتى لحد خليك متسامح يقولك انتى من العهد البائد زى ولاد أختى مابيقولولى .ياخبر يعنى احنا ممكن نضطر نعلم ولادنا البلطجة عشان يعرفوا يعيشوا

نورتى موضوعى وربنا يكفينا شر البطجة

[ضياء الدين سعيد]

حضرتك أكيد إللى أهالينا كانوا بيعلمهونا هو الصح
وهو دا اللى لو مشينا عليه هتحترمنا الناس

بس للأسف الزمن أتغير
بقى الواحد لازم يغير من أسلوبه مع بعض الناس
لأنهم لو لم نعاملهم بأسلوب كله حدة وصرامه
مش هنعرف نتعامل معاهم


هذا رأيى

تقبلى مرورى ،،،

[factsman]

يرحم زمان وليالي زمان
زمان كان فيه احترام المعلم يثيب ويعاقب وينصف الضعيف
زمان كان فيه جار موجود في الفرح والحزن والازمات قبل اخوك
زمان كان فيه احتضان الكبير للصغير ضمن الرياضات الممارسة في الشوارع
زمان كان فيه احترام الشارع لازم ترمي السلام تزيح طوبة من الطريق
الان المعلم يهان كيف يحمي التلميذ
الان الجار من يكيد لك المصائب حتي ان اجتنابه اصبح فضيله
الان الكبير بياكل الصغير والقوي يتجبر علي الضعيف ورياضة الشوارع اصبحت بالاسلحة البيضاء بدلا من الكورة الشراب
الان الشارع لا يعترف بمكارم الاخلاق ومن افشاء السلام فنجده مليئ بالقاذورات وكلاب الشوارع ليسمن قلة المواطنين بل لانعدام مكارم الاخلاق
الان التربية المنتشرة هي اللامبالاة والسلبية وعدم محاسبة النفس بكلمة (((وايه يعني؟؟!!))) (((هو انا لوحدي ما الكل بيعمل كده)))) ((( يا عم هو حد واخد باله))) ((( هي جت عليا انا شوف الناس بره عاملة ازاي))) شكرا ع الموضوع الجميل ده وندعو الله ان يحفظ ابناءنا من كل شر ويهدينا ويهديهم الي صراطه المستقيم